鐘樓

21 January 2007

我鍾意去玩，係我的事，你咪理啦﹗
論資格阻我，你冇；論本事擊敗我，你冇；論理據說服我，你都冇
我依舊貫徹我行我素的處世方針

好少河一晚走幾個場：
第一站，勝利道紅魔鬼，唔得，環境同氣氛都係唔合格
第二站，係寶勒行M1，呢d先似番d樣架嘛，早知旺角嗰d咁唔見得人，晨早落tst啦
第三站，都係tst一間上樓bar，咩名唔記得喇
其實咁走幾轉都幾好丫，好有新鮮感﹗
玩到朝早5點幾，搭的士返去，但我都仲好清醒，反而非我所願，真希望一醉解千愁
差唔多訓著，你打來喎，你話如果嗰個問題問你，你會答我，真係俾面喎﹗

你上次送左隻錶俾我，一個星期後唔見左
咁今次呢個，好明顯係一個鐘樓啦﹗睇怕要一頭半個月先可以將個鐘樓拆走
頭先展示過個鐘樓，聞者稱奇

哎，唔好剩低我一個單拖得唔得呀

雖然你沒有帶來源自日本的祝福，但換來心意滿瀉，相比起嗰d人呢，好明顯有心有heart有誠意得多啦
我係講過tiffany的事，但都唔使煞有戒事咁既…
好想食火炭雞粥，好耐冇食過，唔知仲有冇以前咁好食呢，諗緊tue至thu是但一日去懷緬一番，撐唔撐我呀？

********
實在過分﹗
唔爭氣，夢遊球場，敗軍之將，真的傷透我心，唯有歎息和歎息…

敵不動我不動

19 January 2007

放假的生活，在別人眼中是多糜爛
今朝五點幾先訓，訓到三點幾，其實唔係好夠…
起身食左個杯麵，去左享受蒸氣浴，爽呀﹗
跟住約左人食飯，再去左唱k，所有節目都係緊接的，唱到三點幾，篤左串魚蛋同燒賣，返到屋企睇到個鐘係3點11
唔知係咪上兩個星期唱得太多呢，冇咩心機唱，酒都唔係好想飲，我諗同個陣容，同d腳有莫大關係，與其係咁，繼續糾纏落去都無謂啦，早d閃囉
頭先聽左好多歌囉，忽然間有想喊的感覺，好感慨，好矛盾，好無奈，好無助
我現在的處境好奇怪，如果失敗了，可能會造成三輸甚至是四輸的局面，亦可能搞到大家反目，唔係簡單一句「不成功使成仁」就可以了事
即使成功了，也傷害到人，可能只有我自己好過，咁樣做係咪好自私？
似乎按兵不動係最折衝的方法，等，敵不動我不動
我最討厭處於被動狀態，但不能掌握的事實在太多了

開心的人係最吸引的，有自信的人都係最吸引的，難道充滿煩惱的人也是最吸引麼？
頭先食飯的時候，隔離枱條仔係咁望住我，咩事呀？你身邊已經有條女架啦
你對住我笑，對住我拋媚眼，我都唔會請你食燒餓，唔啱使的野，我只會二話不說將佢掉入垃圾桶﹗

日有所思，夜有所夢

18 January 2007

天氣涼涼地，食完飯又食完雪糕，好滿足，十點幾攤喺張床度就恰著左，本來諗住瞇一瞇眼，11點睇勁歌，因為有我最鐘意的醫神，但係可能太累啦，訓著左，一訓就訓到一點半
短短幾個鐘，發左一個好夢，我夢見你，可能係日有所思，夜有所夢啦
夢見你過了一個晚上和緊接的一個下午

夢見同你有講有笑的某甲打俾我，雖然我同佢都相識，但此舉確實罕有
anyway，佢打來講左少少無聊野，主要都係講關於你的事，又send左一段關於你的短片俾我睇，好正喎，d特效做得好好
又唔知點解，你部電話落入我的手上
你從外地返來都深夜造訪，諗住拎翻部電話，傾下傾下，講左好多其他野，又玩吱啦，原來你好怕吱架，真係好好笑好好玩
後來你閃左，結果又係留低左部電話，好搞笑
因為第二日大家都放假，你知我返學，去左科大等我，我事前唔知的
我一入大門口，見到你個"friend"，我冇理佢啦，嗰時晏晝兩點左右啦
去到lift lobby見到你，你個樣好呆囉，一問之下原來你由8點半早堂開始等我
我問你點解唔打俾我，你話尋晚玩得晏，費事打俾我嘈醒我，但你自己都係丫，你咪訓得仲少過我，等左我6個鐘呀，真係傻豬
發現你都拎住個agnes b，係咪想襯番我呢？
你好有風度，自己拎住好多野都仲搶住幫我拎袋
短短的路程，你同我不斷嬉戲，我兩手fing fing，咪搶你d野來拎囉，你又扮俾晒d野我拎，我又邊扮縮沙邊搶之類啦，都係d低b無聊的野
唔知點樣一lap眼，你個"friend"目擊整個過程陰陰咀笑，我諗你見唔到，所以冇話俾你聽，因為你次次聽到佢個名都唔like，無謂啦，況且都冇需要
其實我三點幾先上堂架，我話：請你食飯啦，補償番你罰企左咁耐
你話去葵芳食，玩野呀﹗
但我同你朝著搭車的方向行走左…

好夢至此，忽然乍醒，好像要我好好記住呢個夢一樣

********
為何望來望去，仍無下文…
後來先發現原來你有苦衷的，算啦，原諒你啦﹗

每個星期都有一個cycle，一個星期前的今日，我又做垃圾，今天也如是…
幾時先唔會重覆犯錯呢？

唔知點解好想飲可樂，不過今次我唔係唔開心喎﹗

********
今日真係奇遇一鑼鑼
凌晨四點11分，收到你的電話，竟然未訓，否則俾你嘈醒，去玩又而家先call我？冇心就冇心啦﹗
凌晨越夜越多人在msn叫我，真係古怪…

心情反覆，亦開始變得猜疑
將走之人，總會估下d人對我的態度會唔會有變，會唔會以為我係嗰d渣流攤，矇混過關的人，sorry，我唔會，千萬個不願意做的事，我會一如以往，可以堅持的都會堅持下去，唔會破壞自己名聲

仲有，頭先遊網時睇到一個藝人網頁，竟然有我個名，不過好在冇相冇其他資料
都話一子錯滿盤皆「六索」啦
其實件事係咁的…
話說都試過好多次，有聲稱model公司的工作人員在街上截停我，地點如cwb、旺角、tst地鐵站、又一城，返緊工搭車途中都試過
係咪我個樣易呃，似發明星夢呢？
嗰次點解會落塔，係因為在又一城，我等個friend一條友行街，我喺某間舖頭試衫時，已經發覺有人望住我，初時冇理佢啦，跟住周圍行，我以為我撇甩左佢，後來在某間舖頭外睇pooh的陶瓷公仔，嗰條友滿頭大汗遞上咭片，係某間製作公司的人，問我以前係咪有拍過野之流啦，我話冇興趣，佢都lur住話，知道出面成日都講呃人做model，對佢地呢行好多誤會，但真係覺得我適合…
呢個時候我個friend出現，不斷encourage我去試，咁佢陪我，咪去囉，事後諗番，其實發明星夢的係佢
填左張form，即時影左幾張相板，冇化妝，好plain，但當時梗係冇而家咁殘樣啦
冇join過任何course，冇俾過一分一毫，後來都接過幾個job，例如配音、影雜誌硬照、花瓶演員啦
只有配音覺得ok，但影相我都覺得自己好唔自然，做戲更加冇天份啦，佢再搵我接job，我都推晒，聲稱去外國讀書，短期唔會返hk，叫佢唔好call我，呢件事告終
真係估唔到我會榜上有名…

update: 0511

保重

17 January 2007

因為尋晚個internet shot shot地，尋日篇blog冇save到，今日一次過upload晒啦

呢排心情乍喜乍悲，百感交雜，唔知點樣形容這種奇怪的心情，最好不過係借用各填詞人的歌詞，盡訴心中情

醞釀了一段一子，終於都係時候講了
我決定走了，我放下字條
走得有型，總好過留低打擾
我決定走了，我拒絕動搖
讓我脫身了，也夠慶祝了

尋日都講過類似的一番說話，但感覺仍很強烈…
為我你要好好自己保護自己，慢慢的學習不要乾焦急
一步一步走出每一個谷底，堅定不移
為我你要好好自己保重身體，在每一段的路總會一身污泥
心肝寶貝﹗不要懷疑，最愛就是你…
你，你是我一生的唯一，你的聲音，你的鼓勵，我的意義﹗

********
開始覺得唔捨得你，幾日冇見，好想同你講下野，好多野想同你share，例如一d冤屈，一d畸呢野，一d傻事，一d威水野
同時亦想知道多d關於你的一切，你有咩奇遇呢？有冇掛住我？只要我的名字或容貌，曾經在你的腦海閃過一次，我也於願足矣
地球另一端的你，這一刻想著甚麼？

你在我右手烙下的痕跡，還有疼痛的感覺
其實這是確確切切的痛，還是幻想中虛無的痛呢？我也未能明辨…

聞說好多人病左，大家都要好好保重身體﹗

點解？

15 January 2007

我為你付出咁多，我有幾鐘意你，你真係唔知咩？
你總是裝出愛理不理的樣子，又要讓我看見你，但又不容許我靠近你，總愛故弄玄虛，我真係受唔住了﹗
點解？鐘意的得不到手，唔鐘意的卻飛撲埋來
咁樣係咪好好玩？玩夠未呀？

如果這一秒鐘你跟我講你不愛我，也不至於是我的世界末日
雖然沒有你，但今日一切還好

********
頭先見到一個好似係你的背影，我唔敢肯定，其實講得白d，係唔想肯定，反正我都唔想俾你見到我，費事啦，與其見到唔知講咩，無言以對，不如不見

仲有呀，其實呢番說話頭先都同你講過，喺呢度講低，當係留個記錄啦
你要學下自己處理問題，有d野上網係搵到的，你自己試下啦
我可以俾你當做倉頡字典、百科全書的日子，仲有唔係好多
你要學下自己照顧自己，我走左，冇人俾你問，唔通你成日打俾我問咩？遲d我唔喺度，唔可以再睇住你，你要自己照顧自己

我要你撐我﹗

13 January 2007

尋日又玩通宵，基本上我三點幾起身，食左少少野就call馬confirm d人啦
由7點幾開始唱k，唱到5點半左右，即係間野打烊先閃，唱到天昏地暗，飲到high high地，迷迷糊糊
哈哈，我打趣道同返工一樣，玩左10個鐘，返工都係返10個鐘
大家都幾enjoy我提出玩的「打手板」玩意，其實打人的同時，自己都痛，玩埋d自殘野，其實大家心裡都有種虐與被虐的傾向，大家都想打下人，宣洩一下，暗地裡都有變態的一面，唔好淨係話我喎
走的時候搭你的順風電單車，起初的酒意，都吹到煙消雲散﹗
你同我的「牙齒印」呢，今日仲好深刻，睇怕唔係一時三刻話冇左就冇左

看見終點漸近，這是一份望見家鄉的喜悅，希望呢段正在每分每秒倒數的日子，有你繼續撐我
其實我都唔係你地想像中咁硬淨，我都想有人撐﹗
really thx your love and support，令我打敗了最開始時失落的感覺
不過，我依然係玩得起，放得低的一個

今日唔知點解，唔係好眼訓，訓到十一點幾自己醒左，因為冇節目，所以唔起身，訓下醒下訓到3點幾
突然某人邀約見面，哎…
有d人唔想見但都係要見，好煩，但無奈，唯有黑面
有d人唔想同佢講野，佢又不斷搵話題同你傾計，要按捺自己，嗰種滋味很難受，你明唔明？
唔想見又一定要見的人，往往都係得幾種架啫，你咁醒，明我講咩既﹗

將進酒

12 January 2007

頭先睇左段clippings，都幾畸呢

睡眠不足會影響精神狀態，原來睡眠過多亦不是好事。有法國睡眠專家指出，喜歡賴床、經常做夢及長時間睡眠超過8小時的人，其實都是病人，應該到醫院求診…《明報》

我成日都嚷著要冬眠，成日都話眼訓，一放假就訓到日上三干都唔夠，哈哈，我係咪要睇醫生？唔食藥得唔得呀？唔打針唔得呀？

********
晚上fat angelo's 聚會前，心情的確很緊張，戰戰兢兢地逐個逐個相約你地，勁怕你托手踭，誠邀你出席，你唔去就冇意思啦﹗
不過，結果大家都一呼百應，真令人心花怒放
預先諗好的台詞，講左，一早做好心理準備，不過對手的回應，超出我所想，真高招﹗

真係好想去玩，出走了的心，還未回歸
飲酒，飲到天昏地暗，不好嗎？最起碼不是一個人獨自斟酌
掛住臂彎，掛住被擁抱的溫暖，見到你總假設一下被你摟著的感覺
人真係好有趣，一個人來到呢個世界，走的時候一個人走，但期間總愛三五成群，搵番個伴令自己添了煩事、添了樂事
我一個人，幻想、冥想、朝思暮想…
我個超人呢？有人蝦我的時候，幫我出頭，幫我打怪獸，幫我擋風遮雨…
我個醫生呢？我生病、生氣、生活苦悶的時候，為我調藥、為我調解風波、為我調情…
每日都會搞盡腦汁，想出新奇刺激哄我的技倆，這個你在嗎？
你仲未浦頭，都係吟下詩…

人生得意須盡歡，莫使金樽空對月。
天生我才必有用，千金散盡還復來。

岑夫子，丹丘生，將進酒，君莫停。
與君歌一曲，請君為我傾耳聽。
鐘鼓饌玉不足貴，但願長醉不用醒。
古來聖賢皆寂寞，唯有飲者留其名。

五花馬，千金裘，呼兒將出換美酒，與爾同銷萬古愁。

一舊垃圾

11 January 2007

今日做左一舊垃圾，又係嗰句，知之為知之

夜晚約左你兩個食飯，本來去寧記打邊爐，但太多人啦，我兩個渣主意，諗住去食韓燒，坐低左通知你，點知你又唔鐘意喎，十萬個藉口，總之好搞笑啦，開左位都走，佢都幾拗底，好搞笑，我叫佢lap袋就走，唔使理，有人叫住都唔好理
跟住去左福苑囉，都ok既，唯一嫌d位迫左d啦，同埋大家好似唔係好飲得咁，飲到到喉唔到肺，感覺怪怪
不過飲酒真係好開心，我而家開始明白，原來我都愛嚐杯中之物﹗
對住你兩個，忘記了他，嘻嘻，忘記了他對我問候一句，忘記了他講過一聲再見
但一上車又諗番起佢，點解呢？唔通真係不能自拔？

時分秒在倒數，真應該好好好珍惜﹗

攻心遊戲

9 January 2007

攻心為上，我攻陷了你沒有？
久攻不下反被攻，是不是很諷刺？
你不要用那看似銳利和電力十足的眼神望著我，我會回敬你一雙水汪汪、楚楚可憐的明眸
分明是引我注意，但又裝作若無其事，令我陷於苦思、疑惑、懊惱
忽爾熱情，忽爾冷淡，我也要你認為我無從觸摸、揣摩、推敲
對你一句稱讚，你卸下防禦，往你內心進佔一寸，但不知不覺間，你也偷襲得手
這個遊戲，會一直玩下去

出人意表

9 January 2007

本來諗住眠一眠先出去，但結果都係掛住爭霸，還是爭霸到底

今日有很奇怪的感覺，總係患得患失
我的設計對白冇講出來，預先彩排的情節也沒有上演，也好﹗

如果某些事情，講左出來反而引來猜疑與不安，係咪唔講好過講呢？
如果某些事情，做左出來會搞到天下大亂，人心惶惶，係咪唔做好過做呢？
但往往結果跟動機難以一致，總是出人意表…

我要酒

8 January 2007

天氣雖凍，但食一袋又暖又大粒又甜的炒栗子，真係幸福﹗
早兩日先話想食咖喱薯仔雞翼，尋晚就食到咖喱雞，好幸福，嘻嘻﹗

尋晚去左唱k，真係玩得好癲，咁先可以釋放內心的鬱結…
每個人都有一個故事，每個人都有一件有口難言的事，每個人都有一個死穴
在座各位，你有哪一件令你心煩的事？
頭先瞓到晚上七點，睡得熟，撇下煩事大半天

我要酒﹗
酒，係咪可以令煩事消失？
天下無不散之筵席，飲完就要散，散左之後，煩事也消散？
但總忘不了拿著酒杯的感覺，很喜歡酒逢知已歡聚一刻的情景
酒，始終逃不過放下的一剎，不捨得又如何？下回再續吧，我又點會忘記你帶給我的特別感覺呢？

我要酒﹗
酒，令人膽子大起來，有一股不知從何而來的勇氣
熒光幕顯示師兄的《誹聞男友》，我話：呢首我識唱，而且我仲有好多丫﹗
不過其實點解飲酒反而會口渴呢？

********
跟你不約而同吃火腿通粉早餐，晚餐跟你吃過粉麵，兩個人一同步往路口說聲再見
這路程得幾分鐘真是太短

人海中，為何碰上你？
如何教我結識你，怎麼相戀？
為何坐到那麼近，卻想得這樣遠？人浪為何會流轉？
從前伴侶碰不見，你我偏可遇上，人寂寞便愛幻想…
若幸運一點一早找到你，但幸運可否擔保得到你？
若命運叫我只懂喜歡你，但願亦有幸懂得留住你…

你

6 January 2007

寒暄，我本來就不慣，但今日我竟然這樣做
我覺得自己很假，就像西施一樣，口中有一大堆哄人的說話備用，隨時找到合用的，不加思索地、不經意地、像是發自內心地使出套住人心的一席話

你，對你極度迷戀
想起你會笑，看到你會笑，只是永遠也沒法摟著你笑
喜歡看到你的眼神，跟我一樣，你都是單眼皮的
迷人的一雙明眸，對著我笑，對著我憂，勾掉我的魂魄，但永遠都看不厭，看不膩，越看越著迷…
只有你是我的知心，只有你才能從我的瞳孔中閱讀我的喜樂
跟你一起，永遠不需要說話，你跟我的牽連，一早就是命中注定

我是宇宙最後一位花國的孩兒
你是日夜守候我的光影

亂

5 January 2007

他跟他談論你，好似係講說話俾我聽，咩意思？
點解你有野唔自己講，要他代你講？定係他咁多事，非要講你的事俾我聽不可？

真係好喇，今日見到你，梗係捉住你吹番幾句水先啦，尋日見到你，哎，咪提喇，只係得點頭say句hi的時間
我真係覺得你唔同左，不過今日見到你，仍然有呢種感覺：但如果你唔係咩，我諗我可能會冧你﹗

繼續每日爭霸，范郎…
活在當下，其實而家咪又係一個亂世
亂不在時局風雲，亂在人心

天氣又再轉涼，真合我意，我最鐘意始終都係冬天

玩火

4 January 2007

呢排不斷在玩火，不斷挑戰極限，我知趁還未搞出d咩大頭佛，應該收手，但心野，不想回歸
腦袋去了旅行；意志也去流浪；心跑了去偷歡；眼睛也要出走一趟
係咪要下十二道金牌召佢地返來？

祝你旅途愉快，玩得開心d啦，唔使掛住我喎

一

3 January 2007

正所謂一子錯，滿盤皆「六索」
行錯一步，講錯一句說話，做錯一件事，會引起軒然大波，呢個道理，我又點會唔明呢？
但人往住就係咁，一時鬼掩眼，唔清醒唔理智，可以怪誰？
咁大個人，有咩唔可以面對喎，如果覺得此舉足以娛賓，有咩相干啫﹗
咀巴長在你的臉上，隨便讓它發揮所長
跟我相識相知的你，一定明白我的脾性，又點會介意你的口舌招尤呢？

因為這一線之差，令緣起緣滅
今日，只是差一點點，就跟你緣慳一面，然而千鈞一髮之際，我都能與你偶遇，呢件事足以令我展露歡顏，開心半天
沒有相約卻現的一點靈犀，我看得出你也為此感到驚喜，沒有預謀的邂逅，猶如兩條平衡線相遇般充滿傳奇
你有沒有同感呢？

我也發覺想念你的程度去到了似傻還瘋的地步，心如鹿撞，含畜的四個字實在不能形容心中的狂野
那團在燃燒的火，為你點起

人群中仍掩蓋不住孤單的心境

1 January 2007

原本以為要一個人過除夕，好在最後關頭都有人約
不過最想見到的人，都係見唔到，的確有d失望，人群中仍掩蓋不住孤單的心境
熱鬧，反而令我感慨
世界頃刻間停頓了，嘈雜的酒吧轉為靜音模式，聚光燈下的我，內心不斷呼喚你的名字，可惜你聽不到
為甚麼只許我想著你，想念你？
其實如果你喺度，送我返屋企的，會唔會係你呢？

呢個世界好有趣，有trouble maker，有trouble killer，互相發揮作用，令各人都有所寄託，填滿你我的時間表
多謝你做我的超人，為我紓困解憂

曾經聽過一套理論，大腦其實好蠢，只要不斷向大腦講同一個訊息，大腦就會信以為真，例如不斷諗住我做得到，我做得到，大腦就以為自己真係做到，結果發揮小宇宙，將事情辦得妥妥當當
我話俾自己聽，我好開心，我好開心，呃到人，呃到平日彷彿清醒的自己
但係飲左幾杯，似醉非醉，呢一刻先最清醒
其實我一直都唔開心，其實我一直都係自己呃自己
其實乜野叫清醒？

左腳膝頭損左瘀左，好痛…

********
他被處決，還要被拍下整個情況
他殺了他們，但你殺了他
你跟他有甚麼分別？
正所謂殺人者，人亦殺之
幾時輪到你？

此地無銀

31 December 2006

尋日返左公司睇隻罐頭，我唔係信唔過人或者乜野，只係覺得我有責任跟番，如果我冇睇過，有咩出錯對邊個都唔好啦，突登返來係就係哂時間，唔方便架，但買個安心囉

返去前收到一份新年禮物，其實亦可以話係一份遲來的聖誕禮物，既然係咁，等埋你食飯同你sahre
而家諗番，忽然有好奇怪的感覺，係，短短一餐飯，講左好多秘密，但諗番對話以外的一些枝節，真係好古怪囉，點解要搞到神神秘秘？
一齊食餐飯啫，又唔係乜野不可告人的事，你做的一舉一動，極之此地無銀
你真係介意的話，一早出聲囉，下次方便d先囉，又唔係真係咁急…
哈哈，竟然係我送你返去喎，有冇風度架你﹗
之後收到你的sms，但漏了一句thx，你呀，記住我的reply message喎
其實除左呢一點點奇怪感覺，整體來講我都好enjoy呢個gathering，下回再續，但唔好再咁鬼祟囉，ok？

夜晚打牌+唱k活動=玩通宵
紅酒+芝華士+啤酒=頭暈+頭痛，真係攞來搞…
唔單只咁，仲搞出好多秘密，總之請放心﹗

嚴重渴睡症

30 December 2006

患上嚴重渴睡症，睇醫生會唔會好架？食藥會唔會好架？打針會唔會好架？
我唔係唔訓覺架，日日訓8個鐘，一dat落床就訓到天光嗰隻，但總想可以訓多十個鐘

要面對的事終於都要面對了，我諗係時候了
之前賣左咁耐關子，唔差在賣多一陣啦
其實已經有人知道的了，but anyway大家密切留意呢度啦，即將有野宣布

你病左，有冇事呀？
冬天，錫自己多d，著多d靚衫上身，唔好俾自己凍親；食多d好野落肚，唔好俾自己餓親

係咪要練仙呢？定係想挑戰我饑饉的極限？點解三日唔埋兩日就要咁喎…
眼訓+肚餓+疲倦+繁忙=浮躁
點解有人會有精神病，點解有人發神經，好多時都係人為，俾某d人迫出來，俾環境迫出來

靠近

29 December 2006

我一直都話事無不可對人言，所以就算有我唔鐘意的人，我好討厭的人，我親愛的人，我唔識的人睇到個blog，又講左d俾你「穿鑿附會」下，覺得唔啱聽或啱聽的說話，我都覺得冇所謂
但我講過好多次，喺度講的野，呢度講呢度散，叫你reply又唔reply，算係點？
其實我一直都明白，一直都理解
自己做的事自己負責，自己講的說話，也要為此承擔後果
我知道慎言的重要性
即使我喺度講的野，都有一套我信奉的理據
大家觀點與角度不同，咪喺度討論下囉，反而將虛擬帶去現實，在我沒有機會同你對質的情況下攻擊我，批鬥我，算係點？
況且，你又知我講你？
你穿鑿附會咁叻，係，我係話你冇品
尤其係嗰d唔知點樣，鬼鬼鼠鼠唔知點樣好轉折搵到我個blog嗰d呢
我唔會嬲，只係覺得你冇品啫，對住你呢d咁無聊的人，唔使用腦諗都知，唔使為你呢d人而改變我的作風啦，況且我一向都係我行我素架啦﹗

夜晚峰壽司，返到屋企有d肚痛添，初初仲懷疑係諾沃克，心諗唔係咁邪中左呀…
而家冇事啦，都怪自己貪吃，頭先食得太多野，食濟左

喺公仔箱見到你，真係想哄埋去，同你靠近一d，嘻嘻，係咪好變態呢…
其實真係好冧你，真係好想試下攬下你的感覺
但話唔定攬完我又唔冧你呢…
如果日日都可以見到你，聽到你把聲就好lu

如今，怎算好？
我亦在計數，太痴心沒好報
無奈我，拿著愛，當一個奢侈嗜好
憑歌，令我傾倒
你是台上明星，猶如提醒我：別逃