5 April 2007
中毒與解藥的事，今日再續…
尋日搵到的解藥，叫朋友，可解孤寂之毒
但忽然對自己失去信心，對自己的能力感到懷疑，這種迷失，有解藥嗎？
解開了心結自然毋需解藥，我能自救嗎？
思念你，未能看到光明的前路，「是你嗎？」與「是我嗎？」的問題常在我心縈繞，病情時好時壞，視乎你我的心情，你是我的解藥，你會來拯救我嗎？
唯恐解藥未能及時找到，毒發身亡，藥石無靈
事緣尋日打俾佢問去唔去bbq，你搶住要同我講幾句，問我：聽晚唱k好唔好？
我：好呀
你：咁我講多一樣你聽，包你話兩個好——某甲請唱k好唔好呀？
我：好呀好呀好呀好呀
你：嘩，四個好呀﹗
所以今晚稍後有唱k活動
我結果都係冇出去了解membership事件，有關方面頭先再打電話來問，點解咁緊張？
頭先成5點先起身，假期又少了大半天…
尋晚做左白痴仔，諗住叉電飛線，但飛左落個錯的電話號碼，你以為我冇交電話費，真搞笑﹗
long time no bbq，但尋晚真係好凍，另有一番風味
咁究竟多春魚d春係應該含、啜定係咬呢？不得而知，只知你好畸呢，殺魚取春，淨係食d春，真係第一次見