充實

朝早返工，未行到天橋開始落雨，半跑，膽粗粗叫前面個女仔遮埋我，點知越落越大，佢擔住把縮骨遮仔都問我使唔使遮埋我過橋，死就死啦，其實佢遮我自己都濕埋，勁唔好意思

但最笨的事係，返到公司先發覺，原來我個袋有把遮

lunch有好多野做，要配番個燈掣，又要配鎖匙，同事甲陪我行左九條街，烈日當空，好叉熱
我帶佢去食金鳳，雞批菠蘿油蛋撻加凍奶茶，勁滿足，好耐未食過咁開心的午餐，仲飽左成日
夜晚同朋友仔去左飲野傾計，三個鐘一陣就過左，最正係有啲心裡面的感覺，可以暢所欲言，無需顧忌

做了傻事，做了樂事，很是充實的一天

戒口

肩頸腰背一齊痛，就來想自殺
搵醫師推拿，再三叮囑我要戒口
不要吃糯米，濕熱的東西，如榴槤、荔枝、龍眼、芒果
我心諗，你有冇流D，呢D野我不嬲都唔食

佢繼續講，唔好食無鱗魚，例如塘虱、鱔之類，有鱗魚唔好食…
哎，我都冇心機聽，我根本唔食魚，唔理佢有冇鱗

醫師再碎碎唸，唔好食家禽，雞鴨鵝乳鴿
吓…

唔好食酸野，因為佢會令D筋"拿"住
哎呀，呢排好鍾意飲果醋，算唔算…

唔好食辣野，因為…
噢，唔通衰呢瓣？

唔好飲咖啡奶茶朱古力
如果係咁，中午開飯就大鑊，基乎唔可以食燒味，只可以食叉燒同乳豬
叫野飲亦好大鑊，有檸檬的唔飲得，冇埋奶茶同朱古力，即係只可以飲菜蜜、利賓納、汽水同好立克…
仲有，唔可以食辣，個人會好唔開心架﹗

獨孤精

昨晚哭了，甚麼也不想說，只覺得心情一下子掉進谷底
唯一的目標，以及令人開懷的事，去旅行散心吧﹗

引用朋友的話：
我認為能和合拍的人旅遊是人生一件美事
有個伴去旅行唔容易, 返黎隨時可能唔係朋友

我想說，默契差那一點點就是一點點，連旅行地點都未決定到，已差點吵架收場﹗
也許真係我為人麻煩，個性鮮明，有立場有主見，又鍾意自己問題自己解決，是一個自己樂趣自己享受的獨孤精
忽然覺得，身邊的人不是那麼可靠，不是那麼值得依賴和信任

播歌時間又到

換了新電話，雖然科技智能化，可以令很多事情變得方便，但總有些事情，要自己操勞，例如重新輸入亂碼歌曲資料
播歌時間又到，不同的歌曲，故事，氣氛，不約而同，浮現同一張臉孔，呈現同一種心情，想哭…

其實，犯遍了錯誤先碰著你，自信我會懂怎去愛你
盼望，最喜歡那個是最後，但最後

忘了是怎麼開始，也許就是對你，有一種感覺
忽然間發覺自己，已深深愛上你，真的很簡單

記得當時誰路過，秒針忽然停頓過，氣温濕度曾驟變太多
記憶不停重疊過，你的表情提示過，愛的可能，是我
想法太亂，幻覺太多;疑慮很大，直到說不清楚
心算太慢，但仍然算錯，找對人，偏錯過

那些年錯過的大雨，那些年錯過的愛情，好想擁抱你，擁抱錯過的勇氣

我只覺得自己滿身傷痕，遍體鱗傷，體無完膚
看淡世情，對，我接受現實
但內心已變得很脆弱，很痛，忍忍作痛，自我保護機制啟動了，不想花氣力，付出