03 February 2008
二月，新一個月，新的開始，所以皇恩浩蕩，戒酒令都解除了
happy friday的活動，又係老地方唱k，8點去到坐低食食食，跟住喪唱，我和他都做了超級咪霸，咪霸一號同咪霸二號，唱到兩點幾都不停拎住支咪，和他喪唱女歌，後來唱勁娘勁經典合唱歌，男聲女唱，女聲男唱，二十個搞事﹗
她帶左她的朋友來，她的朋友又帶埋她的朋友的朋友來，她的朋友本來仲有跡象再叫埋其他的朋友來，雖然後來都係冇，但陌生人的出現，係令我喪唱的原因之一，我唔係好慣，亦唔係好鍾意同唔熟的人一齊玩，玩都要睇人腳，睇心情
不過，又未至於抗拒…
後來陌生人走左，之後咪霸一號都走埋，咪猜同飲囉，唔係話唔飲得，亦唔係因為戒酒令，而係我真係唔鍾意飲啤酒，再加上有人自動請纓，我當然俾佢幫我頂酒啦
anyway，我都有飲既
好似一邊唱一邊搖骰仔的手氣好d，哈哈﹗
又問？
其實，我同佢真係唔係好熟…(direct quote)
以後都black list呢個地方﹗
繼上次16個人，有超過一半人唔飲酒，但唔知點解張單有16set酒，即使係汽水，一人都要飲1set啦，有冇可能呀？16set即係8打，即係96罐，即係三萬四千零八十毫升的啤酒，點飲呀？
感覺被老屈囉…
頭先十點幾俾人趕，又要同嗰d人嗌交、爭論左幾次，最後話叫多4set酒先勉為其難咁俾我地玩落去；有上次俾人屈酒的陰影，又要check住d酒，真係好煩
好喇，埋單走人，但張單又計錯，煩到爆，又要理論一番…
三百幾蚊飲啤酒，真係俾人笑
下次出來玩，落吧啦，如果再去呢度，唔使預我﹗
非常時期用非常手段
講的係頭先套戲的一句對白，亦係頭先睇戲的一個經歷
話說去左睇Sweeney Todd，前面條仔基本上係遮住晒個screen，同陪睇的friend講，咩都唔做，咩都做唔到，真係O 咀，把心一橫同前面條仔講：你隔離嗰邊個位冇人，你介唔介意坐嗰邊，你真係完全遮晒，我睇唔到
well，而家咪海闊天空囉，但我以後都black list呢間戲院，at least呢間house 2
割喉噴血，如花灑般四濺的浪漫主義，似乎Quentin Tarantino的kill bill再浪漫一點，單這一點足夠將套戲打入三級之列嗎？我想三級在於人吃人的道德倫理包袱
香港終於有冬天喇﹗
對於我呢d生於冬天，生於「大雪」節氣的我，非常極之超級鍾意冬天，得番幾度，咁先似番d樣
今日的裝束真係有d誇，冷帽+頸巾+pooh仔羽絨，但其實本來仲有冷手套，但真係唔係真係好凍，戴唔落手
呢d天寒地凍look真係冇幾何，食番杯雪糕夠晒應景﹗
唔知點解，唔知係咪失去味覺，喪食辣，喪加辣椒，直至辣椒多過豉油，已經好多次了，每次都令不同的朋友咋舌，唔知由幾時開始
頭先又發作了﹗
不如遲d搞個麻辣火鍋活動啦，地點係對面海好出名嗰間麻辣火鍋
很討厭女生無端端發出嬌嗲聲、公仔聲、得意聲
我又唔係你條仔，又唔係你target，更加唔係你閏中密友，只係你非常極之普通的朋友或同事，唔使嗲我，我唔受﹗
某次喺公司，講到某同事會去台灣做research，我大叫：可唔可以帶埋我去﹗
其實…
啱啱撞正醫生喺台北開巡迴演唱會，如果我有得去睇就好喇﹗
哎…
唔鍾意唔知自己的working schedule的感覺，唔知幾時出故仔，所以有時d野好難plan，近近地，4月有場喺廣州，有場喺上海
如果…
尋日《都市日報》有一篇咁的報道
香港寬頻高層任命
退任 城市電訊(1137)旗下香港寬頻收費電視新聞總監梁慧珉於2月1日起退任，由李志堅接任新聞總監一職。
為左做台灣選舉故仔，勉強拿起《逆中求勝‧謝長廷的生命美學》一書細讀，最初是為睇而睇，後來都覺得若有所得，總算是意外收穫
第一點是初心，其次是信心與危機的哲學
書中這樣說：
擅長說故事的謝長廷，曾引述明朝劉元卿所著寓言集《賢奕編》裡的一則故事：有一位旅客，黑夜通過一條乾涸的小溪，不小心失腳掉下去，他兩手攀住欄杆上的橫木，心想如果一鬆手，就會掉進深淵急流，不禁大喊救命。趕來的村民告訴他：「不要怕，只管放手，腳離地只有三十公分。」他不相信，抓住橫木大哭，經過數小時力氣用盡，鬆手後，正好站地地面，自己不好意思的笑了：「早知沒有危險，何必白白受苦這麼久。」
又有另一段：
謝長廷說，一個人之所以會被擊敗，是因為他相信會被擊敗，政黨和國家也是一樣。客觀存在而且不易克服的危機，當然也有，但多數危機，是因信心不足才無法克服，或根本是自己信心不足所造成。所謂危機云云，其實是信心危機而已，換言之，信心不足是危機的原因，而非結果。
互勉之
review番舊年的今日，一篇秘密日記，當中有一句係咁的：
「夜晚沖涼時，有想結婚的念頭，唔知點解」
真係唔知點解，點解…
二月，新一個月，新的開始，所以皇恩浩蕩，戒酒令都解除了
happy friday的活動，又係老地方唱k，8點去到坐低食食食，跟住喪唱，我和他都做了超級咪霸，咪霸一號同咪霸二號，唱到兩點幾都不停拎住支咪，和他喪唱女歌，後來唱勁娘勁經典合唱歌，男聲女唱，女聲男唱，二十個搞事﹗
她帶左她的朋友來，她的朋友又帶埋她的朋友的朋友來，她的朋友本來仲有跡象再叫埋其他的朋友來，雖然後來都係冇，但陌生人的出現，係令我喪唱的原因之一，我唔係好慣，亦唔係好鍾意同唔熟的人一齊玩，玩都要睇人腳，睇心情
不過，又未至於抗拒…
後來陌生人走左，之後咪霸一號都走埋，咪猜同飲囉，唔係話唔飲得，亦唔係因為戒酒令，而係我真係唔鍾意飲啤酒，再加上有人自動請纓，我當然俾佢幫我頂酒啦
anyway，我都有飲既
好似一邊唱一邊搖骰仔的手氣好d，哈哈﹗
又問？
其實，我同佢真係唔係好熟…(direct quote)
以後都black list呢個地方﹗
繼上次16個人，有超過一半人唔飲酒，但唔知點解張單有16set酒，即使係汽水，一人都要飲1set啦，有冇可能呀？16set即係8打，即係96罐，即係三萬四千零八十毫升的啤酒，點飲呀？
感覺被老屈囉…
頭先十點幾俾人趕，又要同嗰d人嗌交、爭論左幾次，最後話叫多4set酒先勉為其難咁俾我地玩落去；有上次俾人屈酒的陰影，又要check住d酒，真係好煩
好喇，埋單走人，但張單又計錯，煩到爆，又要理論一番…
三百幾蚊飲啤酒，真係俾人笑
下次出來玩，落吧啦，如果再去呢度，唔使預我﹗
非常時期用非常手段
講的係頭先套戲的一句對白，亦係頭先睇戲的一個經歷
話說去左睇Sweeney Todd，前面條仔基本上係遮住晒個screen，同陪睇的friend講，咩都唔做，咩都做唔到，真係O 咀，把心一橫同前面條仔講：你隔離嗰邊個位冇人，你介唔介意坐嗰邊，你真係完全遮晒，我睇唔到
well，而家咪海闊天空囉，但我以後都black list呢間戲院，at least呢間house 2
割喉噴血，如花灑般四濺的浪漫主義，似乎Quentin Tarantino的kill bill再浪漫一點，單這一點足夠將套戲打入三級之列嗎？我想三級在於人吃人的道德倫理包袱
香港終於有冬天喇﹗
對於我呢d生於冬天，生於「大雪」節氣的我，非常極之超級鍾意冬天，得番幾度，咁先似番d樣
今日的裝束真係有d誇，冷帽+頸巾+pooh仔羽絨，但其實本來仲有冷手套，但真係唔係真係好凍，戴唔落手
呢d天寒地凍look真係冇幾何，食番杯雪糕夠晒應景﹗
唔知點解，唔知係咪失去味覺，喪食辣，喪加辣椒，直至辣椒多過豉油，已經好多次了，每次都令不同的朋友咋舌，唔知由幾時開始
頭先又發作了﹗
不如遲d搞個麻辣火鍋活動啦，地點係對面海好出名嗰間麻辣火鍋
很討厭女生無端端發出嬌嗲聲、公仔聲、得意聲
我又唔係你條仔，又唔係你target，更加唔係你閏中密友，只係你非常極之普通的朋友或同事，唔使嗲我，我唔受﹗
某次喺公司，講到某同事會去台灣做research，我大叫：可唔可以帶埋我去﹗
其實…
啱啱撞正醫生喺台北開巡迴演唱會，如果我有得去睇就好喇﹗
哎…
唔鍾意唔知自己的working schedule的感覺，唔知幾時出故仔，所以有時d野好難plan，近近地，4月有場喺廣州，有場喺上海
如果…
尋日《都市日報》有一篇咁的報道
香港寬頻高層任命
退任 城市電訊(1137)旗下香港寬頻收費電視新聞總監梁慧珉於2月1日起退任，由李志堅接任新聞總監一職。
為左做台灣選舉故仔，勉強拿起《逆中求勝‧謝長廷的生命美學》一書細讀，最初是為睇而睇，後來都覺得若有所得，總算是意外收穫
第一點是初心，其次是信心與危機的哲學
書中這樣說：
擅長說故事的謝長廷，曾引述明朝劉元卿所著寓言集《賢奕編》裡的一則故事：有一位旅客，黑夜通過一條乾涸的小溪，不小心失腳掉下去，他兩手攀住欄杆上的橫木，心想如果一鬆手，就會掉進深淵急流，不禁大喊救命。趕來的村民告訴他：「不要怕，只管放手，腳離地只有三十公分。」他不相信，抓住橫木大哭，經過數小時力氣用盡，鬆手後，正好站地地面，自己不好意思的笑了：「早知沒有危險，何必白白受苦這麼久。」
又有另一段：
謝長廷說，一個人之所以會被擊敗，是因為他相信會被擊敗，政黨和國家也是一樣。客觀存在而且不易克服的危機，當然也有，但多數危機，是因信心不足才無法克服，或根本是自己信心不足所造成。所謂危機云云，其實是信心危機而已，換言之，信心不足是危機的原因，而非結果。
互勉之
review番舊年的今日，一篇秘密日記，當中有一句係咁的：
「夜晚沖涼時，有想結婚的念頭，唔知點解」
真係唔知點解，點解…