密密斟

18 December 2007

偉大的歐聯fri抽籤，希望我愛隊抽到支好籤啦…god bless，不過我唔信你架喎，嘻嘻﹗你唔係咁小器，我唔信你就唔bless我嘛，呵呵﹗

竹戰，大戰唔知幾多回合，最大嗰鋪只係清一色7番仔，幸好全身而退，但唔銖下家反銖上家，哈哈﹗

喪msn，直至四點半，竟然有咁多野傾喎

你兩個做咩拖住？

17 December 2007

尋晚結果梗係去左飲野啦，8個人，我負責教大家玩渣手指遊戲，真係得呀，大家都話好玩﹗哎，我玩骰仔真係好屎架，連輸唔知幾多板，飲左好多波羅賓治…
你問我有冇飲醉，咁又未至於，只不過係有少少酒意，對d波羅賓治+ chivas in soda+ chivas in綠茶+ 一杯稱聲係朱古力酒的shooter有輕微反應咁囉
印象中好似同某人拖住左，十指緊扣，她指住我地：你兩個做咩拖住？

不過真係好辛苦，訓唔到，囉囉攣，但個人其實係好累，暈暈地，有d頭痛，有d想嘔，但又冇野嘔
本來喺夢鄉門口徘徊緊，差唔多行到入去，俾一個只係見過一次面，自稱求偶期中的女人嘈醒，除了O咀，還有O咀…

朋友家中一邊英超大戰，一邊睇我遊茶馬古道，只不過我愛隊同我愛人都…
哎…
但係我仍然會支持你﹗

真係好想學跳舞，俾人串：舞晒脂肪嗰d呀？
我：no啦，我想學華爾茲嗰類ballroom dance，咁咪可以去下ball咁囉
她：吓，你而家係咪嫌棄我地擘酒先？
真係唔敢唔敢…

某君問：呢隻枚叫咩？
我：唔知喎
某君：原來叫唔知枚

咁就喺度教大家玩呢隻唔知枚，將佢發揚光大啦﹗

人數：四人或以上，理想人數為六至八人用具：骰盅(每人一個)、酒水(大量)、枱(一張)、杯墊(指定接龍起始位置)

1/ 搖骰盅
2/ 搵個人叫「開始」，大家先可以睇，但只可以睇一次，違者，未叫「開始」睇骰罰飲，睇多過一次罰飲
3/ 有三粒一樣的骰的玩家，放隻手指公出枱面指定位置，其他人接龍，原理好似com棉胎，但此遊戲以渣到手指公為準，反應最慢者罰飲
4/ 龍頭的玩家開骰盅，將三粒同款以外的骰的數目加起來，例如d骰係3、3、3、2、5，咁就將2+5=7；單數由下而上，雙數由上而下，根據加出來的數目，數中邊個就邊個罰飲
5/ 曾經開過個盅的玩家才可以再搖，但亦只可以睇一次
6/ 如是者，有三粒同款骰仔的玩家帶起玩接龍，直至冇人有三粒同款的骰仔為止
7/ 值得注意的係唔使等人罰飲完、斟完酒，只要有三粒同款的骰，就隨時隨地都可以放隻手出來kick off接龍
8/ 為左獎勵玩家，如果搖到四粒同款的骰，可以指人飲
9/ 為左與眾同樂，如果搖到五粒同款的骰，除左自己之外，在座的都要罰飲
10/ 如果冇三粒同款的骰而去帶頭接龍，罰飲
11/ 沒有在指定位置帶頭接龍，罰飲
12/ 當冇晒三粒或以上同款的骰，就玩番大話骰，由最後一次龍尾的輸家先叫，但任何人都不可以再睇骰盅
13/ 如果開始左玩大話骰而有人冇依三粒同款 / 四粒同款 / 五粒同款的玩法帶領接龍或指人飲，持骰者罰飲
14/ 玩大話骰直到有輸家，輸家罰飲，遊戲結束
15/ 下一鋪由之前一鋪的大話骰輸家(如只有一名輸家)叫「開始」kick off；如上一鋪大話骰輸家多於一人，新一輪由大話骰贏家叫「開始」kick off

交出你部PSP

15 December 2007

哈哈，真係返工都冇咁勤力，即使會考a level咪幾支火箭番來嗰時都冇咁勤力…
行街shopping甚至去玩的興緻都大減，由晚到朝，繼續打機﹗
再係咁落去，我會唔會變成電車女？

依計行事

14 December 2007

其實我唔係一個沉迷打機的人，以前唔係，不過而家就難講d
尋晚d歐聯認真馬馬地，所以一路打機一路睇，打到差唔多天光，跟住訓到差唔多天黑先起身，係出左去嗰一陣冇打機，未夠十一點返到來，又繼續打，打到而家，係朝早的六點
一直都過唔到嗰關，終於都過到了﹗

一早計劃今日係去買衫，但因為大會未決定到著咩衫，所以行程有變
預計會唱k和打邊爐，都ko左，至於揼骨，我諗機會未必咁高…
而家新加目標係打一至兩場壁球，增加假日的健康指數

另外，差d唔記得，生日快樂﹗

我要殺死你

13 December 2007

我鍾意發夢，因為夢中可以做到現實做唔到的事，例如殺人
遇到唔鍾意的人，朋友問我點算好，我話：殺左佢咪得囉﹗
某人知道了我的秘密，把心一橫，不如殺左佢囉﹗
將目標引去一個地方，然後…
用咩武器？唔記得了，總之就殺死左佢囉
殺左幾多個人？唔記得了，不過其實唔係好多，一隻手都數得晒
試過殺了他後感到好後悔，因為以後都見唔到他，原來，我已原諒了他，他又復活了

夢中我亦都係一個超級鍾意飛車的積犯，唔知點解成日都要渣車返大陸
海關問：今次唔飛車喇？
我：點解唔飛？不過等多d車條路繁忙d刺激d，你聽食塵啦﹗
渣住架F1衝關，都唔知時速開到幾多，只知見車過車，仲飛埋過對面線，對住d對頭車衝，就撞嗰時即刻扭軚飄移避開佢，又或者撞到d車彈開仲激

冇可能的野，唔好諗咁多

一句殺死人的說話

11 December 2007

他結婚了，我怪他現在才告訴我，我怪他不讓我早點認識她，我怪他怕我介意令我醒來以後仍輾轉反側的感覺，持續了一段時間

連玩幾晚通宵，單眼皮情況嚴重了我發現了我和他，陷入一個謎既然一句說話破壞了一段關係，咁一句說話足唔足夠挽救番呢段關係？口中說不介意，見到面雖不至於面阻阻，但顯得超唔自然，大家心裡都有一條刺，仲有咩好講？點解，點解搞成咁？

她散左，安慰的說話是：俾個機會你搵過個更好的

有d朋友，你會同佢攬頭攬髻，不過亦有d朋友，只係刻意唔同你一個攬頭攬髻這是一條伏線嗎？

問太多根本不會講，束縛不來如人馬座突然而來的默契，四目交投，不需要理會旁人的目光，人馬座的我和他，就是活在自己的世界裡

差d唔記得，我d北京烤鴨味百力滋已經到手了，thx﹗

巨型牡丹蝦賀壽

08 December 2007

幾日冇blog野，啱啱沖完涼，醒醒地，一次過簡單地記低呢幾日發生過的事

好耐都冇玩過，mon諗住約人wed去玩啦，連追兩日更，tue朝返到公司以為做es，但原來一場誤會下冇得做，sun出街的尋龍記，一定要搵到期做囉，結果話wed晚，真係O咀，咁咪冇得去囉…
tue晚同她講，唔使約人了，真係灰左曾經被約的人一臉疑惑，乜生日會唔係星期六搞咩？
我更疑惑，因為從來冇人confirm我去唔去，如果真係為我搞生日會，點解會唔搵主角？
wed返夜，返到去就被捉住開會，期間他打來問係咪去玩，我將返夜的壞消息話俾他知，但他說：咁都可以約人去玩架結果他約左d人咁啦，我話放工搵他
佢真係好，唔食飯都幫我搞埋個es，極速完成，thx﹗
跟住碌左出旺角，同佢地食飯，好肚餓呀，跟住去左唱k，只有友好數人，有d友好冇到，anyway，我寧願少人d，都唔想要d唔friend唔熟唔啱玩的人來充撐場面囉
thu全日心情戰戰兢兢，因為好怕grapic改唔切個地圖，又怕老細大改隻故仔，但好彩放工前一切已經釋懷，因為只需要讀多次三段vo，同埋改少量字幕，老細應承幫我執手尾，fri起可以安心放大假，so，以行街來預祝生日，行到腳仔軟
fri，即係今日，我生日的大日子，晨早流流起身，行動目標係去海洋公園，諗住生日去跳樓，但團友唔肯跳囉，咁就算數，主攻所有機動遊戲，會轉動的例外，因為我天生耳水容易不平衡，唔轉得，但結果都係玩左飛天千秋，竟然玩個咁既野會驚喎，人地個個放開雙手扮飛，我捉到實一實，出晒手汗，膊頭崩緊…
可能我唔夠幸福啦，諗住玩幸福摩天輪，但維修冇開上到d機動遊戲係咪都大嗌，但其實真係好碎料…
我嚷著要睇海洋劇場，途中我話：一陣都要大叫，嘩，救命呀，d海豚游埋來呀，嘩，d海豚好得人驚呀，嘩~~
但最恐布的事係，玩緊海盜船時電話響起，一拎起睇個來電，係公司no…
最好玩的竟然係跳彈床，可惜唔可以打關抖啦離開海洋公園去左tst，首先去訂package，但收到天大的壞消息，就係我想去北海道的日子，嗰幾日d機位已full，天呀…
東京去過好多次喇，左揀右揀，其實冇乜得揀，唯有去大板囉，但其實機位都未confirm到，要出發前七日先知
我：如果嗰時去唔到大板，fit到schedule，咩地方有機位就去邊度，夠刺激
帶住失落的心情去食飯，生日飯食我飛佛日本野，一坐低就瞄住得一隻孤令令在雪櫃裡的牡丹蝦，不過師父話仲有…
食完d魚，終於可以食牡丹蝦喇，師父話：嘩，你對眼發光咁
我：我真係好鍾意食牡丹蝦﹗所以我又要刺身又要壽司，我同師父講我今日生日，佢揀左最大隻的蝦俾我做刺身，真係好鬼大隻架，係我食過最大隻的牡丹蝦，炸左d蝦頭返來，一字排開，嗰隻係寧寧捨捨大蝦一等，好過癮﹗
秋刀魚唔當灶lu，冇得食，所以繼續各式拖羅、池魚、鮑魚、象拔蚌、螺、帶子、海膽、三文魚子，仲有一d平時少食，所以食完都唔記得佢個名的魚，總之就喪食

一連13日的annual leave終於kick off了，安排了以下活動：
7/12：生日，遊海洋公園
8/12：bbq
9/12：去飲
10/12：剪頭髮，可能要返公司執手尾，約左人食飯
11/12：冬眠，夜晚睇歐聯
12/12：冬眠，夜晚睇歐聯
13/12：行街買衫，物色做mc當晚的行頭
14/12：在屋企hea、打機、冬眠
15/12：約左人食飯

至於16-19號，容後再訂，當然，如果有突發去玩的活動，我第一時間又會碌出去，另外，我計劃在呢段期間打一次邊爐、唱一次k，最好仲可以揼一次骨所以話呢，放假都好多野做，時間亦好快過去…

朋友曾經質疑，生日啫，都唔係好大件事，又要攞大假、去旅行，安排一連串活動…但你錯了，我覺得生日真係好重要，所以要同一d比較要好、幾要好，同埋我想見的人一齊過囉

成個禮拜冇打邊爐

04 December 2007

約佢地約唔成，結果約他們，目標都係打邊爐
麻辣鍋=喉嚨痛，立即見效…

睇番醫生的新秀片段，其實，我曾經都有諗過參加新秀，第一次有呢個諗法，係中四，同朋友商量過，但她認為要考完會考先，結果等了一年；到中五嗰年，因為考試、功課各樣野，冇左件事；中六，參加過學校的sing con，又再發夢…最終當然冇參加過，好似連報名表都冇拎過冇填過哎，我份人就係咁，欠缺一份決心

另外，屈在公司的戀情，跟一對吵架的同居男女沒有分別，情況甚至更糟
鬧完交，明明好唔想見到佢，但返工一定見到，佢死lur做埋晒d無賴野，唔通真係在眾人面前兜巴聲佢咩…
同類事件曾經在校園裡發生，我唔容許自己可能或者有機會再遇上同類情況

我跟你不是朋友

03 December 2007

我一直認為人有一種自我調節的能力，有一種自我upgrade的能力

早陣子忽然對困擾我良久的人和事，不知從哪一刻起，有了豁然開朗的想法，在不自覺間想通了以前曾經刻意經營，刻意做一些小動作，嘗試令這件事變得稱心如意，但事與願違…我和你之間，好像經歷了很多，但其實經歷了很少，而最近我發現，我不願意為你付出更多，夠了，就好像去旅行一樣，到此一遊就夠了我是一個絕情的人，我想你應該明白我說甚麼經過了這一段時間，找到了令自己舒服的方法，也許，跟學懂放下多一點執著有莫大關係，所以現在，我跟你不是朋友了…以前我認為這結局令人十分婉惜，但現在我覺得沒有所謂

所以我一直認為人有一種自我調節的能力，有一種自我upgrade的能力最少，我相信這一套

他在東京，他說唔係好凍不要甚麼貴重手信，一如以往，都係要埋d期間限定的野或者d無聊野，除左電影poster同特別味的百力滋外，今次我特別想要嗰本catalog，thx﹗

補選日返通宵，補選對於我這個非港島區、政治冷感的香港人，有甚麼意義，請你跟我一起反思反思吧…首先，為甚麼要向民主投一票？7號就等於民主嗎？香港嗰班所謂民主人，咁多年做左d咩好事？我只覺得係一班老鼠，得閒走出來挑起隻貓條癮，大不了只係激下隻貓，實際上咩都冇做過今天過後，垃圾會多了一舊垃圾，多了一個雙面人，只會多了一點紛爭這個雙面人一方面要討好中方「同中央溝通」，另一方面又強姦民主女神，打著民主牌，搞咩？其次，另一個忽然認錯，突然道歉，意圖大翻身，經常一句共識兩句共識，每個人都沒有立場何來共識？裝民主得不知廉恥真係唔係好明點解總共有三十二萬幾人會在垃圾堆中揀垃圾，然後投票俾呢兩舊準垃圾，選一舊垃圾中的極品…

啟動生日倒數模式

01 December 2007

尋晚口快快答應了做她婚宴的mc，其實都冇好清楚了解成件事…
晏晝越諗越大穫，未做過呢類mc，又怕唔識搞氣氛，又怕講錯野，又唔知著咩衫，又怕冇得玩，噢…

尋晚ko晒d電視就訓覺，訓到三點幾，因為「約」左傾心事，後來訓唔番，望天光，搞到成日都好眼訓，勉強執埋9號在第9台出街的短故，不過今次冇扒，另外都好認真地hea左篇都市日報的稿，得嗰「大拿拿」千五字，都唔知寫乜好

在最後一日，差唔多最後一刻先話俾許願樹聽想要九鐵套火車模型，好彩仲趕得切落order，嘻嘻
他的burberry帶一眼就認得出，浮誇左d…
他似乎好苦悶， 連續三日都問有冇野玩，但我講過啦，我唔會搞活動的

舊公司的L先生接受了我個節目，即係《時事寬頻》的訪問，講關於選舉equal time，詳情請留意今個星期六，即係聽晚八點半財經資訊台
星期日的補選都係走唔甩，被征召入伍，初步了解係返通宵的general news，都幾畸呢，有冇野做架？幫psp、nds同nano叉足電穩陣d
至於沉淪記的後期工作，星期一會resume to normal，將所有事夾埋一齊睇，都幾O咀，因為sun返完通宵，mon極之可能訓唔夠五粒鐘又要碌返去跟剪，tue晨早十點又要楝個人做es…
《尋龍記》之「茶馬古道行‧普洱篇」將於12月9日(星期日)，晚上十點半財經資訊台首播
唔知係咪走在事實最前線真係有咁大影響力呢？我見三色台都唔執輸，在12月10號推出茶馬古道逍遙遊

今日開始count down to my birthday until 7dec!!!!!
她可能從他口中得知我約左人食飯，她本來打算因她之名約宵夜，以為我食完飯ok，但其實我講的食飯，係食宵夜雖然返番normal，但都係鍾意十點零十一點食宵夜的感覺，唔使同人迫她的宵夜結果都係流灘左…

我認為、相信、深信，唔應該在工作的地方燃起戀火，因為那不會不可能只是兩個人之間的事
咀巴生在別人的臉上，你不可以控制別人說甚麼；腦袋生在別人的頭顱裡，你不可以控制別人想甚麼
甜酸苦辣，你介意不介意，乎不在乎也好，都會成為別人的話題，引起各式各樣的問題
而最大問題是返工對足十個鐘，可能朝早又約埋一齊返工食早餐，放工又不自覺走埋一齊搭車食飯，到放假再見面，還會期待嗎？將一段感情快速催熟，然後摧毀…
我不肯定是否「每一次」都能夠大大方方面對，對方也是大大方方接受，要排除任何有機會引起尷尬面阻阻的hard feeling，所以不要在公司裡挑情人

相識十年

29 November 2007

等住我ko的多的是，沒完沒了…

尋晚一個中學同事透過facebook搵到我，佢話認得我相張，我同十年前冇咩分別，其實他樣貌都冇咩改變但原來，我和他咁就識左十年
有時搵番d以前識落的人，開場白第一句係：你記唔記得我？其實，如果曾經認識，你我之間曾經發生過一d事，又點會咁易唔記得呢…

日有所思，夜有所夢

28 November 2007

其實我要養好把聲，所以原本想打邊爐，都係放棄了…

最近經常發夢，夢中的主角都是一樣的，而且係有劇情，有連貫性，十分有趣
其實係幻想還是夢？

終於ko左，太好了﹗

以街坊裝亮相

27 November 2007
經過四個星期的繁忙和煩忘，終於可以稍為停落來，過一個簡單平淡的星期一與好朋友煮飯仔，但中間發生小插曲事緣係我落左樓下買煎釀三寶，上番去的時候經過粉麵舖，見到一個爆炸頭坐喺門口張枱，咪打俾佢囉，原來真係冇認錯人喎，咪過去say個hi囉但跟住我就發現我做錯事…某甲：(指住我)嘩，你嗰件咩衫？我：中大件pe衫佢：以為你扮中學生夾起晒d頭髮，以一身pe衫look的街坊裝亮相，同平日的我好唔同，真係有d古怪…佢：你咁快走？我：返去煮飯呀佢：咁你又落來？我：我個friend話食煎釀三寶咪落來買囉佢：咩friend呀我：咪好朋友囉well，第日落街都係要換番套晚禮服先

尋晚以為好番啦，急不及待開包薯片食，但真係賴野，今朝起身又喉嚨痛番，越夜聲越沙，而家仲有d起痰feel，千祈唔好呀…

想那日初次約會，心驚手震膽顫忙裡泄露各種醜態像喪屍而尷尬是快餐廳裡，我誤把漿汁四周亂濺，駭人場面相當諷刺你及時遞上餐紙，去為我清洗襯衣剎那間身體的觸碰：大件事今天看這歷史，像褪色午夜殘片；笑話情節，此刻變窩心故事現時大了，那種心跳難重演，極燦爛時光，一去難再遇上一次…奇怪卻是：每戀一次，震撼總逐漸變得越淺，令人動心只得那次﹗
曾經經歷歌詞所描述的情節，感覺也描寫得很到位，每次聽來都勾起這段回憶，一段令人又甜又感慨的回憶
他做了我的論盡豬我做了佢的論盡豬你身邊有冇一隻論盡豬？咁你又做過論盡豬未？

其實我對我們的批評，已經很保守，留了十足情面了…