灰姑娘

27 December 2006

呢幾日太繁忙地玩，都係時間報告一下反過d乜

晚晚都係夜晚活動，首先要由22號冬至當晚講起
22號，夜晚在公司寫稿，本來諗住來個做冬宵夜，可惜流左…
23號，放假，出左去旺角行左一陣啫，但買左好多野呀，夜晚食cpk，當然唔少得食番件tiramisu，雖然冇armaroni嗰件咁好食，但好過冇；之後急急腳返屋企睇波，睇埋英超車仔尾場，3點，好彩啫，msn中你叫我去食宵夜，下次先啦…
24號平安夜，訓醒返左公司剪片，咁都搞左半day，蝕晒﹗跟住落左tw打邊爐，再去睇《傷城》，一套唔睇都唔係可惜的戲，故事單薄，哎…之後成班人上左我屋企開p啦，佢地掛住打機，我就掛住同你msn，之後玩非洲話事啤，玩到朝早7點幾，再落樓下飲早茶，再返工
25號，夢遊公司…其實係有工作能力，但沒有工作的心情，隨時隨地坐喺度都訓得著，放工同夜更親愛的食飯，諗住xmas食好d，但間酒樓都係馬馬地，之後上左我屋企飲紅酒、打牌，打左4圈，輸左百幾蚊，真係呢，完全冇主場之利…跟住去左bar pacific飲野啦，玩骰仔、true or dare，直到三點掛，我都唔知實際時間，wing wing地啦，一dat落床就訓著，張床好似會轉咁架
26號，放工後約左你食飯，之後又係睇波活動

平日我有把鎖？還是我習慣獨個生活太耐，想你來釋放？
一直等一種感覺，今天終於有點狂
不想正常，心花正怒放﹗

感覺你很近很近，感覺特別
感覺你很親近很親近，感覺溫暖
你有沒有同感呢？

視世上人不理，想早晚能見你，曾經反叛，也是我運氣，天與地…
渡過約束，拋開生死
不顧忌，才了解喜與悲，能以後銘記

今日做灰姑娘，12點前訓覺

切磋

23 December 2006

呢兩日真係好辛苦，兩日都冇時間食lunch，咁樣唔sustainable架﹗
尋日晨咁早上左深圳，事前有d波折，知之為知之啦，我地冇帶野feed，人地noon都出晒，雖然我地都有，但都係資料片咋，3點返到公司，咪拿拿臨執手尾啦，搞掂又要聽垃圾會，直到pack埋隻頭條故，返去做節先食全日的第一餐，真crazy
今日都好激架，十點零寫左隻故，約訪問，12點半喺西環，出去的途中再約左一個，兩點，加埋原本約左4點的專訪，接住來，做完第二個訪問，叫人幫我買左個吉野家lunch box，但都唔得閒食，因為即起左兩隻故，結果做完最後個訪問拎埋返公司，剪晒片先食冷飯，但都好好味
放工留堂寫罐頭，今次呢隻故仔一定要寫得好，因為好重要，對我有特別意義，不過係咩，呢一刻唔講得
我真係好比心機寫架，寫完呢個version我都幾滿意，唔知sub完點呢…
你以為我返c呀，唔係呀，不過我都完完全全成為左一個c更人，不過同時都係b更人咁囉
返到屋企照鏡，個妝浮起晒，d皮膚都抗議
只有兩個字形容自己囉：殘樣

同你閒談，牙鉸上切磋切磋，真是有趣
各自各堅持己見，但各有各的道理，不退讓，但互相尊重，呢種態度，i like it﹗
有理據的，我忽略了的，多謝你提點我，令件事更圓滿，呢份追求更好的衝勁，i like it﹗

志同道合的人，如果那件事成真，一定親口話你聽，保證你不會從別人口舌中證實任何事
但如果許諾守密的人，請合作一點點
到時一切，親疏之別，高下立見
需要自我反省的，到時心照啦

都係因為你啦，夜晚宵夜活動流灘，要擇日重賽
你呀，號召力咁弱雞架…

豁出去

22 December 2006

今日狀態略為好轉，又上來匯報吓呢幾日的情況

做左萌鼻菩薩，仲有聲沙大魔王上身
早幾日話冬眠，結果一語成懺，講得俗d咪叫烏鴉口囉…
病得太厲害，星期1，除左食飯嗰一陣，可能訓左都有廿個鐘：星期2，sick leave左，又係訓完又訓
迷迷糊糊，只記得被窩的溫暖
我唔會怪自己任性，明明喉嚨痛都打邊邊
反而覺得自己唔夠任性，應該狂食雪糕狂飲汽水狂食薯片，一下子豁出去

失賠你的bbq活動，都怪自己忽然錫身，怕吹風、食埋d熱氣野、夜訓，稍見起色的病情突然急轉直下
下次啦，總有機會既

傳說個鼻生瘡瘡，即係有人暗戀，今日個鼻生左一粒，係咪有一個人暗戀我？

你覺得自己好風趣咩？慳d啦﹗

投入春秋晚期吳越爭霸的國度，將mindset tune去公元前唔知幾多年，將書面語講出口

你和我的故事

18 December 2006

你和我的故事，是逗號，繼續發展下去
你和我的故事，是句號，已經去到終結時
你和我的故事，是問號，很曖昧，很多疑團未能解開
你和我的故事，是感歎號，盪氣迴腸
你和我的故事，是省略號，充滿未知之數
你和我的故事，是破折號，兜了幾個圈，生出很多枝節

天氣凍左好多，請你食凍柑丫﹗
記得以前讀書，呢個遊戲總係走唔甩，好無聊，好低b，但好好玩

頭先返左屋打邊邊，其實喉嚨痛，唔係好應該打邊邊，但係算啦，又要戒口又唔可以飲凍野、食雪糕，實係好辛苦架，豁出去啦，一舖病晒佢﹗
因為咁，所以遲左返屋企，睇唔到車仔上半場
作死呀，做咩鬼輸個12碼呀，上半場落後1-0
不過好彩，有我的支持，的確唔同d，波波克下半場開波好快入番球
但玩野啦，又俾耶寶寶射入一球，再落後2-1
我即刻大叫左出來
係咁攻攻到81分鐘，我愛人林伯伯射球靚波，2-2
又係神奇的杜巴巴，87分來係神奇笠射，2-3

跟住到曼聯出場，但其實場波都幾悶
估佢唔到榜尾的westham會贏喎，照實力同近況睇，開場前我都係支持佢地打和啫
thx Curbishley and Reo-Coker

冬眠

17 December 2006

好一陣子都唔使返星期六日，今日返工，可以著得casual少少，反而有d唔慣
今日著左條男裝牛仔褲，不過講真，而家的服飾趨向uni-sex，又點會有人咁留意呢？
sat我又唔係覺得好大分別，我都係上晝一單下晝一單，結果一隻係teaser一隻係bumper
係咪因為我放完假，覺得我狀態好d，可以應付d相對較重要的野呢？
哎，但我覺得，身體反而未能投入工作，我諗你大致明我講咩
唔知係咪今日著得單薄左d呢，話說我著左一件樽領好薄的衫加一件薄冷外套，我覺得真係ok喎，帶左頸巾出去都冇戴過
其實我真係好鐘意冬天架，可能我冬天出世啦
我怕熱多過怕凍
不過街上個個都大褸，搞到我好似好窮冇錢買布做衫咁…
我喉嚨痛，唔通真係冷親？定係講得太多野傷喉嚨？

頭先在hku黃麗松講堂，往窗外從高而下望落去，有一對纏綿和互相糾纏的男女，我諗佢地唔係好care有冇人見到佢地
遇到呢d場面，梗係玩至拿手的配音啦
女：咦，你做咩唔攬住我啫
男：點會啫，傻豬
女：嘢，攬實d啦衰鬼
男：你睇下你肥嘟嘟咁，攬唔晒喎
女：咦，你做咩咁話我啫，凍著得多衫之嘛
男：我攬住你唔凍架喇，我地做連體嬰
女，唔，邊個得閒同你做連體嬰喎
男：你唔想咩？
女：你話呢？
男：來啜啜啦
女：唔，你個咀咀好凍呀
男：你個咀咀都好凍喎
不過呢個時候，後面傳出笑聲，隔離台個camman話：我平時冇野做喺車度standby時都係咁玩

你想點呀？故作風騷，究竟你係發神經，定係想吸引人注意？
一舉手一投足，除了畸呢，還有畸呢
教人哭笑不得的你，其實同我都有幾分相類
近日你我都常常掛著笑容，笑意盈盈，蓮子蓉咁面口，總惹人懷疑
我呢，轉左個look過新生活，成個人fresh晒，咪開朗左囉
咁點解你心情都咁靚呢？
記得上次我變得浮躁，你也變得不耐煩
anyway，好鐘意見到你的笑臉

你眉頭開了，所以我笑了
你眼睛紅了，我的天灰了
求之不得，求不得，天造地設一樣的難得
喜怒和哀樂，有我來重蹈你覆轍

不過頭先聽到一句詭異的說話，唔知關唔關我樹呢…

而帶Tiffany的人又在我面前擾攘，咩意思喎，想點喎？

呢個星期又做扒王
頭先又遇到d無聊市民
我又要repeat9月26號個blog其中一句：
做個扒啫，企喺度睇下，我咪當你好奇見識下囉，唔使影我相嘛…
唔好以為在鏡頭前出沒，在電視機見到的人就異於常人啦，成熟d啦，唔好咁無知啦，香港人﹗

我諗到聽日的節目做咩喇，就係冬眠

********
其實今日有一件事，印證左我係同吹bb嗰班人的個思維大致係一樣的
想唔認自己喺嗰度來都唔得啦
基本上，原本at very first揀嗰個bite，就真係揀左冇後悔個bite
但後來諗下諗下，佢又講番核心小組，好似唔係太特別，倒帶時聽翻而家出左個bite，又覺得幾好喎，所以出左而家個version
不過，頭先佢話應該開冇後悔個point行先
其實，我係咪應該繼續相信直覺和第一印象呢？
諗番讀書嗰陣，某人話做電視新聞，做完個記者會(採訪)，收埋筆記，第一印象記得d咩，就係開呢個point，通常都冇衰；而其他的資料，唔係唔重要，不過佢有時分散左你注意力，你越咪d筆記，越覺得個個point都重要，令自己混淆，唔識取捨
睇來，今日正正遇到呢個情況，係咪應該諗野諗得簡單d呢？
早幾日嗰個人的說話，係咪打擊左我信心呢？
某甲傳授佢mark notes技巧，嗰個方法，我都有聽過，我覺得唔啱我用，就係因為我用緊讀書時某人教嗰套；記得邊個bite就用邊個bite
某個要求勁高，剷人剷到飛起的採主讚過我sense好，就係呢個point，令我走左咁耐，至今都感到自豪，所以我一直憑直覺揀bite，不過咁樣係咪好高險呢？又係咪好似好唔科學呢…
但係今日就係因為放棄左呢個方法，而令件事俾佢覺得唔係咁圓滿囉…

********
傳媒，尤其在香港呢個咁細的社會，影響力十分之驚人
我諗起03年暑假的一件事，全城瘋狂，可能係因我而起
sars過後，為左令市民開心d，請左皇馬來hk，相信大家都記得
皇馬來hk的消息，講左好多日，吹話幾時開始賣飛，蘋果都做過，但起初都冇咩大迴響
嗰時我係intern同學仔，被委派去大球場做一單assignment，講姚明等籃球人來hk，經過大球場，見到有幾丁人排隊，我打番去同採主講，未講皇馬幾時賣飛，就已經有人排隊，會唔會做呀？
當時嗰個採主(唔係讚我嗰個)話都未公布賣飛，會唔會排其他野呀？你有機會去問下先啦，你而家專心做你單assignment
記得當日在記者會上，康文署署長係王倩儀，我問佢仲未公布賣飛詳情，有冇了解過大球場外排隊的人係咪排皇馬，如果係咁早已經有人排，會唔會有特別安排？例如提早賣飛
佢好串咁話今日講籃球，其他野唔答，個io就即刻搶住話記者會完
事後唔知點樣啦，唔知邊個話事，叫左某個full time去扑咪，d人真係排皇馬架，就展開左連日全城為皇馬瘋狂的報導
三色台一日咁多人睇，其實影響力真係好大，佢話有人排隊，d人咪覺得嗰樣野好heat囉，到今時今日都仲有呢個現象，你我都了解的
結果之後全行都跟住做，當個社會日講夜講，仲勁過賣廣告
某一日我被安排去大球場外做一隻故仔，做之前已經話左俾我聽係4條，brief晒，又叫我俾心機，記住做埋個靚扒，又教我例如個扒可以講d咩，仲叫左某full time協助我，唔明就問佢，我覺得係我的rewards
不過始終都過唔到某人嗰關，某人勁唔鐘意我，我諗係我唔識應酬佢啦
佢鬧某採主：4條來架，俾個同學仔去做？仲要俾個full time協助佢，個full time唔使做啦，咁請佢來做咩呀
結果我咪從旁觀察隻故仔點做囉…
又過左幾日，我被安排做左一個扑咪，跟住叫我拿拿臨返公司pack故仔，我都未知pack咩，但返到去某full time已經寫好一隻故，叫我去做聲，關於網上炒飛的，我覺得係補償囉
後來皇馬離港，我明明返normal，有通宵人返早人，佢都叫我5點去君悅等班球星，可能知我鐘意波啦，俾個機會我見下佢地，又做番隻故仔

總之到而家，我都覺得全城為皇馬狂熱，係緣於三色台帶頭報導，而佢地點解去做，係因為我對足球的熱愛和一點洞察力
孰真孰假也不打緊，最少我咁諗，令我有一點優越感

案情重組

16 December 2006

好耐都冇飲過lemon coke light，呢層係一件好事
如果你記得我講過，我唔開心就會飲可樂

放工返左屋企，唔知點解突然想食老麥，碌左落地鐵站嗰頭，嗰度有間麥記，食左個板燒雞扒飽餐
啊，原來而家有shake shake薯條，但係和風紫菜味道馬馬…
同埋而家鐘意粗野多d，可能見得多，幼的、細細條的返而唔慣，冇口感、冇手感，怪怪地咁
忽然間諗番起某日在shinjuku間mos burger…
心情心境一直都停留在一個星期之前，仲停留在東經139.42，北緯35.41
天氣比而家的hk仲凍少少，但好舒服，冷風由門罅吹入來，但拎住d粗粗地，熱到燙口燙手的薯條，真係別有風味，好冧，hk唔會try到
hk mos burger第2分店@朗豪坊係咪真係23號開架？如果係咪忙死你囉，咁你嗰日會唔會流灘架？
but anyway，麻雀枱為你預留位置，but你有精神打先算啦﹗
見到你個nick話病到死狗咁，take care啦﹗

xmas倒數十日，咩普天同慶的日子，其實係各路人馬gathering，結黨集會的時機
要見的某甲某乙一堆堆，行程緊密

從前成員齊集嗎？個個老了胖了嗎？
聽說某某去向未明，下落待查。
仍然流行懷舊嗎？
看你記性有幾差，唱到這裡，漏了幾個他他他、她她她…
從前豪情還在嗎？
世故了也未算差，偶爾有個壯志未酬，不必驚詫。
前行還能前衛嗎？念舊又是落伍嗎？
過去過了，但至少也將火把交給他﹗

晏晝進行mission secret後，一個偶然的機會返左公司，所以咪拎埋d手信零食返去囉，就係上次張相中的其中一部分
拎埋本紅鑽紀念冊俾某人睇，唔記得拎返屋企喎…
唔記得帶埋個blue box返去，噢
我發覺我個位的物件不斷向外漫延，其實都幾大鑊﹗
哈哈，呢排食得太多junk food，會唔會變成junk 人？

有一個謎團以為解開左，but頭先一問之下，謎上加謎，點算？
有關人等又在網絡上失蹤左，對唔到質
一謎未解，一謎又起…
點解你會知道既呢？

話時話，你呀，係呀，話緊你，又要睇我個blog，又唔留言，壞人
哎呀，我遇到好多壞人﹗
話時話，你睇左我個blog咁耐，有幾多係睇得明，有幾多係睇唔明呢？
我跳躍式的寫野方式，唔係純綷你睇每一行每一個字，就get到個意思
有冇發覺有時睇落d野，講緊d野，你好似明明地，好似講緊一d你知的事，但某d段落又與你所知的事實不乎，似是而非？
而有陣時對號入座，但問番我，其實我唔係講緊你
大概就係呢個原因
我咁樣寫野，唔係代表我冇組織力，而係唔想每次畫公仔，都畫條腸先
將事情唔同段落、情節打散，俾你一個空間，諗番件事出來，諗下我想講咩
其實最重要的，係讓我在文字這個好像很真實，但其實好虛無的世界裡，自由翱翔，進行一次我心目中的案情重組

哈哈，我冇事lu，頭先聽番《3月9日》，但我冇喊lu

突發搵你去飲野，講得好潮叫吹下水，講得俗d叫打牙交，另一角度又可以話呻吓，總之就係俾咀巴講下野，做下運動咁囉
熱檸樂煲薑，因為d檸檬浸得太耐，苦苦地
講左好多我近期未發表過，未同人講過的說話，包括一個秘密，又多左一個人知lu，不過你係呢個圈子裡第一個人知，我諗好大機會亦將會係唯一一個人知
人迷失了，好像能掌握的東西很少
要擁有必先懂失去、怎接受…
很多時一些大智慧，就在生活的細微細眼中出現，又或者來自你我的一言驚醒，溜走了也不自知
苦的熱檸樂煲薑，係咪就係話做事要適可而止，該收手時，就好收手呢？
檸檬呀檸檬，呢泡可樂薑溫泉唔啱你，你明唔明？

我會學習唔想念你，但俾d時間我，好嗎？

好夢往往就是無疾而終

15 December 2006

呢個世界最奧妙的事情，是各取所需，達至多贏的局面
其實不容易達到，亟需多方面，例如天時、地利、人和的配合
若錯失天時，機會錯過了，甚麼地利人和也不能挽救

尋晚發左個夢，夢中去左一個好似冒險樂園的地方
有一部機，我叫佢堆錢機，我諗你應該明我講咩
而家引入左一個新玩法，唔推錢，推野食，推到幾多攞幾多
咁唔知點解喎，有其中一部冇人玩喎，但已經累積好多野食，一推就中好多，咁我咪入左100yen入去玩囉，係呀，100yen咋，夢中我在日本
推左好多野食呀，喺個窿度，攞來攞去都攞唔完，有一大堆零食，要幾個大的背心袋先裝得晒
說時遲，那時快，一個屈尾十就去左首爾，由於係豉油行，所以唔識路，去到一個商場問路啦，唔知點解勁好禮遇喎，一開聲知我係香港來，就即刻搵左個講廣東話的人來招呼我，仲要同介紹個商場，陪我周圍行，做埋翻譯，shop得好開心，正到爆﹗
可惜，好夢往往就係在最唔願意醒來時，被人打斷
好夢往往就是無疾而終…

完喇完喇，亞運終於完喇，每日數榜，鬥多金牌的日子可以告一段落
真係好煩架，好地地比賽咪算囉，知你中國成百五面金牌好威喇
好一班屎忽鬼
攞金牌時就祖國好威、中國人之光，李雲迪、郎朗來香港就話正呀正呀
內地一有咩出事，大陸冇好野帶挈時，就叫「大陸呢」死開啦，例如d大陸女人咁
香港人呀…

尋晚冇睇到車仔，好彩佢贏左1-0啫

收到你張相，雖然殘樣，anyway謝謝﹗

記住你的說話，記住你的招牌笑容，記住你殺死人的眼神，總之記住關於你的一切

仲有一件事，真係要高呼好彩﹗

沒有太大偏差

14 December 2006

一連兩天不同的報章，都以同一則故事作為cover story，真係奇怪
好明顯係其中一份報紙做左呢則報導，另一份見勢色唔對，第二日跟住即做
講的係一個叫琳琳的bb女的故事

http://www.speech.com.hk/kolamlam/day1.htm

簡單的言語與相片，沒有矯揉造作，多情的我又喉嚨嗚咽
如果佢地唔係教徒，可能感動人心更深，至少我有這種感覺

9日的生命是甚麼？
剛過了11日的假期又是甚麼？
我和她都有相同的名字——快樂小天使
你真幸運，不用面對現實中數之不盡的無奈與無助

今日知道一件事，或者這樣說，大致肯定了一件事野，我想現在的決定是正確的
原來一直的估計也沒有太大偏差
總討厭別人吞吞吐吐，卻言又止
總討厭花一番心思玩猜謎遊戲
我想暢所欲言，但現在時機還未成熟，說話埋在心裡，勉強吞進肚子裡，這種感覺，你明白嗎？

瞌上眼看見你的容貌，你的聽音彷彿在我耳邊迴響，總覺得你很親切，很想很想抱抱你
不過沒有這膽量，沒有這機會
自然流露地稱呼你一聲傻豬，雖已成為往事，但你我尷尬的笑容仍烙在我的心扉

對某人的反感和怨恨，不知從哪時起滋張
我心比明月，明月照溝渠…
我稚拙與單純地相信你，我錯了
是否要學懂胸懷城府？

唔知點解諗起嗰個基本上我呢世都唔會再見的人，一個偏聽、不肯接受意見的人
其實今日真係好想開名講一個人，但係，原則始終要堅持
深呼吸一口氣，算﹗

由不變成不是

11 December 2006

高球之體驗原來係咁累
但第一次打，都算係咁啦，正正常常打到個波出去，有姿勢又有實際
打完食滿記
當每一樣野出左名，變得common受歡迎時，就會失去本身的特色，真係冇乜邊個可以打破呢個定律

車仔vs阿仙仙12點開波，返到去踢左5分幾鐘，哎，點解主場都咁黑仔，又中柱又中楣，除左苦笑仲可以點呢？

頭先搭車時見到一副對聯，諗起中學讀文學時，「比目魚」的笑話
某人對出一句「兩手人」，每次諗起都會心微笑

從前情人好嗎？現在幸福嗎？還生氣嗎？誰人何時替我給你一個家？
從前情人還好嗎？尚獨身嗎？還想我嗎？無緣成為最愛卻到很牽掛…

頭先又被人問到一個奇怪的問題
每次遇到呢d情況，都係一一否認
我諗問的人也預期得到呢個結果，咁點解仲要問呢？即使你問多幾多次，最多也只會由不變成不是
我明白我答yes，可能令你開心一會，亦唔使錢、唔使死，但我有必要這樣做嗎？
唔係事實，我打死都唔認﹗

人活到幾歲算短？失戀只有更短。歸家需要幾里路誰能預算？
忘掉我跟你恩怨，櫻花開了幾轉，東京之旅一早比一世遙遠。

有時人與人太過相熟，太過了解，反而失了神秘與好奇
亦因為這樣，就會以為互相十分清楚對方，不會再花心思進一步發掘、再深入認識彼此的優點與缺點
人每分每秒地成長，思想不知何時何地突變也不自知
雖然呼吸同一大氣，活在同一時空，但這種漸漸發生，難以察覺的轉變，住往容易忽略
失去那種尋根揭秘的原動力，嫌隙就是這樣滋長

想起你

10 December 2006

晏晝訓到五點半先起身，天色已經昏暗，好似好耐冇見過太陽…
放假，心情輕鬆，但總覺得時間不夠用
吃點東西，稍稍收拾一下，又是八時許
今晚選擇看歡樂滿西環而放棄了曼徹斯特打吡，明晚倫敦打吡先係我的焦點所在

因為得閒，可以整理一下思緒
很多人的樣子在腦海浮現，很多人的名字在唇邊略過
想起你，不知道你有沒有同樣地想起我？
想起你，後悔沒有膽量跟你說出心底的說話
想起你，遺憾沒有向你求證那件事
想起你，可否一同為那段沒有下文的故事譜出一個結局？
想起你，回味那次沒有相約的相遇
想起你…

異地回歸

8 December 2006

偉大的電腦，我終於回歸了﹗
過左幾日冇腦的日子，其實感覺都幾奇怪
因為身在拿邦國，我又冇j-phone，所以咁多日來唔使收到d無聊電話，講少左好多電話，感覺良好，日日都係咁就好喇﹗
不過一返到來，一聽個voice box就大鑊啦…
呢幾日實在太累，日日一係7-2，一係10-3，真係辛苦過返工
今朝執野執到差唔多4點，但5點幾又要起身去雞場，冇訓過咁濟，搭車企喺度都訓得著﹗

其實初初都唔係買左咁多野，因為好多野香港其實都係有的，得個拎
不過後來去到不二果子店，真係呢，成個人都癲左，呢個又要嗰個又要，好想將間舖搬返來
執野先發覺，我瘋狂買野症已經病入膏肓…
半個喼去，兩個喼+一箱野返，都唔知點解次次去旅行都係咁…
好彩搭雞場快綫，有d慢動作同態度唔好的阿嬸幫手，的士直飛返屋企樓下
執野啦，d野食堆到一地都係

由於時間關係，原定想去FC Tokyo朝聖，但真係太遠同埋太不具時間效益，都係放棄左
結果咪在兩大運動用品連鎖店浦下浦下就算
狂擰球星扭蛋

另一個mission failed的係京都不死鳥波衫order同球星遊戲咭的order，前者因為超越目標價，後者係搵唔到
唔好意思﹗

不過當然亦有KO左的目標，例如最大路的porter、agnes b、fancl等
而另一個重要任務係掃戲院，因為住shinjuku，尾二嗰日先去，但原來最大的寶藏係新宿呀﹗

都係嫌d商場閂得早啦，JR好迫囉
但好在成日行街都冇人食煙，原來新宿、池袋、涉谷等街頭係唔准食煙，唔留意開都唔知
返到來香港好唔慣﹗

我發覺生日在異地度過，都有唔好的地方，正日當日只係得你零星的happy birthday點綴
知我去旅行的人，連留個言都冇
講開voice mail，出奇地真係一句生日快樂都冇喎
不過，返來就收到晒啦，多謝你地

here in japan

5 December 2006

hihi everybody, i am in japan now
it is just 7 degree in shinjuku and have noodle under the bridge, really cool!
come and join us la

9/12/06 update：
新宿火車站旁的車仔麵檔

殺我一個措手不及

3 December 2006

小天使轉左新look已經一個星期，大家的反應正面，呢個決定係正確的
人活在這個群體社會裡，除了要有自信，還要得到別人的認同
我不是說要跟著別人的說話做事，而係自己做的事有人撐，更進一步肯定自己
然而，別人唔認同，就要找出別人唔認同的原因，用個腦諗下，係自己有問題定批評自己的人有問題

心裡預演過無數次，但某人問我的問題，仍然殺我一個措手不及…
假設你問我嗰個問題，我可能還是無言以對
假設那件事是真的，我會第一時間向你證實

《勞斯‧萊斯》的mv，有一幕cc主動去咀edison，但edison冇反應，尋日我問你如果條仔係咁你會點
如果你問我做唔做得出？做得出，why not？
不過我絕對唔會俾我自己咀一條對我冇反應的仔囉

我諗起你
當日你得唔到我，我得唔到你，那段關係，令你和我都活在謎團裡
如今相見，大家都裝作若無其事，反而顯得此地無銀
大家心中、腦海中都有一段往事，不是按一下delete就能將記憶刪除

別人眼中的古老石山

29 November 2006

除了無奈，還有無奈
好想quit而家的生活，對所有野都感到好厭惡，身邊的人，每日見到的事物
不平則鳴？鳴完又如何？唔係妄自菲薄，而係自身力量渺少，呢個係事實，點樣同人匹敵？
一直抱打不平，碰了一鼻子灰，一句鼓勵的說話都冇，一點被欣賞的目光都冇，一個有共鳴的人都搵唔到，點樣唔叫人洩氣？

早前的預告真係極之正確，心態上已經ready，行動亦即將配合

我已經發出禁制令，唔可以俾我自己再去supermarket / 便利店 / 零食雜貨舖再買埋d唔係即食的野，如果唔係個枱面，丫唔係，係屋企會真真正正成為一間7仔

********
你冇再纏住我，我可以用番平常心對你，感覺良好
呢樣係我覺得，唯一值得安慰的事情

********
每個人心入面都有一團火，但睇下係燒d咩啦，有人對工作有團火，有人對朋友有團火，有人對知識有團火
作為新聞從業員，最理想的，係對「真正新聞」有團火
對於某些傳媒機構，係咁炒作某d野，真係好反感，搞到唯恐天下不亂咁
點解搞到d新聞一定只可以報憂？
有一次問某人，今年有冇發生過d咩開心的事？
我相信一定有囉，但真係唔記得，我即時反問：今年咪個個都唔開心囉？
講股升樓升，又俾人批評係大好友，如果係事實，有咩唔講得，新聞=精簡版的現實寫照
如果加入了適時評論、個人意見、主觀立場，呢個係時事評論，sorry，請將佢同新聞分開
簡單d來講，打個譬喻，就係記者同時事評論員的分別，如果有一段旁述，由個時事評論員講，大家會覺得係佢評論緊件事，講的係佢的立場與分析，與記者的報導別人的意見，迥然不同
係呢行的人變晒質，過去曾經目睹編採編劇化，看圖作文，生安白造，呢個咩世界？

我仍然為我仲好似一塊別人眼中的古老石山而自豪，我後生，有d野仲值得我堅持，有d野我仲未忘記，有d野我仲未捨得放棄

有興趣搵我報名啦

21 November 2006

原本覺得有d無奈，有d不知所措，但遇到好人，算啦
積極籌備打牌活動中，有興趣搵我報名啦，額滿即止
但其實我打得唔叻，你地唔好蝦我呀﹗

去訓 lu，一陣起身睇歐聯，睇下arsenal點食漢堡包，又睇下些路迪點樣生擒紅魔
see u later!

********
i am back!!!
凌晨4點02分，睇緊celtic vs manu，但唔係咁好睇…
過左12點，11月22號，踏入人馬星座，諗起人馬座的你，會唔會集埋同樣都係人馬座的一眾友好，開番個生日會呢？

諗番起以前中學時代，一行十幾人，人強馬壯，係班中的最大勢力
差唔多每個月都有人生日，每人夾廿蚊買禮物，生日會搞得密麻麻，大家成日都大叫冇錢，諗番真係好開心
人大了，各有一定的經濟能力，買禮物、食飯、搞gathering，都唔需要特別理由，隨心就可以
亦因為咁，冇一個特定目的，好難集齊一班人
例如大家會覺得，紅日碌出來，咁多人，下次再約啦
到約閒日時，又唔係個個得閒
上個星期的活動，難得齊人，對上一次同類事件，大概係最少一年前

場波真係唔係好得，係咪應該去訓覺呢…

為甚麼弄至如斯田地？

20 November 2006

頭先被某人問到一個問題，心頭顫一顫，像電擊般，因為擊中要害﹗
我沒有回答，將目光瞎扯到其他地方，胡混過去
這跟我平日事無不可對人言的宗旨，的確背道而馳…

今朝煲完《一公升眼淚》，晚上忽然覺得患得患失

自從那件事之後，總覺得跟你之間築起了隔膜，你有否察覺呢？
默契，已蕩然無存
就連心底話也不想跟你說
了解與明瞭，逐漸消減
你變得越來越陌生
你與我的連繫，有如金絲般纖細，有如雞蛋殼般脆弱…
你有沒有同感？為甚麼弄至如斯田地？

心跳

19 November 2006

頭先原本想打俾你，的確緊張起來，再次感受那種久違的心跳，好耐都冇試過咁樣
誰可以像你一叫我就心跳？

本來想同你講的說話，始終都係冇開口講，還是將它塞進內心深處
我十分清楚明白，就算將說話在心裡講十萬遍，也不會傳到你的耳邊
關於你的回億與往事，突然在腦海略過，殺我一個措手不及
彷彿我的心，如不見了 ，然而懷念當日你我這段傻事…
結果，今日我還是沒有在你的世界裡出現

********
連續兩晚離開熒光幕時，桌面有一堆沾滿淚水和鼻涕的紙巾
有一句翻譯過來的對白是這樣的：生病不是不幸，只是不方便
是不是「不方便」的人，會特別堅強？
我們這類正常人就是有著正比例的儒弱？非以別人不幸的事，告訴自己有多幸福，教自己珍惜眼前不可？
為甚麼一個這樣的女孩子，可以這樣堅強？這樣樂觀？
自我安慰的說話寫得這麼漂亮，就像詩篇一樣？她真是這樣想，還是編作一些「心底話」，希望別人不要擔心？還是以此鼓勵別人，實現她希望幫助別人的唯一願望？

********
而家係早上6點48分，由於枱燈刺眼的光芒，不察覺天色已漸漸由黑變白
「全劇終」的字樣在眼前浮現，心裡舒一口氣，可以脫離以淚洗臉的日子，回歸現實，逃離沉重的思考
引述某人的說話：睇晒套劇，真係需要一公升眼淚
初初覺得誇張，原來係真的
明明個bloc三點幾已上版，但都係忍唔住，要即刻寫低讀後感

對唔住，我有這樣敷淺的想法，侮辱你高貴樂觀的心靈
雖然好heavy，但你的一字一句，如清泉般，洗滌我的思緒
《3月9日》以後將是禁歌，一聽到就喊，點算？

忽然覺得自己連同你講嗰番說話的膽量都沒有，很水皮

何嘗不可？

18 November 2006

msn的暱稱，改為煲劇小天使，完全投入了《一公升眼淚》，今日係第二日
凌晨寧靜的顯示屏前，眼淚自然地掉下來，嗚咽也平常不過，因為傷心、心酸、感動而喊，何嘗不可？
不過喊到眼都腫晒，好彩聽日唔使返工；喉嚨被情感塞住，有嗆喉的感覺，但過一陣會暢順過來的

如果一切冥冥中自有主宰，那麼某處那個不知名但又至高無上的權威，安排左咩差事、乜野考驗俾我呢？
我會攞到A定係勉強pass，定係渣兜呢？


********
最近因為一個廣告，重讀一首歌的歌詞，被引用的一句係咁樣的，係wyman作品：

「傳聞在說　你正跟我秘密拍拖」

諗來諗去都諗唔起歌名，某次問起某人，原來叫《誹聞男友》
唔夠經典始終都係差d，如果係《k歌之王》，我諗無論旋律由邊段奏起，我都可以照唱﹗

離開在即

16 November 2006

日本千島群島發生8.1級地震，你聽日出發去日本，我諗唔會影響到你掛…
講開旅行，我發覺之前做左兩份工，一份part time一份full time，都係臨離職前去旅行
在tvb時仲未知留唔留得低做full time，而當年裁員，一早已打定輸數
在1仔時，有一排做得好唔開心，唔係淨係我一個同嗰幾個人相處唔到，我諗唔係我的問題，但係個人勁down囉，即興去旅行，返來無耐，同老細傾掂左即閃，我諗係互相都頂對方唔順
下個月我去旅行呀，如果按照呢個pattern，係咪預示我又離開在即呢？

雖然識左你唔係好耐，但總覺得你有似曾相識的感覺，我真係覺得你好好，甚至好過好多同我識左十幾年的朋友，你聽到會唔會覺得臉上貼金呢？

如果時光倒流，有得俾我重新選擇的話，我會唔會擇番今日的道路呢？
我諗如果我當日唔係鬥氣，最大可能係入左hku讀law，之後留學海外，又或者返左大陸讀中國法，因為呢個亦係我當年興趣之一
如果唔係呈強貪慕虛榮，又可能在中大讀geography，做一個頹人，氣象、森林、土壤、城市變遷、人與自然的關係，至今仍是我喋喋不休、窮追不捨的智慧
但無論當日從呢兩個決定二選一，生活亦肯定同而家截然不同
揀左，回望過去，一切一切都只可以是let it be…
後悔？咁又講唔上，總係覺得如果我唔行今日呢條路，成就會更大
我從來就係一個自信自戀的人，我相信我的能力，我可以handle到而家的處境，但問題始終不是興之所至，唔會咁出力；如果係興趣，我諗加埋能力，我的成就更大

chicken-lator

14 November2006

下一站：東京
二人成行，12月4日出發Flight No. NH910, Departure1525, Arrival 2015
Return trip: 8/12/2006 Fight No. NH909, Departure 0950, Arrival 1355
Accommodation: Shinjuku Prince

好似考會考，兩大本分別超過三百和二百頁的雞精書，仲有雜誌和網頁，無時無刻都係咁咪，但好enjoy喎﹗

尋日打牌，埋單計數，要拎個chicken-lator，即係俗語的計數雞，輸左19個6，有主場之利都冇用…

我係新同事

10 November 2006

人的選擇，通常都帶因果關係
今朝選擇懶床，結果冇時間吹頭，所以以一個蓬鬆的look示人，出奇地成為焦點，唔使咁大反應呀？
有人兜口兜面都唔認得我，係呀，我係新同事tanny，暫時坐住阿霞個位，各位唔好蝦我喎
不論老嫩，都將目光放在我身上，真係萬二分榮幸，係咪真係要轉個look呀？

你係第一個見到呢個look，亦都係最冷靜的一個，見過世面係唔同d…

夜晚出席骨煲farewell活動，你又笑料百出，想點呀？笑到牙關緊晒，勁過0趙20粒香口膠﹗

今個星期做左扒王
星期日：做左兩個扒，一個碌左上山做講山火，一個在公路的石壆上做講交通意外，即日出街
星期一：做左兩個扒，兩個都講建築展，feature野稍後出街，日期待訂
星期二：去左孫中山紀念館個銅像揭幕，做左個扒，係當日的故仔
星期三：全日留在公司，冇出去，唔使做扒
星期四：去左昂坪個一d都唔grand的grand opening，在班rehersal緊的人前面做左個扒，即日出
星期五：預告聽日睇霍老入土為安，睇怕都會做扒…
平場每日都有扒呀，今次仲唔係扒王之王﹗

你笑得好甜

8 November 2006

呢幾日心情起落無常，波幅激過恆指
見到佢，真係好一個人版說明乜野叫「自以為是」、「白鴿眼」、「目中無人」、「渣住雞毛當令箭」
記住以此為戒﹗

你頭先同我講：你笑得好甜
多謝晒喎，既然你buy，我會笑多d，繼續傻笑

我諗你唔會為左星期日的事唔開心，既然你有個咁響的朵，你有冇料，心照啦
正如我頭先所講，點解巴塞同車仔會編埋同一組喎，有d野，背後的動機與目的，唔係我地呢d平常人、普通人可以理解、解釋和改變

惡運止步

7 November 2006

今日黑氣持續，邪…
怪都係怪一個星期之始，已經出師不利，諸事不吉，希望惡運到此為止
對住某人，或者要聽某人的吩咐，我真係按奈不住，係，我發脾氣
我真係要好好學習苦中作樂

呢排的話題，總離不開霍元甲、大酒店、花牌、解穢酒、紙紮公仔
頭先聽到一段話：
A君：早知去大酒店，帶埋PSP啦…
B君：去大酒店梗係要玩食鬼啦﹗
最意想不到，最有趣的係由平日一本正經，不假言笑的佢講出來的囉

好彩有你兩個，陪我喪笑一輪，將我從心情谷底救番上來，喚醒被催眠的快樂小天使
你拎住個裝牙膠的盒，我問你：你副假牙呢？
正如上次話佢男人老狗帶頭箍，我問：係咪粉紅色架？有冇哈佬kitty架？一樣無厘頭，同樣教人哭笑不得
原來你連上山落山的經典遊戲都唔識，真係稀有動物，有機會再同你玩過
不過老實講，呢個遊戲的樂趣唔係估中嗰下，而係成班知道箇中奧妙的人，一齊玩唔知咩一回事的矇仔﹗

頭先做左樣白痴野，返到屋企放低d野後，諗住落街買野，執個袋仔時先發現唔見左鎖匙，兩條友差唔多翻轉間屋，正因為係我自己開門入屋，條鎖匙一定拎左入屋，但搵左好耐都搵唔到，正係覺得非常之奇怪的閉門失竊事件，唔知點解再搵過由個袋拎出的的file，原來抽key攝左在個file度，真係嚇死﹗

唔記得左要飲奶

6 November 2006

做戲就要做全套，仲要做得投入，完完全墮入角色
認認真真，呢個係做人應有的宗旨

今日同幾個人的對話想記低：
A君：你個look咁似去旅行既？
我：我行山來啫
話說當時我拎住a記個袋，上面掛住頂紅色puma太陽帽，紮住辮，但其實我係好趕同好熱囉…

我：好肚餓呀，連飯都冇食
B君睇睇錶，嗰時差唔多五點：你去食d野啦，我跟得啦
我：唔使啦，我都冇諗住食
B君：咁你唔餓架？
我：一陣咁盒朱古力奶啦，今晚拆餐勁﹗
過左陣，趕完cast，我又遊入offline
B君：你飲左奶未？
我：丫係呀，我唔記得左要飲奶
C君：咁你一路飲奶一路睇啦

旅行d野，仲準備緊
其實話就話準備，但其實都只係揀下搭咩機，住咩酒店啫

連消帶打

5 November 2006

我鐘意一句足球術語：連消帶打

狀態稍為改善，出街獵奇，總共K.O.外套x4、長褲x1、眼藥水x5…
我又失去控制，不停咁買野

我和顏悅色，你回敬我黑口黑面各一，點解要睇你面色？你算係老幾？
既然你對我咁好，送對輓聯俾你丫﹗花少少錢，送埋個花牌俾你，又點話呢，真係唔使同我客氣喎﹗
我sense到有d問題，所以都係小心為上

12號約定你，咪甩拖呀

秘密使者

2 November 2006

你用鉛筆輕輕地在廢紙上寫了十個字，塞進我的腦海，這個消息，令我心情複雜起來
你自然有你的想法，慶幸成為secret keeper﹗

兩度落後，兩度追和，以為沒有可能追成平手，以為正步向失敗，正因為他們堅信一絲希望，力戰而和，那份喜悅與激情，與奪標沒有兩樣，同樣振奮人心﹗
51 GOAL Lampard from the tightest angle imaginable somehow hooks the ball over Valdes. It comes after he originally mis-controls Makelele’s offside-beating ball.
90+2 GOAL Drogba slams in from close range after he chests Terry’s knock down. Essien does brilliantly to surge forward and cross to the far post.
mintue detail係咁樣形容呢兩個入球，全場波都充滿傳奇，唔知點解會入到的窄角度射門，唔知從何而來的鬥志與蠻勁

今日完全不在狀態，遊魂，遺失了工作能力和做人的理智，唔知自己做緊咩，語無倫次

放過我，好嗎？

28 October 2006

三日連假的第二日，玩左兩日，真係好happy，但係要搞隻feature，兩日都返左去一陣，始終都掰唔甩d工作
但頭先俾人話我生活糜爛，日日掛住玩
哈，我反而覺得你只係識得做做做，迷失自我，仲糜爛﹗

尋日短時間內買左4樣野，唔使諗唔使考慮，見到鐘意就買，幾多錢都面不改容﹗
雖然唔係lastest貨色，但新買就係新架啦，yeah

今日去睇show，個個都natural high，之後去掃街，食左牛什+魚蛋+魚蛋+星星薯餅+燒賣+雪糕車雪糕，都唔係食左好多野啫，不過好飽
雪糕車《藍色多瑙河》的樂曲，好像魔鬼般，我一聽到首歌，就會六神無主，又似被召喚一樣，只懂得朝著聲音，耳朵帶著我走向雪糕車的方向，一定要食佢的雪糕
你可以話我傻，但我只覺呢d係孩子氣，你唔恨得咁多

********
看到她右手腕上的Tiffany情侶手厄，猶如向我心狠狠刺一刀
其中一個開口處，有一道花痕，是當日將手厄歸還給你時烙下的
這曾經是屬於我的手厄，如今落在另一個她的手上…
你為甚麼讓我看見，為甚麼非讓我看見不可？
當日我得到它時，你說希望我是它的第一個，亦是最後一個主人
說話的前半部分應驗了，下半段卻胎死腹中，今天看來，我還耿耿於懷
這些年來，從不踏進Tiffany半步，慶幸沒有收到Tiffany的禮物，觸動我敏感神經

還記得你喜愛的老歌北非諜影：
Oh! A kiss is still a kiss in Casablanca
But a kiss is not a kiss without your sigh......
有一次你呆等我三小時，我怱怱趕來，臉上貼滿歉意，你卻從容地唱著：
Wherever you go, whatever you do
I will be right here waiting for you
Whatever it takes, or how my heart breaks
I will be right here waiting for you.......
哄得我哭著笑，你撫著我的頭，傻豬傻豬唸唸有詞
我說我喜歡掉幸福的眼淚，教你哭笑不得
如今回想起來，還熱淚盈眶

我輸了，不得不承認
放過我，好嗎？

迷

26 October

搞單咁的野，真係掃興
好地地食晚飯，而家變左食杯麵，真係激死人﹗
要檢討的係你定係我呢？

好迷adidas materials of the world系列
呢件衫，紅白china女裝track jacket，賣2000蚊，我考慮左好耐買定唔買，真係好鍾意好鍾意，仲未決定到…
其實同一系列，indonesia collection亦係激靚，特別鍾意呢對金鞋，全球限量500對，我在香港都未見過對鞋的真身，只係見過件外套，都係盛惠2000個大洋

倒數

24 October 2006

仲有兩日，正確d來講得番一日半咋，就係期待已久的三日連假
好耐都冇試過喇，你又咁啱都係放假喎，你會約我去邊度玩呢？會唔會有surprise呢？

之前以為自己唔見左的散子包，突然間無意間出現番喎，白白傷心一場，但總好過真正傷心一場
哈哈，原來人開心，好運都會跟住你﹗

蟹粉小籠包

23 October 2006

連續兩日的假期，咁就完左，兩日，用晒d時間來訓覺同睇波，有意義定浪費，真係見仁見智
頭先在屋企自製西式晚餐，係西冷+angel hair+西蘭花
賣相同味道都見得下人架，只係個黑椒汁，咸左少少…
買左個焗爐，等我一陣整個飛碟，幫佢開光啦﹗

因為電視重播，所以再睇《童夢奇緣》，睇第二次，但都為同一幕落淚，並沒有因為第一次睇時喊過，今次喊得冇咁犀利，係擊中要害的，睇幾多次，有冇心理準備也如是

唔知點解，忽然間好想食蟹粉小籠包…

who's coming? step forward

21 October 2006

今日唔知叫好彩定唔好彩
我跌左個散子包，我緊張的唔係d神沙，而係個散子包係多年前去tw旅行時買的，係我的飛佛…
頭先以為遲到，但又好在係啱啱好囉
頭先扑咪好順利，前所未有﹗

放工返左屋企換衫，跟住出左旺角，買左飛睇world trade centre
未睇前都預左好煽情，預左係嗰類災難片，不過仍然都睇到喊晒口
我唔會覺得自己渣，睇戲都喊，我反而感覺自豪，我感情豐富，我博愛，我愛生命
如果你係咁膚淺，為睇死人冧樓睇特技，套戲都可以滿足到你
但情感上，如果你投入，你思考，呢套戲都幾heavy
印象最深的一幕：
mcloughlin asks, who's coming? step forward
then jimeno makes a response without hesitation, others follow
可能就係佢呢份戇直與勇敢，讓他得到眷顧
佢唔係因為貪生怕死而堅持到獲救，而是deep in his heart，佢有一個信念，佢有一個牽掛，佢從未絕望，所以命不該絕
我不斷反問自己，如果同一處境，我會諗咩？最想念的係邊個？最想講的說話係咩？我憑甚麼堅持落去？我嗰一點牽掛又係咩？
我果我係jimeno，我會唔會令自己以身犯險？的確係一個疑問
臨尾有一幕allison望住醫院的missing person board，我諗起南亞海嘯
有些人在自毀，自食其果，有些人死在自家製的飛機大炮核彈之下，人既然可以自我滅絕，那麼在大自然面前，又算得係咩？
返到去搵番個網頁睇 http://www.wtcmovie.com/ reads：
A TRUE STORY of COURAGE and SURVIAL
This Film is the TRUE STORY of TWO Port Authorirt POLICEMEN who were TRAPPED IN THE RUBBLE during the RESCUE EFFORT on SEPTEMBER 11.
This is the STORY of JOHN MCLOUGHLIN and WILL JIMENO, the LAST TWO MEN RESCUED from the COLLAPSE of the WORLD TRADE CENTRE.

其實感人背後，亦可以將成件事諗得好陰謀論
以前有硬銷的propaganda，而家用潛移默化，電影的trailer和結尾都係話：
the world saw EVIL that day, two men saw SOMETHING ELSE
此言一出，已為成件事下左個judgement
我覺得有人想利用人這一點好善之心，共同反恐
恐怖襲擊，正令兩位主角咁痛苦，大家出於同情、敬佩無私奉獻的精神，勾起觀眾反恐的情緒，這是軟銷
令人自願地改變，呢一招對嗰d marginal case，本身冇立場的遊離派，影響最大
影片中合理化「保家衛國」，教訓恐怖份子的思想；又再一次歌頌大美國主義，宣傳美國人不會被打倒的意識
這是一部如佢所言的勵志片，定係政治宣傳片，睇下你點睇喇

他說：「我想 做你的男人」

20 October 2006

心情指數同股市一樣，係會創新高，但當刺激過後，要睇下有冇足夠基本因素，令佢在高位企硬，稍為回落少少，都係好正常的，呢d叫獲利回吐
整體而言，今次升勢都幾好，keep住心情靚靚
但今日略為回軟，因為有d寂寞囉，心情指數屬中等至偏高

冇同某甲某乙食飯，結果去左葵芳，食潮館，真係明智的決定﹗
滷水餓、瀨尿蝦點都吸引過冬瓜盅同生炒骨啦

話說早幾日講過「做你的男人」事件，今日開估啦
其實係一場誤會
佢msn send個message過來，其實係話「我想要做你的男人」
個「要」字係嗰d符號，冇即刻load出來，咪變左「我想 做你的男人」
而「做你的男人」係張信哲隻新碟，哈哈
所以唔好胡亂揣摩「消息」摸貨，心情指數勁升，唔係因為呢件事

我會謹記：快樂的人，永遠是最吸引的

遊魂

19 October 2006

哈哈，又係夢中度日，成日都唔知自己做咩，遊魂﹗
平時三個字撩隻court，但係我今日缺態，領隊又唔俾我倦勤，(咁我又冇request唔出…)冇態都照出，咪工作效率下降囉，同球員一樣，冇態都要入世界波咩…
放工即閃，返去食左少少野訧訓，竟然咁樣訓，都有5個幾鐘訓，多過平時，因為平日都係訓得三四個鐘，勁呀﹗睇完仲可以訓兩三個鐘，正
車仔主場vs巴塞，踢到82分鐘，仍然係車仔領先1-0，下半場開波一分鐘，估佢唔到的drogba，又玩大車身入波
呢條友好古怪，俾佢簡單易入的波、單刀波、執雞波佢實入唔到，永遠都係入d意想不到高難度入球，都唔知佢咩構造﹗
雖然有時覺得佢好廢，但我都好佩服佢，佢在批評中默默耕耘，他不是逆來順受，而是淡然面對，堅守自己的原則，相信自己，以血汗去證明自己的存在，呢d人，有值得尊敬的地方

頭先msn啦，佢問我做咩心情激靚，點答好呢，一言難盡
但由最低最depressed的位置，重回正軌，並貫通了思想的通道，湊番快樂小天使返屋企，令我愁眉深鎖的人和事都K.O.晒，最重要的係，令我開懷的人和事都相繼出現

我都話我發緊夢啦，頭先俾人話我d vo好古怪…
收到，我會改的

心不在焉

18 October 2006

今日又好鬼眼訓呀，返左公司，諗住唔使出去跑，咪著裙囉，結果都係要出去，噢…仲要去個午餐會，早餐都未食，睇住人食午餐，好肚餓呀﹗
成班人講起不在場的佢，真係好好笑，是非，咪就係咁樣來架囉﹗

今日傻傻地，語無倫次，同一個問題重覆問三次，用d跳躍式非典型思維方式，諗埋晒d唔實際的野，
做野又不在狀態，慢啦，冇sense，不斷發夢，之後傻笑，真係唔知點解
可能係…
不過，唔係每件事都要搵到個解釋既

因為做野遲走，返到屋企已經8點幾，簡單執拾下、落左妝就訓，連飯都未食，訓到12點起身，今晚有歐聯，阿仙奴開早，跟住有曼聯呀
Arsenal作客挑戰CSKA Moskva中，但落後緊1-0
莫斯科係咪好凍呢？班阿森納人同我一樣，心不在焉…
死啦，今日先星期二，點捱呀？
頭先初步問左，12月頭攞假應該冇問題，忽然間想要陽光與海灘多d

佢話搵到工喇，其實講轉工會唔會正確d呢？又係好近屋企的，好搞笑，好似小學生，學校在屋企附近

Arsenal最後都係輸左啦，衰人﹗
ManU vs København正進行得如火如「茶」，0-0也不是太強差人意

呢排零食當正餐，食埋晒d垃圾，身體都開始抗議
我知係唔健康，但真係鐘意食嘛，我屋企簡直就似一間7仔啦，飲品零食即食麵，以前微波仲健在時，仲有各式微波爐食品
不過真係越來越懶，以前做一仔，放工都會煮下飯仔，但而家呢…
之前就話返夜有藉口，根本唔會煮，但而家返b，都係唔會煮野食，最大的原因，係唔想洗碗
我已經退化到只用即棄筷子，有一排用過即棄的碗，但發現有個問題，就係呢d碗唔耐熱，煮個麵，裝碗湯，過一陣已會一陣硬膠膠的味，咦…
所以都係算啦，碗都係要用，筷子匙羹，可以洗少樣得一樣

事隔多年，老世都改朝換代啦，都係要靠當年的黃金一代，雖然己經4散，但Scholes、Solskjaer、G. Neville呢d，真係好似老舒大哥咁，越老越可愛﹗
半場1-0，都係旺主場喎；下半場甫開波，話咁快就2-0，83分鐘，3-0

心情靚爆

17 October 2006

今日心情激靚﹗真係唔知點解，不如循今日做過的一切一切，搵番d蛛絲馬跡
早上鬧鐘7點25分響，禁熄左之後，訓到8點先起身，真係大鑊，極速刷牙洗面，彈落地鐵站碌出新城
之後上左中環，因為單野太奀，要等埋其他野先pack，所以咪去kfc買左個早餐
跟住遊下網啦，收齊料寫故
lunch實在唔肚餓，所以只係買左一個水晶梨同一支乳酪，跟住因為冇assignment，快叉左個零鐘
之後餓餓地，去買葡撻同香蜜鬆餅，之後先有故收
今日寫左一個slug，但兩個version基本上係完全唔同，你話寫左一隻故又得，寫左兩隻故又得
1900cast睇埋自己隻故先閃，返沙田屋企食飯，途中某人打來同我一唔一齊食飯，好少有喎，我以為有咩特別，又唔係丫，只不過都係在光輝圍食打冷啫，我已經係在獅隧途中，冇法了，咁遲先打來，睇番電話個record，係1953，下回請早啦﹗
返去食飯，有蟹食，taste good﹗
十點左右閃，搭車途中瞌著左，返去online msn、聽歌、睇英超精華、打blog

單從客觀事件，真係唔知點解今日心情咁靚爆
但其實由早上去買早餐時，嘴角已不自覺地微微向上翹
越晏情況越嚴重，頭先返屋企途中，竟不斷傻笑，在車上、在斑馬線上、在行人路上，別人看我是那麼奇怪，但偷快的心境，打倒所有人的注目禮，範不著不相干的路人向我投以贊成票
開心就係開心，唔使解釋﹗

聽日返公司啦，希望可以同你食個lunch啦﹗

well，你聽日出發喇喎，一帆風順，手信呀﹗

欲知後事如何？

16 October 2006

頭先嚇死我呀，不過我唔係去左哈佬喂喎
話說頭先那個有曖昧的他，send 左個message俾我，內容如下：
我想 做你的男人
嘩，唔係咁猖狂嘛…

欲知後事如何？唔話你知呀

今日起身已經四點幾，出旺角途中架車在美乎附近跤底，邪﹗

近日玩砌圖遊戲，砌得啱唔啱，其實冇所謂，我enjoy係砌的過程，砌一d合我心意的東西，已夠我開心半天，係咪model answer係咪原圖，其實我唔care
如果咁樣諗會開心d，哪需管它熟真熟假？讓我繼續活在幻想的空間啦

眾志成城為cudicini

15 October 2006

今日放假，寫blog的開場白，你估唔估到呢？
哈哈，又係一日食一餐﹗不過呢餐同平日有少少唔同，係bbq，之前已經預告左
睇緊chelsea作客reading，仲係chelsea贏緊1-0

yeah﹗joe cole終於回歸了﹗佢係繼謝生、林生，我的第三最愛

呢排好多野都要作出選擇，例如我想添置多一件車仔波衫，白衫好似靚d，但黑衫好似型d，點揀好呢？
話唔定到時又係費事揀，兩件買晒哩…
仲猶豫緊旅行的目的地，東京shopping好定布吉陽光與海灘好呢？
不過仲未攞假，唔會去唔成掛…

點算呀，cech開波冇耐就傷左，臨完場前cudicini直情俾人撞到暈左，勇戰而傷，真教人心酸，佢完全我去知覺，希望佢冇事啦，希望佢吉人天相
哎，一個好消息，一個壞消息…
下場champion league主場對巴塞，大家眾志成城為cudicini，大家加油﹗

之前在mtr影過張相，幾cute

喊包

14 October 2006

謝謝你和妳撐我
不過見到你地的時候，我已將唔開心的事，一輪咀講過好多次俾好多人聽了，呻完大致上冇事了
anyway，感謝妳和你陪我飲左杯楊枝甘露

頭先喊，好樣衰囉，你地話我喊到眼腫晒紅晒，如果令到你地擔心，sorry
其實我係喊包囉，嘻嘻
平時忍忍忍，咩都忍，咩都拱，但去到某一個位，內心種種冤屈，因為一件小事，因為一個機遇，一下子釋放晒出來，喊到收唔到聲，眼淚不停掉下來
總之，唔係為左單一事件囉

算啦，可能真係我老土啦，唔識變通，唔肯接受新事物
但我仍然相信，有d原則，應該堅持
你可以唔buy我呢套，但唔好用呢樣野攻擊我，請尊重每個人自主的選擇
不過，既然你提出意見，都唔會係惡意的，我會聽，我會採納，係咪選擇性地採納或局部採納，我唔敢包，但我係會嘗試接受多d新事物，我指工作上，或者講得明白d，接受唔同類型的採訪方式和思維方式，也許會如他所言，「更上一層樓」
係咪如我所願呢？不曉得
我始終相信，宗旨，有渣得緊的原因，有用得著的地方

你講嗰件事俾我知，我可以俾咩反應你呢？糊里糊塗做左當事人也不自知…
咁件事係好笑既，所以除左笑，我都唔知講咩好，最多配以兩句「低能」囉
但聽你的語氣，你好似唔信我，唔通你信佢？
定係你都想問我同樣的問題？

今日戴嗰對耳環，可能太重戴得太耐，又可能自己衰，冇除耳環換衫，頭先發覺耳仔痛，原來，損左，仲流血呀…

死撐

13 October 2006

有好多野想講，唔知從何說起
有d感覺、情感想同人share，但唔知同邊個講好
有些事情想搞清楚，但又怕搞到唔清唔楚，唔知從何入手
總之心裡面好多矛盾的感覺，我彷彿站在十字路口，四方八面的大車中車小車都擦身而過，好險但又有驚無險，想逃但又逃不了，呼叫但求助無門
那麼孤單無助的感覺，為甚麼纏住我？
自己的事自己拱，以前搞得掂，感覺自豪，但而家真想退縮
點解要考驗我？點解得我一個撐，死撐？
能夠明白我的你，你呀，在哪兒？
俗語云：天將降大任於斯人……
真係咁？咁樣安慰一下自己，會唔會好過d？sorry，冇喎

尋晚原來又只係訓左三個幾鐘，你話我犯賤又好，咩都好，總之有煩事，訓左又唔會解決到，不如俾d時間出來做下其他野，麻醉一下自己
眼訓，意志力特別薄弱，理智與感性的鬥爭特別激烈
你…
我…
欲言又止的，其實係我，好想好想同你講的說話，已經掛在唇邊，心裡預演了無數次
不如你來閱讀我的眼神，讓明眸說明一切

各就各位

13 October 2006

用左兩晚時間，終於搵到想搵的野
internet真係偉大，只要你諗到的，只要花d心思，花d時間，係會搵到想要的野，今次，用左兩晚，同我預期所需時間差唔多
搵到嗰一刻，真係有bingle的感覺，其實鐘意遊網的我，都幾enjoy search野個過程
今次搵左呢樣野，可以展開下一個目標﹗

睇完廢柴england，再睇埋意大利下半場，所以今日成日都好眼訓

呢排腦袋的幻想細胞又活躍起來，一合埋眼就係天馬行空的世界
時間、人物、地點，通通各就各位，在腦海裡演戲，演我主導，我想佢點發展就點發展的戲，所有情節都合我心意
如果現實都係咁就好lu
其實，我係咪有妄想症？

你注視著我，欲言又止，你想講咩呢？做咩要吞吞吐吐，爽爽快快唔好咩
我身邊太多閒雜人等出現，可唔可以幫我K.O.晒佢地？邊個咁偉大？

我懷疑中左網毒，並患上強迫夜睡症和厭食症
星期六下午bbq活動，well，我應該用咩姿態和身份出現呢？

寧願唔訓住，睇下自己個blog，做個簡單的review
呢一個月以來，發生左好多野，真係吃不消﹗
慶幸有個blog，將不快的情感一一宣洩，叫做有得呻吓咁啦
人唔開心，諗野就會負面，呢個係惡性循環
樂觀與豁達，拋到九丈遠，趁仲勉強見到佢的蹤影，慢慢行番出去，執番佢返屋企
俾d時間我
願我可以學會放低你，如果我真係做到收放自如，就百毒不侵，但，又係唔係如我所願呢？樣樣野都睇得咁化的時候，得與失都唔介意，哪裡來拼勁打天下？

節目

12 October 2006

節目1：玩狗
節目2：訓覺
節目3：msn
節目4：食杯麵
節目5：睇英格蘭作客克羅地亞euro2008外圍賽

哈哈，最近有一句口頭禪，係咩？唔話你知呀

睇到半場，呢隊死人頭england真係令人失望，都唔知佢地班友仔發咩瘟，上場已經係好不知所謂， 今日只係延續當日的頹勢
想點呀你？
話時話，你究竟想點呀？乜件事唔係解決左喇咩？乜件事唔係了斷左喇咩？乜件事唔係告一段落喇咩？

哎，落後1-0，點搞架？
有冇搞錯，落後2-0，點追呀？

Just remember Ill be by your side

11 October 2006

好灰，因為剪左個頭髮，但冇人發覺我just have a haircut，真係......
不次搵過第二個stylist先得

對住得不到的葡萄，你會同自己講：葡萄是酸的，不吃也罷；還是讓它活在幻想的世界中，告訴自己它也許是世界上最甜的葡萄，讓得不到的它，它最美好的一面烙在心底裡，管那是事實與否
我選擇後者
如果你懂心理學，可否解釋一下這樣的心態是甚麼
現實是殘酷的，幻想世界才有烏托邦

你跑到來我的面前，真係毫無心理準備
你的說話，比你的出現更唐突
哈哈，但我不會被你嚇怕
總之，你要講的你講左，你要我聽的我聽左；我要講的我講左，我要你聽你都聽左
既然你已經行到呢一步，我咪三口六面同你講清楚囉，你明又好，唔明又好，扮唔明又好，扮明都好
總之，我明你講咩架啦
送我最鐘意嗰首let there be love俾你啦
特別注目歌詞：Just remember Ill be by your side

計劃失敗

10 October 2006

今日又過住我最鐘意，一日食一餐的生活，yeah!!!!
訓左13個幾鐘啦，都唔係好夠，如果唔係買左飛睇戲，我真係可以訓耐d，我原本的目標係訓18個鐘，但之前嗰晚夜訓左，計劃失敗
頭先睇《無間道風雲》，純粹係為左支持香港創作打入荷里活，不過我覺得佢拍唔到精髓囉

今日獨個兒的車程中，反思近日的批評
我做錯了，我認
近日出現態度的問題，忽然變得傲慢和自以為是
在唔想接觸的人前面，築起一道牆，並在前方豎立「危險勿近」的警告牌
原來，我的世界最近只餘下我走出來的通道，沒有人可以闖進來
如果你曾受過我的面色，留低一句對唔住，覺得啱用就過來攞啦
現正逐漸拆牆鬆綁，同我做番朋友好唔好呀？

被問到一個問題：
「愛你的人」和「你愛的人」一定要揀，二選一，你揀邊個？

親近

8 October 2006

隨住最後一篇施政報告的稿寫完，我諗事情告一段落了，唔好再咁燥底啦﹗

中秋夜，燒烤夜，個個的節目都係bbq，我也不例外
第一次過時過節同公司d friend過，又玩得幾開心喎，好明顯就係natural high啦
好彩今日做左荷蘭人唔做車仔人，撞衫就唔好啦﹗
你又問埋我d奇怪問題，點答你呀…

公司的friend有別於公司同事，前者層次高d，關係親密d，感情要好d
我會將d人分門別類，例如中學d friend vs中學同學；大學d friend vs大學同學；舊公司d friend vs舊公司同事
你被我歸納為邊類？你自己諗下啦…

今日完全遊魂狀態，哈哈﹗
所有野都慢動作，思考緩慢，行動緩慢，寫稿緩慢，反應緩慢，轉數緩慢…

今日有很奇怪的感覺，覺得你很親近，從來沒有如此感受過
你看我的眼神，你的說話，那麼刻意，這麼不經意

一件事

5 October 2006

今日遇到一件開心的事，一件唔開心的事，添了一件煩事，解決了一件事
想見到的人，今日見唔到；唔想見的人，今日亦都見唔到
在車程中，活在幻想的短暫時光，是我今日最舒泰的一刻，想到一些傻笑，會心微笑一番
但多數處於沉痛清醒的現實裡，有苦自己知

其實，風波仍未平息，我已經封咀，忍，忍了又忍，放過我好嗎？
他和她跟我im，看我苦水亂潑…
你深夜打來，同你講過呢件事，差點喊左出來，相信你聽不出
正如事件之中，那一句說話只是導火線
講述這件事的過程，也是導火線，一切一切，源於近來的委屈與辛酸…
你有追看豐收部屋的話，大概也知道所謂何事，不快的心情，從timeline的哪一段擦出火花

消極不干預

3 October 2006

我想自閉，我想隱形，我想從這個世界上消失﹗
事事總是不如意，頭頭碰著黑，為甚麼要考驗我？為甚麼選中我？
我不會苛求你體諒我、遷就我，只要你對我視而不見，當我不存在，以消極不干預的放任態度待我，就足夠了
我黑面，我行我素，我任性，從來如此，不必驚訝
笑？我已遺失了這功能，你就當我掉了門牙，不能咧嘴大笑算了
快樂小天使在哪裡？早登天國，遠矣遠矣…
投胎轉世，現在是浮躁小魔怪

批評來自四面八方，還有犧牲睡眠時間急待處理的私人事務，所有所有，壓得我喘不過氣來
努力，得不到肯定；付出，得不到成果
身邊的力量越見單薄，你為甚麼離我而去？我是否已變得眾叛親離？
我從來就是晝夜聒耳，生怕咀巴失業的那類人
如果我的胡說八道曾令你尷尬，曾為你帶來麻煩，我留下一句對不起，請對號入座
其他事項，我都可以改，但口沒遮欄這方面，這純真的特質，看來結果還是意見接受，態度照舊
多年來我也如是，改不掉，唯有學精一點，例如形勢嚴峻時稍作迴避，我要學習默默承受，這對我而言，是極高難度的挑戰
如果我生於共產年代，相信早已犯上叛逆批鬥處死

在心中

1 October 2006

特別鳴謝五壯男﹗
辛苦了，看見你們雨水和汗水也不能別辨，真感到不好意思
謝謝
平日的嘻嘻哈哈，與今天的承擔，完全是兩回事
友情沒有方法衡量，一切一切，在心中就足夠了﹗

********
好邪，尋日同你相依為命，操勞一整天過後，身體抱恙，上次又係咁…
話說上次出去做wc feature，由5點幾，食、做、傾計、講笑、周圍行，到放工一齊去唱k，對足half day
今次，雖然中間同你分開左兩三個鐘左右，由返工到放工，都係食、做、傾計、周圍行，唯一冇講笑，因為笑唔出
總之，同你一齊都冇好下場，上次大病一場，以為自己命不久矣，今次亦有同樣跡象…
你呀，黑住我，番去裝番個八卦擋刹﹗

心照

28 September 2006

又要馬兒好，又要馬兒不吃草，這是甚麼道理？

十蚊買餸錢，要煮九大簋
正所謂巧婦難為無米炊，這樣強人所難的事情，誰想出來？
既然一把尚方寶劍壓落來，難道我有選擇嗎？
你想煮一雞三味，都要買隻多肉地的，骨慘慘，真係俾客人lun骨咩？
倒自己米的事，我唔做
同埋我唔係大把錢去買肥雞喎，既然budget有限，都要格個價，計番條數，邊隻雞又肥大又肉厚又平又正，你想買，都要有人賣俾你至得架
你個字頭唔夠響，廚師又唔出名，同人討價還價，係有d難度﹗

不過十蚊budget，夾硬來我都諗到九味既：
1)清炒芽菜
2)清蒸豆腐
3)芽菜炒豆腐
4)豆腐炒芽菜
5)芽菜釀豆腐
6)豆腐釀芽菜
7)酢炸豆腐
8)干燒豆腐
9)豆腐蓉煮芽菜

我已經好努力在有限材料中煮最多的餸菜，食客受唔受，心照囉﹗

尋人啟示

27 September

有d野，係我一手破壞，後悔和可惜，也於事無補
大家心裡都有一條刺，就算將它拔掉，都會留低個窿
你問我情願reset系統還原，清除所有污點與美好回憶，由零開始重置；還是維持現狀，任由病毒不知在何時發作？
事已至此，哎…

靈魂出走了，軀殼在街上遊蕩，沒有意識沒有思想
目光，是呆滯的；動作，是生硬的；反應，是遲緩的
尋人：三魂七魄，回家好嗎？
我許諾，但你已不相信我
我還可以用甚麼方法哄你返回我的身邊？請指教

日復日，重覆而乏味
尋物：不知何時遺失了衝勁與魄力，無色無味無嗅，如有拾獲，請通知我，薄酬
找回失物又如何？躲懶和散漫，可能已進佔了原來位置，沒有地方安置你了…

眼訓致死

26 September 2006

今日廿五號，回想起，今個月真係好繁忙
工作已經應接不暇，還有各式各樣的私人事務有待處理，唯有擠出睡眠的時間，將要做的事情逐點處理
每日訓少於四個鐘的生活，睇怕仲要維持最少半個月
會唔會眼訓致死？

前幾日個friend行街，佢同我講見到某某藝人，我心諗其實，明星都係人啫，唔使大驚小怪
正如記者都係人，做個扒啫，企喺度睇下，我咪當你好奇見識下囉，唔使影我相嘛…
唔好以為在鏡頭前出沒，在電視機見到的人就異於常人啦，成熟d啦，唔好咁無知啦，香港人﹗

頭先放工食左個為工作而食既飯，美食在前，但腦海塞滿待辦事務，中央處理器失靈，暫時喪失思考和運算功能…
不斷玩d唔使用腦的小遊戲，算是麻醉自己又好，算是輕鬆一下又好

離開tst途中，看見地上的磚塊，想起小時候無聊的小遊戲
廿幾歲人，在街上玩幾歲細路都未必玩的遊戲，唔准踩界，一定要行直條形的磗，玩自訂遊戲規則，只有一個人的遊戲
小孩子的世界真是簡單，咁樣都可以玩一大餐，自得其樂
人大了，就遺失自製歡樂的能力？
童真被迫下馬，換上老練偽善的一面，你甘心嗎？

當日要搵到let there be love，先可以取代bohemian rhapsody，幾時再搵到另一首新經典？
呢一刻，EPL精華中…

拜託

25 September 2006

就林生尋晚的表現，唔了解成件事的人，冇目擊整個過程的人，會以為佢吐氣揚眉，但我覺得，實情唔係囉
係，佢係好運，不過呢點都係值得人佩服的地方﹗
但係謝生都仲係頹勢中，你的不死精神去左邊？

我而家開始明白，知道咁多野，其實好危險，真係唔係咁好
但知道總好過唔知道，費事做「背」精﹗

如果你知道了，得個知就夠了
千祈唔好開咪宣揚，千祈唔好大聲或細聲同人講，千祈唔好用任何方法明示或暗示講俾其他人聽，千祈唔好嘗試以語言或文字或動作等各式各樣方法讓第三者知道這件事
拜託﹗
但如果你係知d唔知d的，想求證的話，請你自己問我，唔好問第三者，你問我我會答你，i promise，橫掂答你一個問題，又唔使錢的
而唔知道呢件事的，無謂知啦，知道又唔係有錢分，況且你都唔知自己唔知d咩，忘記呢段廢話吧﹗

連續兩日食上海野，其實酸辣湯同落左好多醋的碗仔翅有咩分別？其實酸辣湯同碗仔翅係咪親戚來架？

迷你倉

21 September 2006

衝呀衝，衝得太多、太勁、太密，好快會被衝散，精神難以集中，效率漸漸下降
簡而言之是應接不暇；較為活潑、形象化的說法是消化不良；也可以打個譬如：腦袋當機

那件事，前日的對話，仍然縈繞我的思緒
你應該知道規舉，呢度講呢度散，只管看，不要問，我想講的，自然會自爆
總之是傻事一樁，為甚麼這樣傻？

有幸做了大眾耳朵，多謝你們對我的信任，將秘而不宣的事物、情感告訴我
哈哈，會唔會用迷你倉來形容，比較貼切呢？

********
人大了，對不同事物的接受程度不同了，正確點說是更易接受不同的事
細個的時候，食飯堅持要食餐廳，at least要埋單要有個waiter行過來埋單嗰d，所以以前係大排檔、茶餐廳止步，d野污糟不在話下，品流複雜
更加試過入到茶餐廳，覺得太污糟，即刻反胃嘔左出來
係咪好誇張？
但係而家覺得大排檔都幾有風味既，茶餐廳，也有乾淨的…
如果大家食飯有人提議，我都唔會反對的，不過，可以避免的話，都會避一避既

而關於食肆，細個時仲有一個傻誤會
平時去餐廳、酒樓、酒店，都有waiter拎張單過來埋單，但m記呢類快餐店冇架嘛
細個時傻到以為去m記、肯德基(現稱KFC)、大家樂呢類食肆唔使錢，去排隊就可以攞野食，所以成日都咁多人
直至有一次見到阿爸拎張500蚊紙出來買麥記，先知原來係咁…
真係講出來都俾人笑﹗

奇怪

19 September 2006

因為做野，可以在啟用日率先搭到昂平360纜車，其實，都係不外如是啫﹗
我搭過，一定唔會再俾錢去搭囉，但如果未去過未搭過，都係值得去一次的，話晒都係香港景點

好奇怪的感覺，好奇怪的心情
我會形容：都幾好笑喎﹗

好辛苦呀，夜晚10點半先走，好累，但都開心的，都值得的
well，點解要揀中我？點解要揀埋佢？
你係真係俾時間我諗清諗楚至好

小勝1-0

18 September 2006

我係心情唔好，唔好嘈我唔好煩我啦，我唔出聲我唔講野，自然有原因
有d野我唔講，最主要的原因都係怕麻煩，我都話我講出來，或者俾你知道，你一定會多野講，完全係我意料之內，只不過係我想逃避啫
結果，都係避無可避…
而有d話題真係唔想同你討論，我知一講就會鬧交，哎，點解咁經唔起考驗？係我的問題定係你的問題？
又講到聲淚俱下，我諗係雙方的問題，雙方的責任

尋日在旺角浮游期間，竟然在旺角兜口兜面撞到你，surprise？
頭先在你沒有心理準備下見面，但都唔使咁大反應呀？

車仔和阿仙奴都小勝1-0，終於唔使做燈神
杜生，你球車身窩利好勁，射多次得唔得呀？
艾生，你真係好符碌，我都話奇蹟係有可能發生架啦
謝生，你都唔使咁灰心，其實只要你唔係車仔的敵人時，我都會全力支持你﹗
林生，你專心d得唔得呀？唔好淨係掛住湊女…

搬屋活動即將kick off，現招募義工，你會唔會幫我手呀？

掟粉擦

17 September 2006

頭先諗番起一個以前玩過的遊戲，就係掟粉擦
哈哈，你有冇玩過呢？你會唔會覺得，來自名校的所謂高材生，玩埋d咁既野，令人側目呢…
其實，我本身就唔係一個乖學生，miss阿sir都覺得我係一個又麻煩但又叻的學生，基本上係冇我乎﹗
小學的時候，已經會捉d昆蟲整下睇佢唔順眼，教數學的阿嬸；一方面做風紀，另一方面做埋晒d假公濟私的野，例如明明打左鐘，開大閘俾遲到的friend入學校；又帶d女同學入男厠見識；至於帶頭整蠱人呢d，小兒科啦，無謂講
中學時，放學同d朋友仔留喺學校唔捨得走，試過喺課室個黑板畫個鏢杷，在各個課室拎晒d粉擦過來，玩掟粉擦，真係好好玩，雖然眼界馬馬，但都係至在做d害唔到人的壞事，幾開心丫﹗
至於上堂串下d miss阿sir，簡直係家常便飯，上堂食飲野訓覺聽歌傾計，隨心所欲
尤其係高form時，更加冇王管，online夜訓，第二朝訓晏左，索性小息後先返，神不知鬼不覺
其實，呢d叫曠課，渣正來做趕出校都有份
但我又唔係讀唔到書，仲要讀得幾叻咁啦，我覺得d miss阿sir係俾我吹漲的
不過我諗都係d男仔勁d，在課室裝個迷你籃球架，打小型籃球，跳到好似地震咁…

講開地震，星期4香港地震呀，但我feel唔到囉
但有大學生話，感到地震好似有飛彈射中幢樓，我想問，你試過俾飛彈射中幢樓的感覺咩？

最近密切留意住新版、真實版金枝慾孽的事態發展﹗

天大的面子

16 September 2006

有關搬屋計劃的事，暫時叫settle左，待訂定有關細節，再向各位公布
見得多pr同io，講野d口吻都學左佢地，呢d係咪職業病呢？

真係有天大的面子﹗
台灣老遠的倒扁頭巾，空運到港，我分到一條
早前晚間飲野活動，玩層層叠的創舉，好在一早影左相，因為轉眼間就俾人摧毀左﹗

仍然是眼訓中度日，感覺係辛苦，好辛苦，同埋辛苦死人﹗
所以而家每日進補葡萄適和可樂，唔知咁樣可以維持幾耐…

原來下星期五的晚飯活動係同佢兩個做生日，唔知我生日時，有冇人幫我慶祝呢？邊個同我慶祝呢？
原本以為冇行的生日旅行，而家又重燃希望，所以如果你打算同我做生日，早d單聲喎﹗

久違了

12 September 2006

過去upset左成個星期，謝謝你的犠牲小我，完成大我，令我展露久違了的笑容﹗

另外，趁一個星期之始，勉勵下自己啦：
悟以往之不諫，之來者之可追
係咪今是而昨非，暫時還未適宜下定論
總之讓今天的我，打倒昨天的我，我要做番快樂小天使﹗

搬屋大計，進行中，loading…

道不同不相為謀

11 September 2006

今日身體抱恙，忽冷忽熱，手軟腳軟、頭痛胃痛，但還是強撐去睇足球展，頂硬上去你屋企食飯，扮冇事出席晚間飲野活動
你叫我唔好去飲野，怕我頂唔喎，怕我辛苦喎，咁又要我去你屋企食飯…
其實我都有諗過，會唔會在街上暈倒呢，如果暈左又會點呢？
最終都係冇事，安然返左屋企打blog

呢排我最愛的林生真係好唔得，上次以為佢返來啦，原來只係假像…
其實my飛佛的謝生都唔好得去邊…
well，歐聯分組賽今個星期又開了，點搞？

正所謂道不同不相為謀，我覺得唔同你講野的決定係絕對正確的，根本溝通唔到，講你都唔明，都唔知你想點…
你講的理由，在我而言根本唔係理由，既然大家觀點與角度唔同，價值觀唔同，都係維持而家咁樣比較好，以前的一切一切，都係錯覺，今後還是少說話為妙﹗
話時話，係我唔同你講野，導致你唔同我講野，定係你唔同我講野，令到我唔同你講野，我而家都仲未搞清楚
但呢d都唔重要lu

呢隻稱聲係碧咸隻腳的倒模，曾經送左俾碧咸放在屋企，有錢人住的屋，一定好大間﹗

有意思

10 September 2006

今日再睇到《情歌》的MV
楔子有這樣一句：我們需要水，亦都需要愛

又要趁機穿鑿附會一番

水，是生命的泉源，沒有水，樹木和皮膚都會枯乾；愛，是靈魂的支柱，沒有愛，眼神和思維變得呆滯。
所有情感都是愛的演繹：
喜，因為所愛的人一個微笑，喜上心頭；
怒，就是所愛的事未能如願，怒不可遏；
哀，莫過於愛人愛犬離我而去，還是節哀較為實際；
樂，簡單得如與愛人共進晚餐，樂在其中回味無窮。
你為愛人而生，還是為被愛而活？

返來囉﹗
我本來就係咁串架啦，咪少見多怪﹗
我份人，雖然有d人覺得我傻奸奸，好搞笑，但其實我係一個好悶的人，只會同熟落的人玩，只會和朋友的朋友玩，唔會主動識其他人
所以，朋友往往就係嗰幾個
有冇你份？心照啦﹗
well，真係好surprise，簡短的對話，但已很有意思﹗

搭地鐵時見到一個小學同學，其實我同佢一d都唔熟，見到佢推住架bb車，真係唔知冤孽定係福氣…

蜂蜜蛋糕

9 September 2006

之前上去廣州，都冇post過d相上來，突然間記得，補番數

呢排好燥底，頭先等車都等到好忟好嬲，唔知點解，情緒很容易被牽動
呢排勁做follow up故，正如我所願，幾好丫
但係咪做follow up自己故，就一定要做扒？我連續幾日都有扒，會唔會俾人搏上鏡的感覺？

哎，尋日失策啦，我日日都有帶相機，係尋日冇帶
因為做野，入左平時絕對唔會去的打鼓嶺，一張相都冇…

你飛左啦，尋日問過你，話12點零飛，本來諗住sms你一帆風順，各樣野都順順利利啦，話晒都係陌生的地方、講唔同的語言
你d普通話普唔普通架？
總之都係一句，祝你好運啦，希望你有機會睇到呢個message，或者有人睇過後話你知啦，費事打俾身處異地的你啦
不過話時話，記得買手信喎，我要蜂蜜蛋糕

萬千重負

7 September 2006

發生開水喉事件，係咪意料之外呢？
但現在回想起，甘泉矜貴，胡亂浪費，多麼不值﹗

頃刻間萬千重負在一身的感覺，很委屈

於事無補

6 September 2006

頭先俾人串啦：乜阿霞d故仔都會咁簡單，仲要一分搞掂，今日真係冇野囉…
吹漲﹗

今日異常浮躁，見人就想破口大罵，留多一分鐘，對多呢d人一秒鐘，本已不高的EQ只會急、狂、勁瀉
深呼吸一口氣，用所餘無幾的理智勸自己冷靜
因為當日勸過你，別為無謂人動氣，耿耿於懷也於事無補，既傷了心神，賠掉十億個腦細胞寶貴性命，多麼不值
為了一啖氣，唔想被冠以「有口話人冇口話自己」的罪名…
hey man，take it easy﹗
我話冇事，就係冇事；我係呻過，呻完咪冇事囉，總之就算呢刻有事，訓醒後又好一個烈女﹗
我心情唔好，只係因為眼訓，我次次都係咁講
眼訓、精神唔好、狀態欠奉，最好用作解釋任何事，因為大家會將你視作神志不清的人，唔同你計較﹗

原來我地都會派人去台灣架，有你同佢囉
頭先你欲言又止，原來係為左呢件事，祝你好運啦﹗

你有事煩，希望能幫你一把啦
謹送上祝福與慰問，加油﹗
大家咁話

絕無僅有

5 September 2006

頭先去做gym，做左d(火羅)野，不過遇到一個好人，嘻嘻
無意中游到HMV舊址，my飛佛的adidas開左喇﹗
如果你有同我傾過msn，一定見過我all day i dream about soccer個暱稱
我的a記收藏，絕對不亞於england和跳跳虎，我唔敢講話有好多，絕對唔夠開一間專門店，不過有少少咁啦，你自己諗下有幾多啦﹗
其實又游到a記，我都知大獲架喇，因為又有新出品，今次係city系列的延續版，晨咁早就睇中左的i love london外套，終於見到真身了，當然要據為己有啦，就咁盛惠600個大洋
老實說，對我來講，買野，根本唔需要理由，不需要明目，我知道這種消費模式，絕對un-sustainable啦﹗
點解用un-？話說我地拍野，拍完要「奄帶」咁就唔會洗左有用的野，但當餅帶可以reuse，就要「un-奄」佢
「un-奄」呢個term，係我發明的，嘻嘻，但俾人串囉，un-返工、un-剪片…結果所有有「不」的意思，就用un-取代

半個月前已預先kick off的farewell活動，隨著走的走，離開的離開，暫時叫告一段落
最正都係people mountain people sea，最豪的係骨煲象拔蚌，最激的係骰盅之王爭霸戰，最冷清都算是今後的辦公室…
啱咀形的人，所剩無幾，已承受不起再少任何一個絕無僅有的你﹗

今次破例登出人山人海照，此舉也是絕無僅有，下不違例﹗

誠意

4 September 2006

係，有d野，我又點會唔知呢，但始終都係想你親口同我講，呢d或者就係叫誠意啦

真係覺得自己好燈神feel，睇邊場波，支持邊隊死邊隊，尋晚飯局飲野，miss 左england EURO2008的qualifier，不過都帶埋謝生出去，精神上支持一下
我深愛的england大勝5-0，而第二最愛的netherland都小勝1-0，唔通我真係唔可以睇波…

放假的日子，縈繞著被窩，你覺得很浪費，但我覺得，這就是簡單的幸福
一天吃一頓飯，對我而言，其實不是甚麼奇怪的事
而一天吃五六七頓飯，更加是平常不過﹗

********
「比上不足，比下有餘」最好用作形容這一刻的我
要付出多一點點，向前走一步，我覺得冇需要；但收歛一點光芒，向後退一步，又非我所願
結果站在這兒，原地踏步，雖然未至於進退兩難，但兩頭唔到岸，欠了點安全感

受唔起﹗

2 September 2006

對，我是以貌取人
正所謂人靠衣裝，佛靠金裝，包裝就是對自己、對別人的尊重
連這基本的條件也做不到，有資格要求些甚麼嗎？
在你眼中，可能我歪理連篇，但我認為，我信奉的一套，總有我的道理，也總有人欣賞，犯不著你來替我粗心
謝謝你似是而非的意見，受唔起﹗

穿鑿附會

1 September 2006

看見那個她，真是無言以對。
她勝出了？不；我勝出了？也不是；兩敗俱傷？亦算不上。

他嘗試找話題，他為甚麼這樣做，他有甚麼目的？究竟他在想甚麼呢？這些疑問，在我心頭浮現，但我不打算找出答案。
他也許想勾起我對他的一點興趣，但他的所作所為，只換來我的冷淡對待‧
我不理睬他，其實與她無關，你不要誤會和胡思亂想，甚至是穿鑿附會。

抉擇，從來都不是一件易事。
為了某些人、某些事，墮進患得患失的感覺，值得嗎？
讓這些事、這些情，佔去所有思想空間，甘心嗎？

連續數天都夢見你，這又代表甚麼呢？
********

佢病左，唔知佢有冇事呢？
今日個個都打鑼搵佢，可能係我傻，以為佢touchwood出左咩事…
同事、朋友等，聚會停不了，很累
我真係好唔想見到你，做咩迫我？係咪我認輸，你就會放過我？如果係咁，我輸囉﹗
哈，係你唔放過我，定係我自己唔放過自己呢？做埋晒d違己交病的事…
我真係覺得我自己好大方，好有禮貌，好得體
即使十萬個不願意，亦亮一亮相，結果搞到連晚飯都冇食，真係唔知自己為咩…

sorry，心神嚴重透支，請願諒我今日狀態唔好
well，有時唔係真係成日都咁好彩的，我知道，單係好似今日，差d出事啦，我知道了

你唔明我講咩？唔緊要
要明的，自然會明；唔明的，係因為沒有明的必要

愛

28 August 2006

近期《愛得太遲》一曲熱播，仔細聽聽歌曲的意思，林夕說理的功力，真教人欽佩

我過去 那死黨 早晚共對 各也紮職以後 沒法 暢聚
而終於 相約到 但無言共對 疏淡如水
日夜做 見爸爸 剛好想呻 卻霎眼 看出他 多了皺紋
而他的蒼老感 是從來未覺 太內疚擔心
最心痛是 愛得太遲 有些心意 不可等某個日子
盲目地發奮 忙忙忙其實自私
夢中也習慣 有壓力要我得志
最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次
我也覺 我體質 彷似下降 看了症得到是 別要太忙
而影碟 都掃光 但從來未看 因有事趕
日夜做 儲的錢 都應該夠 到聖誕 正好講 跟我白頭
誰知她開了口 未能挨下去 已恨我很久
錯失太易 愛得太遲 我怎想到 她忍不到那日子
盲目地發奮 忙忙忙從來未知
幸福會掠過 再也沒法說鍾意
愛一個字 也需要及時 只差一秒 心聲都已變歷史
為何未放肆 見我愛見的相知
要抱要吻要怎麼也好 不要相信一切有下次
相擁我所愛又花幾多秒 這幾秒 能夠做到又有多少
未算少 足夠遺憾忘掉
多少抱憾 多少過路人 太懂估計 卻不懂愛錫自身
人人在發奮 想起他朝都興奮
但今晚未過 你要過也很吸引
縱不信運 你不過是人 理想很 愛於咫尺卻在等
來日別操心 趁你有能力開心
世界有太多東西發生 不要等到天上俯瞰

竟然聽一首歌都聽到眼濕濕，說穿了，說中了
流行音樂，不一定是膚淺的東西

愛是甚麼？
愛是世上最有效的靈丹妙藥，但也是最不可靠的止痛劑，有時更是毒藥，殺人於無形…
因為愛，兩個不相干的人走在一齊，同偕白首，快樂長壽。
愛，因為沒有有效日期，可以隨時隨地、毫無先兆下失效，每日四次，每次一茶匙，準時用愛也於事無補。
愛好比砒霜，不用明言吧﹗

剛才為吃到順手掂來的棉花糖而感到幸福，也為殘障的他咬著牙關上落樓梯而感到慚愧
然而霎時的念頭浮現心頭，轉眼間又拋諸腦後
上天用心良苦的提點，當頭棒喝過後，一切都忘記得一乾二淨，又再自甘墮落…

光明正大

26 August 2006

這是尋日由中環往深井的途中寫的一段文字：

做不願做的事，做己所不欲的事，真叫人痛苦。
那種苦不是切膚之痛，不心如刀割的痛，十指之痛也比不上…
為人固執又不懂變通的我，何時才學會逆來順受，積極面對？
雖然勉強稱得上是個豁達的人，但若要堅持己見、堅守原則，怎樣豁達也免不了吃苦頭。
我恨自己工作上是一個思前想後，喜愛周詳計劃的人，才會對未知之數那麼抗拒。
究竟是我傻是我笨，這個世界容不了我，還是我過於單純，未能看破塵世？
今天，所有令我招架不來的人和事都浮現在面前，除了皺眉頭和歎氣，被陶空的心窩，再做不出其他反應。
黃色的街燈、濕滑的公路、陌生的旅途…安慰一下這個可憐的人，可以嗎？

點解要為左做野而扮鬼扮馬？我只是做記者，為甚麼不可以光明正大？
她幫我約左個agent，let say她姓陳先算，話我係佢個妹
我搵個agent，「我叫tanny，頭先陳小姐搵過你，佢話你會帶我去…」，我係咁介紹自己的
我唔想自稱為「陳小姐」，我的確叫tanny，我唔想呃佢
但個agent後來介紹其他agent俾我識，叫我一聲「陳小姐」，哎…
既然有錢買樓，又明知市場資訊係咁唔全面，都要自投羅網，呢d叫一個願打，一個願捱，犯不著我演場戲，說一句又一句的謊話，為他們出頭
我唔係完全反對偷拍，但唔係由記者自己做，應該搵個真實的case，等佢拍下整個過程，之後同佢做番訪問，咁樣至真實，反映實況
記者本身就唔應該因為自身的參與，影響事情的發展
由記者自己去放蛇，扮鬼扮馬，一邊將自己擺上枱，一邊將對方擺上枱，害己害人，多麼無謂﹗
也許這是我這名幼嫩稚拙記者的傻氣和率真

尋晚的晚飯，笑料百出
吃一口脆皮燒鵝，真係幸福﹗之前的委屈，都拋諸腦後
不過我唔識得分，我食左隻左脾定右脾…
狂食狂飲，晚飯+糖水+飲野吹水，由八點幾玩到凌晨4點，原來，時間又不知不覺間溜走了
頭先個個都甩底，唔開心囉，頭先我仲好大聲話今日不斷遇到壞人，其實主要都係講俾佢聽，佢係壞人啫…
坐低飲野，原來唔係小貓三四隻喎，好surprise，但更surprise的係他的出現
明明由深井出來，他中途落車話返屋企，他突然現身，引來全場掌聲與歡呼，贏晒啦﹗

今日又有EPL，吃過峰蝦，乖乖地返屋企睇波
其實我地有時唔想返工，咁d職業足球員，佢地返工就係踢波、練習、做體能、學戰術…
其實，佢地會唔會都唔想返工的呢？

歐聯抽左籤，點解車仔又係同巴塞同組？係咪玩野？

可以做些甚麼？

25 August 2006

尋晚去唱k，冇人通知，搵發起人又搵唔到，等了又等，本來真係諗住唔去了，但應承左一d人，算啦
唱到十二點零啦，查牌喎，真係第一次撞到，好奇怪
唱到三點左右啦，激攰勁眼訓…
頭先玩骰盅，原來，我都算係咁喇掛，承讓了﹗

放工約左你，好耐都冇試過放工同你去食飯
之前返夜，出左中環/金鐘/灣仔做野，嚷著要食埋飯先返去，就係為左擠出絕無謹有的時間，同你食個麥記或雞記
呢d日子，過去了，我回復一般人認為正常的生活，可以食足早午晚三餐，同你食飯甚至食早餐的機會，多的是

眼看著，目擊著，卻找不住，得不到
除了無奈和歎息，還可以做些甚麼？
埋怨，我明白是於事無補，但宣洩一下，可以嗎？
心情不好，精神狀態欠佳，還要遇上各式各樣的煩事
為甚麼簡單如做一件稱心如意，順順利利的事，也這麼困難？
結果衝口而出一句「死八公」
老實說，他應該不知道我這樣咒罵他，但無論如何，我特此致歉，特別向親睹這件事，被我嚇呆的人賠不是，其實我平日並非如此，你知道的，理解的

而其實，我係咪真係俾人感覺咁nice，咁易相處呢？
不想見到的她，沒有好感的她向我熱情地say hi，我也要回敬笑意十毫升，一個cross shot，眼神沒有交流過後，立即板起口面，一副不肖的樣子
最親最熟的朋友，數我的缺點，數得我體無完膚，臉龐灼熱，總有原因，我就是一個這樣的人
你話我假，冇所謂喎，我的確如此，不過，我很討厭這一面的自己
為左唔直接兜口兜面得罪人，換來苦了自己的傻事和一堆己所不欲的念頭

有些事有些情，已慢慢成為一個習慣
習慣思覺失調般時而虛偽，習慣穿高跟鞋、習慣早上葡萄適、習慣強撐著下垂的眼簾

另眼相看

23 August 2006

有風度的男生，特別教人另眼相看，今日竟然一口氣遇到兩個，真幸福﹗
謝謝你們的眷顧

今日你生日，生日快樂﹗
聽日你last day，雖然唔算好熟，但都祝你生活愉快，搵到啱心水的工作
聽日又有茶聚，預左我，點解？既然你想去，點解你自己唔去呢？
唔係我妄自菲薄，而事實上我只係記者仔一名，well，我怕失禮人…

剛才想起他，耳筒正唱出 if you don't let go its gonna pass you by…
高低跌蕩的音符，伴襯著起伏不一的心情
窗外掠影，與思想的速度一樣快，同樣慢

自從去完沙灘，右腳就有d痛，頭先沖涼時先發覺，原來第三隻腳趾損左
回想番，好似有一下落地時，踩到海底「慘」親

兩個人

一返到去就急不及待上網，好想見到兩個人，一個要話一個消息俾佢聽的，另一個就係有野要問佢，但到而家為止，兩個都見唔到，好失望
好耐冇好似今日咁繁忙，一日寫左三隻local的sovt，well…
由到達cgo，因為唐唐遲到先hea左陣，standup講完就即刻報料碌番落中環，又落graphic又搵料，寫左隻短打，跟住feed片feed聲，忽然間要短時間chur好多野，勁耐冇試過，不過，原來有些技能，學懂了，就是學懂了，不用不練也不會忘記，正如踏單車，roller blade、踩冰
今日真係好累，都係玩完的後遺症
頭先在公司搭mtr出中環，勁"宗"眼訓，真係失儀
過左第一輪EPL，今晚開始，逢星期一都有英格蘭超級聯賽精華，逢星期五都有英超kick off，今個禮拜周中有第二輪了，季初就開快車…
睇波沒完沒了的生活，展開了

有時我會因為累而黑面，但有時都要睇下自己識唔識諗啦，其實其他人係無辜的，點解要睇你面色？
今日，我做左一個識諗的人，雖然累，但在cgo時都同d行家有講有笑，雖然我性格係cool cool地，串串地，但係尊貴的行家，可能有一日成為同事，又可能有一日需要他們幫忙的地方，始終保持一個良好關係，友善的態度，係明智的
呢d叫世故，唔係假，我已慢慢學習中

其實落雨，又有咩好怕喎？

21 August 2006

原來萬事俱備，也會有所閃失
有地利，有人和，原來千算萬算，算漏一個天時
正所謂天有不測之風雲，人有旦夕之禍福，慶幸冇遇到咩頭暈身"興"，但係呢，集齊人一上車就遇到一場大雨，因為太大雨，根本碌唔到落去，龜背灣之行被迫取消
從車上看來，雨點清晰可見，山野一帶矇矇矓矓，望住一個冇人，又好靚的沙灘，我個沙灘呀，同你無緣
最後咪碌去史丹尼囉，上個星期先去過，不過都好過冇囉，帶住一絲希望
因為落好大雨，又雷暴警告，所以只好成班人企喺更衣室外呆等，一邊等一邊食雞翼同叉燒，一人一隻手，成班餓鬼…
後來雨停了，但此史丹尼與彼史丹尼，相去甚遠，沒有陽光，沒有人海，沒有比堅尼
不過話時話，其實我地都幾好彩，雖然去唔到原來的目的地，但轉左location都有好玩的地方
而如果個天真係繼續落雨，連在史丹尼玩都唔得啦，唔通真係聽佢講，去斧山道嬉水池？碌到港島咁遠，玩唔成沙灘碌返去九龍玩泳池，講出來都俾人笑啦
雖然未至於出行晒太陽，但唔落雨，冇行雷，我地可以在沙灘玩，都叫做天公造美
其實落雨，又有咩好怕喎？
哈哈，我地一行9個人，得4個人識游水，我地呢d呢，唔試游水攬住個大水抱游出浮台，都咪話唔大膽﹗
後來玩閃避球，明明得6個人，你做咩叫7呀？
你呀，你自己係5，做咩叫5？低b仔﹗
我都做左d傻野，我明明係0級豬，無嗱嗱應左一隻3級豬一句說話，即時跳升為3級豬…
今日d水好靚，水深到頸，但望落去都可以見到海底d石仔、蠔殼
好累呀，勁眼訓，頭先搭車返屋企，企喺度都d訓著…
不過返到去踢緊ManU vs Fulham嗰場，上半場都未踢完已經4-1，梗係繼續睇啦，之後沖左個熱水涼多好多了，唔sleepy，睇埋車仔
我最愛的林生終於返來喇﹗yeah，我會繼續支持你
謝生，幾時到你回歸呀？

一應俱全

20 August 2006

時間，人物，地點，一應俱全。
現在只需要調整心情，迎接這一刻的到來。

頭先夢見他渣車帶我去遊車河，yeah，極之enjoy
真不想這只是一個夢

06/07新一屆EPL開咧了，第一場踢7點9，真係癲癲地，訓醒3點半，如果要睇，即係食d野就要坐定定等開波…
我咁講，結果梗係冇睇啦，我的第二最愛liverpool就係因為冇我的支持，和左囉，在我心目中，和都係輸，仲要損兵拆將，哎…
希望聽日chelsea生生性性，醒醒定定，咪玩野﹗

問過你關於事情的發展，俾人話八掛囉
超﹗
不過，你的事，像連續劇一樣，大家都想知
喂，有咩最新的進展，記住話埋俾我聽

換左首接駁鈴聲，係一首舊歌，屬於英倫皇后樂隊，諷刺大碟的這場表演還要繼續
歌曲背後的故事，令人無限感概
激昂的哀歌，弦外之音，你聽得懂嗎？

如斯

19 August 2006

呢兩日，除了累，還有累
明明好眼訓，又要去玩，初初諗住happy hour only，結果去埋打邊爐，最終只係訓左兩粒鐘，真係好癲囉
頭先搭車返屋企，勁瞌眼訓，真係訓著架﹗
不過可能唔慣，身體有最直接的反應，眼乾，根本帶唔到con；牙痛，可能心火盛；膊頭繃緊，大概精神緊張

尋日講起一句老生常談的說話：人生不如意十常八九
其實呢句野最原本的version係：不如意常八九，可與語人無二三
人生無常，變幻莫測更甚於風雲，心情也如斯
其實揀左係咪就要面對呢，而家又喺度怨，我知係於事無補，但總叫出過點力，做過點事

因一時之便，講左一個大話，結果為了圓謊，要講更多的大話去掩飾最初的大話，會唔會覺得己所不欲？
總之，自己做過d咩，自己負責，唔好搞到第二個囉

英超就開鑼了，但上場睇england的賽事，林生同謝生都仲係渾渾噩噩，點算？
eason=醫神
gordson=歌神
dunkson=燈神
仲有d咩呀，繼續駁落去…

另外，下星期5，即係8月25號晚骨煲相聚，到唔到出句聲啦

到此一遊

17 August 2006

上天公平地將藍天、清新的空氣、土壤與生命力配給世人。究竟是誰不要面子，將這份恩典，逐點逐點破壞？究竟是誰自私自利，將大自然塗鴉，然後怨天，尤人？
生命沒有貧與賤，不分尊貴與卑微。
既然茫茫黃沙中可長出青綠，堅固的混凝土所覆蓋的斜坡，也有小草漸露頭角，少少苦楚算是甚麼？
劃破長空的電纜；林木中的治安崗亭；一塊塊深淺不一的青綠；赤裸裸的山坡插著數株樹木；不見天日的黃土，承受著筆直的公路…
人類文明的痕跡，猶如地球先生的紋身，你和我以為很美的東西，究竟有沒有問過他愛不愛？有沒有讓他選擇？他根本沒有說不的權利，你和我就自以為是地在他身上雕花。他病了，他呼叫他吶喊，你和我掩著耳朵說聽不到；他受傷了，他淌血他傷口含膿腐爛，你和我矇著雙眼說看不見。自恃受過一等一的教育，原來如斯，跟你和的讀過同一部詩書的孔孟也蒙羞﹗

********
惠東一日遊，真係攞命…
做的野唔係辛苦，只不過係來回搭車的過程，真係…
我諗夾夾埋埋有7粒鐘屈喺架車入面，真係人都癲﹗
d PR安排得唔好，時間好tight囉，明知d交通時間好難預架啦，咪預到咁mon，結果集合上車遲左半個鐘，到達location遲左粒幾鐘，參觀又遲左成個鐘，夾埋夾埋，呢d全部都係時間，咪攞來搞囉
唔feed片，結果又係玩謝我囉，返到hk都7點，真係10個鐘啱啱好，但要返去pack故呀，今日好似都好多野，想搵人幫我打段稿俾篇輯sub左先，等我返到去可以即v即剪，但係呢，我呢d咪做左彈散囉，冇人理囉
結果10點幾先走，仲要未食飯
頭先我黑面，sorry，冇野了，謝謝你的關心，不過如果你有買埋野俾我食，仲好囉，嘻﹗
黑面的主要原因都係眼訓、累，我一眼訓EQ指數就直線下插，再加上某人一句說話，無名火起，面口更黑，其次都係頭先所講的安排囉
冇法，唯有怨自己黑仔，唔係咁可以點？
今日的光環失色了，所以我而家係光環暗淡無光，皺眉眨咀的快樂小天使

然而早上搭車時未坐到呆，都仲ok的，有oasis陪住我，如果唔係又點會有心情影相、寫埋呢d冷係野的感言
回想起真係好似升f.7同考a level前後，閒時會拎住本簿周圍行，搵寫作靈感，真係自由自在
何時才可以無牽無掛，投入創作的國度？
頭先見到一個「白花油站」，真係好可惜，說時遲，那時快，想影都影唔切，唯有記在心中

午餐係有十一餸一湯，憑記憶記下的菜單如下：
魚肚(仿)翅羹
xx菇扒生菜
蒜蓉蒸大蝦
眉豆、蜆肉煮
酸甜骨
窩雞
清蒸老虎班
豆腐
炒x瓜
雜菜煮鮑魚仔
黑椒牛柳
新鮮淮山炒南瓜、芋片
味道真係一般，但係沿路上見的，惠東以乎都係d窮窮地的地方，我問：我地呢餐，會唔會食左呢度d人，半年的野食？但已不會計較咁多
個侍應問我地有冇人要白米飯，咁有d人舉手啦，條女竟然話：「一人兩碗啦」我唔食飯架，唔好迫我啦﹗
而其實呢餐飯，最出乎意料係嗰d當地人稱雜糧的野食，其中一款係我拎住的包，用小麥粉做的饅頭，好香麥味，好食﹗

在車上影到狗肉店，仲俾人怒啤
狗肉早餐？快餐飯盒，唔係化…
d狗狗咁可愛，做咩要食佢地？

在冰鮮豬肉加工場，著到成個betty tung咁，是但啦，到此一遊

比翼雙飛

16 August 2006

今日返到公司，望望你個位，有一陣莫名的失落感覺
當日都係因為你的一句說話，我先整一大鍋雞翼，最初我真的天真地以為你有機會嚐嚐
那天我知道你放假，額外為你準備了鳳黃酥，還寫了便條一張
原來你唔欣賞，用「好飽」去敷衍我，話想要雞翼多d，算你啦﹗
不過呢，係咪我失敗左呢，當日整的分明係瑞士雞翼，但有人話d滷水雞翼好入味，又有人話d豉油雞翼好食，冇你份，可能係你榮幸﹗
下次有機會，等我真係成功整到瑞士雞翼，再請你食啦
哎，我都話瑞士雞翼唔易整架啦，又唔信我…
不過，你話你夠膽試，多謝你，多謝各位試過我的「手勢」的人

********
今日玩變臉遊戲
事緣係一個PR打俾我，當然扮晒野寒暄一番，笑笑口講埋d唔好笑的話說，笑笑口扮熱情扮熟落
原來我可以咁假
事後，我狠狠地cup線，這一刻，換回我原本的黑面，一副好cool的模樣
老實說，呢個先係我的真面目﹗
其實，我係精神分裂
其實，我係雙面人﹗
時而多愁善感，時而疾惡如仇；時而溫文爾雅，時而兇神惡煞
其實我黑面與傻笑的時間，係一半一半

********
繼續一連兩日的電話會談，我話你諗得太多，生怕腦袋失業，諗咁多野盞搞到自己好煩
其實有口話人，冇口話自己，尋日review自己的過去，我都是喜歡胡思亂想的人

其實呢，我呢個bloc係咪已經成為你地茶餘飯後的話題，每日必睇的column？
如果真係咁，真係我的榮幸，哈哈，快樂小天使獲得加冕，今日起是帶著刷白光環的快樂小天使
雖然睇的人多左，我仍然會keep住一貫作風，講真話，只有真話先可以喺呢個部落浦頭
我亦唔會因為你地日日睇時時睇，日日講時時講而就住就住
你應該記得我曾因一句「事無不可對人言」，獲她冠以我「烈女」之名

你suggest我調返b，今日開始展開返b的新生活，係唔夠訓啫，其他都ok既，暫時到呢刻為止
我聽日上惠東呀，係即日來回，頭先見你online，想同你講呢件事，可惜我hi你你唔理我囉…
老實說，惠東喺邊？惠洲以東？係咪汕尾以南d friend來架？會唔會係d郷下地方？豬場，咪好嗅囉，會唔會有牛屎飛？

哈哈，語無倫次的人，你都係少理為妙﹗
認真的說話唔睇清楚，戲言卻如此煞有介事…

另外，有d野，你自己諗清楚先啦，我幫你分析過pros and cons，我要講的都講晒，最終點決定，始終都要你自己渣fit

誤會

15 August 2006

不如唱番首歌先啦，Janice的《一場誤會》，好唔好？
頭先同你講電話，well，原來我的任性與妄言，引來一場風波，吟番首蘇軾的《定風波》，好唔好？
我應承左你，將頭先對話內容保密，好，絕對守口如瓶
對於蜚短流長，正如我同你所講，把口生喺人度，講咪講囉，又唔使錢又唔使死，呢番說話，用埋來自勉
我反覆再睇呢個bloc，究竟係邊篇邊幾篇野引來誤會呢？
唔係《思覺失調‧4》掛？如果係，真係極級無奈
唔該將件事好似傳教咁宣揚出去的人，用個腦，用對眼，用個心，認真睇真d，睇d唔睇d…
《思覺失調》系列，係我新的小說作品，係作文，你知唔知明唔明咩叫作文呀？
不過，事情發展到今日呢個地步，我講咩都冇用，唯有檢討一下囉﹗

呢件事，我有一個suspect
算啦，我貫徹我豁達唔記仇的性格，我唔會嬲你，我只係怪你啫…
你將件事搞出來，你幫我拆番掂佢﹗
我都話唔係介意俾人講囉，而係咁好玩的事，點解唔預埋我呀？
對於呢d事，我一早已經免疫了，能傷我的嗎？能打倒我的嗎？不可能
其實係咪應該玩大佢呢？玩到大家對呢件事都失去興趣時，就唔會繼續講

然而呢件事俾左個機會我回顧一下過去半年的事，原來，過了大半年，都是唔開心的日子，唔通真係犯小人？除左你地講的他之外，仲有他和他，都產生過一些誤會，哎，都係我失敗﹗

原本晏晝做gym，諗起有關《追》的故事，冇心情、冇精神講了，有機會記得再講過

理由

14 August 2006

今日去沙灘玩，正呀﹗
但係呢，因為懶訓，所以3點幾先出到cwb，4點先上到車，結果只係由5點玩到7點左右
勁搞笑啦，入到史丹尼，冇人叫落車，個司機問：你地去邊架？下個站係監獄，跟住成車人趕頭趕命落車，哈哈，我諗個司機一定暗笑我地…
去到又好趕囉，掉晒d野入locker就跳落水，帶左相機，都只係你幫我影左一張，我去到時影左一張，連合照都冇，真失敗﹗
其實只係玩左兩個鐘，但係已經勁攰囉，老喇老喇
夜晚食韓燒，comment係格調唔得，野食普通，service差劣，食韓燒，抽風都好緊要，但都係唔得囉
夜晚睇community shield，不過返到去都已經7x分鐘，結果不幸地，車仔輸左囉…
而家愛隊和愛人愛將都多左，所以個別球隊的得失，冇咁上心…
頭先得到利物蒲最新的主場球衣，yeah﹗

忽然想起你，根本不需要理由
我想忘記你，同樣不需要理由
迫於奈使出善意的謊言，也是不需要理由
有些事有些情，只管聽，盡管做，識趣點，不要問理由，這是你教我的

謝謝你的一句：sounds good
我會繼續努力﹗

今日呢身裝束，因為帶左頂帽，所以有盲點
結果呢，做左樣白痴野，就係一路行一路掛住(目及)野，結果撞埋路牌碌柱，好痛…
跟住俾人指住笑，好瘀…
最後在個bloc度自爆，好傻﹗

個性鮮明

12 August 2006

尋日漏左，有一個point冇講
事緣尋日去做一單assignment，做一個女人的case，佢個仔因為吸毒致死，做佢個訪問，令佢又再諗起傷心的事，問到佢眼濕濕，我真係覺得很不好意思，收手了，連忙說唔好意思唔好意思
後來睇到atv個cast，問到佢喊晒，要用紙巾抹眼，憶起當時的情境，那個記者一副滿滿足的樣子離開現場
我諗，究竟記者在這個情境應該如何自處，非問到佢喊不可？非問到佢精神崩潰不可？
這個case是喪親，但如果那個是被性侵犯的女生，又如何？是否又要問她如何被人強姦的感受如何？吸取了甚麼教訓？記者就要為此，鍥而不捨地挖人瘡疤，不斷在傷口上灑鹽，搞到自己不要面子，神憎鬼厭？
香港的記者為甚麼這樣不受歡迎，也是咎由自取…

********
晚上去飲野，又談及一些誹聞
我用「一些」去形容，因為不只一宗
困在同一斗室裡，每日相對十多小時，一些誹聞能點綴沉悶的辦公室
但係呢，在人面前唔講，或者係細聲講，大聲笑；在人背後大聲講，大聲笑
講就光明正大啦，又要講，又要怕人嬲，怕人介意，好無聊﹗
人就是喜歡鬼鬼祟祟和偷偷摸摸，這樣刺激點吧﹗
哈哈，成為主角之一，既然能娛樂大眾，只是和他的名字扯上關係，也不會吃甚麼虧，大家一起笑吧﹗

雖然我不是甚麼驚為天人，個個都話靚都嘩一聲的超級美女，但從小到大，都是誹聞的好朋友
可能我經常在男孩埋中鑽，熱情奔放，引來誤會
又可能我性格爽朗，又玩得又個性鮮明，吸引到一些人
有趣地，我從來跟那些喜歡小鳥依人類型的男孩無緣，大部分的他，都是喜歡挑戰難度的男孩，也許是大男人的心態，想馴服這個任性、有性格的女生
我相信，誹聞的誕生，是有些無聊人的無聊誤會，但有時空穴來風，事必有因
不過我的宗旨是，一日沒有具體行動，都只是笑料一單，嘻嘻哈哈算了，千萬不要當真，你和我，也不必太認真

********
幼稚園高班的學生照，你話我個樣，冇乜點變過，大家來評評吧﹗

自己人

我認為，敢愛敢恨與我行我素是孿生兒
敢愛敢恨的人，通常都不太在意俗世的目光，這種特質，就是我行我素的性格驅使
我想，我絕對稱得上是我行我素，從小到大，對人們背後的竊竊私語，我還有本事拋諸腦後，一笑置之
你還有印象的話，我曾說過，我是在批判與指指點點中成長
至於敢愛敢恨，仍在修練當中，距離滿師出關之日，可能不遠矣，又可能尚有一段距離。因為我敢愛，但有時不敢恨，甚麼「恨你一世」的說話，自問真的沒有本事講出口

喜歡剛才聽到的一句說話：「自己人」
謝謝

快樂小天使又鬧情緒了…
今次沒有歎氣，反而選了連珠爆發，一秒鐘吐出八個字，破口大罵﹗
回家途中，看著燈柱、樹木、商場、公園、路標不斷往後跑，有一點感慨。追憶、回顧、思念、懷緬等詞語不斷躍動，腦海裡為這情景配上字幕
記得很久很久以前，跟他鬧翻了，依稀記得當時日記是這樣描述的：
在車上，我看著玻璃中反光的自己，也看著透明倒影中的他，想知道他有沒有看著我，欲言又止，但我又不想正眼看他，這樣做，很傻嗎？
剛才又想起這件事，不過，他也許忘記得一乾二淨

戲言當成真話，心底話卻被視作笑話，這是甚麼道理？——抄襲自你今日的偉論

生日去旅行的願望，必定落空，唯有退而求其次，十一月去吧
行動目標：日本，好不好？

********
John Terry終於成為了England的隊長
John Terry said: "It is the ultimate honour to be the captain of your country and I am very proud to be given this great opportunity. It is an incredible challenge and one I am looking forward to very much."

劃清界線

10 August 2006

剛才獲悉你新動向的消息，真替你高興。我亦感到十分榮幸，臉上貼金，因為你親口將這個消息告訴我﹗
我本性就能夠清楚明辦朋友與同事，你是朋友，她是朋友，他也是朋友，在地上畫一個圈，包圍我們；不過某人，我有一點保留，我不打算讓這個人闖進屬於我的世界，正如他要與誰劃清界線的道理一樣。
緣份至此，何需強求？

夜更生活進入最後倒數階段，捨不得深宵凌晨，黑暗中發光的靜，恬適但神秘的靜，不甘孤寂的靜。
夜闌人靜，是調整思維，整理思想的好時機，當然可以做些深刻的反省，最好不過。

********
因為大家的衣著太似，著左粉紅/粉紫色系的上衣，黑色的西褲和西裙，好似制服咁…
所以拍了一張無聊的相片
但我講過，呢度唔開名講人，咁照計都冇理開樣見人的，所以呢，做住阿麥嘜家族先啦，唔好介意喎
不過精明的你可能已經估到佢兩個邊個，你估到咪估到囉，總之唔係我開佢名咪得囉，我冇違背我的原則，正如我平時講你我他的事，總之，知之為知之，不知為不知

********
好耐冇試過吟詩，今日突然技癢起來，獻醜了﹗
今天試試4-5詩，咩來？我自創的詩歌格式，唔使押韻，全詩5句，每句9個字，夾埋45個字，所以叫4-5詩，另外，仲有打油詩的作風，睇下你睇唔睇得出啦﹗(p.s.今次的實在太出太白了)
既然今日是會考放榜，試以此為題：

決心闖過一關又一關
戰意高昂殺敵人人怕
二話不說向著標桿衝
世上難事不敵有心人
祖先庇佑金榜獲提名

你可唔可以呵吓我呀？

9 August 2006

原來你和他都有追我個bloc，可能仲有其他人，我唔知啦，但真係好開心
始終寫d野出來，係就係話想做個record，但真係有人睇，又有另一重意義，俾個機會你了解下我，又可以同你講下心事，盡訴心中情，寫d難以口述的事，寫出來，大家閒時回味一下，幾好丫﹗
bloc，就是含分享的意味
不過呢，睇完留下言啦﹗呢度好冷清…

********
頭先同你去飲野，暢所欲言，言談甚歡，無所不談，真是一件賞心樂事﹗
一起經過旺角街頭，見到得意的八哥，我話我好鐘意八哥，好想養番隻，但係要迷你版囉，帶佢出街都冇咁heavy
點解鐘意八哥？佢個樣傻傻地，真係好cute，望住佢佢好似同緊你講：「你可唔可以呵吓我呀？」真係想抱下佢，呵下佢，摔下佢個肚腩，幫佢掃背脊，同埋搣佢塊巢皮面
你話想做生意，開cafe，不過我覺得冇得做囉，周圍都係，實在太濫了
我話想開一間出租寵物店，備有唔同品種得得意意的貓貓狗狗、倉鼠、兔仔等，train到佢地唔怕生保人，可以同陌生人玩得好投契，可俾d養唔到寵物的人放假時，租番隻寵物，過下癮
你話得喎，多謝﹗
講得衰d，有人會叫雞，有人會叫鴨，有人叫貓狗，有咩咁出奇？只要有市場，就會有人做
老實說，而家有冇人做緊，我唔知喎，你做邊度有，話我聽喎，等我得閒叫番隻狗陪我
講起狗，我又諗起細個騎狗狗d曳野，可能你已經聽過，不過他和她可能未知呢…
細個住村屋，屋企出面有空地，家家戶戶都養狗看門口，呢個之前講過
我好細個的時候，屋企養過一隻俗稱狼狗的德國牧羊狗，即係用來做警犬嗰d，點解養呢隻狗，我唔知，我只知我好細個已經有呢隻狗
佢好乖架，我叫佢，佢會擺尾，同佢玩，玩到咁上下，就騎上佢背脊度，佢好識做，會慢慢行
草原上的遊牧民放、以前馳騁沙場的後裔騎馬大，我呢個住村屋大的細路，就係騎狗狗大
你可能會問隻狗後來點，我講出來，你要有心理準備
有一次我地一家去左旅行，佢曳，想偷走出去玩，咁d村屋有鐵絲網圍住，佢以為自己跳得好高，打算跳過去，但跳唔過，掛在鐵絲網上，鐵絲網個頂又尖又鋒利的刺，刺穿了牠的肚皮，牠受了傷，但呼救無門，結果失救死了
我地返到來鄰居話俾我地聽，搵左人處理左佢，佢真係死得好慘…
我地無幫佢改名，大個諗番，我當佢係陪我成長的玩伴，同人冇分別，不是一個普通狗隻專用的名字，配得上牠，所以，而家回想，我寧願牠是沒有名字的牠，這樣牠才夠特別﹗

********
酒醉了，人不清醒，行唔到直線，會在街上狂笑，大叫，防範和戒心都鬆懈了，人也大膽了，所以酒後亂性並不是甚麼奇怪事
返到屋企唔記得鎖門，第二朝起身先知，沖完涼嬲住毛巾就撻左落床訓著左，醒來，原來是…
嘻嘻，很多細節也忘記了，只知頭痛，自己彷彿在自轉，床和被舖在公轉…
原來左腳膝頭，酒醉過後，瘀了一塊

********
最近有點失落的感覺，有點幻得幻失
想聽歌，隨身聽卻冇電
你欲言又止，令我頭殼頂生出很多問號
你講了我不明白的說話，臉上貼灰，並且在額頭、在臉頰畫了五間…
但為的都是小事一樁，無聊嗎？

最近也有點柳暗花明的感覺，lucky﹗
例如約feature嗰次，因為做唔到原本俾人assign嗰隻，結果做左第二隻，效果出奇地好，獲多番好評
約的過程也不甚順利，但最後關頭，多得幸運之神眷顧先做得成，而好彩在得到個case比我想像中仲有point(p.s.因為我做隻濫藥人考會考，結果係得到一個31歲飲咳水10年，邊戒毒邊自修考會考，自修、濫藥、31歲先考會考，一箭多鵰﹗)
隻野派左個影野好俾心機，好啱做feature的camman，好在唔係求其派個同學仔，故仔的畫面，發揮得淋漓盡致
原來，我不是被撇下的，你還記得我，只是我杞人憂天

最近，做了些無聊滑稽的傻事，也夠我開心半天
當我忙碌中，因為你一句說話，你一個錯覺，我忽然間做左制服誘惑，既然你咁鐘意玩咁想玩，我只係坐定定唔反抗，咪同你地玩下囉
有一次用公司張職員證去汽水機嘟可樂，我仲問點解唔識嘟，俾你睇到發現到，笑到肚痛
去5樓飲野，原來無論我日抖定夜晚去，只要係我一個人自己搵上去，我都係會蕩失路，哈哈，geog攞A01的，竟然唔係好識睇地圖，沒有方向感，原來係路痴﹗

心情依舊複雜混亂

別

7 August 2006

好耐都冇試過早起，初初係辛苦d，但又係捱過左
今日，去西北大開發，因為目的地是：屯門
我諗我生平去屯門，不過五次；元朗，零次；天水圍，一次咁大把。對於這片不熟悉的土地，不提也罷
輕鐵，本港交通公具之一，對我來講卻是非常新鮮，我印象中，搭飛機多過搭輕鐵。對於這陌生的鐵軌，忘記它吧
西北大開發的旅途，猶如進入彼國國度，看到的是規則的植披和無邊際的大海
既是不熟悉的公路，嘗試幻想旅行途中，讓思想放一個短暫假期
屯門，寧靜、閒適和青綠的小鎮，給我清新的感覺

********
為甚麼接二連三離我而去？
在我身邊的他和她，少了一個又一個。掛念的想念的記掛的牽掛的惦掛的，多了一個又一個。人大了，真的要分開？
別，怎樣習慣別的滋味？如何學會別不淌淚？如何練習別不傷感？
以前跟他分別，相信有再會的一天，帶著希冀與盼望，日復日，結果落空了，開始不信賴承諾。
再見，原來帶走了他，也帶走與他相關的一切一切，再見的不再是當天的我和他。
你，原來也打算不動聲色，跟他和她一樣，撇下我…
我嚷我叫我喊我哭我吵我鬧我呼我喝，你聽到嗎？你回頭嗎？
你既是這麼恨心，我也要像你一樣硬心腸嗎？
不過，我辦不到。
你欠我一句道別的說話，請連本帶利盡快清還﹗

********
總想做一些稱心如意的事，為何這麼困難？又總會有些人，礙我大事。
我自問若是我本分做得不好，罵我打我也心悅誠服，但事實並非如此，有人吹毛疵，雞蛋裡挑骨頭，怎樣滿足這些無理要求？
要是奉承她，做這類遺背自己的事，我決不會妥協。
她像一個女巫，雙目瞪起來，面目可憎…
然而，拿著雞毛當令箭的無兵將軍，跟沒有牙的鱷魚有甚麼分別？
耍一耍手，敷衍了她也不自知﹗
結局，還是如我所願。

酒不醉人人自醉

6 August 2006

酒不醉人人自醉，花不迷人人自迷，歌不動人人自動，書不悶人人自悶，語不傷人人自傷
是日無病呻吟至此

mix & match

5 August 2006

人生就是玩配對遊戲，某些事某些人，不知為甚麼，會扯上關係。
就以剛才那頓晚飯作例子，每味餸菜都有一種聯想：
梅菜扣肉=肥膩、士啤軚
豆腐=清淡、cheap
燒鴨=熱、脆
青菜=素、悶、寡
冬瓜=夏天
牛=勤力、頓、鑽牛角尖、頑固
蛋白=滑
紅豆=相思、甜
mix and match每日都在身邊發生，正如同事指我這陣子一身衣著，喜歡襯色。
朋友知己的組合、同事伙伴的組合、仇家敵人的組合…
為甚麼跟某些人夾得來，某些人總覺得看不順眼，無從解釋，這就是配對遊戲有趣奧妙的地方。

********
剛才你問我一個問題，直截了當，又直搗黃龍，開門見山簡單的問題，雖然不是心裡有愧，但亦殺個措手不及。
你好得呀﹗

堅持

4 August 2006

人總有一些堅持，就算是壞人，他堅持做壞人，都是一份堅持。
去過一間日本刺身的專門店，師傅正準備刺身，那是一塊冰鮮油甘魚腩，我看著他手起刀落，切掉魚柳一大部分，結果只剩下原來的三分一大小，之後才將魚柳切成一片片的刺身。我問他為甚麼這樣做，他說那兒有一點血痕，賣相不好，不可供客人食用。如果一些低檔的店舖，可能愛理不理，切細了，刺身便不是「大件夾抵食」。這店舖，這師傅對食物色香味質素的堅持，值得我一而再，再而三光顧。
有人信俸天主，堅持婚前守身如玉，在這個道德規範糢糊的社會裡，這份純真，真值得欣賞。
有人躲懶，堅持無心工作和學習，在這個步伐急速的社會裡，仍然能夠生存，真值得佩服。
我心裡也有一份堅持，雖然未至於要求身邊的人，也根據我的標準辦事，但最少我會要求自己達標。
今天工作上，做了一件我認為未達標的事，一直耿耿於懷。
我要求的，就是如刺身師傅般，端出觀眾和客人所期望的東西，具有質素的東西，持開放的心，讓人品評。
但現在是自己理虧，不合格的作品，真不想承認是出自我的手筆，真想往洞裡鑽。
如果要我愛理不理，又或者持「隻眼開隻眼閉」的態度，對不起，我做不到，請不要勉強我，這是我另一份堅持。
記得大二做了一則十多分鐘的專題報導，當日我是第一組進行報告，作品被批評得體無完膚，三小時的課堂，我一直抽泣。我並非接受不了那些尖酸刻薄的說話，而是他說得對，有太多的地方可以改進，而這些建議，我曾經想過，只是人手、能力、時間等因素，我實在控制不來，做不來。我怨恨我分明有做得更好的空間和潛質，因為我已經想到，但結果事與願違，無奈的感覺令我很痛苦。
正如我會狠狠地，不留情面地罵他，甚至令他的尊嚴也要放下，只因為我著緊他，堅持一份「為他好」的心意。別人眼中看我是無理取鬧、氣勢迫人，我不介意，因為當中的利害，只有我和他才知道。
人的確需要有一份堅持，才不會在他她它祂牠的衝擊下迷失。
憑藉這份堅持，在迷茫中大霧中矇矓中混沌中，才感應到遠處那點點光苗，向著那兒前進。

優待

3 August 2006

每次去那間茶餐廳，老細都會端上一窩湯
同事們好奇，為甚麼同我一齊吃晚飯，就有這優待，有一陣子還有啫喱，哈哈，只有同我一齊食過飯的夜更同事，才嚐過，有我就有湯飲，不過，後來呢，即使冇我，佢地都自己問，最後夜更同事去食飯，都有湯飲了
點解有免費湯飲？事緣好耐之前，有好幾次食飯，都有同事叫湯，老細見我地好似幾鐘意飲湯，有一次就送左窩湯俾我地
第二次個老細主動話寫個湯俾我地，我問係咪送先，佢叫我唔好咁大聲
第三次，係我無賴，問：我地個湯呢？
自此，我地次次都有湯飲
另外，去呢間茶餐廳，都有啫喱食
事緣又係咁的，好耐之前，有一次各自叫餐，有人叫西餐，有甜品啫喱，我好奇問，點解佢地有啫喱，個老細話佢地叫餐有，咁我話，我地平時都叫中式套餐，點解冇？佢話其實只係西餐先有，但下次我地叫中餐都送俾我地
初初都要主動問佢架，有試過由我問，有試過由另一個同事問，我地叫d啫喱做PAAG
有一次某同事提出疑問，其實係我吸引力勁d，定係另一個同事吸引老細多d，結果我贏左啦，老細主動過來問我地食未，仲對住我話：主動拎過來先夠誠意，哈哈，我係最後勝利﹗
嗰一排，就係我較早前所講，返工時好熱鬧，有do re me fa的日子，佢啦她啦他啦同某人全部都喺度，好掛住佢地，好懷念嗰時…
不過後來有一次，我病左話唔食，其他人都冇食，嗰次之後就冇啫喱食了
頭先去嗰間野食晚飯再問，老細面有難色，但又唔想令我失望，結果拎左個綠色四方果啫喱俾我，只得我有之喎，呢d係咪優待呢？

除左呢間茶餐廳，有間樓上cafe都有優待架
雖然有d人唔鐘意嗰間野，形容「真係好有勇氣再上來」，但我真係覺得ok喎，上次上去佢送野食，仲有extra85折，都算係咁丫，我地都唔去左好多次之嘛，其實佢d野食同野今都可以接受，環境ok唔會俾人殊囉，同埋可以自成一角，點玩都得
當人地著緊你，當你係一個valued的客仔，受到的待遇，係好少少的，老闆娘廣東話唔正，咪忍下囉，至少佢d「豬骨力」、「蠟味綠茶」都帶來唔少笑料

今日

2 August 2006

今日訓左十三個半鐘
今日天文台發出一號戒備訊號
今日側田和Queen填滿了我的空氣
今日早餐午餐下午茶三合一
今日竟然冇飲利賓納
今日享受悠閒的桑拿浴
今日終於得到車仔新一季的波衫
今日再經過銅鑼灣那間糖水舖
今日芒果神冰的芒果是酸的
今日沒有跟虛擬世界的他和她聊半句
今日回味十多年前那齣《家有囍事》和《金枝玉葉II》
今日為一句說話淌淚
今日做任可事都沒有時間的束縛
一切一切，只因今日放假

快樂不知時日過

1 August 2006

原來，二零零六年，這一刻已過了大半，做了大事小事，高高興興，時光飛逝了。
原來，在這間公司，已有八個月經驗，混熟了一伙人，歡歡喜嘻，日子過去了。
原來，跟你閒話家常，眨眼間已一個下午，開懷暢所欲言，嘻嘻哈哈，時分秒逃跑了。

俗語云：快樂不知時日過，時間不知不覺間溜走，無聲無色無味無嗅，只因心情舒泰，不在意它的流逝。
我感到慶幸，過了一段快樂的日子，不患老之將至。

一片肅穆

30 July 2006

尋日其實真係好累，因為之前嗰晚，即係fri去左飲野，玩到三點幾，又天光先訓，所以激累
後來仲要得知一個消息，就係打算叫我去甘肅做山區小朋友上學的feature，我聽到呢個消息，真係又驚又喜，開心有得去，愁係好多uncertainty，又要諗story ideas，又要諗自己要點樣在山區生活4-5日，個腦極高速運轉
不過結果唔使煩，因為班機太早，佢地搵唔切hr買保險，唔去
突然個腦可以停止運作，真係覺得chur得太盡

呢個時候，你話唔見左個銀包，點解咁灰？
臨走時你叫我去唱k，其實初初真係好唔想去架，d人我又唔識，係咪食蟻獸來架…
結果都係出左去，我真係好眼訓，但樣激殘…
但其實我都唔想唱歌，兩支chivas勁吸引，玩骰盅，我都係呃酒飲，贏同輸都飲，佢地溝綠茶，都溝得好淡，我自行加酒，正﹗
不過可能真係飲大左，定係好耐冇試過飲咁多，坐喺度好地地，一行兩步就覺得high上腦，可能血液運行，帶動埋d酒精運行，行唔到直線啦，在街上狂叫大叫啦
你同我一齊返去，我真係咩都唔記得，可能真係貓左啦…
我訓著左，訓到返工前先起身，連涼都冇沖，衫都冇換
我奇怪一樣野就係明明返到去未開床，你點解可以整開張梳化床呢？
你話你叫我起身，我企埋一邊，跟住你開左張床，我又撻返落床，冇反應冇知覺，我又完全唔記得呢d事，好奇怪，你有冇呃我架？
嘩，起身個頭勁痛，真係好難頂，去到單assignment又要等個camman喎，坐喺度個頭又痛，又眼訓，幾辛苦
後來呢單流左啦，去左東區醫院

今日的故事，這兒才開始

初步了解過件事，係有個人攀石，跌左落懸崖死左，影唔到個body
未咁正面接觸死亡，仲諗住去幫手扑咪，扑下d家屬，後來諗返，呢個諗法好天真
去到join番個camman，大家都未知在警崗度個女人，係咪家屬，因為佢咩事都冇，同個madam講野，俾資料，但突然間佢由冇野到有野，madam好冷淡咁話俾佢知佢老公死左，佢的面容、神情、情緒等各樣野，係720度轉變

那個畫面，永遠都烙在我的心深處。
她從冷靜到呼叫；從理性到崩潰。
她聲淚俱下、呼天搶地、聲嘶力竭、歇斯底里、淚如泉湧、抱頭痛哭、死去活來…
我的字典裡，可以形容她的詞語，如數家珍般搬到面前。
她正是沒有時間去思、去想，就要接過這個殘酷的消息，我除了心酸，還有心酸。
急症室只有兩把女聲，嚎哭中的她和冷淡冷漠的女警員頗不耐煩的說話：「你先別這樣傷心，冷靜一點，你還有很多事要做…」
這樣的情境，怎可以不傷心，怎可以不激動？請你指教﹗
這個她是否面對這些「死亡消息」已感到麻木？有血有肉的家屬，以淚洗臉的家屬，對穿制服的她而言，是甚麼？
空氣凝固了，呆待看病的他和她也向二人行注目禮，全場一片肅穆。
因為工作，攝記們都要拍下這個震攝人心的畫面，我身處其中，照像機快門閃動和鎂光燈的聲音，伴奏著我這個第一次，令我心情凝重的第一次。
我不忍看著她，我想上前扶她一把，但她與我素未謀面。
我想正眼看她，看她傷心的瞳孔裡，有沒有新聞故事。
每杪都是填滿了難過，心頭陣陣發緊。我感到臉龐和眼睛，有灼熱的感覺，我的確很想哭。淚珠兒跑到眼眶，我將他們趕回去…
返回公司的車程，好像特別遙遠。
編輯問有沒有upsound，著我跟進了解一下。
這一刻，我感到這個她也是冷血的，我想她大概沒有親身經歷這教人苦思的一幕。
還要upsound，很涼薄。
原來新聞片段經已剪接完畢，選了那個突變的鏡頭，再一次回顧這一幕，心裡很不舒服，心頭很痛，像被尖刀刺進來一樣。
而跟進這報導的兩名同事，也沉默起來。
看畢新聞片，我找那位編輯，問她是否必須那個upsound，我告訴她這個畫面太震撼，看了很不舒服，她竟然說這就是想要的東西。這種視生命如無物的態度，真令人髮指﹗
在眾人面前，我強忍淚水。
每逢整點，都有這則報導，我每每也刻意迴避那個刺進我心窩的鏡頭。
吃飯時看見身旁的家庭，又想起她和他的家庭，她和他從此永訣，本來乾澀的眼睛忽然間感到滋潤，鼻子很酸…
平日晝夜聒耳的我，不容空氣留白的我，靜了下來。
吃晚飯時身邊只有一個他，我刻意逃避他的視線，也嘗試找別的話題，讓自己暫時忘記這件事，不要在他面前哭起來。

那種感覺，真不能用言語筆墨去形容，只有親歷其境，才能明白我的感受。
陌生的她迎接摯愛的死亡，已為我帶來這鼓衝擊，我真不敢想像，不幸地，事件發生在我身上，我可能暈倒了。
我希望我和我身邊的人，從來也不需要面對這個殘酷的消息。
那個片段，倒該讓想自殺的人看看。你死掉了，你的家人就是這樣，你忍心嗎？
生命，有甚麼比活著還更重要？
愁恨，如何跟性命在天秤上斤斤計較？

天災中的人

29 July 2006

因為做中學的讀書報告，讀過這一部鉅著——《唐山大地震》
今天是唐山大地震三十周年，將這篇一度成為表揚作品的陳年舊作，公諸於世，獻醜了…

天災中的人

《唐山大地震》讓我脫離時空的束縳，回到一九七六年七月二十八日凌晨三時四十二分五十三點八秒，我彷彿感覺到大地震動，我猶如看到樓房倒塌的情景，我似乎聽到聲嘶力竭的呼喊。大自然的蹂躪，將一座百萬人口的工業重鎮夷為平地，只遺下一堆堆瓦礫，一堆堆傷員和一堆堆屍體。無辜的死難者，幾乎在毫無準備之下被推向死亡，他們是否早就注定是大毀滅中的犧牲者？無情的大自然﹗上演了一場前所未有的惡作劇——地震，一夜間摧毀了一片充滿情感的樂土，奪走了唐山的靈魂，並以壓倒勝的姿態步離唐山，遺留下淒婉的抽泣，無奈的面孔，滄然的目光……

唐山，自「七‧二八」蒙難當日開始，就籠罩著一陣死亡的氣氛。大自然的一聲號令，唐山市各大大小小的樓房隨即應聲而下，繼牆殘壁、亂瓦碎石從天而降，活埋成千上萬的生靈。這是人力所能抗嗎？灰塵在空中飛舞，頹垣敗瓦中滲出微弱的氣息。呼喊、掙扎，然後悄寂無聲，二十四萬二千七百六十九人大概就是這樣賠上了寶貴的生命。生命就是這麼脆弱和渺少嗎？

一個名叫豐承渤的姑娘，在大毀滅中被死死地纏著，動彈不得，拯救人員眼看著她被痛苦折磨至死。堅強的意志力使她支持了一天一夜，她顯然是充滿求生的慾望，然而上蒼並沒有給她機會。天﹗她究竟犯了甚麼滔天大罪，非要把她折磨至死不可？僅僅二十歲的姑娘，最後在拯救人員的眼淚中離開了。那些拯救人員，永遠也不會忘記目送生命消逝這一刻，他們心裡，將烙下一個不能磨滅的陰影。

一個七歲的孩子，在沒有麻醉情況下清創。醫護人員將孩子的頭皮掀開，用鹽水沖洗，然後用刷子刷，每碰一碰，孩子就抽搐一下。孩子母親在旁安慰，可憐又十分懂事的孩子咬著牙，忍著痛，沒有哭。這次清創的經歷，對於孩子和那些醫護人員來說，都是一個難忘的經歷。清創的劇痛將深深地刻在他們的心靈的深處，猶如一把刀，不知何時何地，會狠狠地向他們的心刺一下，痛﹗心頭陣陣發緊。

大毀滅當中，受傷的人多不勝數。割破了的傷口，一段日子以後就會癒合，或許留下一道疤痕。可是事情不是來得如此簡單，傷口不但帶來皮肉之痛，亦帶來心靈上的創傷，一個永不磨滅的創傷。每每有意或無意地觸碰它的時候，都會喚起恐懼的感覺，而這感覺是時久不散的。假如豐承渤姑娘和那個孩子仍然在世的話，被壓和清創滋味將永遠地纏著他們，消極地想，死亡倒也是一種解脫的方法。至於目擊者，偶爾想起這恐怖的經歷，便會手冒虛汗，內心顫動，泛起一陣不安的感覺。

我想，「害怕」是人的本能。

我亦想，「惻隱」也是人的本能。

那麼，人們在危難時守望相助的精神也是人本能。

有一條方舟﹐在大地震的餘波上飄浮著，在震後漩渦中打轉，一條這樣的方舟，就是一群劫後餘生的人的家。一個臨時的家，溫暖，而且有血有肉。男女老少，一共二十一口人，風雨同舟，互助互勉，從不計較吃同一個鍋裡的稀飯，睡同一塊木皮地鋪，這大概就是憂患與共。

四十次列車上的八百多名乘客，一同面對地震，一同撲火，捐獻自己口袋裡的食物，「排隊吹氣」生火，照顧病人、老人和嬰兒等，不分彼此，完完全體現了守望相助的精神。

唐山賓館倒塌，五十一名異國人被埋在瓦礫當中，唐山市外事辦公室科長李寶昌奮力地搶救外賓，甚至忘記了自己鮮血直流的雙腳。傷勢較輕的異國人在獲救後自組拯救隊伍，搶救那些素昧平生的人。傷勢較重或較虛弱的傷者則互相支撐，用手勢說話，互相安慰，這就是忘我，無私和互相扶持的精神的見證。

為甚麼？為甚麼在危難時人們才能守望相助？方舟上的二十一口人，在廢墟上各自回自己的財產後，漸漸築起一道道私心的圍牆，有人不想捐獻，有人不滿自己吃少，吃得稀，方舟大戶，結果瓦解了。四十次列車上的人的互助互愛，在日常生活是常見嗎？無私的奉獻又是可行的嗎？沒有報酬的工作有人擔當嗎？唐山賓館的廢墟上，不同國籍的人，衝破語言的障礙，打破宗教信仰的界限，秉棄膚色的歧異，互相關懷、呵護、安慰。平日又能做到嗎？二十世紀的現代人，與「守望相助」如同陌路，究竟人類的美德在哪裡？用心良苦的大自然，讓人在大地震中重新領略，重新發揚這美德。但，這代價是否太大呢？畢竟是用二十四萬二千七百六十九人的性命換回來的。大自然的懲罰，實在太嚴厲了，太嚴厲了﹗

十六萬四千八百五十一名傷員，憑著幸運之神的眷顧、努力的爭扎與及其本身的堅強的意志和強烈的求生慾望，大毀滅中倖免一死。然而有些人在大地震面前卻變得精神失常，最後被顫抖、驚慓、惶恐吞噬了。精神病人呢？他們比任何正人都表現得更正常：平靜地坐在廢墟旁邊。鎮定地接受這場大自然的浩劫，面對鮮血和淚水的洗禮，究竟不正常的是那群精神病人還是那些扼殺自己生命的人呢？正常人眼中的異常人其實又是那麼正常﹗

大難當前，人們根本沒有間去思、去想、去躲、去避，然而所做的一切卻是最本能最理性的，並充份地表現了人真實的一面，最赤裸裸的一面。在大自然面前，人的生命和力量顯然是脆弱和渺少的。大自然的風吹草動，對於人來說，都是那麼的權威，也許只能輕歎一句：吃不消﹗時至今日，人尚沒有能力與大自然抗衡。對於不能被征服的自然災害，人該用一個怎樣的心去面對？我想，與其坐以待斃，不如積極地面對。大毀滅後的嗟怨也是無補於事，不如新振作，努力建設﹗

唐山、唐山人就是這樣康復過來。

一笑置之

28 July 2006

心情起伏，猶如坐上過山車。
我嘗試學習淡然面對突如其來，能夠令我不知所措、無所適從的事情，但我辦不到。
是我不夠世故，閱歷不足，還是我根本沒有潛質，成為這一類人呢？
既然如此，我是否應該放開雙手，不要堅持「一笑置之」？
然而，我已學懂放開雙手嗎？

不能用漢字或英文字母形容的心情，換了片假文和日耳曼語，有沒有分別？
事實是複雜的思緒，不知如何整理分類；混亂、悲喜交雜的感覺，不知從何說起。
帶著沉甸甸的心窩與步伐，戰戰兢兢地，在鋼線上，低著頭，向前走。
目標，不明朗；前路，看不見；同途人，碰不上。更遑論有一個熱心的他，上前扶一把…
即使這個他在身旁掠過，又如何？
文字也不能清楚交代，金字塔一般的謎團，又怎能以三言兩語，簡易說明之？
讓我活埋在費煞思量當中，只要有心人說句：隨便，就足夠了。

滿足

27 July 2006

特別的日子，已經夠特別，唔使用特別的方式渡過，都經已很有意義
吃平凡的快餐店，吃平日也經常光顧的峰壽司，一共食左17碟，最愛的峰蝦，食左3碟
逛任何時間任何日子也人來人往的cwb，過了簡單的一天，卻很滿足
買左shu uemura櫻花卸妝油，大樽，450ml
在city super買左幾包薯片同泰版可口可樂，只因有雲老個樣
明治隻牛油+鹽的薯片，好好味，食完睇番張單，原來盛惠15大元一包
頭先煲湯，係咪奇聞呢？
其實煲湯都唔難的，只係去百佳買湯包，返去洗乾淨d野，放入熱水煲幾個鐘，加d鹽吊下味，就ok啦
頭先煲的係素翅螺頭煲雞，我仲自行加左d真翅裙添，係咪好豪呢，嘻嘻
好鮮甜，正﹗

********
約你地兩個食飯，終於約得成了，暫定星期一去fat angelo's食lunch，好掛住佢個好以埋面咁大，外面脆，裡面軟的包包
當然，更掛住的係你兩個啦，原來已經超過半年冇見，時間過得真係快﹗(p.s.網上嗰d唔計)
你兩個呀，有天大的面子，我放假都會早起身應約﹗

********
有一個兩難的抉擇，尋日終於面對了，希望一直的憂慮都係杞人憂天，我又要以我的豁達阿q精神自勉

********
新一季EPL又就開鑼，819，現已進入直路倒數階段，新球季新開始，當然要準備新波衫，arsenal同manu唔使諗啦，今年的行動目標只有chelsea同liverpool，你識做啦﹗
target 1：lampard身上的三間車仔主場球衣，我諗我著童裝中碼或大碼啦，因為我已經有lampard的波衫，最好熨番no. 26 terry
target 2：gerrard身上，都係三間利記主場球衣，利記又回歸三間，真係一個明智的決定﹗利記呢，唔使字都得，因為我已經有gerrard4號仔英格蘭作客衫，但如果有埋8號利記，又唔駒喎﹗我咁細粒，都係童裝size就ok了
唔使驚唔識搵，唔認得，我連相都post埋出來喇，唔好咋咋弟…