7 September 2009
俾面飯局竹戰前入左錦田，好熱，亦research左跳蚤市場，飲食同攤位遊戲唔做得，只可以賣乾貨，同年宵有咩分別？每個舖9呎x9呎，只可以喺星期六日、公眾假期開，朝十晚八，哂氣…
跟住出番太子，原來西鐵轉地鐵唔使半粒鐘出到去，俾面飯局前的竹戰打左四圈，理論上係贏62蚊，不過有人走數，而家有34蚊落袋，當賺番車錢
散水後唔想返去住，一個人旺角遊蕩
世界上最偉大的發明--冷氣機將周日炎熱的房間變成爽氣怡人的空間，夏眠﹗
晏晝佢過左來陪我一陣，睇電視，咁又一日
佢問我今年生日想點過，真係冇諗過，舊年去左澳門，仲有三個月，都係時候認真規劃一下
星期一, 9月 07, 2009
螞蟻搬家
4 September 2009
漢堡王越來越多，荃灣都有一間，新開冇耐，尋日冇飯腳，又要還書，lunch坐校巴出去會一會佢
究竟係我記錯定係佢改左呢，而家係幼薯條?????
不過即炸，經典磨菇雙層芝士漢堡係我飛佛，仲喺櫃枱等包時薯條已經放喺我面前，好餓，急不及待食一條，仲燙手，脆，勁有口感，簡單地以鹽花點綴已經好鮮味d，食完個包再食，已經凍左，但仲係香脆的
點解大家都係幼薯條，老麥的薯條淋之之，唔脆，高下立見
以前好抗拒飲汽水機汽水，啜兩啖就算，但佢有zero揀已經係眼前一亮，而且汽水機汽水都好多汽，唔會過甜，風味同膠樽裝幾乎冇分別
不過個餐要盛惠39蚊，一個漢堡+一包薯條+一杯zero，好似真係貴左少少…
仍然，尋覓故題中…
周六的俾面派對由唱k改為食酒樓
另外，約左業主周六晏晝見面，有咩三口六面講清楚，我唔想屋的事影響我的窮遊西藏﹗
夜晚繼續執野，螞蟻搬家，今朝搬左一系列放喺書枱上的figure、扭蛋、相架、杯等易爛物品返公司暫存，聽日拎埋個海南島貝殼
漢堡王越來越多，荃灣都有一間，新開冇耐，尋日冇飯腳，又要還書，lunch坐校巴出去會一會佢
究竟係我記錯定係佢改左呢，而家係幼薯條?????
不過即炸，經典磨菇雙層芝士漢堡係我飛佛，仲喺櫃枱等包時薯條已經放喺我面前，好餓，急不及待食一條，仲燙手，脆，勁有口感，簡單地以鹽花點綴已經好鮮味d，食完個包再食，已經凍左，但仲係香脆的
點解大家都係幼薯條，老麥的薯條淋之之，唔脆，高下立見
以前好抗拒飲汽水機汽水，啜兩啖就算，但佢有zero揀已經係眼前一亮，而且汽水機汽水都好多汽，唔會過甜，風味同膠樽裝幾乎冇分別
不過個餐要盛惠39蚊，一個漢堡+一包薯條+一杯zero，好似真係貴左少少…
仍然，尋覓故題中…
周六的俾面派對由唱k改為食酒樓
另外，約左業主周六晏晝見面，有咩三口六面講清楚，我唔想屋的事影響我的窮遊西藏﹗
夜晚繼續執野，螞蟻搬家，今朝搬左一系列放喺書枱上的figure、扭蛋、相架、杯等易爛物品返公司暫存，聽日拎埋個海南島貝殼
預埋我呀﹗
3 September 2009
今朝返工撞到朋友甲，下星期五farewell朋友乙，再下個星期同朋友丙搞生日
我都好一排冇出席佢地的活動，一係忙住出故仔，一係掛住瘟仔…
朋友，係要見的；朋友，係要一齊玩的
下星期預埋我呀﹗
進入討厭的傾故題過程，d故題唔係真係咁有問題啫，只係觀眾來睇某隻故仔，其他故仔就睇唔入眼，用各種方法批判、挑剔、打壓其他題目
屈服嗎？
今朝返工撞到朋友甲，下星期五farewell朋友乙，再下個星期同朋友丙搞生日
我都好一排冇出席佢地的活動，一係忙住出故仔，一係掛住瘟仔…
朋友，係要見的；朋友，係要一齊玩的
下星期預埋我呀﹗
進入討厭的傾故題過程，d故題唔係真係咁有問題啫，只係觀眾來睇某隻故仔，其他故仔就睇唔入眼，用各種方法批判、挑剔、打壓其他題目
屈服嗎？
搬屋要延期喇…
2 September 2009
入左錦田一轉，bad news…
鎖匙未到手，水，未有；電，未整，現階段推斷，9月中前一定搬唔到入去，現址租約好似去到9月25號，well…
不過，唔知點解，又唔係真係太憂心，亦未感到太煩，只係有少少空歡喜一場
五點零離開錦田，入左元朗，本來只係諗住飲杯野，但見到壽司店，即刻挾持同行的他入去食個tea+dinner，食完返歸，超勁眼訓，如果唔係落雨d雨撇濕我隻腳，我諗我唔知醒
但睇番鐘，都只係訓左個零鐘，不過唔知點解，每次咁樣快叉都好見效，好過訓成晚﹗
九男女camp camp地
1 September 2009
將facebook和msn的status一次過改為「不招人妒是庸才」
意思顯而易見，不用解釋
星期六暢快地訓一覺，晏晝出左去行街+食飯，呵呵呵，多左隻介指仔，閃閃令
星期日賓士房車喺樓下接送，喺荃灣搵地方食飯，兜到暈車浪…
食完飯攞車，眼前出現一部白色maserati，真係想尖叫﹗
之後一踩就入到黃金海岸camping site，不過都只係一間三房大廳有海景的residential appartment，經典老套的集體遊戲，晚飯係pizza+炸雞，都唔係好記得d時間係點樣過去，只係記得三點之後先去訓
星期一朝早有老麥早餐催促我起身，唔夠訓，好呆…
眾人的電話不停響起，在車上，在沙灘，喋喋不休是工作細節的交待，關於工作的話題縈繞大氣中，很壓迫
放假，就應該放假
原本只係想hea下，不過好似比未去個camp之前仲攰，真係始料不及
當頭棒喝
29 August 2009
望住搬屋的目標，咁又捱完一隻故仔，八月又過去…
早幾日發左一個夢，夢裡他喺我樓下等我返屋企，離遠見到他，我調頭就走，好唔想見到他
尋日聽左一番說話，又講中死穴，改忍嗚咽
話說某日我阿媽打俾我叫我返去食飯，但真係好忙唔得閒，趕緊故仔冇心情，又某晚佢再打俾我，我返夜，嗰刻喺公司，我聽到的語氣係：做咩weekend唔係放假喺公司？
哎，你故我想的咩…
負面的情緒，低落的心情，我只感到一份不體諒
weekend的晚上寫緊稿，再收到電話…
當思緒被中斷，不適當的時間做著不想做的工作，心情很懷很複雜，我知道這是一句關心的問候，卻引發想撒野的感覺
很不想拱下去，但也要捱下去；很辛苦，但可以任性地放下工作嗎？
一個人對著四堵牆，算是甚麼也好，那一刻沒有選擇，認命地做，麻木了自己
現在寫下這感覺，仍然很委屈
尋日件事係咁樣發生的
食飯的時候我阿媽打俾我，問我係返緊日抖定返夜，返日抖，食緊飯，簡短地回答了
佢又問我搬屋的事，我講過買樓，只係隨便講一句，佢叫我搬返去可以慳錢
咁多年唔通自己咩性格自己唔知咩，有時返工攰到七彩，又唔係做得開心過人，耐唔耐返去一晚食飯問三問四都覺得好煩，如果日日對住，又夜返嗰d，日問夜問咪仲煩到人都癲，搬左出來之後改善左的關係，如果搬番返去又會破壞晒
其實住呢個問題真係幾煩，呢大半年我真係覺得，其實我真係鍾意獨居多d，而搵屋期間好多野諗，買層樓揹住一世，真係唔想咁樣，日日返工都會經過間地產，又會見到好多貼出來的招租廣告，一個豆腐潤咁大的套房租二千幾至三千幾不等，香港地大家搵幾多錢人工？為左住的問題，唔理買又好租又好，去左人工兩三成閒閒地，好多人成世都為住的問題而煩，做香港人真係慘﹗
高地價令業主為層樓捱餐懞，再將負擔層層下達，轉介俾租客，最無良係做套房的，今次搵屋真係發現套房的數目以幾何級數咁上升，因為一個普通的兩房單位，企企理理一般可租到五千幾，但如果將佢間成套房，一開三，每間閒閒地租到二千五，咁就變成七千五，個個月差兩千銀，真係禾味過禾味龍
再加上而家的樓市向豪宅發展，根本就冇俾平民百姓的屋，細價盤需求更甚，我的印象係普遍香港人住的面積越住越細，生活倒退…
對社會生了一份感性憐惜和不滿
好好彩，搵到而家呢間屋，呢件事真係令我好開心
雖然，我認為住屋開支佔不合理地多的比例，生於香港地，唯有認命囉…
阿媽又以令我感到被埋怨的語氣話我租到入錦田咁遠，哎，又要花一番唇舌解釋…
幾乎每次同人講我將會搬入錦田，都會被投以很古怪的目光，我有兩間房，一個花園，空氣清新，有空間，喺我的心目中，呢d先係住人的地方，唔係住喺天橋邊，唔係住喺工廠邊
我再三重申，由門口鎖門開始計，十分鐘，仲要係hea住行嗰隻已經行到去錦上路西鐵站，搭一個站6分鐘出到荃灣，香港有幾多人屋企可以hea住行十分鐘行到港鐵站？而且西鐵去到尖沙咀，南昌轉東涌線可以過海，香港站即係中環
我真係唔想再為嗰d無知地仲以為錦田係鄉下的人而解譯﹗
我的確有點煩躁，旁邊的某甲都講得好白，差在冇講到出口話我不孝
佢話我忙時我媽打俾我，結果阻到我，佢都唔知、唔想，問題係我，我自己沒有選擇地為工作而煩，是我自己控制不了情緒，對工作的態度睇唔開；而要驚動到佢打俾我，係因為我打得俾佢太少，佢太少見我
佢問我一個禮拜有冇返去食一次飯，冇
佢再問，一個月返一次？一年十二個月，咁咪見得十二次？咁又唔只…
佢話當我一個月返去兩次，即係一年見到二十四次…
我陷入反思與悔疚，強忍嗚咽
佢再當頭棒喝多一下：你係佢個女，唔係朋友，一年見廿四次
我要檢討的地方還有很多﹗
記住2009年8月27號中午，聽過這番說話；2009年的8月29號凌晨寫過這篇文章
很討厭做唔到講過一定做的事，所以我不敢作甚麼承諾，盡量返去食飯啦，由呢個星期開始，尤其趁未趕故仔的時間
望住搬屋的目標，咁又捱完一隻故仔，八月又過去…
早幾日發左一個夢，夢裡他喺我樓下等我返屋企，離遠見到他，我調頭就走，好唔想見到他
尋日聽左一番說話，又講中死穴，改忍嗚咽
話說某日我阿媽打俾我叫我返去食飯，但真係好忙唔得閒，趕緊故仔冇心情，又某晚佢再打俾我，我返夜，嗰刻喺公司，我聽到的語氣係：做咩weekend唔係放假喺公司？
哎，你故我想的咩…
負面的情緒，低落的心情，我只感到一份不體諒
weekend的晚上寫緊稿，再收到電話…
當思緒被中斷，不適當的時間做著不想做的工作，心情很懷很複雜，我知道這是一句關心的問候，卻引發想撒野的感覺
很不想拱下去，但也要捱下去；很辛苦，但可以任性地放下工作嗎？
一個人對著四堵牆，算是甚麼也好，那一刻沒有選擇，認命地做，麻木了自己
現在寫下這感覺，仍然很委屈
尋日件事係咁樣發生的
食飯的時候我阿媽打俾我，問我係返緊日抖定返夜，返日抖，食緊飯，簡短地回答了
佢又問我搬屋的事，我講過買樓，只係隨便講一句，佢叫我搬返去可以慳錢
咁多年唔通自己咩性格自己唔知咩，有時返工攰到七彩，又唔係做得開心過人，耐唔耐返去一晚食飯問三問四都覺得好煩，如果日日對住，又夜返嗰d，日問夜問咪仲煩到人都癲，搬左出來之後改善左的關係，如果搬番返去又會破壞晒
其實住呢個問題真係幾煩，呢大半年我真係覺得，其實我真係鍾意獨居多d，而搵屋期間好多野諗，買層樓揹住一世，真係唔想咁樣，日日返工都會經過間地產，又會見到好多貼出來的招租廣告，一個豆腐潤咁大的套房租二千幾至三千幾不等，香港地大家搵幾多錢人工？為左住的問題，唔理買又好租又好，去左人工兩三成閒閒地，好多人成世都為住的問題而煩，做香港人真係慘﹗
高地價令業主為層樓捱餐懞，再將負擔層層下達，轉介俾租客，最無良係做套房的，今次搵屋真係發現套房的數目以幾何級數咁上升，因為一個普通的兩房單位，企企理理一般可租到五千幾，但如果將佢間成套房，一開三，每間閒閒地租到二千五，咁就變成七千五，個個月差兩千銀，真係禾味過禾味龍
再加上而家的樓市向豪宅發展，根本就冇俾平民百姓的屋，細價盤需求更甚，我的印象係普遍香港人住的面積越住越細，生活倒退…
對社會生了一份感性憐惜和不滿
好好彩，搵到而家呢間屋，呢件事真係令我好開心
雖然，我認為住屋開支佔不合理地多的比例，生於香港地，唯有認命囉…
阿媽又以令我感到被埋怨的語氣話我租到入錦田咁遠，哎，又要花一番唇舌解釋…
幾乎每次同人講我將會搬入錦田，都會被投以很古怪的目光，我有兩間房，一個花園，空氣清新，有空間，喺我的心目中，呢d先係住人的地方，唔係住喺天橋邊，唔係住喺工廠邊
我再三重申，由門口鎖門開始計，十分鐘，仲要係hea住行嗰隻已經行到去錦上路西鐵站，搭一個站6分鐘出到荃灣，香港有幾多人屋企可以hea住行十分鐘行到港鐵站？而且西鐵去到尖沙咀，南昌轉東涌線可以過海，香港站即係中環
我真係唔想再為嗰d無知地仲以為錦田係鄉下的人而解譯﹗
我的確有點煩躁，旁邊的某甲都講得好白，差在冇講到出口話我不孝
佢話我忙時我媽打俾我，結果阻到我，佢都唔知、唔想，問題係我，我自己沒有選擇地為工作而煩，是我自己控制不了情緒，對工作的態度睇唔開；而要驚動到佢打俾我，係因為我打得俾佢太少，佢太少見我
佢問我一個禮拜有冇返去食一次飯，冇
佢再問，一個月返一次？一年十二個月，咁咪見得十二次？咁又唔只…
佢話當我一個月返去兩次，即係一年見到二十四次…
我陷入反思與悔疚，強忍嗚咽
佢再當頭棒喝多一下：你係佢個女，唔係朋友，一年見廿四次
我要檢討的地方還有很多﹗
記住2009年8月27號中午，聽過這番說話；2009年的8月29號凌晨寫過這篇文章
很討厭做唔到講過一定做的事，所以我不敢作甚麼承諾，盡量返去食飯啦，由呢個星期開始，尤其趁未趕故仔的時間
搵番個荀盤先
24 August 2009
繼續拍我隻肥仔故，聽日剪片，但頭先夜晚仲拍緊，仲要係拍part 1用來開頭嗰場「戲」，到而家一粒字都仲未寫過
有時，真係覺得好似拍戲，搵一d唔收錢，又講到「觀眾」想聽的對白，仲要任「模」，超難…
不過，咁樣仲係新聞嗎？
等拍野時又講肥的話題，我話出發前食左吞拿魚包，見到蒜蓉多士好香，就買多左一件，同事甲話：肥死你﹗
我：有幾肥呀？肥有咩問題？我呢d骨架，肥極有個普啦…
同事乙：你有人認購左未先？認購左就肥d都冇所謂
隨即引起一場關於「盤」的討論
呢個年代，即使落左訂都可以撻訂，買左都可以退貨、可以賣，所以有冇被認購都唔係d咩保障
大家講到某人放緊盤，又講到百三萬的盤唔好一百萬走去賣
又提到某君見到好盤就咬住唔放，好搞笑
同事乙一句彈埋來：你都搵左個荀盤啦﹗
吓？
同事乙兜：你錦田間屋呀﹗
茲收到一個秘密
22 August 2009
今日忽然間諗通左
佢呢排有d情緒問題，同佢食飯出街，成日都見佢歎氣唔開心樣，眼都dup晒，之前諗埋一邊，心生疑團，做咩同我去街都唔開心？
頭先佢講左一個秘密我聽，又明白多d…
有d人佢唔會好輕易在其他人面前，表露自己的內心世界，尤其比較私人的負面情緒，我同佢都算係呢種人，你可能會見到我為一d一般的事唔開心，但未必會見到我為d好private的野唔開心，或者係為喺d私人的事唔開心都唔會具體講
佢可以好放心地同我share佢唔開心的事，喺我表前唔使收埋唔開心的情緒，我靜靜地坐喺旁邊，又有咩所謂呢
其實近似的情況我都遇過，初初真係覺得煩架，不過過左一段時間，明知冇辦法解決，唔係短時間可以改變到，煩都冇用，而且又唔死得人，冇咩大不了啫，真係咁值得咁唔開心同咁煩咩？
又生出生意頭腦…
尋晚忽發奇想，雖然log完帶都晏晏地先返到屋企，但都拎番部psp出來叉電，打下機
可能今次真係對呢隻故仔冇咩感情，定係諗通左？知道有d野急唔來，亦唔會好為隻故仔煩，影響情緒、影響生活
我睇番之前的blog，原來寫得都幾隱晦，原來只有我一個睇得明…
just shut down my brain when time is up其實意思係話放工後就唔諗關於工作的野，time=放工離開公司
故期=expiry date，咁你明it is expiring點解啦﹗
有一排覺得好大壓力，應該係舊年，打機發洩，機舖的let's go jungle俾我打爆晒，其實我會形容嗰個係機動遊戲啦，mega box嗰部大機，架車會轉圈，要扣安全帶同埋中招後會噴氣架，真好玩，但我諗部野咁耐，應該被淘汰了…
超無聊，喺屋企食鬼食左幾個鐘
不過，今次其實好似d唔讀書的細路仔，一d都唔緊張個考試，完全唔當考試係一回事，考試之前仲掛住玩掛住打機
唔想部機生秀，同壓力完全無關，呵呵呵
今日忽然間諗通左
佢呢排有d情緒問題，同佢食飯出街，成日都見佢歎氣唔開心樣，眼都dup晒，之前諗埋一邊，心生疑團，做咩同我去街都唔開心？
頭先佢講左一個秘密我聽，又明白多d…
有d人佢唔會好輕易在其他人面前，表露自己的內心世界，尤其比較私人的負面情緒，我同佢都算係呢種人，你可能會見到我為一d一般的事唔開心，但未必會見到我為d好private的野唔開心，或者係為喺d私人的事唔開心都唔會具體講
佢可以好放心地同我share佢唔開心的事，喺我表前唔使收埋唔開心的情緒，我靜靜地坐喺旁邊，又有咩所謂呢
其實近似的情況我都遇過，初初真係覺得煩架，不過過左一段時間，明知冇辦法解決，唔係短時間可以改變到，煩都冇用，而且又唔死得人，冇咩大不了啫，真係咁值得咁唔開心同咁煩咩？
又生出生意頭腦…
尋晚忽發奇想，雖然log完帶都晏晏地先返到屋企，但都拎番部psp出來叉電，打下機
可能今次真係對呢隻故仔冇咩感情，定係諗通左？知道有d野急唔來，亦唔會好為隻故仔煩，影響情緒、影響生活
我睇番之前的blog，原來寫得都幾隱晦，原來只有我一個睇得明…
just shut down my brain when time is up其實意思係話放工後就唔諗關於工作的野，time=放工離開公司
故期=expiry date，咁你明it is expiring點解啦﹗
有一排覺得好大壓力，應該係舊年，打機發洩，機舖的let's go jungle俾我打爆晒，其實我會形容嗰個係機動遊戲啦，mega box嗰部大機，架車會轉圈，要扣安全帶同埋中招後會噴氣架，真好玩，但我諗部野咁耐，應該被淘汰了…
超無聊，喺屋企食鬼食左幾個鐘
不過，今次其實好似d唔讀書的細路仔，一d都唔緊張個考試，完全唔當考試係一回事，考試之前仲掛住玩掛住打機
唔想部機生秀，同壓力完全無關，呵呵呵
一切盡在不言中
20 August 2009
默契呢家野真係好難解釋，有時有d人講到明，畫公仔畫腸先，但對方都做唔到你的要求，真係唔知係我表達有問題，定係對方接收有問題，還是我的要求過份，對方力有不逮？
完美主義者，對方做唔到我的要求，梗係覺得差d差d…
一個眼神已經收到，目標、審美眼光、意念一致，唔使講，一切盡在不言中的感覺，真好﹗
默契呢家野真係好難解釋，有時有d人講到明，畫公仔畫腸先，但對方都做唔到你的要求，真係唔知係我表達有問題，定係對方接收有問題，還是我的要求過份，對方力有不逮？
完美主義者，對方做唔到我的要求，梗係覺得差d差d…
一個眼神已經收到，目標、審美眼光、意念一致，唔使講，一切盡在不言中的感覺，真好﹗
不想負責任
19 August 2009
出crew之前唔係有好多時間，做野又唔係好夠時間，正正食飯時間，四野無人，靜靜地，又想思考，見幾日都冇寫過一粒字，記錄一下感覺
食過牛腩米後，搭小巴返工，越接近公司，越覺得有一道負能量的磁場吸我埋去，分明想逃避，卻要向深淵走
尋晚簡單地就屋裡的共有物資作出分配，如果真係月尾搞好水電，1號攞鎖匙，2號搬得喇﹗
不如真係買過張床啦，橫掂都訓得唔舒服，唔使搬咁多野嘛…
每樣物件都附帶著一種感覺，一段情感，一段經歷
有些人會將舊愛相關的物件全部棄掉，將恨意投射在一張梳發上…
不過對我而言，只是一件物件，它是電視，就是電視，他曾經留在這裡的氣味，隨年月揮發得一乾二淨，不留痕跡
哈哈，也不錯﹗
屬於我的過去，我不會輕易將它刪掉，只是被打入冷宮罷了
「你揀定未？」
我只係覺得，有時候，人就係唔想做抉擇，不想負起責任，然後所衍生的後果，不想面對
status=expiring
18 August 2009
愛與不愛，完全反映受重視的程度
沒有客觀的事，只有主觀的心
試過牽腸掛肚，現在感到沒所謂，想也不想想，just shut down my brain when time is up
it is expiring
simplifed schedule
17 August 2009
星期三放左一日假，歇一歇…
喉嚨痛，流鼻水，星期五返工前去左睇醫生，食左藥成日都暈暈地，呆滯，放工返去煲落粥，食左兩塊麵包就訓
星期六藥力未褪，繼續訓，訓下醒下
星期日出crew拍野，來緊的schedule簡略成4個項目，出故仔，搬屋，出故仔，去旅行，that's all
d鼻塞好似有d翻發的跡象，又啪藥…
嗰晚忽然興起，唱左《至少還有你》
情緒低落症發作
13 August 2009
情緒低落症原來會傳染、復發，病徵係負能量偏高，唉聲嘆氣…
一邊食冬瓜盅，一邊討論新居的布置，一定會搞的係燈罩，裝番盞靚靚有特色的燈，哈哈，原來街市見到嗰d紅燈罩係紅A出品，仲有白色，不過唔知邊度有得賣
佢放假，所以尋晚一齊飲左兩杯，一坐低酒都未叫就查牌，不過一早起身出crew+ot，真係超勁攰，眼勁乾
沒有進展的工作，未飄埋來的case，今日放自己一日假抖抖氣，調整一下心理狀態
佢談到出路的問題，似乎前無去路，有一種生不逢時死不甘的感覺，談到這裡，很沉重…
下雨天，一切也像若有所失
逛街，說再見時仍然有點失落的感覺，不得已也要回家去
喉嚨痛，鼻塞塞，可能係感冒…
下月將做錦田人
8 August 2009
連續幾日都訓得唔好，好搞笑，係開心到訓唔著…
錦上路之行後，成日念念不忘兩間屋，第一晚諗住間新屋，門前花園仔加上全屋全新已經非常極之吸引；第二晚又諗住平d嗰間，間房大d有窗，基本揀呢間只係貴左車費少少，十萬個好處…
睇過屯門，真係差好遠，元朗都應該唔會有咁啱心水的，後來，叠埋心水揀錦上路，嗰兩間是但一間，基於理性的考慮，為荷包著想，都係揀間平嗰間，一年相差的租金，夠去一個旅行，仲畫埋floor plan睇下d傢私點擺，真係諗起都開心
呢件事係呢幾日以來令我最開心的事
尋日星期四，終於的起心肝，當我打俾個agent想叫佢問下個業主肯唔肯等我的時候，間屋已經租出…
哎，雖然我一早都有心理準備我唔會租到呢間屋，但當呢個預感變成事實時，都有d戚戚然的感覺
後來，我都係覺得，我鍾意錦上路一帶，靜靜地但又唔係好偏遠，同埋難得間屋我其實一睇已經好鍾意，所以，都係快d問下個agent問下個業主減租同遲起租，咁又ok喎
人就係咁衰，佢話ok我又諗，好似貴，負擔重…
尋晚放工，遊西鐵河，睇下自己會唔會怕黑，睇下條路如何，會唔會有借口反悔，離開公司到行到間屋個門口，竟然用的時間同我而家返屋企一樣﹗
連續幾日都訓得唔好，好搞笑，係開心到訓唔著…
錦上路之行後，成日念念不忘兩間屋，第一晚諗住間新屋，門前花園仔加上全屋全新已經非常極之吸引；第二晚又諗住平d嗰間，間房大d有窗，基本揀呢間只係貴左車費少少，十萬個好處…
睇過屯門，真係差好遠，元朗都應該唔會有咁啱心水的，後來，叠埋心水揀錦上路，嗰兩間是但一間，基於理性的考慮，為荷包著想，都係揀間平嗰間，一年相差的租金，夠去一個旅行，仲畫埋floor plan睇下d傢私點擺，真係諗起都開心
呢件事係呢幾日以來令我最開心的事
尋日星期四，終於的起心肝，當我打俾個agent想叫佢問下個業主肯唔肯等我的時候，間屋已經租出…
哎，雖然我一早都有心理準備我唔會租到呢間屋，但當呢個預感變成事實時，都有d戚戚然的感覺
後來，我都係覺得，我鍾意錦上路一帶，靜靜地但又唔係好偏遠，同埋難得間屋我其實一睇已經好鍾意，所以，都係快d問下個agent問下個業主減租同遲起租，咁又ok喎
人就係咁衰，佢話ok我又諗，好似貴，負擔重…
尋晚放工，遊西鐵河，睇下自己會唔會怕黑，睇下條路如何，會唔會有借口反悔，離開公司到行到間屋個門口，竟然用的時間同我而家返屋企一樣﹗
錦田探秘記
2 August 2009
忘憂，放假做放假的事，人為自己而活，唔好俾不相干或控制唔到的事煩住自己
訓醒食完野，目標係入錦田一帶research，諗過入元朗轉車，後來都係決定搭西鐵，只係隨手send個sms俾佢，起碼都有人知我去左邊
佢打番來，聽到背景聲佢都喺西鐵，佢請纓陪我行下，約左喺錦上路等
原來錦上路有個跳蚤市場，我真係好out…
等佢時睇左一陣，跟住向村裡面行，行左一陣唔知自己行左去邊，搵地圖又搵唔到，佢話返去行跳蚤市場，經過某條村有塊大banner賣紅磗屋的廣告，好似幾得意，咁又去行下
行完八掛四圍睇，睇到一間全新的村屋，喺門口裝下裝下，好搞笑﹗
又係八掛，見到馬路蹤影，無意中行到錦田公路，行行下行埋去吉慶圍
行到差唔多天黑，跟住返番去跳蚤市場，買左火山石，食過牛奶樂雪條，佢買左件衫仔，仲送佢靚靚背囊
最搞笑係佢睇衫時個老闆話：叫你太太幫你拼下
呵呵呵
雖然今日酷熱天氣警告，俾蚊咬左兩啖，但幾個鐘好悠閒好開心，咁先有放假的感覺
電視劇的威力，令人跟著虛構人物的情感或喜或悲，令人重溫愛情剛剛萌芽幻得幻失的感覺，再嚐熱戀的味道
茲收到一道劃破長空的彩虹
1 August 2009
今日已經係三十一號，呢個七月，過得又忙又快，呢個2009年，又進入倒數階段，又成個禮拜冇寫野…
焗過吞拿魚多士做晚餐，星期三遊魂，晏晝走左，飲茶，訓左一覺好冧的，夜晚見冇咩野做又精靈玩煮飯仔，冬瓜肉碎湯飯，點知做左白痴仔，批冬瓜皮時變左批手指，血如泉湧，即刻用水沖，有塊肉吊吊揈，幾恐怖，跟住覺得唔對路，用紙巾拑住傷口，過左一陣先冇流血
拿拿臨搵野洗傷口，明明記得屋企有黃藥水，但搵落又冇，可能擺得耐掉左啦，落街買
返去洗傷口時嗰塊吊吊揈的肉已經同手指合番體，生命真係奧妙﹗
尋晚同佢去左食小菜，佢發板，椒鹽蝦、水煮魚、佢飛佛炒莧菜
以前我唔食莧菜，不過食落都唔錯丫，以前都唔食魚，不過而家好鐘意食水煮魚添，好想學識整﹗
之後行左一陣街，買左衫仔同裙仔
今日剪片，真係好攰…
同樣都係炒紙尿片，我唔相信而家做的野好睇得過十年前，又交一樣功課
喺好灰，感覺烏雲蓋頂之際，忽然收到他送我一道彩虹的sms，好supportive好warm
放工已經係十點半，未食飯，諗過食麥記，但最後去左食小籠包，加埋雞絲粉皮同四川辣餃子，好飽﹗
真係要表揚一下做野手腳快的人，收到個code，係100274
今日已經係三十一號，呢個七月，過得又忙又快，呢個2009年，又進入倒數階段，又成個禮拜冇寫野…
焗過吞拿魚多士做晚餐，星期三遊魂，晏晝走左，飲茶，訓左一覺好冧的，夜晚見冇咩野做又精靈玩煮飯仔，冬瓜肉碎湯飯，點知做左白痴仔，批冬瓜皮時變左批手指，血如泉湧，即刻用水沖，有塊肉吊吊揈，幾恐怖，跟住覺得唔對路，用紙巾拑住傷口，過左一陣先冇流血
拿拿臨搵野洗傷口，明明記得屋企有黃藥水，但搵落又冇，可能擺得耐掉左啦，落街買
返去洗傷口時嗰塊吊吊揈的肉已經同手指合番體，生命真係奧妙﹗
尋晚同佢去左食小菜，佢發板，椒鹽蝦、水煮魚、佢飛佛炒莧菜
以前我唔食莧菜，不過食落都唔錯丫，以前都唔食魚，不過而家好鐘意食水煮魚添，好想學識整﹗
之後行左一陣街，買左衫仔同裙仔
今日剪片，真係好攰…
同樣都係炒紙尿片，我唔相信而家做的野好睇得過十年前，又交一樣功課
喺好灰，感覺烏雲蓋頂之際，忽然收到他送我一道彩虹的sms，好supportive好warm
放工已經係十點半，未食飯，諗過食麥記，但最後去左食小籠包，加埋雞絲粉皮同四川辣餃子，好飽﹗
真係要表揚一下做野手腳快的人，收到個code，係100274
7月26宜消費
27 July 2009
本來已經閂左電腦，但訓唔著，諗好多野，原來，今日係7月26號
頭先去左大角咀research，我都真係幾唔鍾意呢區，舊唔係問題，而係好焗好熱，同埋覺得d空氣好污糟，根本唔係好應該用來居住
念念不忘星期六睇過的振興新村，雖然係舊，但自成一角的格局開正我嗰瓣，西鐵站、超市都在步行可到的距離
我鍾意個location但唔鍾意間屋，如果係一樓有個露台仔就正喇﹗
行過一轉大角咀，令我更想搬入新界，想要一個空氣好的地方，有空間的地方
之後去左行街，又上左朗豪坊上面間印度百貨，買左兩條頸鍊一條手鍊同兩對耳環，好開心﹗
之後都係周圍行，是日宜消費，買左三件衫，一件連身裙，仲買左兩盒com
本來已經閂左電腦，但訓唔著，諗好多野，原來，今日係7月26號
頭先去左大角咀research，我都真係幾唔鍾意呢區，舊唔係問題，而係好焗好熱，同埋覺得d空氣好污糟，根本唔係好應該用來居住
念念不忘星期六睇過的振興新村，雖然係舊，但自成一角的格局開正我嗰瓣，西鐵站、超市都在步行可到的距離
我鍾意個location但唔鍾意間屋，如果係一樓有個露台仔就正喇﹗
行過一轉大角咀，令我更想搬入新界，想要一個空氣好的地方，有空間的地方
之後去左行街，又上左朗豪坊上面間印度百貨，買左兩條頸鍊一條手鍊同兩對耳環，好開心﹗
之後都係周圍行，是日宜消費，買左三件衫，一件連身裙，仲買左兩盒com
趕緊檢回遺失了的我…
25 July 2009
早幾日同佢飲野，為左小事喊起上來，今朝返工，落左車行返公司期間諗番起呢件事，眼淚流得不值，真係好傻﹗
記憶不知從哪時起，如潮退，暫時洗刷掉某一刻的歷史；如潮湧，將腦海中飄浮的碎片送回岸邊眼前
忽然憶起他講過的說話：成日都唔開心，諗野諗埋一邊，冇晒樂觀的優點
他喜歡我的原因，是我樂觀的性格，帶給他正能量，是我的感染力，令他歡笑，令他溫暖，像一個小太陽照亮著他，是快樂小天使守護著他
趕緊檢回遺失了的我…
另外，仲有樣野想講
呢排睇到facebook，有好強烈的感覺，以前曾經稱兄道弟，叫你好姊妹，挽著你手的人，一個屈尾十就變成…
點講好呢，陌路人，聲都唔聲
我冇同佢嗌交，冇利益衝突，只係，惜日枉信花言巧語，又或者真係我太天真太傻，唔識分交心與客套話
他講得啱，我冇好認真去睇一個人
7月尾，搬屋大計有望實現
深深不憤下續左的租約將於9月底屆滿，忽然諗通一樣野，其實日日返工做野咁辛苦，都係想有個安樂窩，飲飲食食唔使得好多，早排煮頹野食，涼拌粉皮都食得好開心，所以真係要住好d，搵得唔多，但係慳都唔應該慳住
好想搵一間村屋，唔使好大，細細地，有個花園仔或者有個露台仔，或者天台仔都得，放工放假坐喺度hea，乜都唔做，點枝香薰香，沖壺花茶，聽蟬鳴，聽鳥叫，冥想…
日日都有度假的感覺
成間屋都係得我一個人，鐘意點decorate都得，可能將牆身油成橙色，或者紅色又或者鮮黃色，會攤喺個廳的地下，唔使對住唔屬於我的雜物，無啦啦聽到唔想聽的歌聲劇集聲，唔會想睇電視的時候睇唔到，明明鐘意唔睇都開住個畸寶新聞台都俾人轉鬼左，朝早要避開8點到8點4呢段時間起身，唔知幾時想煮飯仔個廚房冇得用，唔知d熱水幾時俾人飲晒冇人煲番正遇著肚餓想食杯麵，吸塵抹地洗厠所責任自負，人地唔做唔使忟，唔會再呢喺房對住四面牆
至於上網的問題，真係唔想俾生意net屈機拿做，睇下薯仔台嗰個流動寬頻得唔得先
早幾日同佢飲野，為左小事喊起上來，今朝返工，落左車行返公司期間諗番起呢件事，眼淚流得不值，真係好傻﹗
記憶不知從哪時起，如潮退，暫時洗刷掉某一刻的歷史；如潮湧，將腦海中飄浮的碎片送回岸邊眼前
忽然憶起他講過的說話：成日都唔開心，諗野諗埋一邊，冇晒樂觀的優點
他喜歡我的原因，是我樂觀的性格，帶給他正能量，是我的感染力，令他歡笑，令他溫暖，像一個小太陽照亮著他，是快樂小天使守護著他
趕緊檢回遺失了的我…
另外，仲有樣野想講
呢排睇到facebook，有好強烈的感覺，以前曾經稱兄道弟，叫你好姊妹，挽著你手的人，一個屈尾十就變成…
點講好呢，陌路人，聲都唔聲
我冇同佢嗌交，冇利益衝突，只係，惜日枉信花言巧語，又或者真係我太天真太傻，唔識分交心與客套話
他講得啱，我冇好認真去睇一個人
7月尾，搬屋大計有望實現
深深不憤下續左的租約將於9月底屆滿，忽然諗通一樣野，其實日日返工做野咁辛苦，都係想有個安樂窩，飲飲食食唔使得好多，早排煮頹野食，涼拌粉皮都食得好開心，所以真係要住好d，搵得唔多，但係慳都唔應該慳住
好想搵一間村屋，唔使好大，細細地，有個花園仔或者有個露台仔，或者天台仔都得，放工放假坐喺度hea，乜都唔做，點枝香薰香，沖壺花茶，聽蟬鳴，聽鳥叫，冥想…
日日都有度假的感覺
成間屋都係得我一個人，鐘意點decorate都得，可能將牆身油成橙色，或者紅色又或者鮮黃色，會攤喺個廳的地下，唔使對住唔屬於我的雜物，無啦啦聽到唔想聽的歌聲劇集聲，唔會想睇電視的時候睇唔到，明明鐘意唔睇都開住個畸寶新聞台都俾人轉鬼左，朝早要避開8點到8點4呢段時間起身，唔知幾時想煮飯仔個廚房冇得用，唔知d熱水幾時俾人飲晒冇人煲番正遇著肚餓想食杯麵，吸塵抹地洗厠所責任自負，人地唔做唔使忟，唔會再呢喺房對住四面牆
至於上網的問題，真係唔想俾生意net屈機拿做，睇下薯仔台嗰個流動寬頻得唔得先
好想放假
24 July 2009
又好耐都冇寫過野，真係冇乜mood，亦冇咩靈感…
營營役役，啱啱做完故仔，想放假又放唔到，根本冇停，我唔係機械人﹗
早幾日夢中我地三個一齊去到一個地方，一個貌似r烏的女人係咁挑逗佢，後來仲雙腿一夾，佢就跌入個r烏的懷抱，r烏起勢咀佢，睇到我兩個呆左…
另一個夢發夢搵case，哎，你話工作壓力有幾大呢…
尋日終於可以放左半day，好耐都冇試過咁想返屋企的感覺，同你食一個簡單的午餐，嘻嘻
其實話簡單，又簡單唔晒，落車去左鍋貼舖買鍋貼，再去波仔叮菜，因為屋企冇微波爐，要喺舖頭叮埋，再去左買雲吞麵，本來想買d煎三寶炸雲吞，但食開嗰檔仲未有得賣，有諗過買炸兩，但係樓下間粥店，算罷啦…
返去仲極速撈埋個麻辣粉皮，結果，食唔晒，哈哈﹗
討論到前途的問題、轉工的問題，好heavy…
黑仔遠離我
19 July 2009
故仔臨出街，經歷惡夢一星期，打風落雨，畸屎甩底，仲要剪片壞機成個part 2冇晒，拍野加剪片，一日返左廿四個鐘，總之所有野都以最壞的姿態出現
星期六嗰晚同佢飲左杯野，好似講佢都唔明咁…
每日訓三四個鐘，仲要有一日冇訓過，心情煩躁在所難免，喺呢個時候仲要同我拗，真係把幾火，好嬲
無啦啦我做咩要講大話屈你？唔該你用個腦諗下啦﹗最討厭你用呢種質疑的態度和語氣同我講野，一d都唔好笑
星期五執埋手尾，所有野都告一段落，夜晚十一點幾訓左，訓到八點幾醒左，再訓番，一點零又醒左，再訓，兩點幾電話響傾左陣，食完野又訓，訓到七點幾，真係好開心
可以隨心所欲，想訓就訓，真係好幸福﹗
多謝各位受訪者、朋友的幫忙，其實我都幾鍾意今次隻故仔，如果大家miss左星期六晚八點半的first run，亦錯過左十一點的second run，可以上有線睇下第8台的節目時間表，其實仲有好多個re-run時間，當然亦可以上網睇番
http://cablenews.i-cable.com/webapps/program_video/index.php?video_id=51504
故仔臨出街，經歷惡夢一星期，打風落雨，畸屎甩底，仲要剪片壞機成個part 2冇晒，拍野加剪片，一日返左廿四個鐘，總之所有野都以最壞的姿態出現
星期六嗰晚同佢飲左杯野，好似講佢都唔明咁…
每日訓三四個鐘，仲要有一日冇訓過，心情煩躁在所難免，喺呢個時候仲要同我拗，真係把幾火，好嬲
無啦啦我做咩要講大話屈你？唔該你用個腦諗下啦﹗最討厭你用呢種質疑的態度和語氣同我講野，一d都唔好笑
星期五執埋手尾，所有野都告一段落，夜晚十一點幾訓左，訓到八點幾醒左，再訓番，一點零又醒左，再訓，兩點幾電話響傾左陣，食完野又訓，訓到七點幾，真係好開心
可以隨心所欲，想訓就訓，真係好幸福﹗
多謝各位受訪者、朋友的幫忙，其實我都幾鍾意今次隻故仔，如果大家miss左星期六晚八點半的first run，亦錯過左十一點的second run，可以上有線睇下第8台的節目時間表，其實仲有好多個re-run時間，當然亦可以上網睇番
http://cablenews.i-cable.com/webapps/program_video/index.php?video_id=51504
你的笑容已經不留在我的瞳孔裡
10 July 2009
我成日都想控制自己，情緒唔好因為另一個人起伏太大，不過，人性總有弱點…
頭先見到佢，不自覺憂心起來
如果是不開心或有問題困惑，或許可以分擔一下，不過身體健康冇得共享，雖然只是小毛病，但說不出，幫不了，這是我們的距離
見到你的相，心酸起來
不可以介意，不可以可惜，不可以不捨，不可以親近，原來，仍然有點耿耿於懷的感覺，沒辦法
你的笑容已經不留在我的瞳孔裡
很壓迫，這種狀態，用好heavy來形容，真係貼切到爆﹗
好想將個腦format一次，係我個腦，唔係我部腦
如果，記憶可以備份，然後選擇性地永久刪除，要邊d重新載入邊d，有多好；如果思考模式可以裝個變速器，又或者可以選擇略過某些步驟，你話幾好…
快d做完呢隻故仔，將煩惱一併delete﹗
今朝發左個夢，夢中我同他一齊去到一個地方，我點形容我同他的關係好呢，我曾經鍾意過他，但我地結果冇一齊，因為他放唔低以前的女友
夢裡面的某一日，我同他去左一個地方，見到我d大學同學，好似拍電影咁，他忽然有點歇斯底里，亦有d囉囉攣，我知道他凝住會遇到故人
他忽然間大叫「阿x」，我的眼睛像鏡頭quick zoom到我的大學同學堆裡，「阿x」流著兩行眼淚，彷如隔世…
他和她的故事迅速在我腦海閃過，flash back他和她一幕幕開心的回憶，一段六年情，差不多要結婚，他和她都認定了對方，他甚至接了她到他家住，可惜他的媽媽不接受她，硬將他送到加拿大生活，將她留在他香港的家，跟他的媽媽一起生活
她等著沒有歸期的他，他的媽媽無理對待，迫她走了…
這一次是他們第一次相遇，在沒有準備的情況下相遇，心裡默默等待對方的小願望，終於實現了，兩個淚人沒有激烈的相擁，接通兩雙眼的電波勝過千言萬語
我在旁看了很心酸，唔怪得他唔揀我
上天安排你在我的生命中出現，安排了甚麼任務給你？你的任務在哪天完結？我在你的生命裡究竟擔當甚麼角色？
我成日都想控制自己，情緒唔好因為另一個人起伏太大，不過，人性總有弱點…
頭先見到佢，不自覺憂心起來
如果是不開心或有問題困惑，或許可以分擔一下，不過身體健康冇得共享，雖然只是小毛病，但說不出，幫不了，這是我們的距離
見到你的相，心酸起來
不可以介意，不可以可惜，不可以不捨，不可以親近，原來，仍然有點耿耿於懷的感覺，沒辦法
你的笑容已經不留在我的瞳孔裡
很壓迫，這種狀態，用好heavy來形容，真係貼切到爆﹗
好想將個腦format一次，係我個腦，唔係我部腦
如果，記憶可以備份，然後選擇性地永久刪除，要邊d重新載入邊d，有多好；如果思考模式可以裝個變速器，又或者可以選擇略過某些步驟，你話幾好…
快d做完呢隻故仔，將煩惱一併delete﹗
今朝發左個夢，夢中我同他一齊去到一個地方，我點形容我同他的關係好呢，我曾經鍾意過他，但我地結果冇一齊，因為他放唔低以前的女友
夢裡面的某一日，我同他去左一個地方，見到我d大學同學，好似拍電影咁，他忽然有點歇斯底里，亦有d囉囉攣，我知道他凝住會遇到故人
他忽然間大叫「阿x」，我的眼睛像鏡頭quick zoom到我的大學同學堆裡，「阿x」流著兩行眼淚，彷如隔世…
他和她的故事迅速在我腦海閃過，flash back他和她一幕幕開心的回憶，一段六年情，差不多要結婚，他和她都認定了對方，他甚至接了她到他家住，可惜他的媽媽不接受她，硬將他送到加拿大生活，將她留在他香港的家，跟他的媽媽一起生活
她等著沒有歸期的他，他的媽媽無理對待，迫她走了…
這一次是他們第一次相遇，在沒有準備的情況下相遇，心裡默默等待對方的小願望，終於實現了，兩個淚人沒有激烈的相擁，接通兩雙眼的電波勝過千言萬語
我在旁看了很心酸，唔怪得他唔揀我
上天安排你在我的生命中出現，安排了甚麼任務給你？你的任務在哪天完結？我在你的生命裡究竟擔當甚麼角色？
個case真係飄埋來
6 July 2009
尋日出完crew，散水都八點，trade番部電話，攞番六舊水，叫settle左一件事，再去嗰d電腦舖度買左條接駁線，真係幾餓，又做左成日野，預計來緊又係博殺期會辛苦，所以趁得閒少少，食番餐日本野獎勵下自己，近近地荃灣板前，雖然一般貨色，但有得食好過冇得食
尋朝喺公司拍緊野，朋友個朋友打來，話有個人介紹可以訪問，個case真係飄埋來，真係太好了﹗
又係咁啦，難得佢放一日星期日，但我又要返工拍野，哎，次次都係咁，佢返工我放假，我放假我返工，搞到星期六日要做獨孤精…
勁攰，好眼訓…
星期六嗰日除左買電話，仲好放肆地扭蛋，繼續扭扭蛋豬
其實豬真係幾得意架﹗
尋日出完crew，散水都八點，trade番部電話，攞番六舊水，叫settle左一件事，再去嗰d電腦舖度買左條接駁線，真係幾餓，又做左成日野，預計來緊又係博殺期會辛苦，所以趁得閒少少，食番餐日本野獎勵下自己，近近地荃灣板前，雖然一般貨色，但有得食好過冇得食
尋朝喺公司拍緊野，朋友個朋友打來，話有個人介紹可以訪問，個case真係飄埋來，真係太好了﹗
又係咁啦，難得佢放一日星期日，但我又要返工拍野，哎，次次都係咁，佢返工我放假，我放假我返工，搞到星期六日要做獨孤精…
勁攰，好眼訓…
星期六嗰日除左買電話，仲好放肆地扭蛋，繼續扭扭蛋豬
其實豬真係幾得意架﹗
遇到好人
5 July 2009
星期三嗰日的囉囉攣，原來，同不祥之事有關
事件在星期四開估，就係隻故仔要提早一個星期出…
部電話真係極之有問題，講講下會斷線，真係唔換唔得喇
原本的target係e63，但dream機n97出現左，價錢差天同地，前者千零蚊有交易，後者五千幾仲要訂機冇現貨，早幾日睇到5730出左，都可以係一個選擇，某日做開野經過薯仔台，原價三千幾的電話可以千八蚊出機，即刻叮一聲
今日放假，的起心肝去買電話，第一部問的就係5730，但竟然冇現貨，無奈要放棄啦，而且1880出機價要中銀咭先做到，我張咭仲未到手…
咁回歸到最原本的選擇，e63都冇貨，有冇搞錯？最近荃灣有，咁就去左荃灣
個sales都幾好人幾好傾，志同道合，用機習慣同喜歡都好一致，佢仲做埋電話教室添﹗
部機真係超勁抵，1180機價+500預繳-我部廢柴機trade in嗰600，即係實質上部野580蚊有交易
不過trade部機有段小插曲，就係插咭位個蓋仔唔見左，要hold住，買完機去隔離賣電腦個商場配番個蓋，不過初初問左兩間都冇，第一間仲話有都好貴，因為當配番個殼，第二間個老闆都幾好人，我問佢知唔知邊度有得配，佢話直行轉右有間叫xx的舖頭專幫人整電話，可能有拆左出來的舊殼有機會搵到，嗰個老細睇一眼就叫隔離個伙計喺一袋野裡面搵左一個n76的鬼殼出來，拆左粒蓋裝落我部電話度，收左30蚊
咁都ok啦，因為我有番個蓋就可以trade番600蚊，我以為呢部野唔值錢架喇
跟住係咁意睇下去唔去配con，咁就返去玩電話，玩左成晚
呢幾日其實有好多事發生
尋日出crew本來諗住跟booking唔使9點幾返到去，點知老細打來追稿…
不過好彩，唔係拍到太夜，夜晚仲可以同佢食到飯，本來諗住去食麻辣水餃嗰d野，但冇位，結果去左cocoduck，剧扒好似太濟，結果叫左沙律、薯條、墨西哥牛柳配薄餅，好豐富﹗
夜晚收到一個特別消息，四出打電話同msn徵詢意見，後來約左朋友甲喺荃灣食糖水，本來約喺樓下，等佢架小巴經過，但結果佢架小巴竟然冇經過，自到
我早到，扭左一隻扭蛋豬，係一隻豬公仔，呢排對豬有d情意結
芒果棉花冰，好好味好清新，喺香港都搵到台灣的味道，雖然唔可以直接比較，但即時諗起永康街的刨冰
今日訓得馬馬地，又係好早就醒左，訓下醒下…
佢返工，趁返工前有少少時間，佢過左來同我飲茶茶，真開心﹗
過冷河
2 July 2009
又係咁，次次都係咁，到仲有唔係好多時間出故仔，但隻故仔仲有一d未知之數，例如有d case未搵到，有d野未有著落時，心情總會煩躁，成日想嘆氣…
做左兩年幾都係咁…
今日真係好熱，只要唔喺車上，離開左有冷氣的舖頭，企喺街度都滴汗，冇停過，所以過一陣就要上番車或者去d冷氣地方過冷河
多謝你終於陪我去食咖喱﹗
又係咁，次次都係咁，到仲有唔係好多時間出故仔，但隻故仔仲有一d未知之數，例如有d case未搵到，有d野未有著落時，心情總會煩躁，成日想嘆氣…
做左兩年幾都係咁…
今日真係好熱，只要唔喺車上，離開左有冷氣的舖頭，企喺街度都滴汗，冇停過，所以過一陣就要上番車或者去d冷氣地方過冷河
多謝你終於陪我去食咖喱﹗
toro祭五藏廟
29 June 2009
呢排寫少左野，唔係懶，係冇靈感，對生活和人生的感思，消失得無影無蹤
尋日拍野，因為著左高跟鞋不良於行，冇去街，今日落雨，所以亦都喺屋企hea
夜晚睇到一個飲食節目，好掛住d toro，搵日去祭祭五藏廟
呢排寫少左野，唔係懶，係冇靈感，對生活和人生的感思，消失得無影無蹤
尋日拍野，因為著左高跟鞋不良於行，冇去街，今日落雨，所以亦都喺屋企hea
夜晚睇到一個飲食節目，好掛住d toro，搵日去祭祭五藏廟
被我愛過的男孩們
26 June 2009
這陣子很奇怪，一個接著一個，被我喜歡過的男孩們，逐一在夢中與我再續前緣
昨晚的夢裡，他找我，硬要帶我看子夜場，原來是他處心積累，說夜了，無奈地留他在我家過夜，之後他竟然四處宣揚跟我同居，太無賴了﹗
在夢中復合又或者嘗試開始的經歷，都不是很愉快
其實，我並不是那麼喜歡他們
這陣子很奇怪，一個接著一個，被我喜歡過的男孩們，逐一在夢中與我再續前緣
昨晚的夢裡，他找我，硬要帶我看子夜場，原來是他處心積累，說夜了，無奈地留他在我家過夜，之後他竟然四處宣揚跟我同居，太無賴了﹗
在夢中復合又或者嘗試開始的經歷，都不是很愉快
其實，我並不是那麼喜歡他們
生命中第三個男人
20 June 2009
尋日聽到一個故事，覺得好有意思…
有一日，一個女人離奇地死了，暴屍街上，全身赤裸，有些人經過，看兩眼便走了
有一個男人，看了於心不忍，不忍她死後赤條條沒尊嚴地任他人指指點點，脫下身上一件衣服，讓她敝體，然後，走了…
過了一會兒，另外一個男人經過，烈日當空，不忍她死後也要受太陽曝曬之苦，出了九牛二虎之力，把她移到一條巷子裡後走了…
又過了好一會兒，再有一個男人無意中走到巷子裡，不忍她死無葬身之地，揹著她到附近的草叢，找來一個鏟子，花了半天挖一個洞，將她埋葬了，汗珠兒仍留在額上，他拍拍身上的灰塵離開了…
甚麼是緣份？
相見與相知，兩個人雖然走過同一段路，但未必能夠廝守半生
有些人在你的生命中出現，點綴浮生路，不過，他不是你的真命天子，他可能是路過的第一個男人，又可能是路過的第二個男人
他們都願意為你付出，付出一點兒，但最多只有這樣，像乘火車，在途中下了車，沒有一起走到終點
也許只有愛，才能解釋為甚麼第三個男人願意在她身上花盡一切力氣
無疑，找到生命中第三個男人，是一件很幸運和幸福的事
又有另一個故事…
有一日，一個男人離奇地死了，暴屍街上，全身赤裸，有些人經過，看兩眼便走了
有一個女人，看了於心不忍，不忍她死後赤條條沒尊嚴地任他人指指點點，脫下身上一件衣服，讓他敝體，然後，走了…
過了一會兒，另外一個女人經過，烈日當空，不忍他死後也要受太陽曝曬之苦，出了九牛二虎之力，把他移到一條巷子裡後走了…
又過了好一會兒，再有一個女人無意中走到巷子裡，不忍他死無葬身之地，找來一台手推車，連拉夾拖，把他送到附近的草叢，再找來一個鏟子，花了半天挖一個洞，將他埋葬了，汗珠兒仍留在額上，她印印汗，拍拍身上的灰塵離開了…
我做過第一個女人，第二個女人，哪一天我會成為第三個女人？
相信我不會是你的第三個女人，至少，這一刻我敢肯定
而當我的第三個男人出現的時候，我願意被他埋在愛情的墳墓嗎？
如果有一天，你很喜歡，甚至很愛一個人，但他也離你而去，可能，你不能成為他生命裡的第三個女人
放手吧﹗
互勉之
尋日聽到一個故事，覺得好有意思…
有一日，一個女人離奇地死了，暴屍街上，全身赤裸，有些人經過，看兩眼便走了
有一個男人，看了於心不忍，不忍她死後赤條條沒尊嚴地任他人指指點點，脫下身上一件衣服，讓她敝體，然後，走了…
過了一會兒，另外一個男人經過，烈日當空，不忍她死後也要受太陽曝曬之苦，出了九牛二虎之力，把她移到一條巷子裡後走了…
又過了好一會兒，再有一個男人無意中走到巷子裡，不忍她死無葬身之地，揹著她到附近的草叢，找來一個鏟子，花了半天挖一個洞，將她埋葬了，汗珠兒仍留在額上，他拍拍身上的灰塵離開了…
甚麼是緣份？
相見與相知，兩個人雖然走過同一段路，但未必能夠廝守半生
有些人在你的生命中出現，點綴浮生路，不過，他不是你的真命天子，他可能是路過的第一個男人，又可能是路過的第二個男人
他們都願意為你付出，付出一點兒，但最多只有這樣，像乘火車，在途中下了車，沒有一起走到終點
也許只有愛，才能解釋為甚麼第三個男人願意在她身上花盡一切力氣
無疑，找到生命中第三個男人，是一件很幸運和幸福的事
又有另一個故事…
有一日，一個男人離奇地死了，暴屍街上，全身赤裸，有些人經過，看兩眼便走了
有一個女人，看了於心不忍，不忍她死後赤條條沒尊嚴地任他人指指點點，脫下身上一件衣服，讓他敝體，然後，走了…
過了一會兒，另外一個女人經過，烈日當空，不忍他死後也要受太陽曝曬之苦，出了九牛二虎之力，把他移到一條巷子裡後走了…
又過了好一會兒，再有一個女人無意中走到巷子裡，不忍他死無葬身之地，找來一台手推車，連拉夾拖，把他送到附近的草叢，再找來一個鏟子，花了半天挖一個洞，將他埋葬了，汗珠兒仍留在額上，她印印汗，拍拍身上的灰塵離開了…
我做過第一個女人，第二個女人，哪一天我會成為第三個女人？
相信我不會是你的第三個女人，至少，這一刻我敢肯定
而當我的第三個男人出現的時候，我願意被他埋在愛情的墳墓嗎？
如果有一天，你很喜歡，甚至很愛一個人，但他也離你而去，可能，你不能成為他生命裡的第三個女人
放手吧﹗
互勉之
一個人的問題
16 June 2009
呢幾日有d情緒，冇咩值得開心，冇咩值得唔開心，冇咩值得煩，冇咩值得唔煩…
很怕遇到呢種狀態，唔知自己做緊乜
一年前的今天，6月15號，如常以玩樂支撐生活
近一年來戒掉以酒精灌溉生活，可能，唔再需要擺姿態，也為健康好好著想
然而，這一年過了很多一個人的周末和假期
還記得最初搬出來自己住，再加上返夜，盡情地享受獨處的空間和無拘束，生活很隨意，也有一分自由自在的感覺
或者，因為不規則的返工時間，順理成章和理直氣壯地避開了一些不想面對，無從躲、無從避的人和事，找到一線喘氣的空隙
不知就裡，後來，忽然喪失了獨處的能力，離群恐懼，身邊少一個人，就好像心裡少了一塊，唔會一個人自己去食飯的怪病，由回復早出晚歸的生活開始
有一些關口，有一些障礙，其實是人自己慢慢築起的…
作息不同，最初很不習慣，試過周末一個人冇地方去，冇人陪，攬住d公仔喊
慢慢地，慢慢地試下一個人走出去行下
轉捩點是那次拿出相機去牛下影相，思考的活動，relax的活動，應該是一個人
近月開始了跑步的習慣，最記得有一次跑完，坐喺場邊冥想，看草，看雲，看雀，看螞蟻搬家，不要是是非非打擾
兩個人的時候想一個人，兩個人的時候也想兩個人，問題不是一個人或兩個人的，總之，一個人也好，兩個人也好，生活，是一個學習的過程，心態的調適
至於近日的情緒，哎，唔知自己做緊乜，為咩呢？
試著回顧自己找答案，結果，發牢騷…
尋日突發想食菠蘿，想買時冇得賣，有得買時時機唔啱，結果冇買到，冇得食
頭先晏晝攞左假，飲完茶返到樓下突然醒起睇下有冇菠蘿賣，去睇下又竟然攞到喎，買左一個返去，自己開，鹽水浸
有人怕麻煩，買超市預先pack好的菠蘿鮮果包，喺呢個情況，我自係唔係好怕麻煩的人，原個菠蘿買返去自己開，開得核突，技術不精，基本上有半個都俾我大刀大刀切走左，不過我覺得個過程都好好玩
keep住一個浮的狀態
8 June 2009
六四廿周年當晚去左湊熱鬧，我再三強調我只是湊熱鬧，揹左部450D出去影下相，塞唔到入球場，但塞左去球場外的鐵絲網，希望冇計到我的人頭
我唔係好明點解做呢行就有平反六四的使命？
我唔會唔支持平反，但我一定唔會係嗰d企出來大叫平反口號的人，如果唔係可以影幾張相+gathering，大熱天時，大汗叠細汗，人迫人，我真係唔會咁無聊去集會
我唔係話香港中央台做得啱，但點解會宣揚平反六四價值的才是好傳媒？唔為六四出聲的人要被批評？
離開公司碌去搭小巴，但等左好耐先有車，而且第一架車仲上唔到
之後去左食足三兩漢堡包餐，食完都9點，跟住碌入維園，之後返番荃灣食糖水，竟然搵到棉花冰﹗
星期六，今年第一次落水，晨吉咁早起身，仲早過返工…
約左8點喺樓下，8點半喺旺角，9點喺西貢，但某甲遲到，所以8點8先出到旺角，等埋朋友甲，9點1先喺旺角出發，結果咪遲左好多囉
夠曬夠熱，真係最啱落水﹗
目的地=浪茄，玩意=香蕉船+游水+訓身沙灘排球
唔知係唔夠訓定係肚餓，有d暈船浪，尤其泊低左隻船之後，坐一陣就覺得暈，周身唔舒服，坐又唔係企又唔係，落水浸住會好d，所以成日都攬住條「棉條」喺水裡面浮下浮下
上番岸見到陸地的感覺真好，再食杯雪糕車雪糕更好，佢地去唱k，我決定散水並取道旺角返歸，最討厭的小巴+塞車，再暈多兩錢…
返到屋企坐喺度，都仲有喺個海度浪下浪下的感覺，沖個涼食左d野，都冇咩搞過，9點零就走左去覺覺豬，訓喺床度都係浪下浪下，訓到今日晏晝1點
晏晝食左d野，hea左陣，好攰，兩隻手臂勁酸，我諗係因為成日要keep住一個浮的狀態，對手放喺條「棉條」上面所致…
不過後來都係決定去剪頭髮，咁就出左去，做埋color，又搞左幾粒鐘，好攰…
呢個6月一日紅日都冇，又要返extra day，真係幾難捱…
訂閱：
文章 (Atom)