就出發喇﹗

今日好開心，心情好靚
放工去買mask，上次睇過鍾意scubapro，有d metalic嗰副唔啱我呢d扁鼻
呢副一睇就鍾意，雖然比想像中貴，但好鍾意隻色，係我想要的桃紅色，仲要要單鏡﹗
出發的日子，倒數緊喇﹗

多謝馬會﹗

很幸運成為338.5的一分子，多謝馬會注資我的旅行基金﹗

模式

劇本一早已經寫好，正在等演員埋位，由剪接師按計劃堆砌成想要的模樣
這種「模式」，每天都在不同的時地人發生

小時候，父母希望子女成才，努力讀書，成為甚麼專業人士，再結婚生子，弄孫為樂
哥哥不聽話，偏偏喜歡搞社會運動，朝不保夕，父母把寄望轉到弟弟身上，因為親情，家裡總有一個孩子願意演父母的劇本，編劇本的爸媽，也願意修改劇本，讓孩子能夠好好地演

年歲漸長投身社會，遇到老闆的劇本，他想得到某樁生意
因為利益，他不太講究劇情誇張煽情或合不合理，有人演很出色就好，員工只是受人二分四，合則來，不合則去

時至今日，選議員、推政策，各位扮演小配角的香港蟻民，能夠推翻劇本嗎？
由偉大共產黨嘔心瀝血撰寫的劇本，精心部署，無懈可擊，由尊貴的官員、議員負責演
偉大的共產黨高高在上，權威不得侵犯，你真心相信不做順民有資格在攝影棚中佔一席位嗎？甚至奢望你卑微的意見，能夠讓這台戲更合情理嗎？
沒有名字的小角色闖進大銀幕，不依走位，不唸對白，令各位主角尷尬，NG重來，無數次之後，錢花了，人力耗了，面子掉了，你認為導演會白白讓付出如流水般遠去嗎？

我們做很多事情，實際的結果，只能令某些人尷尬，拖延一點時間
歸根究底，我們不願意相信沒有選擇的餘地，不願接受我們無力自主的事實，垂死的掙扎，也許，只能讓自己良心好過一點

別想太多

有些東西，你擁有時對它置若罔聞，有人覬覦已久，更在不知不覺間，亦步亦趨
最初他不敢直接把它拿走，先摸摸它，誇誇其詞，明示暗示說他喜歡，再威逼利誘你乖乖自動奉獻，後來變成習慣，被他操控，繼而據為己有
他改變它，你無權控訴；他破壞它，你無力挽回

你以為我說鈔票？自由？選票？
別想太多！

冤枉錢

原本個單門雪櫃其實想換好耐，遲遲唔郁手，其中一個原因，係唔想使錢，呢個亦係最重要原因，而且個雪櫃仲好地地用到，無理由扔左佢，送俾人應該都冇人要，貼錢車去俾慈善團體，哈哈，我未至於咁有善心
總之一直都冇迫切性換，直至星期四晚，清理冰格D冰，不小心地人為地整壞左個雪櫃，佢唔再識制冷，無法啦，唔想使錢都唔得，一定要買

星期五lunch去睇過，因為要擺個微波爐喺上面，一定要買部矮得得的，基本上冇咩得揀，呢部之前喺荃灣吉之島睇過，咁啱times square豐澤都有，個價錢牌標$2780
我都冇乜意識去問佢有冇折，因為上次買抽濕機的經驗，我諗我以後都好難再幫襯D大型連鎖店
百老匯仲串，冇賣雪櫃
同事有教協會員卡，賣$1978，平一大截，可惜冇貨
收工前好努力地上網搵，上次賣抽濕機間野試過，可信的，諗住再幫襯，但冇貨
其他又唔知邊間信得過，結果去左yahoo拍賣，好幾間開價$1960-$2020咁上下，免費送貨，有電話打電話，冇電話留言，邊個快覆，有貨，盡快送就幫襯嗰間
結果而家呢間留左電話轉頭就覆有貨，$1980包送貨，佢八點收工前入錢落到單就星期一送貨，仲有半粒鐘，我即刻飊落中銀落訂，五嚿水
星期六打來約送貨，星期一朝早11-1，搞掂，送貨收埋尾數，現兜兜$1480，我俾左$1500免找

今次平左$780
上次仲誇，部抽濕機我喺豐澤睇$23XX，其實我都十五十六，未決定係咪真係買，無聊上網打個型號格下價，送埋貨都仲足足平一千蚊﹗
打去問，講低電話地址，連訂都唔使俾，約好時間送貨，貨到付款，冇成本，冇損失咪試下囉，又真係堅架喎，真係…
原來，大家好多時都使左D冤枉錢

老實講，如果唔係自己衰多手，今次呢二千蚊都可以暫時唔洗住，呢筆錢先最冤枉

潛水

潛水真係唔平，上左個O仔三千幾，再上埋個A牌二千一
由低B班升為高班

海底世界是藍的，靜的，神秘的，想擁有一套自己的器材，動輒上萬，先從貼身的潛水衣、潛水鏡著手吧
逛過好幾家店，深沉的色調、價錢牌上的數字，叫人購買慾大減
無意中在一家店看到這款shocking pink加上三位數字920，可以，依稀記得這品牌有自己的店，正好灣仔有一家
開在破舊的商場，專門店佔了兩個蚊型店，店員說這是舊款，售680，網站介紹是introductory price

跑到海拔五千以外，腳步放慢一點就可以，水下三數米，已叫人難以征服，扛上大堆器材才能保命