26 November 2007
他咳住都陪我碌落cwb食豬潤魚片粥，thx其實我平時唔食豬潤，但呢檔野呢個粥真係好好食，只會喺呢度食豬潤
喝住他，咳就唔好食煙啦
我：食煙能醫百病呀？
他：飲酒能醫百病
冇病去睇醫生，到真正病的時候又唔睇醫生，人就係咁犯賤
anyway，病人最需要一句關心，take care
十一月真係好多人生日，頭先打俾生日的他，但忘記了他身在泰國
他：頭先推個蛋糕同枝香賓入來，但得我自己一個，如果你而家喺我身邊，你話幾好呢﹗
最多你返來同你開枝紅酒談談心喇﹗
不過十二月仲多人生日呀，最緊要都係我生日啦，嘻嘻
一早問過你會唔會做選舉擂台，已經唔記得左你當時的答案，大意係要到時先知，結果，就係「撞」你唔到
其實我係咪真係好假呢？對住唔想見的人，都可以social佢
事情起了微妙變化，她想向我示威，但示威不成，哈哈
我相信我和她之間，心底裡都知道發生甚麼事
烤鴨味百力滋己經由北京空運到港，唔知幾時到手呢…
我們也許能騙人，但不能騙自己
我不是說我們在撒謊，但似乎我們將一些事放得太大了，知情者就會覺得我們浮誇…
知之為知之，了解事情始末的，就知我們所指的是甚麼事
星期一, 11月 26, 2007
與紅顏知己相遇
24 November 2007
頭先終於記得打俾他，我有諗過他會唔會唔喺屋企呢？他會唔會唔記得我呢？他會同我講d咩呢？喺電話度搵番他個冧把出來時，竟然有d緊張，的確有d期待…
但呢個時候，一如以往，他阿媽聽電話
媽：他沖緊涼喎
我：我係他xxxxx，xxx，你叫他打番俾我丫
媽：哦，惠霞呀
我：(有d尷尬)係呀但我叫唔出一句auntie…
他打番俾我…
他：你係邊個呀？
我：咁你又係邊個呀？
他：(玩野口吻)你係惠霞呀…
我：係呀，我係潘惠霞
他：我阿媽咁叫你…
雖然唔係傾左好耐，但呢段對話勾起好多回憶
「你細細個嗰陣」係我cue左他的bite
講講下他直接開門見山地問我的感情生活
他：人地當你藍籌股，落重注，你就講埋d風涼話
他：人地當你藍籌股，落重注，你就講埋d風涼話
我：哎…
講唔講感情問題，就係friend唔friend，有幾friend的分別，同事之間唔會分享感情事，所以就係同事，即使係friend friend地，有時都覺得問感情問題好似唔知點，正如上次我問同某人friend friend地的朋友甲，知唔知某人仲係咪同某君一齊，朋友甲話唔知，回應一句：呢d野好少問好少講喎
不過，我和他就係咩都可以傾，毋需顧忌地傾的好朋友，或者就是紅顏知己嗰類，事隔多年也如此
他：你又知我喺加拿大返左來
我：我都係搏一搏架咋(其實應該回應他一句：我feel到)
他：但好忙囉，都唔知今次喺香港留幾耐，成日都美國、大陸幾邊走，我做呢行過左聖誕節先得閒d
我打趣道：唔知如果我地喺街度撞到，我認唔認得你，你認唔認得我呢？
他：點會唔認得？
我：我驚你肥到我唔認得
他：你肯定索左好多啦，但我都一定認得
期待我和他的約會，見到他時一定會再叫當日給他起的花名，每次叫他都會笑得靦腆的花名
也特意為blog的背景音樂換上《粵語殘片》，一同尋回初戀感覺
返夜周的最後一日，晏晝三點去老麥買左個至尊漢堡做早餐，係只係一個包，汽水唔飲得，炸炒薯角都唔食得，咪只可以買一個包囉
食麥記，原來係一件好幸福的事
每次病都以為自己就來死去，尋晚又經歷過一次死裡逃生…
每次病都以為自己就來死去，尋晚又經歷過一次死裡逃生…
msn暱稱改為差唔多失聲，尋晚，失左…
抖唔到氣，講唔到野，想叫救命都叫唔到，好狠辛苦，真係諗過使唔使打999叫十字車，但出唔到聲，點打？sms call白車得唔得？
不過，而家咪又好地地，生吽吽喺度囉，嘻嘻
自上一份工同住而家呢度之後，搭多左好多好多小巴，每朝返工都搭小巴，今日又係搭小巴返工，明明早d落近d，但為左唔叫落車，搭到去總站，因為到而家都唔習慣叫落車，這個不習慣已經成為我的習慣…
有一次同他搭小巴，他問我喺邊落車，我話喺xxx落
我：咁你一陣叫落車喇喎
他：你識路你又唔叫？
我：你有冇風度架？
他：我都估到你咁講架喇
搭小巴，耐唔耐都會諗起呢件事
北京空運到港的，竟然係兩本足球書，well…
剪片房見到塊白板，技癢起來
唔知有冇機會見到你呢？
23 November 2007
還是忘記了找他，不是甚麼原因，真係係忘記了咁簡單
好好笑的電視劇，笑到濁親
對於本身係一個病人的我，濁親就抖氣唔順，成晚都唔舒服
星期日做主人家，擺下擂台，招呼各位，唔知有冇機會見到你呢？但肯定知道的就係一定會見到一個我唔想見到的人囉…
頭先睇一本雜誌的星座運程，平日我真係甚少睇，但既然是一本創刊雜誌的星座運程，即管睇下有學者曾經研究呢d運程預測，點解d人會覺得準，其實係一個印象，一個錯覺：一段說話有好多句，整體都係寫埋d大路野，準係因為其中個別一兩句，正所謂聽者有意，覺得有一兩句講中左，就覺得成段都準，但如果將d句子拆開，逐句問佢覺得準唔準，又係另一回事，anyway，準唔準唔係我追求的事
人馬座的我，係本月之星，運程如下：
愛情：最近對拍拖沒甚麼憧憬--準縱使有人對你表示好感，你也不甚感動--準心中還是放不下過去的感情--準
事業：工作表現穩定順利--準上同和同事都對你信任有加--唔知道對於一向追求目標的你，就像走進迷霧中，摸不清自己真正的方向--準
健康：整體的健康指數不錯--唔準對於應酬活動樂此不疲--準你容易一生就是大病--準
財運：你總是買了再算，忽視財政管理--準每逢糧尾就變成窮鬼--準
係，準的多，唔準的少，但有冇留意每句都係d大路野，都係d行野，呢d所謂占卜預言，針對任何一個星座或生肖都沒有問題，咁應該叫佢準咩？
對於你剛才所講的遭遇，我深表遺憾，換著是我，都可能會不知所措、忟憎、無奈…
還是忘記了找他，不是甚麼原因，真係係忘記了咁簡單
好好笑的電視劇，笑到濁親
對於本身係一個病人的我，濁親就抖氣唔順，成晚都唔舒服
星期日做主人家，擺下擂台，招呼各位，唔知有冇機會見到你呢？但肯定知道的就係一定會見到一個我唔想見到的人囉…
頭先睇一本雜誌的星座運程，平日我真係甚少睇，但既然是一本創刊雜誌的星座運程，即管睇下有學者曾經研究呢d運程預測，點解d人會覺得準，其實係一個印象，一個錯覺：一段說話有好多句，整體都係寫埋d大路野，準係因為其中個別一兩句，正所謂聽者有意，覺得有一兩句講中左，就覺得成段都準，但如果將d句子拆開，逐句問佢覺得準唔準，又係另一回事，anyway，準唔準唔係我追求的事
人馬座的我，係本月之星，運程如下：
愛情：最近對拍拖沒甚麼憧憬--準縱使有人對你表示好感，你也不甚感動--準心中還是放不下過去的感情--準
事業：工作表現穩定順利--準上同和同事都對你信任有加--唔知道對於一向追求目標的你，就像走進迷霧中，摸不清自己真正的方向--準
健康：整體的健康指數不錯--唔準對於應酬活動樂此不疲--準你容易一生就是大病--準
財運：你總是買了再算，忽視財政管理--準每逢糧尾就變成窮鬼--準
係，準的多，唔準的少，但有冇留意每句都係d大路野，都係d行野，呢d所謂占卜預言，針對任何一個星座或生肖都沒有問題，咁應該叫佢準咩？
對於你剛才所講的遭遇，我深表遺憾，換著是我，都可能會不知所措、忟憎、無奈…
最平凡的留給最特別的
22 November 2007
呢個世界其實真係好細，頭先講起某d野，我問她識唔識xxx，原來她同xxx好friend，我話我識xxx細佬，講起他的往事
其實我同他之前都真係好friend，我和他之間，巧合的事有一堆，錯過了的事有一堆，難忘的事有一堆，曖昧的事也有一堆
當年他跟她一起，差唔多同一時間，我跟另一個他一起，好像我和他之間多了一點東西，亦少了一點東西
直到後來他去左外國讀書，事情還沒有解決，一直冇聯絡，只記得有他屋企的電話號碼，269…
忘記了
很想找到他，有很多說話想同他講…
所以剪完片返屋企，周圍摷，終於搵番他的屋企電話冧把出來
期間睇番一d他寫過俾我的說話
「嗰時我真的好感激你」原來我曾經大癲大肺做過的事，拯救過呢顆弱小心靈，哈哈
腦海裡浮現了跟他一起的往事…
同他睇戲，堅持要買情侶小食套餐；同他食晚飯，食西餐鋸扒的地方食牛肉丼；會考前一晚傾電話傾通宵冇溫書冇訓覺，第二朝就碌去考試；在鍾意幫人起花名的他口中，我獲得一個"zip zip"的稱呼
得到他一幀他稱是「極具珍貴」的兒時照片，原來，珍藏至今
朋友是甚麼？
平日君子之交，淡淡然如水也不成問題，只要在生病時送上一句關懷，在需要支撐時扶一把，就足夠了
不用多言，多謝你簡單的一句說話
執野時仲睇到以前的日記，對，我有為每本新的日記簿寫序的習慣
曾經賦予日記的意義，是記低我跟他的事，但隨年月當然也起了變化
隨便牽開一頁，當日自己寫的說話，今日竟然看不懂
其中一本日記夾著一封信，他在外國讀書時，趁我生日時寫給我的信，記得是較準正日生日當天寄到我家，如今想來，整件事都很窩心還是明天趕緊搵他吧﹗
英格蘭是令人極度提心吊膽的，最後一場分組賽，雖然未至於是要破釜沈舟，但都要醒醒定定攞一分先可以出線，竟然…
狂攻唔入，錯失良機，但一個屈尾十，龍門卡先生喺龍門口睇波，14分鐘主場輸緊二蛋，真係唔知咩料
下半場好好彩地得到一個十二碼，林先生將個波放入網，跟住高先生在10分鐘內追多球，2-2，其實一分可以收工但係英格蘭d畸呢野，冇保證…
哎，76分鐘又lai野
結果咪出線囉，出左條線，暑假終於有得抖，可以去旅行啦，唔使再怨chur到盡
我最多都係冇左隊愛隊囉…
呢個世界其實真係好細，頭先講起某d野，我問她識唔識xxx，原來她同xxx好friend，我話我識xxx細佬，講起他的往事
其實我同他之前都真係好friend，我和他之間，巧合的事有一堆，錯過了的事有一堆，難忘的事有一堆，曖昧的事也有一堆
當年他跟她一起，差唔多同一時間，我跟另一個他一起，好像我和他之間多了一點東西，亦少了一點東西
直到後來他去左外國讀書，事情還沒有解決，一直冇聯絡，只記得有他屋企的電話號碼，269…
忘記了
很想找到他，有很多說話想同他講…
所以剪完片返屋企，周圍摷，終於搵番他的屋企電話冧把出來
期間睇番一d他寫過俾我的說話
「嗰時我真的好感激你」原來我曾經大癲大肺做過的事，拯救過呢顆弱小心靈，哈哈
腦海裡浮現了跟他一起的往事…
同他睇戲，堅持要買情侶小食套餐；同他食晚飯，食西餐鋸扒的地方食牛肉丼；會考前一晚傾電話傾通宵冇溫書冇訓覺，第二朝就碌去考試；在鍾意幫人起花名的他口中，我獲得一個"zip zip"的稱呼
得到他一幀他稱是「極具珍貴」的兒時照片，原來，珍藏至今
朋友是甚麼？
平日君子之交，淡淡然如水也不成問題，只要在生病時送上一句關懷，在需要支撐時扶一把，就足夠了
不用多言，多謝你簡單的一句說話
執野時仲睇到以前的日記，對，我有為每本新的日記簿寫序的習慣
曾經賦予日記的意義，是記低我跟他的事，但隨年月當然也起了變化
隨便牽開一頁，當日自己寫的說話，今日竟然看不懂
其中一本日記夾著一封信，他在外國讀書時，趁我生日時寫給我的信，記得是較準正日生日當天寄到我家，如今想來，整件事都很窩心還是明天趕緊搵他吧﹗
英格蘭是令人極度提心吊膽的，最後一場分組賽，雖然未至於是要破釜沈舟，但都要醒醒定定攞一分先可以出線，竟然…
狂攻唔入，錯失良機，但一個屈尾十，龍門卡先生喺龍門口睇波，14分鐘主場輸緊二蛋，真係唔知咩料
下半場好好彩地得到一個十二碼，林先生將個波放入網，跟住高先生在10分鐘內追多球，2-2，其實一分可以收工但係英格蘭d畸呢野，冇保證…
哎，76分鐘又lai野
結果咪出線囉，出左條線，暑假終於有得抖，可以去旅行啦，唔使再怨chur到盡
我最多都係冇左隊愛隊囉…
玩樂能醫百病
21 November 2007
今個禮拜剪片，真係純粹剪片，唔使同時間跟其他野，所以剪片周=返夜周
夜晚是屬於我的生活，越夜越精神
聲沙喉嚨痛，連續咳個不停，但仍冒住失聲的危險，去唱k、飲酒、猜、玩、擘
唱緊歌時好地地，放低枝咪就咳；飲緊酒時好地地，放低杯酒亦咳；猜緊玩緊都好地地，骰盅一離開隻手都咳…
所以，除左拖羅能醫百病，玩樂亦能醫百病
新學識的骰仔遊戲=好玩+喪嗌+怒飲，真係聲都變埋
一日俾人炸兩次，well…
他專程送來喜帖，再由我代炸他人，惹來小誤會
她傳來好消息，真係要恭喜她，快d收心養性喇﹗
他上京了，北京落雪呀，好凍
一路同他msn，他一路執野，我叫他記住記住帶羽絨、手套、頸巾、冷帽、暖包、superwarm
其實如果著對絲襪再著褲會更暖，唔係講笑架，i am so serious
take care
我諗你冇諗過電話會在清晨5點響起，亦唔會諗到我會打俾你，surprised？
今個禮拜剪片，真係純粹剪片，唔使同時間跟其他野，所以剪片周=返夜周
夜晚是屬於我的生活，越夜越精神
聲沙喉嚨痛，連續咳個不停，但仍冒住失聲的危險，去唱k、飲酒、猜、玩、擘
唱緊歌時好地地，放低枝咪就咳；飲緊酒時好地地，放低杯酒亦咳；猜緊玩緊都好地地，骰盅一離開隻手都咳…
所以，除左拖羅能醫百病，玩樂亦能醫百病
新學識的骰仔遊戲=好玩+喪嗌+怒飲，真係聲都變埋
一日俾人炸兩次，well…
他專程送來喜帖，再由我代炸他人，惹來小誤會
她傳來好消息，真係要恭喜她，快d收心養性喇﹗
他上京了，北京落雪呀，好凍
一路同他msn，他一路執野，我叫他記住記住帶羽絨、手套、頸巾、冷帽、暖包、superwarm
其實如果著對絲襪再著褲會更暖，唔係講笑架，i am so serious
take care
我諗你冇諗過電話會在清晨5點響起，亦唔會諗到我會打俾你，surprised？
話俾你最信任的人聽
18 November 2007
今年結婚的人多的是，今日再出席了一個舊同事的婚禮，再一次肯定「結婚係一件好恐怖的事」的感覺
唔係話唔尊重別人的信仰，而是為甚麼要深信一個唔知有冇存在過、唔知係咪真係咁神奇的耶穌，點解唔信自己？點解伴侶係耶穌賜？乜幸福唔係自己爭取架咩？
真係榮幸成為你信任的人，為小天使加冕
我和你之間實在有太多的巧恰，又應該怎樣解釋？
夢中體罰他對於怕唧的人，唧佢係最殘酷最不人道的對待，哈哈
繼續沉淪記…稿，寫得好慢，真係好好好用心寫，但事隔太耐，有些感覺遺失了原本以為聽日，18號區選的日子走得甩，可以…但結果都係唔ok，為保險計提早一日開始漫長的剪片周
沉淪記最後一站，穿越雲南和西藏，去到茶馬古道…呢句說話係近期用得最多，就來成為左口頭譂請密切留意12月9號同16號，財經資訊台周日晚上十點半，《尋龍記》埋齋之作
今年結婚的人多的是，今日再出席了一個舊同事的婚禮，再一次肯定「結婚係一件好恐怖的事」的感覺
唔係話唔尊重別人的信仰，而是為甚麼要深信一個唔知有冇存在過、唔知係咪真係咁神奇的耶穌，點解唔信自己？點解伴侶係耶穌賜？乜幸福唔係自己爭取架咩？
真係榮幸成為你信任的人，為小天使加冕
我和你之間實在有太多的巧恰，又應該怎樣解釋？
夢中體罰他對於怕唧的人，唧佢係最殘酷最不人道的對待，哈哈
繼續沉淪記…稿，寫得好慢，真係好好好用心寫，但事隔太耐，有些感覺遺失了原本以為聽日，18號區選的日子走得甩，可以…但結果都係唔ok，為保險計提早一日開始漫長的剪片周
沉淪記最後一站，穿越雲南和西藏，去到茶馬古道…呢句說話係近期用得最多，就來成為左口頭譂請密切留意12月9號同16號，財經資訊台周日晚上十點半，《尋龍記》埋齋之作
東主事忙
15 November 2007
concert後遺症=怕悶+喉嚨痛…
哎，真係得閒死唔得閒病，要寫稿，但進度勁慢，下個星期就要剪片，過一連五日的非人生活
醫生，唔病得唔得呀？
一係唔食，一係喪食
講的係cpk，三日內食左兩次，真係好crazy
最近突然沉迷電視劇，陳夢吉大戰哨牙妹
concert後遺症=怕悶+喉嚨痛…
哎，真係得閒死唔得閒病，要寫稿，但進度勁慢，下個星期就要剪片，過一連五日的非人生活
醫生，唔病得唔得呀？
一係唔食，一係喪食
講的係cpk，三日內食左兩次，真係好crazy
最近突然沉迷電視劇，陳夢吉大戰哨牙妹
星期二, 11月 13, 2007
傻豬事件
13 November 2007
尋晚夜馬馬，北上…
我：第日間屋要有個豹房，有部街機的賽車機同波子機，仲要有間k房，有間麻雀房，仲要有各式遊機機，ps3、wii…
她：咁要有間按摩房，請番上次嗰兩個技師
她：有間bar，有無限的酒供應
她：可唔可以有個spa
我：好，買個島仔起晒所有野，仲要有個私人沙灘，可以日日玩香焦船、水上電單車同wake
她：今晚發夢或者聽晚中六合彩
我：中六合彩都唔夠呀
她：咁搵個好有錢的老公
我：咁仲要喺個島仔上面開個電視台，請晒你地，鍾意就播d野俾人睇，唔鍾意就話是日休台
她：你做anchor呀？
我：丫，但如果我個島喺馬來西亞，你地咪要野野搭飛機過來
她：梗係你出機票啦
我：唔係喎，我有私人飛機架嘛
返來原本諗住去沙田整頭，但結果拉大隊去左聯合碌，但所謂的大隊都係三丁人，但竟然咁都碌到天黑，係咁意買左兩件衫一條褲，佢地係咁睇戒指，又係我d原則，我一定唔會買戒指，梗係留俾人買啦
後來d人散左再周圍碌左陣，又買多兩條褲，再去cpk左食pizza，我諗有半年冇食過喇
隔離枱個外國人話要lime soda，但個waiter姐姐唔明囉，個外國人再解釋，話係lime juice with soda water，佢都仲係唔係好明，真係呆…
他：頭先地鐵好迫
我：咁你又唔搭的士…
他：搭的士仲塞車，一定冇搭地鐵咁快
我：咁想快d搭直升機囉
他：去邊搭？
我：搭的士去four season，跟住搭去半島再搭的士過來
他：半島有位降落咩？
我：冇呀？咁叫架直升機飛到旺角上空，你游繩落番地面
買左本精讀書係咁咪，基本上一月北海道之旅可以成行，浸溫泉就梗架喇，但如果要滑雪，要特別安排一整天，真係好難取捨…
聽聞醫生打算出年開巡迴演唱會，希望到時攞到假去睇佢concert啦，台北嗰d近近地就perfect﹗
頭先她稱呼另一個她傻豬，令我諗起曾經衝口而出叫他傻豬事件
有一次鮮有地part住他出去做野，夜馬馬做完野咪一齊搭亡命小巴閃囉，我扣安全帶，他見到都搵安全帶扣
他：咦，喺邊？
我：傻豬來架，你咪坐住左囉
他：哈哈，好耐冇聽過人咁叫
我：(有d尷尬)我好多friend都係我的傻豬…
*******
我一直叫自己不要找答案，因為即使得到一個答案，無論答案是怎樣，正面與負面，也免不了失望一場，何苦？
時至今日，我已慢慢學懂了能夠淡然面對，間中我會反問自己，如果那份感覺，那種熱誠變得可有可無，是否意味著離緣盡之時不遠矣？
那麼擁有這種心態，未知是福是禍…
然而今次，很努力記住這種感覺和所有所有相關的點滴，不欲這絲情感泯沒於洪流中…
頭先review之前篇blog，回味幾晚睇醫生，差d漏左一句都幾緊要的bite，醫生話：你地小心d，我會記住你地﹗英文係take care, i'll remember you
尋晚夜馬馬，北上…
我：第日間屋要有個豹房，有部街機的賽車機同波子機，仲要有間k房，有間麻雀房，仲要有各式遊機機，ps3、wii…
她：咁要有間按摩房，請番上次嗰兩個技師
她：有間bar，有無限的酒供應
她：可唔可以有個spa
我：好，買個島仔起晒所有野，仲要有個私人沙灘，可以日日玩香焦船、水上電單車同wake
她：今晚發夢或者聽晚中六合彩
我：中六合彩都唔夠呀
她：咁搵個好有錢的老公
我：咁仲要喺個島仔上面開個電視台，請晒你地，鍾意就播d野俾人睇，唔鍾意就話是日休台
她：你做anchor呀？
我：丫，但如果我個島喺馬來西亞，你地咪要野野搭飛機過來
她：梗係你出機票啦
我：唔係喎，我有私人飛機架嘛
返來原本諗住去沙田整頭，但結果拉大隊去左聯合碌，但所謂的大隊都係三丁人，但竟然咁都碌到天黑，係咁意買左兩件衫一條褲，佢地係咁睇戒指，又係我d原則，我一定唔會買戒指，梗係留俾人買啦
後來d人散左再周圍碌左陣，又買多兩條褲，再去cpk左食pizza，我諗有半年冇食過喇
隔離枱個外國人話要lime soda，但個waiter姐姐唔明囉，個外國人再解釋，話係lime juice with soda water，佢都仲係唔係好明，真係呆…
他：頭先地鐵好迫
我：咁你又唔搭的士…
他：搭的士仲塞車，一定冇搭地鐵咁快
我：咁想快d搭直升機囉
他：去邊搭？
我：搭的士去four season，跟住搭去半島再搭的士過來
他：半島有位降落咩？
我：冇呀？咁叫架直升機飛到旺角上空，你游繩落番地面
買左本精讀書係咁咪，基本上一月北海道之旅可以成行，浸溫泉就梗架喇，但如果要滑雪，要特別安排一整天，真係好難取捨…
聽聞醫生打算出年開巡迴演唱會，希望到時攞到假去睇佢concert啦，台北嗰d近近地就perfect﹗
頭先她稱呼另一個她傻豬，令我諗起曾經衝口而出叫他傻豬事件
有一次鮮有地part住他出去做野，夜馬馬做完野咪一齊搭亡命小巴閃囉，我扣安全帶，他見到都搵安全帶扣
他：咦，喺邊？
我：傻豬來架，你咪坐住左囉
他：哈哈，好耐冇聽過人咁叫
我：(有d尷尬)我好多friend都係我的傻豬…
*******
我一直叫自己不要找答案，因為即使得到一個答案，無論答案是怎樣，正面與負面，也免不了失望一場，何苦？
時至今日，我已慢慢學懂了能夠淡然面對，間中我會反問自己，如果那份感覺，那種熱誠變得可有可無，是否意味著離緣盡之時不遠矣？
那麼擁有這種心態，未知是福是禍…
然而今次，很努力記住這種感覺和所有所有相關的點滴，不欲這絲情感泯沒於洪流中…
頭先review之前篇blog，回味幾晚睇醫生，差d漏左一句都幾緊要的bite，醫生話：你地小心d，我會記住你地﹗英文係take care, i'll remember you
短時間內都唔使覆診睇醫生
11 November 2007
尋晚睇醫生，今日覆診，覆診覆到十二點半﹗為左要同東亞運動會賣廣告，8點9開show，同頭場唔同，等到9點等到吽…亦可能主題係東亞運動會，所以熱島小夜曲的狂野迷幻性派對變成sporty look party，其實頭場呢幕真係好正，我鍾意佢由條長樓梯碌d波仔落來
醫生：呢首歌跟左我好耐嗰d一定識唱——黃金時代醫生：你地班人真係傻架醫生：（連續兩晚都係咁講）每日打開報紙，都有好多唔開心的事，希望呢兩首歌可以令呢d事減少——今日、黑澤明醫生：希望以下呢兩首歌可以將初戀的感覺帶俾你地——粵語殘片、淘汰醫生：慢歌都可以郁，例如un腳，嗱，就好似咁(示範)，但都係一個字，最緊要型醫生：原來係條cue來的，第日我叫joey tang，你地喺屋企個電視隔離就嘩…單立文：（連續兩晚）係咪encore？醫生：唱邊首好呀？不如唱「水潑歌」啦——與我常在醫生：呢度唔俾唱，我地出去再唱好唔好呀？但會唔會俾人告我地非法集會？醫生：個show的part 2而家先開始醫生：其實我真係好鍾意聽噓聲，因為我真係好少聽到醫生：呢首歌我忍左十五晚，今晚總於唱到——抱擁這分鐘
最過癮係喺台上扮運動員，跳水、體操、打關斗最high係全個場都企晒起身，揮動熒光棒最反高潮係醫生除下my happy time的t恤，當大家都以為佢會赤身上陣，原來佢仲有件this minute we hold的t恤打底，不過，後來佢揭起件衫show佢若隱若現的腹肌，已經唔係大肚腩﹗
尾場8點9開show，唱到12點半，encore部分唱左十首歌：我的快樂時代、與我常在、天下無雙、單車、游離份子、綿綿、抱擁這分鐘，lonely christmas、超人的主題曲，並以一首明年今日作結，really high﹗
東亞運動會呢part同之前有d地方都唔同，第一樣係d熒光棒啦，呢兩晚嗰d好幼的，又冇左king of karaoke件t恤，多左件黃色西裝褸，仲有頭場好靚，嗰套後面有個好姣的粉紅色大蝴蝶結的tuxedo呢兩場冇左喎，變左綠色孔雀尾，而頂粉紅色通窿假高帽亦變左一對大眼，而月球上的人頭場時原本冇太空人，裙下之臣套衫都唔同左另外印度西施嗰part呢兩場調左去做ending，頭場所謂最後一首歌係落花流水，唱完d隊band走左，條樓梯的藍色燈係咁閃下閃下，但時間啱啱係11點半，因為上次conert曾經冇encore，所以大家都唔知佢會唔會encore，但有d人已經走緊，我和他都唔肯走，特別係因為d名星仲未走，梗係唔走住啦，結果佢走番出來encore，d人走左一半返番轉頭，so cheap﹗
對比起來同頭場真係好唔同，頭場好似睇佢rehersal咁，真係好多甩漏，例如人車誌的大屏幕有三分一唔著，真係唔知佢壞左定唔記得左開，唱歌又甩咀啦，唱粵語殘片時唔記得歌詞但係因為第一場，對所有野都好新鮮，新鮮搭救，尤其第一幕，佢著住婚紗，唱住白玫瑰由個台升上來，真係好正，跟住個一堆雀仔喺屏幕飛出來，喺香港演唱會真係第一次見，個屏幕升起，全台係白玫瑰，中間有一條激長樓梯，好grand，而竟然k歌之王可以用來跳ballroom dance，真係好過癮，至於浮誇件太陽斗篷真係夠浮誇，好正﹗醫生：真係唔好意思，有d甩漏，但你地睇頭場都係想睇呢d野架啫，真係衰﹗對醫生的偏愛，甩漏都一樣係咁好睇他不好愛之後的間場好有意思，以me means Master of Everything作結
尋晚已經好high，high到去唱k，第一件事我話要唱「水潑歌」，好想唱埋粵語殘片，但原來係冇喎，後聽到淘汰時，拎起熒光棒fing
尾場果然係尾場，未開show只係把女聲喺度介紹主辦單位同贊助已經high，真係未睇show先興奮，嗌足全場，真係連山頂的朋友都企晒起身，勁good feel，所以話睇eason點可以唔睇尾場？未睇過eason的尾場都唔可以話睇過eason演唱會﹗
連嗌左兩晚，喉嚨好痛，但都係值得的﹗
睇show前同他去左ifc出名長龍站喺tst的分店，名字叫千兩，活赤貝、帆立貝令人印象比較深刻，照舊唔同的toro都toro一番，但唔夠肥美，anyway呢個價錢算啦，除左所謂的活八爪魚外，所有築地直送款式都試晒，除左分得出我的飛佛秋刀魚之外，都唔知乜野係乜野…自峰水準下降後，以前當佢係壽司店中的麥記咁，一個星期食兩次的日子遠去，好耐冇食過，d貴野個個禮拜食真係好大件事，所以一直喺和花亭徘徊，而家多一個選擇﹗
好似係講開一個月搵幾錢…我：咁咪可以一個月去食兩次貴野囉，一於咁話啦，逢初一十五去食貴野他：食齋咩？
討論緊睇完show去邊度食宵夜，唔知點樣講啦，話返我樓下食西多我：呢檔係全香港最好食的西多他：(笑)低b我：咁係丫嘛，我搵到全香港最好食的車仔麵，又搵到全香港最好食的魚蛋，而家有全香港最好食的西多，我帶你去食你有口福喇
尋晚睇醫生，今日覆診，覆診覆到十二點半﹗為左要同東亞運動會賣廣告，8點9開show，同頭場唔同，等到9點等到吽…亦可能主題係東亞運動會，所以熱島小夜曲的狂野迷幻性派對變成sporty look party，其實頭場呢幕真係好正，我鍾意佢由條長樓梯碌d波仔落來
醫生：呢首歌跟左我好耐嗰d一定識唱——黃金時代醫生：你地班人真係傻架醫生：（連續兩晚都係咁講）每日打開報紙，都有好多唔開心的事，希望呢兩首歌可以令呢d事減少——今日、黑澤明醫生：希望以下呢兩首歌可以將初戀的感覺帶俾你地——粵語殘片、淘汰醫生：慢歌都可以郁，例如un腳，嗱，就好似咁(示範)，但都係一個字，最緊要型醫生：原來係條cue來的，第日我叫joey tang，你地喺屋企個電視隔離就嘩…單立文：（連續兩晚）係咪encore？醫生：唱邊首好呀？不如唱「水潑歌」啦——與我常在醫生：呢度唔俾唱，我地出去再唱好唔好呀？但會唔會俾人告我地非法集會？醫生：個show的part 2而家先開始醫生：其實我真係好鍾意聽噓聲，因為我真係好少聽到醫生：呢首歌我忍左十五晚，今晚總於唱到——抱擁這分鐘
最過癮係喺台上扮運動員，跳水、體操、打關斗最high係全個場都企晒起身，揮動熒光棒最反高潮係醫生除下my happy time的t恤，當大家都以為佢會赤身上陣，原來佢仲有件this minute we hold的t恤打底，不過，後來佢揭起件衫show佢若隱若現的腹肌，已經唔係大肚腩﹗
尾場8點9開show，唱到12點半，encore部分唱左十首歌：我的快樂時代、與我常在、天下無雙、單車、游離份子、綿綿、抱擁這分鐘，lonely christmas、超人的主題曲，並以一首明年今日作結，really high﹗
東亞運動會呢part同之前有d地方都唔同，第一樣係d熒光棒啦，呢兩晚嗰d好幼的，又冇左king of karaoke件t恤，多左件黃色西裝褸，仲有頭場好靚，嗰套後面有個好姣的粉紅色大蝴蝶結的tuxedo呢兩場冇左喎，變左綠色孔雀尾，而頂粉紅色通窿假高帽亦變左一對大眼，而月球上的人頭場時原本冇太空人，裙下之臣套衫都唔同左另外印度西施嗰part呢兩場調左去做ending，頭場所謂最後一首歌係落花流水，唱完d隊band走左，條樓梯的藍色燈係咁閃下閃下，但時間啱啱係11點半，因為上次conert曾經冇encore，所以大家都唔知佢會唔會encore，但有d人已經走緊，我和他都唔肯走，特別係因為d名星仲未走，梗係唔走住啦，結果佢走番出來encore，d人走左一半返番轉頭，so cheap﹗
對比起來同頭場真係好唔同，頭場好似睇佢rehersal咁，真係好多甩漏，例如人車誌的大屏幕有三分一唔著，真係唔知佢壞左定唔記得左開，唱歌又甩咀啦，唱粵語殘片時唔記得歌詞但係因為第一場，對所有野都好新鮮，新鮮搭救，尤其第一幕，佢著住婚紗，唱住白玫瑰由個台升上來，真係好正，跟住個一堆雀仔喺屏幕飛出來，喺香港演唱會真係第一次見，個屏幕升起，全台係白玫瑰，中間有一條激長樓梯，好grand，而竟然k歌之王可以用來跳ballroom dance，真係好過癮，至於浮誇件太陽斗篷真係夠浮誇，好正﹗醫生：真係唔好意思，有d甩漏，但你地睇頭場都係想睇呢d野架啫，真係衰﹗對醫生的偏愛，甩漏都一樣係咁好睇他不好愛之後的間場好有意思，以me means Master of Everything作結
尋晚已經好high，high到去唱k，第一件事我話要唱「水潑歌」，好想唱埋粵語殘片，但原來係冇喎，後聽到淘汰時，拎起熒光棒fing
尾場果然係尾場，未開show只係把女聲喺度介紹主辦單位同贊助已經high，真係未睇show先興奮，嗌足全場，真係連山頂的朋友都企晒起身，勁good feel，所以話睇eason點可以唔睇尾場？未睇過eason的尾場都唔可以話睇過eason演唱會﹗
連嗌左兩晚，喉嚨好痛，但都係值得的﹗
睇show前同他去左ifc出名長龍站喺tst的分店，名字叫千兩，活赤貝、帆立貝令人印象比較深刻，照舊唔同的toro都toro一番，但唔夠肥美，anyway呢個價錢算啦，除左所謂的活八爪魚外，所有築地直送款式都試晒，除左分得出我的飛佛秋刀魚之外，都唔知乜野係乜野…自峰水準下降後，以前當佢係壽司店中的麥記咁，一個星期食兩次的日子遠去，好耐冇食過，d貴野個個禮拜食真係好大件事，所以一直喺和花亭徘徊，而家多一個選擇﹗
好似係講開一個月搵幾錢…我：咁咪可以一個月去食兩次貴野囉，一於咁話啦，逢初一十五去食貴野他：食齋咩？
討論緊睇完show去邊度食宵夜，唔知點樣講啦，話返我樓下食西多我：呢檔係全香港最好食的西多他：(笑)低b我：咁係丫嘛，我搵到全香港最好食的車仔麵，又搵到全香港最好食的魚蛋，而家有全香港最好食的西多，我帶你去食你有口福喇
欽點做教育beat
9 November 2007
哎，終於剪完故仔，真係好辛苦…尋日他lunch打來，與其話俾人慫恿，不如話自己都想去，更具信服力，為左隻燒鵝脾同芒果糯米卷，的去的返，去程回程都有人陪，係，我仲係好怕自己一個人
mon朝十朝兩點半tue朝十一朝四wed朝十一點半朝七thu朝十晚七
眼訓，累，個人勁忟，真係人都癲…同埋有d喉嚨痛、熱氣跡象，咪搵他去食大閘蟹囉，而家冇事喇﹗
頭先無意中睇到老細編的出街時間表，我隻故排喺農歷新年前，但mark左「教育」，咩料？乜上次唔係稱聲揀左beat架咩，我揀左房屋+運輸，點解而家突然被委派作做…教育beat？
她尋日打來，講到身體檢查結果，cancer？what's up？你唔好咁早死，我唔想咁快見到身邊的朋友死，我唔想做帛金呀…以前因為做野先好偶然地去大酒店同墳場，而家搣甩左，唔想為任何事去呢d鬼地方
講開墳場，諗起好得意好怕鬼的他他：鬼喎，點解唔驚呀？我：你冇搞佢，又冇罪佢，驚咩他：你點知佢會唔會認錯人架…咁真係冇野好講，有一次同佢路經墳場，他即刻擰咩面，問：過左未？仲見唔見到？真係好好笑﹗
anyway，又來節目預告今個星期五、六第9台有尋蟲記的短feature story出街而sat第9台會繼續見到我介紹樹木，晚上8點半第8台即係財經資訊台會有《樹‧許願》，請留意收看﹗
哎，終於剪完故仔，真係好辛苦…尋日他lunch打來，與其話俾人慫恿，不如話自己都想去，更具信服力，為左隻燒鵝脾同芒果糯米卷，的去的返，去程回程都有人陪，係，我仲係好怕自己一個人
mon朝十朝兩點半tue朝十一朝四wed朝十一點半朝七thu朝十晚七
眼訓，累，個人勁忟，真係人都癲…同埋有d喉嚨痛、熱氣跡象，咪搵他去食大閘蟹囉，而家冇事喇﹗
頭先無意中睇到老細編的出街時間表，我隻故排喺農歷新年前，但mark左「教育」，咩料？乜上次唔係稱聲揀左beat架咩，我揀左房屋+運輸，點解而家突然被委派作做…教育beat？
她尋日打來，講到身體檢查結果，cancer？what's up？你唔好咁早死，我唔想咁快見到身邊的朋友死，我唔想做帛金呀…以前因為做野先好偶然地去大酒店同墳場，而家搣甩左，唔想為任何事去呢d鬼地方
講開墳場，諗起好得意好怕鬼的他他：鬼喎，點解唔驚呀？我：你冇搞佢，又冇罪佢，驚咩他：你點知佢會唔會認錯人架…咁真係冇野好講，有一次同佢路經墳場，他即刻擰咩面，問：過左未？仲見唔見到？真係好好笑﹗
anyway，又來節目預告今個星期五、六第9台有尋蟲記的短feature story出街而sat第9台會繼續見到我介紹樹木，晚上8點半第8台即係財經資訊台會有《樹‧許願》，請留意收看﹗
一言難盡
5 November 2007
較左鬧鐘十一點起身，拎住一大叠訪問transcript，對住電腦打打打，到晚上八點，終於生左隻廿四分故仔出來
早餐+午餐=一罐wise蕃茄味薯片，下午茶係厚切西多，因為太夜，晚餐放棄左大閘螴，resume to拖羅池魚牡丹蝦海膽帆立貝等，正到爆
前日做小肥人前買左對鞋，頭先又買左兩對，三日買左三對，購物症發作，取代左眼訓病，睇醫生會唔會好呢？
她：乜你病左咩？
我：唔明…
她：我見你寫「投入醫生…」，以為你病左，hahahaha
她繼續：eason呀﹗
我：你終於都明白了﹗
如果曾經令你誤會，真係唔好意思
頭先無意中睇到《勇闖玉珠峰》，二千幾米學人講高山反應，咩料？三千幾米，碎料啦﹗
嗰三隻野淨係喺鏡頭前面彈下彈下，冷係身驕肉貴，我諗佢地都係唔會拎野，況且仲咁低，梗係冇事啦，但就真係難為d工作人員，一定會做到隻野咁，所以佢地咪頭痛囉…
檢視過你的小禮物，不論特別與否、珍貴與否
我和你之間，原來一言難盡
********
如果這一秒鐘你跟我講你不愛我，你會不會，忽然難過？
專家話：愛上你是我眼睛的錯
今日，終於一百日，我終於放開了他，好聚好散，我怎麼可以哭？
較左鬧鐘十一點起身，拎住一大叠訪問transcript，對住電腦打打打，到晚上八點，終於生左隻廿四分故仔出來
早餐+午餐=一罐wise蕃茄味薯片，下午茶係厚切西多，因為太夜，晚餐放棄左大閘螴，resume to拖羅池魚牡丹蝦海膽帆立貝等，正到爆
前日做小肥人前買左對鞋，頭先又買左兩對，三日買左三對，購物症發作，取代左眼訓病，睇醫生會唔會好呢？
她：乜你病左咩？
我：唔明…
她：我見你寫「投入醫生…」，以為你病左，hahahaha
她繼續：eason呀﹗
我：你終於都明白了﹗
如果曾經令你誤會，真係唔好意思
頭先無意中睇到《勇闖玉珠峰》，二千幾米學人講高山反應，咩料？三千幾米，碎料啦﹗
嗰三隻野淨係喺鏡頭前面彈下彈下，冷係身驕肉貴，我諗佢地都係唔會拎野，況且仲咁低，梗係冇事啦，但就真係難為d工作人員，一定會做到隻野咁，所以佢地咪頭痛囉…
檢視過你的小禮物，不論特別與否、珍貴與否
我和你之間，原來一言難盡
********
如果這一秒鐘你跟我講你不愛我，你會不會，忽然難過？
專家話：愛上你是我眼睛的錯
今日，終於一百日，我終於放開了他，好聚好散，我怎麼可以哭？
隨時復市
4 November 2007
以下呢篇blog屬於尋日，因為server error所以延至而家先重post
食飯見他vs寫稿工作，我揀左前者，即使故期迫近，都係咁話…又去做小肥人again，方便又好味嘛
上次搭巴士個電視介紹ringtone鈴聲，嗰段野係咁的：我發覺好多時約女仔食飯，佢地都係話無所謂，但係問佢食中餐好唔好，佢又話唔好，食西餐呢，又話唔好，但如果話打邊爐同食日本野就一定冇死
同行的他：哈哈，講緊你喎係，我喪鍾意食日本野同打邊爐，香港d女仔係咁架啦
但近期多左一個選擇，就係膽固醇超晒標的大閘蟹，希望sun再去食啦…另外，亦都想食amaroni的tiramisu，唔該搵人安排下啦﹗
夜晚喺屋企撩左隻尋蟲記短故，寬頻故聽日先開始沖厠啦，反正今次呢隻應該幾易寫
眼訓，忟憎…為配合故期，呢度可能或者暫時休息幾天，待續…
今日寫稿，進度，還是過得去，只係喺公司就冇心機寫
他對著我奇怪地笑，咩事？
他對他講了句曖昧說話，乜料？
以下呢篇blog屬於尋日，因為server error所以延至而家先重post
食飯見他vs寫稿工作，我揀左前者，即使故期迫近，都係咁話…又去做小肥人again，方便又好味嘛
上次搭巴士個電視介紹ringtone鈴聲，嗰段野係咁的：我發覺好多時約女仔食飯，佢地都係話無所謂，但係問佢食中餐好唔好，佢又話唔好，食西餐呢，又話唔好，但如果話打邊爐同食日本野就一定冇死
同行的他：哈哈，講緊你喎係，我喪鍾意食日本野同打邊爐，香港d女仔係咁架啦
但近期多左一個選擇，就係膽固醇超晒標的大閘蟹，希望sun再去食啦…另外，亦都想食amaroni的tiramisu，唔該搵人安排下啦﹗
夜晚喺屋企撩左隻尋蟲記短故，寬頻故聽日先開始沖厠啦，反正今次呢隻應該幾易寫
眼訓，忟憎…為配合故期，呢度可能或者暫時休息幾天，待續…
今日寫稿，進度，還是過得去，只係喺公司就冇心機寫
他對著我奇怪地笑，咩事？
他對他講了句曖昧說話，乜料？
你唔使讓我喎
2 November 2007
生日休假預告：因為公司政策，年底前一定要清假，所以9日annual同儲左落來的com off將會一舖清袋，貫徹優良傳統，生日休假，但今次特別在會放成半個月咁多，yeah﹗
終於ko晒d《樹‧許願》的raw tapes，聽晚可以開始寫稿，星期六繼續寫稿，希望星期日唔使再對住篇稿啦，目標係去另一間野食大閘蟹，星期一、二、三喪剪片，星期四做es，星期五應該可以回一回氣，夜晚睇醫生，星期六出故仔，大家請留意收看，但我又會再睇醫生，覆診呀，嘻嘻
不過呢個醫生，真係唔怕睇多幾
次如果唔使趕故仔，搵好友甲或者同許願樹講，班d飛俾我，我真係晚晚去睇足都ok，反正我又未試過
他：使唔使睇咁多場？
我：我真係好鍾意佢…
心情好似暴起暴落的恆指，上星期密密應約，又率先睇醫生，情緒高漲；但今個星期突然陷入幽谷之中，今日跌到近期新低點，黑面唔想同人講野，只想自閉，甚至想撒野
尋日同d同事講開，星期日食左三隻大閘蟹，所以可以sustain到，但今日先發現，原來每隻蟹的功效只有一日，今日星期四，down down地…
消極地，甚至用咋唔知的態度去面對萬聖節
她發起去玩，我不置可否，但最後還是應約了，地點係tst，唱k，again，但係我suggest的
因為冇的士，由公司行去location，好狠遠…
我：頭先有隻吸血僵屍跟住我呀
他：你唔係話你驚嘛？
係咪搞事…
原本真係唔想飲，因為抑鬱感覺，我怕一飲不可收捨
cue番the bite of yesterday：你唔使讓我喎
但點解個個都放假？原本諗住兩點走，但結果都留到3點幾，同他在wordpad即時對話，好無聊﹗
因為t恤上的三個字，引起軒然大波…
如果拾肆k唔得，咁fourteen k得唔得？羅馬數字XIV k又得唔得？咁係咪d方程式計數，唔可以let某某be k？因為計數過程中可能會出現14k，有宣揚黑社會之嫌…
畸寶cue左警方個bite，叫買左呢件衫的市民同警方聯絡，但隻故仔冇講點聯絡喎，係咪打999呀？同埋同警方聯絡之後會點，係咪當佢黑社會咁逗？罰錢？咁係咪當佢自首？投降輸一半，俾番7k你？
仲有，青少年濫藥唔捉，違例泊車搞到條街塞車唔抄牌，索k場唔去掃，炒演唱會黃牛飛唔拉，正經野唔做，做埋晒d無聊野﹗呢句係永遠通用的bite，成日都會俾人cue番出來用，即使係形容唔同的人，都一矢中的
咁仲有個社團叫洪興，係咪呢個term唔用得？同佢同音偕音的配搭如紅輕、鴻興、洪兄、雄氫、虹卿、紅馨都唔得？但我喺網上search到一間洪興裝飾有限公司，仲話「致力提供高質素服務及產品，滿足顧客各項要求」，咁呢句野係咪可以interpret成宣傳和助長黑社會勢力？
咁如果著住件衫寫住「打劫」或「我要錢」入銀行，係咪就會俾人拉？
限我對你以半年時間慢慢的心淡，春天分手秋天會習慣…
但中秋已過，為甚麼我還是，仍然想著你？
生日休假預告：因為公司政策，年底前一定要清假，所以9日annual同儲左落來的com off將會一舖清袋，貫徹優良傳統，生日休假，但今次特別在會放成半個月咁多，yeah﹗
終於ko晒d《樹‧許願》的raw tapes，聽晚可以開始寫稿，星期六繼續寫稿，希望星期日唔使再對住篇稿啦，目標係去另一間野食大閘蟹，星期一、二、三喪剪片，星期四做es，星期五應該可以回一回氣，夜晚睇醫生，星期六出故仔，大家請留意收看，但我又會再睇醫生，覆診呀，嘻嘻
不過呢個醫生，真係唔怕睇多幾
次如果唔使趕故仔，搵好友甲或者同許願樹講，班d飛俾我，我真係晚晚去睇足都ok，反正我又未試過
他：使唔使睇咁多場？
我：我真係好鍾意佢…
心情好似暴起暴落的恆指，上星期密密應約，又率先睇醫生，情緒高漲；但今個星期突然陷入幽谷之中，今日跌到近期新低點，黑面唔想同人講野，只想自閉，甚至想撒野
尋日同d同事講開，星期日食左三隻大閘蟹，所以可以sustain到，但今日先發現，原來每隻蟹的功效只有一日，今日星期四，down down地…
消極地，甚至用咋唔知的態度去面對萬聖節
她發起去玩，我不置可否，但最後還是應約了，地點係tst，唱k，again，但係我suggest的
因為冇的士，由公司行去location，好狠遠…
我：頭先有隻吸血僵屍跟住我呀
他：你唔係話你驚嘛？
係咪搞事…
原本真係唔想飲，因為抑鬱感覺，我怕一飲不可收捨
cue番the bite of yesterday：你唔使讓我喎
但點解個個都放假？原本諗住兩點走，但結果都留到3點幾，同他在wordpad即時對話，好無聊﹗
因為t恤上的三個字，引起軒然大波…
如果拾肆k唔得，咁fourteen k得唔得？羅馬數字XIV k又得唔得？咁係咪d方程式計數，唔可以let某某be k？因為計數過程中可能會出現14k，有宣揚黑社會之嫌…
畸寶cue左警方個bite，叫買左呢件衫的市民同警方聯絡，但隻故仔冇講點聯絡喎，係咪打999呀？同埋同警方聯絡之後會點，係咪當佢黑社會咁逗？罰錢？咁係咪當佢自首？投降輸一半，俾番7k你？
仲有，青少年濫藥唔捉，違例泊車搞到條街塞車唔抄牌，索k場唔去掃，炒演唱會黃牛飛唔拉，正經野唔做，做埋晒d無聊野﹗呢句係永遠通用的bite，成日都會俾人cue番出來用，即使係形容唔同的人，都一矢中的
咁仲有個社團叫洪興，係咪呢個term唔用得？同佢同音偕音的配搭如紅輕、鴻興、洪兄、雄氫、虹卿、紅馨都唔得？但我喺網上search到一間洪興裝飾有限公司，仲話「致力提供高質素服務及產品，滿足顧客各項要求」，咁呢句野係咪可以interpret成宣傳和助長黑社會勢力？
咁如果著住件衫寫住「打劫」或「我要錢」入銀行，係咪就會俾人拉？
限我對你以半年時間慢慢的心淡，春天分手秋天會習慣…
但中秋已過，為甚麼我還是，仍然想著你？
我的暱稱
31 October 2007
某人幫我起左個nick，睇到滴汗…
咩料？
當你極級疲累，就唔係咁想應酬一d無聊人，講埋d無謂說話，顯得煩躁和感到煩厭，又有咩咁出奇
係呀，我撒野，吹呀？
尋晚拿拿臨做晒d野，碌番屋企樓下附近，只為見他一面
約十一點半左右係因為喺公司附近搭返屋企的尾班車係11點4開出，而他碌到過來，見一陣吹兩句水都仲有車返歸，但始終時間緊迫，都係冇招呼他上屋企坐坐
我已經唔記得有冇講過，如果萬一講過請原諒我長氣同失憶…
真係好想養番隻狗，早兩個禮拜甚至係咁睇d村屋租盤的網址，同埋周圍問人意見，呢條村好唔好住，嗰條村治安好唔好，邊條村出入方便
某人：你都好偉大，為左隻狗搬屋
我：我真係好想養
某人：你隻狗幾大？
我：我而家都冇養狗
某人：嘩，咁仲偉大，仲要無啦啦生隻狗出來…
我：我又唔係而家急住要養要搬，而家都係問緊d朋友，如果有人生左狗仔，咁我先搵間村屋搬，我想由細養到大
某人：你諗住養咩狗？
我：真係冇所謂，如果係八哥都幾好，個樣衰衰，成日好似好慘咁
某人：八哥好鬼曳，成日周圍痾屎痾尿…
我：我知呀，但佢即使做完曳野又會扮個好慘好可憐的樣，好搞笑，你又唔捨得打佢
某人：養隻狗要服侍佢，真係犯賤﹗
你下次可唔可以帶埋你隻喔喔狗出來，以解我的思犬症…
而自上個星期起，每晚都留堂log帶，今晚都唔例外，log到個人吽豆豆…
幾經辛苦終於搞掂d《尋龍記》raw tapes，第一集《韻樂滿新疆》今個星期日晚上十點半財經資訊台首播，第9台會由今個星期六起，一連九日有尋龍記系列短故出街，如有興趣仲可以睇埋經濟日報、信報、都市日報的連載報導，當然唔少得今期十一月號的cable guide啦
獨自上路做的時事寬頻故仔《樹‧許願》將於下周六晚八點半財經資訊台播出，歡迎收看和給予意見
頭先為隻故仔再次訪問詹志勇，其實我都幾鍾意呢個topic，我同教授講：如果當年我唔係讀journalism，好可能而家跟緊你做研究
某人幫我起左個nick，睇到滴汗…
咩料？
當你極級疲累，就唔係咁想應酬一d無聊人，講埋d無謂說話，顯得煩躁和感到煩厭，又有咩咁出奇
係呀，我撒野，吹呀？
尋晚拿拿臨做晒d野，碌番屋企樓下附近，只為見他一面
約十一點半左右係因為喺公司附近搭返屋企的尾班車係11點4開出，而他碌到過來，見一陣吹兩句水都仲有車返歸，但始終時間緊迫，都係冇招呼他上屋企坐坐
我已經唔記得有冇講過，如果萬一講過請原諒我長氣同失憶…
真係好想養番隻狗，早兩個禮拜甚至係咁睇d村屋租盤的網址，同埋周圍問人意見，呢條村好唔好住，嗰條村治安好唔好，邊條村出入方便
某人：你都好偉大，為左隻狗搬屋
我：我真係好想養
某人：你隻狗幾大？
我：我而家都冇養狗
某人：嘩，咁仲偉大，仲要無啦啦生隻狗出來…
我：我又唔係而家急住要養要搬，而家都係問緊d朋友，如果有人生左狗仔，咁我先搵間村屋搬，我想由細養到大
某人：你諗住養咩狗？
我：真係冇所謂，如果係八哥都幾好，個樣衰衰，成日好似好慘咁
某人：八哥好鬼曳，成日周圍痾屎痾尿…
我：我知呀，但佢即使做完曳野又會扮個好慘好可憐的樣，好搞笑，你又唔捨得打佢
某人：養隻狗要服侍佢，真係犯賤﹗
你下次可唔可以帶埋你隻喔喔狗出來，以解我的思犬症…
而自上個星期起，每晚都留堂log帶，今晚都唔例外，log到個人吽豆豆…
幾經辛苦終於搞掂d《尋龍記》raw tapes，第一集《韻樂滿新疆》今個星期日晚上十點半財經資訊台首播，第9台會由今個星期六起，一連九日有尋龍記系列短故出街，如有興趣仲可以睇埋經濟日報、信報、都市日報的連載報導，當然唔少得今期十一月號的cable guide啦
獨自上路做的時事寬頻故仔《樹‧許願》將於下周六晚八點半財經資訊台播出，歡迎收看和給予意見
頭先為隻故仔再次訪問詹志勇，其實我都幾鍾意呢個topic，我同教授講：如果當年我唔係讀journalism，好可能而家跟緊你做研究
食大閘蟹能醫熱氣
29 October 2007
連返左七日工，雖然係真係仲有好多野要做，但唔理呀，點都要放假
放假最好的節目，就梗係訓覺同飲飲食食啦，同他去左食大閘蟹
頭盤係蟹粉小籠包，d汁係橙黃色架，啜啜，正﹗
跟住來個翅朗朗口，大閘蟹，每人三隻，d糕多到令人感動
他：好高膽固醇
我：又唔係日日食，有咩所謂
原本想叫埋蟹粉銀絲卷，但結果都係冇，因為食三隻都好漏，如果真係食六隻真係抵入醫院啦
之後嗰味係蟹粉燴玻璃蝦球，d蝦好大隻架，分開兩啖都食唔晒
再來個海蔘鮑魚，雖然細細隻，但有鮑味，用刀叉食夠grand
甜品係燕窩杏汁蛋白露，唯一唔係咁like杏仁味的野
waiter奉上薑茶，他問：點解要飲薑茶？
我：大閘蟹寒涼，飲薑茶驅寒
他：點解你嗰杯咁大杯我嗰杯咁少
我：其實我唔應該飲薑茶，因為我熱氣，食大閘蟹最啱，清熱氣，哈哈﹗
話時話，兩粒大飛滋好似好番d，唔知係咪食完大閘蟹立即見效呢？
抵過上10樓食日本野啦，臨走時他睇到有個promotion，用他張白金咭食鮑翅餐有折，不如下星期再來食過，反正你又唔會自己一個來食，我又冇白金咭…
食大閘蟹要食當灶的，講講下真係想做晒d野，碌上上海/蘇杭食埋個尾水
我：食左六隻蟹，我地係食蟹獸呀﹗
他：你食蟹肥呀…
我：無聊﹗
去睇nano第三代，雖然我已經有第二代…
始終都係黑色最靚仔，我有四寶：n76、nds、nano、psp，全部都係黑色
餐蟹宴食左兩個幾鐘，快碌左一陣食埋個雪糕返歸睇波，謝拉特的炮彈射球真係勁，但係守唔到最尾，被追和1-1，仲差d輸埋，好險…
他是部落男主角
28 October 2007
講開大事回顧，其實做番個大事回顧都係一個好提議﹗
之前我會間唔中review下個blog，不過呢排真係冇咩時間，反而頭先出crew，聲控camman影野，咁先有空閒時攞部n76上網
原來寫左好多關於他的事
哎，一個星期冇處理過d任務，幾時先打爆機？身邊的人已經去到好高層次，我仲喺beginner's level…
真係好畸呢，冇帶鎖匙，冇門返，不過好在冇咩特別，出完crew唔使一定要返去換番套戰衣或沖個涼再出去，直接去搵番某人囉，玩完食完hea到個屋mate玩完哈佬喂返來…
講開大事回顧，其實做番個大事回顧都係一個好提議﹗
之前我會間唔中review下個blog，不過呢排真係冇咩時間，反而頭先出crew，聲控camman影野，咁先有空閒時攞部n76上網
原來寫左好多關於他的事
哎，一個星期冇處理過d任務，幾時先打爆機？身邊的人已經去到好高層次，我仲喺beginner's level…
真係好畸呢，冇帶鎖匙，冇門返，不過好在冇咩特別，出完crew唔使一定要返去換番套戰衣或沖個涼再出去，直接去搵番某人囉，玩完食完hea到個屋mate玩完哈佬喂返來…
bite of the year選舉
27 October 2007
晏晝架車去左海旁hea，腦海中計劃一下工作安排，既然諗住做夜d，忽發其想去宵夜，咁就要即興實行，時間係凌晨凌時，地點係太子小肥牛，新開發的打邊爐落腳點，只可惜閂三點，有now但冇波播，O 咀…
但她點名想見到人搵唔到，失蹤…
anyway，八個人，喪食牛，好味，好餓
限量版呢d陳年舊事啦，林柏特都已經大個仔，仲提…
仲係十月啫，未到年尾，做大事回顧又好似早左d
咁係咪要搞個bite of the year選舉？
但選之前，要加埋今日個bite入候選名單：唔好揭
其實呢，大家應該嘗試發掘新事物、新話題，或者開過個新angle啦唔該
頭先得知的消息，原訂於12月1號的海鮮bbq party應該會改期至8號，因為2號補選垃圾會，相信大家極大可能要返工
正在逃避，既然暫時可以逃之夭夭，就不要再被這件事，甚至這種感覺困擾自己
假若要面對現實的話，又未至於是明知不可為而為之，但絕對是不為也非不能也，人就是這樣…
工時係朝8點9晚11點半，其實，我都可以成為工作狂，只是我不會選擇這樣做
但實際上我應該做遊戲王適合d
尋日講漏左的搞笑事，係同事甲自行去雪櫃order左汽水走汽，係咪搞笑…
不過有咩正野稍後再續，包括朋友仔的問題，因為朝早10點出車，要訓喇
晏晝架車去左海旁hea，腦海中計劃一下工作安排，既然諗住做夜d，忽發其想去宵夜，咁就要即興實行，時間係凌晨凌時，地點係太子小肥牛，新開發的打邊爐落腳點，只可惜閂三點，有now但冇波播，O 咀…
但她點名想見到人搵唔到，失蹤…
anyway，八個人，喪食牛，好味，好餓
限量版呢d陳年舊事啦，林柏特都已經大個仔，仲提…
仲係十月啫，未到年尾，做大事回顧又好似早左d
咁係咪要搞個bite of the year選舉？
但選之前，要加埋今日個bite入候選名單：唔好揭
其實呢，大家應該嘗試發掘新事物、新話題，或者開過個新angle啦唔該
頭先得知的消息，原訂於12月1號的海鮮bbq party應該會改期至8號，因為2號補選垃圾會，相信大家極大可能要返工
正在逃避，既然暫時可以逃之夭夭，就不要再被這件事，甚至這種感覺困擾自己
假若要面對現實的話，又未至於是明知不可為而為之，但絕對是不為也非不能也，人就是這樣…
工時係朝8點9晚11點半，其實，我都可以成為工作狂，只是我不會選擇這樣做
但實際上我應該做遊戲王適合d
尋日講漏左的搞笑事，係同事甲自行去雪櫃order左汽水走汽，係咪搞笑…
不過有咩正野稍後再續，包括朋友仔的問題，因為朝早10點出車，要訓喇
借你的肩膊讓我哭
26 October 2007
很想哭，但哭不出來不知從何說起，也不知可跟誰說起，這件事至今只有一個人知道，是前天跟你說的那件事
差點忘記了笑逐顏開的感覺，仔細想來，最近能討我歡心的人和事，竟然是…答案令我更迷失
人有時候不願意拿主意，不想做決定，因為不想面對選擇錯誤的挫敗感，又或者是不想為無關痛癢的事情費神我剛才說：既然諗唔到去邊食，咁唔食喇也許有點極端，但為了吃飯這等小事而傷腦筋、傷神、傷和氣，多麼不值，不吃既免卻麻煩，又何妨？
我沒有說謊，我的答案都是真說話，只是你會錯意，我也沒有法子
多謝你這幾天陪著我
很想哭，但哭不出來不知從何說起，也不知可跟誰說起，這件事至今只有一個人知道，是前天跟你說的那件事
差點忘記了笑逐顏開的感覺，仔細想來，最近能討我歡心的人和事，竟然是…答案令我更迷失
人有時候不願意拿主意，不想做決定，因為不想面對選擇錯誤的挫敗感，又或者是不想為無關痛癢的事情費神我剛才說：既然諗唔到去邊食，咁唔食喇也許有點極端，但為了吃飯這等小事而傷腦筋、傷神、傷和氣，多麼不值，不吃既免卻麻煩，又何妨？
我沒有說謊，我的答案都是真說話，只是你會錯意，我也沒有法子
多謝你這幾天陪著我
投入醫生的懷抱
25 October 2007
最後，最後，都係應邀同他去睇醫生
他今日放假，一半係唔想一個返工look去睇show喎，不過其實另一半原因係真係咁啱啫
為免被其他朋友仔讉責，所以暫時封咀，唔講個show的舞台設計、服裝、曲目、效果等，但不得不提的係玩人浪，哈哈﹗
就係鍾意你夠傻，或者我比你更傻，所以先鍾意左你咁耐，跟左你咁耐
他撞到friend喎，後來仲約埋一齊食宵夜，係兩條女，感覺怪怪…
但後來喺旺角等過馬路途中，一個唔係好熟的她來拍我，嗰一刻反而覺得好在嗰兩條女在場，免得她再進一步誤會我和他
不過，兩條女有兩條女吹水，撓晒手，我和他仍然密密斟，所以我估她都係會繼續誤會下去
有d野，係你先明…
等緊睇醫生
24 October 2007
頭先做左一件一直好想做的事，講左一番一直都好想講的說話…
同他去食飯，冇預計會食到大閘蟹，really surprised
原來今年第一次食咋
睇醫生成為了身份的象徵，你一係識人搵到門路攞飛，一係就好有誠意地好努力地排隊或打電話或上網買飛訂飛
他的門路是一個來自katie chan production co ltd的信封
一來實在太多野做，二來根據過往的經驗，醫生要兩三場warm up，都係做晒野先去睇d啦，所以都係決定睇9號10號終極兩場，所以感覺怪怪，好期待快d到9號10號，但又怕呢日來臨，因為實在太多野未做晒…
朋友甲早前透露想睇，仲呻買唔到飛，我話有尊貴靚飛，而家又話唔要，480嫌貴，係咪fans先？咩料？
咁sorry喇，我手頭上同d friend攞到的都係480蚊飛，蘇州過後冇艇搭
睇醫生亦係近期盛事，不容錯失
他：你要我真金白銀拎錢出來買飛睇，我只會睇陳奕迅
頭先向他展示傷勢，隻手仲瘀緊，不過按下去不痛了
頭先做左一件一直好想做的事，講左一番一直都好想講的說話…
同他去食飯，冇預計會食到大閘蟹，really surprised
原來今年第一次食咋
睇醫生成為了身份的象徵，你一係識人搵到門路攞飛，一係就好有誠意地好努力地排隊或打電話或上網買飛訂飛
他的門路是一個來自katie chan production co ltd的信封
一來實在太多野做，二來根據過往的經驗，醫生要兩三場warm up，都係做晒野先去睇d啦，所以都係決定睇9號10號終極兩場，所以感覺怪怪，好期待快d到9號10號，但又怕呢日來臨，因為實在太多野未做晒…
朋友甲早前透露想睇，仲呻買唔到飛，我話有尊貴靚飛，而家又話唔要，480嫌貴，係咪fans先？咩料？
咁sorry喇，我手頭上同d friend攞到的都係480蚊飛，蘇州過後冇艇搭
睇醫生亦係近期盛事，不容錯失
他：你要我真金白銀拎錢出來買飛睇，我只會睇陳奕迅
頭先向他展示傷勢，隻手仲瘀緊，不過按下去不痛了
一睇我個樣就知我嗒糖大啦
23 October 2007
今日在msn同電話圍著我的，全部都係仔
他date我睇醫生頭場
像往日一樣，和他以honey、baby相稱
跟他chat不停
繼續與他糾纏不清
斷斷續續的曖昧對話，將大家帶進幻想空間…
吞吞吐吐的他其實很有趣，遲遲唔捨得收線
你估下我係honey定baby？哈哈
bite of today：真係想喺你隻手刻番「自家用」三個字
他問我食左飯未，其實食左半包朱古力餅同一罐可樂，我當食左架喇，返去食多包薯片咪一餐囉
聽晚打邊爐，食多d野儲定能量過冬
尋日去完樹林捐血，兩隻手腫晒，尋晚已經唔痕，以為冇事啦，但唔知點解今日仲痕過尋日，兩隻手好似生野咁，一dat dat激痕…
聽晚又開歐聯，朋友甲又發起睇波活動，不過聽晚d波真係唔吸引喎，下次丫﹗
我諗我會進入連續幾星期的鬱燥之中，因為故期越迫越近，忙事煩事越來越多
而呢幾日要好好安排d時間，如果冇人約嗰晚就留夜d，做得幾多得幾多，咁到有人約時就可以去玩，即使係去食餐飯都好丫
今日在msn同電話圍著我的，全部都係仔
他date我睇醫生頭場
像往日一樣，和他以honey、baby相稱
跟他chat不停
繼續與他糾纏不清
斷斷續續的曖昧對話，將大家帶進幻想空間…
吞吞吐吐的他其實很有趣，遲遲唔捨得收線
你估下我係honey定baby？哈哈
bite of today：真係想喺你隻手刻番「自家用」三個字
他問我食左飯未，其實食左半包朱古力餅同一罐可樂，我當食左架喇，返去食多包薯片咪一餐囉
聽晚打邊爐，食多d野儲定能量過冬
尋日去完樹林捐血，兩隻手腫晒，尋晚已經唔痕，以為冇事啦，但唔知點解今日仲痕過尋日，兩隻手好似生野咁，一dat dat激痕…
聽晚又開歐聯，朋友甲又發起睇波活動，不過聽晚d波真係唔吸引喎，下次丫﹗
我諗我會進入連續幾星期的鬱燥之中，因為故期越迫越近，忙事煩事越來越多
而呢幾日要好好安排d時間，如果冇人約嗰晚就留夜d，做得幾多得幾多，咁到有人約時就可以去玩，即使係去食餐飯都好丫
訂閱：
文章 (Atom)