22 January 2010
尋日真係超勁開心，ko睇醫生的目標，偶遇好耐冇見的朋友，勁食好泰國菜，訓勁好的一覺
前日，起身太眼訓，又見星期六日都要返工，所以放自己假，訓左半日，用左大半日整理好《藏遊誌》最後部分，整好埋個網頁，原來，前後已經三個月了
本來都猶豫好唔好睇4月1的尾場，點知睇睇下電視，先發現竟然再加場，而家的尾場係4月4，冇行啦，好大機會飛左做世博，所以轉移目標，睇頭場
諗住跟歌迷會訂飛，但冇得揀日子，真係吹漲，仲要硬食一個燈牌，雖然只係60蚊，都冇理咁樣丫…
會拎燈牌的fans一定有，係唔拎的你屈佢都唔會拎，好質疑呢種吸水手法…
所以，結果要去排隊囉，尾班西鐵，點知出到去已經有條龍，攞24號籌
頭場480，再r緊英文字的飛，睇多場
又唔係想像中咁眼訓，全日出crew拍野，三個好重要的訪問，拍左好多野，所以夜晚狠狠地，要食餐好
朋友一號帶過我去食荃灣嗰檔好好食的泰國野，所以帶番佢去食
兩個人食左好多野，蒜蓉包、冬陰公、青咖喱+白飯、柚子蝦沙律、生菜包，飽到上心口都食唔晒，之後散步，得到一隻虎仔
而另一件事好開心的，就係拍拍下野，好似失蹤左咁潛左水一排的朋友甲打俾我，原來佢見到我拍緊野，相約大門口，咁樣傾左一陣，真開心
前晚冇訓，尋晚返到去沖個涼，幾乎一撻落床就訓著，訓好冧的一覺