一文不值的關係

September 29 2007

熱烈慶祝我部腦出院返屋企，比原定遲左兩日，anyway，我又回歸上網上到沒完沒了的日子
雖然部腦壞左，但呢幾日大家在網絡世界見到我，唔係你有幻覺，只係我喪用部n76上網啫，所以msn得慢，唔update，有怪莫怪…

無意中得知他的消息與近況，感覺平淡
人就是這麼狠心，曾經多麼珍而重之的東西，頃刻間竟變得一文不值
不喜歡這個善變和不念舊的自己，不欲多言

瞬間值千金

27 September 2007

上次由馬鞍山開始遊勻港九新界，以元朗為check point的行大運遊車河活動，因為我唔喺香港所以被迫缺席，真可惜，所以嚷著要搞多次
一早預告的中秋遊車河活動終於成真， 由於居於西貢的朋友仔獨家為我報告了西貢區的擠塞情況，結果捨難取易，向大西北出發，第一站係將軍澳飯局，第二站係深井發記，第三站係青山灣燒燈籠+賞月，第四站係我屋企，一行八人
真係好鬼眼訓，返到去掉低朋友仔喺廳度吹水，走左入房訓覺，哈哈哈﹗

對於我呢d網霸，冇電腦冇網上的日子真係好慘，坐低食糖水都要拎部n76出來msn，明明喺老地方唱k，都要request一間可以上網的，上網chat多過唱，蝕晒…
下一次要ko的活動係bbq、飲宴、飯聚同海洋公園哈佬喂

有d人你唔會成日見到佢，所以每晚在網上相遇的瞬間，特別顯得珍貴
不一定要打開對話窗聊個沒完沒了，只要他的名字在線上名單，就足夠了
他有時捱眼訓也要在網上世界出現，並扮成與我偶遇，我又點會唔知呢？

他刻意點了合唱歌，有意無意間造就我跟他合唱一曲，旁邊有人竊竊私語
即使是早有預謀，又有甚麼問題？

呢排玩少左sms，唔關返唔返大陸的事，其實返大陸之前一排已經係咁，或者唔同佢玩sms，sms已經失去原有的意義

特別的手信留給特別的你

24 September 2007

各位親愛的讀者，我返來喇﹗
至於點解而家先onblog，其實呢，實情係呢，因為我部腦嬲左我，嫌我太耐唔同佢玩，冷落左佢，所以佢自殺，我22號晚一返到來，諗住同佢玩，聚下舊，但佢唔理我，叫極佢都唔起身，昏迷左，餵佢食急救cd都起唔到身，真大鑊，初初諗住同佢扣喉，但我又唔想冇晒部腦同我的記憶，所以翌日即係23號都係帶佢睇醫生，要入院留醫，佢可能太掛住我，燒壞腦，燒壞左個硬盤，well，我請醫生用盡一切可能保住我同佢的記憶，佢真係唔可以失憶架﹗anyway期待佢星期三出院啦﹗

報告近況，故事應該由21號晚講起…
21號晏晝，拍完最後一個扒，同西藏新聞辦的官員食飯，飲當地特產「雪花」牌室溫啤酒，不停被敬酒…
之後稍為收拾一下行裝，又碌左落酒店樓下間網吧online，想見到的人結果還是沒有出現
本來諗住唔訓，打機又好online又好，玩通宵，但結果太眼訓，訓著左，本來要清晨5點半出發，隔離房同事5點23分拍我門搬行李落樓，我先知醒，真係大檸樂﹗結果極速刷牙洗面換衫pack喼，5點30分將行李推入lift
我諗我訓左兩個零鐘啦…

125公里的路，行左差唔多三個鐘，又凍又餓又眼訓，真係收買人命﹗
刺眼的日出喚醒我，影左兩張相，然後眼前出現的，是一片連綿不斷雪山，除左靚，真係唔知用咩形容詞好
陪伴我們六天的兩名司機送行，並為我們掛上白絹，是他們藏民的祝福，多謝﹗
可是令人著迷的藏刀唔能夠帶離西藏，寄倉都唔得，成為一小遺憾，結果兩把小刀送左俾兩個司機
9點半由全球海拔最高的邦達機場啟程前往四川成都，機程約一小時，沿途雲海和雪山真係好靚好靚同好靚
由成都返深圳的航班係晏晝4點半，所以中間的時間碌左出去成都的市中心食野同自由活動，ko左raspberry雪糕、A記奧運系列同足球書
約兩個鐘後，皇崗過關時大小行李共12件，四個人，每人獲分配三件，我有一個喼同兩個背囊
走在事實最前線的專車喺落馬洲接我地，返公司途中完全雞啄唔斷，極度精靈並處於精神嚴重亢奮狀態，我地可能已經患上低山症
喺公司執左陣野先返屋企，好多人搵，好多人要搵，不停喪講電話，各類活動又可以預埋我喇唔該
放低個喼又急不及待碌出街，第一時間去7仔chur番支我飛佛的有汽利賓納，下一站係tst，d拖羅同秋季限定的秋刀魚同大油甘魚等緊我呀，跟住慢慢碌落旺角，ko埋好耐冇食過的魚蛋，好感動呀﹗
終於可以搣甩d lafuma，做番自己，重投adidas懷抱

尋日帶左部腦去睇醫生，hea左陣就北上尋歡，日食一餐的係某麻辣雞煲邊爐，但風味不及雞公煲
意外地間尋歡骨場竟然有epl播喎，睇完曼聯對車仔先上房，連chur左三個鐘，well，未想訓，又有d唔夠喉，加多一個鐘丫唔該﹗
技師話我嬌小玲瓏，你咪就係大舊衰囉，哈哈哈﹗
今朝ko埋蝦餃燒賣同煎釀三寶，feel so good

某日我仍然喺雲南，往梅里雪山進發途中，喜歡即興的他打俾我
他：一齊食飯囉
我：好呀
他：咁我過來搵你丫﹗
我：好呀，我喺雲南呀
~哈哈哈~
我講俾同車的同事聽，大家都笑到斜晒
同事：佢係咪好少搵你，唔知你上左來？
我：唔係，佢知架，只係佢係咁，一諗起想搵我食飯就搵我之嘛

本來諗住每日都可以寫低一d感覺，結果都係冇時間，太累了，連訓覺的時間都唔夠，還是返來先慢慢逐格重播，請密切留意不日update的相集和回憶錄

至於上網，真係奢侈，酒店的商務中心晨早閂門，有d更加連酒店都不如，上網？死左條心啦﹗網吧又唔係度度都有，所以一搵到網吧，即使唔識打內地的輸入法，打唔到中文只打英文，都留低幾隻字，這是我可以做的
特意要向睇唔慣我寫英文的讀者撒冧…
另外旅程中突發online並與你相遇，令我倍感親切，感謝你為身處異域的我送上祝福與關懷，所以為特別的你，準備了手信

上網能醫百病

22 September 2007

nothing special for today, just do some shooting in the city of Changdu, Tibet
i really think 上網能醫百病, i got a 飛滋 for many days and the situation even getting worse, i found difficulty in eating and talking. well, i need to do a lot of standupper..... but when i get onblog at Mongkong a day before, the飛滋suddenly不藥而癒
so happy to chat with you last night, although the conversation is short, your words are so meaningful to me, enjoy staying with you
just stay here for a chance to meet you, again

you can never imagine how beautiful, how wonderful the sky can be
blue blue sky with white clouds of different shapes floating on green caps and shining water running beneath
starry starry night with the moon lighting up the dark silence highway and the diamonds twinkling in my iris

********
上網能醫百病

今天沒有特別的事，只是在西藏昌都市內拍攝一下
我認為上網能醫百病，多日前舌頭下長出一顆飛滋，而情況更每況越下，吃東西和說話都有困難，而我更要「做扒」…
不過當我前天在芒康上網，那飛滋竟不藥而癒
很高興昨晚與你聊聊天，雖然對話只是短短的，但你的一字一句，對我而言是意義重大，很享受跟你身處同一空間
待在這裡等你，期待與你再次相遇

你從來不可以想象天空可以有多美
藍藍的天空，綠色的山頂上飄浮著不同形狀的白雲，閃閃發光的溪泉不停流動
星空中月光照亮漆黑、寂靜的公路，我的瞳孔裡映出火鑽般閃耀的星光

20070924譯

end of hardship

21 September 2007

here in Changdu, Tibet and the clock counting down the way back to HK is set, already
travel from 0930 until 2305, crazy!!! only have a cup noodle for breakfast, lunch at nearly 5pm and no dinner, no late supper; going way wrong and trapped in a jeep with my low battery i-pod nano. my NDS is useless because the swinging road will make me ill. resting at Mount. Tung Tat by the "highway" with altitude 5008m, jumping, yelling, playing snow ball is the only joy of today

this is a week of hardship
staying in a so call "hotel" with limited water supply: no tape water for day time and water available since 8pm; the staff said hot water also available at 8pm
but the truth is hot water is an uncertainty, depends on the sun and usage and usually running out after 2230, so we have to take a bath before dinner. and the shower......make me sweating and O嘴............. i really dont know how to wash my head and have a bath comfortably with few thin lines of water running very very slowly and worrying the short of hot water when i was soaping or soaped
i get with it, because there is no choice, no, i have a choice of bath or not bath
there is a tibetan disco at our floor, playing strange music with people 喪跳 until 1am at least...........
we stay in that "ghost hotel" for 3 nights, i think i have passed the test of AQ and EQ
another night i slept with flying insects and a night with flooding bathroom
my colleague's room has no TV signal. i ask, you want hot water or TV?

but everything is coming to an end, the hotel in Changdu is ok and i can onblog, msn again
the bathroom here is designed to set a table for 4 playing mar-joy, interesting!!!
from 15, we got 4 whole days riding on swinging, muddy, rocky road, tiring

what happen to chelsea??
i miss EPL, 歐聯, gerrard and lampard

********
艱苦旅程的終結

我正身處西藏昌都，回歸香港的時鐘正在倒數
由0930行車趕路直至2305，真瘋狂﹗早上只吃了杯麵早餐，午餐時間是接近下午五時，沒有晚餐沒有宵夜；走錯路，困在越野車廂中，倍伴我的只有缺電中的i-pod nano，我的NDS毫無用武之地，因為在彎彎的山路上玩遊戲機會令我不適。在公路旁邊的東達山休息，那兒海拔5008米，跑跑跳跳，叫叫嚷嚷，玩雪球，是今日唯一令人開懷的事

這是一星期的艱苦旅程在一間所謂「酒店」的地方度宿，制水：日間沒有自來水供應，晚上八時後才有水，服務員說晚上八時後亦會供應熱水
但實況是熱水是一個未知之數，視乎有沒有太陽和用量，而2230後經常都沒有熱水，所以我們要先洗澡，後吃飯。而那沐浴的經歷，真令我汗顏和O咀…我真不知道如何舒適地用那慢流、像線般纖幼的水柱洗頭和洗澡，更加擔心塗抹肥皂時和塗抹肥皂後突然沒有熱水
我畢竟克服了它，因為沒有選擇，不是，我可以選擇洗澡或不洗澡
而在我們住宿的樓層，有一家藏式的士高，播放著奇怪的音樂，人們喪跳最少直至凌晨一時…
這在鬼地方待了三晚，我想我己通過逆境商數和情緒商數的測試
而另一晚跟飛蟲同睡，有一晚的浴室水浸
同事的房間沒有電視訊號，我問他：你要熱水還是電視？

但這一切一切即將成為終結，昌都的酒店是正常的，我可以打部落、msn
而浴室的設計，可以容納四人在內打麻雀，真有趣﹗
由十五號起，有四整天的時間都待在彎彎曲曲、布滿泥濘或石頭的路上，很累

車路士發生了甚麼事？很想念英超、歐聯、謝拉特和林柏特

20070924譯

missing pieces

19 September 2007

this is the second day of my yunan trip exploring the acient tea hourse road
the scheudle has changed a lot and full of uncertainty. god bless, all the problems are minor and overcomed

in China, some of the receipt contain a lucky draw. i won RMB10 when we are having our first meal in Yunan, Kwan Ming
it is really interesting!!!!! hope my "little happy angel" stays with me, always and forever

we meet nice people, nice driver, nice views, nice hotel and i believe tomorrow will be even better

just settle everything for tomorrow, visiting the forest and find the giant tea tree
see you later

********

失落的小部件

旅程即將終結我正身處西藏芒康，22號回香港如果我輪候那一部電腦，我就應在四天前，在雪山上的咖啡店跟讀者們在此相遇。不過在這不知名的小鎮找到一間網吧，真是始料不及

這是一個艱苦的旅程，尤其是離開香格里拉後，凍、乾、累…趕路多，拍攝少，食物也沒有太多的選擇，你只可以選擇吃或不吃路況更是不堪想象，我們經常都要下車，經常要走在隨時往下沉的泥巴上，但千萬不要忘記我們在海拔三千米以上的地方，空氣稀薄，真要命﹗

想念你…
幸好，有你的相片旁身

很想念午餐肉、拖羅、魚蛋、桑果味雪糕、薯片、卡拉ok、酒吧…多天以來，我嚷著要吃午餐肉，某天晚上吃麻辣火鍋時，意外地得到一碟午餐肉

多謝你一直留意這部落，只可惜可能曾經令你失望而回
20070924譯

********
08 September 2007

surprised?

this is the second day of my yunan trip exploring the ancient tea hourse road
the schedule has changed a lot and full of uncertainty. god bless, all the problems are minor and overcomed

in China, some of the receipt contain a lucky draw. i won RMB10 when we are having our first meal in Yunan, Kwan Ming
it is really interesting!!!!! hope my "little happy angel" stays with me, always and forever

we meet nice people, nice driver, nice views, nice hotel and i believe tomorrow will be even better

just settle everything for tomorrow, visiting the forest and find the giant tea tree
see you later

********
驚喜？

這是雲南之旅探索茶馬古道的第二天
行程不停地更改，前路未明，但幸運地，這些都是可解決的小毛病

在內地，有些發票包含一項擦擦抽獎，我在雲南昆明吃的第一頓飯，就贏了十元人民幣
真是有趣，希望快樂小天使陪伴我，直至永遠

我們遇到好人、好司機、好風光、好酒店，我相信明天會更好

剛剛打點了明天的一切，走進森林，找尋古老茶樹王
稍後見

20070924譯

不應該交叉感染的人

5 September 2007

今日心情認真馬馬，好多野都好煩，唔想講野，唔好搞我﹗
不知從何而來的不安無奈感覺，對身邊的人和事物都缺乏安全感，例如約左朋友臨出門口前會再三confirm，怕朋友甩底；約左訪問，又怕受訪者，尤其case臨時縮沙，遺失了隨遇而安的豁達胸襟，同快樂小天使失散左…
原本以為解決左的事，點解今日仲有下文？
事情已不到我控制，我要做、可以做的事都做晒，唯有繼續嘆氣…
well，今日之後我唔會再俾呢件事影響我情緒﹗

晚上tst魚一丁飯局，聲稱有16個人
對上一次食魚一丁，肯定係超過一年前，因為我鍾意食生野，佢的選擇唔多，而且質素參差飄忽，想食好野絕對唔輪到佢，同佢同價佢又唔係最好，食平野亦冇佢份，所以喺有得揀的情況下都唔揀佢
餐牌上見到秋刀魚，加番d分，侍從甲話有骨，即係話好狠細條？well，我平時食開嗰d冇骨架喎…
但轉個頭侍從甲又話冇，倒扣分呀﹗
不過大家唔好介意，我唔係話唔like今次飯局或安排，而其實呢，今次選址都有可取的地方，就係可以book位啦，有大枱啦，可以吵吵鬧鬧啦，可以坐到佢打烊咁啦，聯絡人應該值得表揚，請以熱烈的掌聲鼓勵一下我地的聯絡人﹗

近日思潮澎湃，寫作的衝動一發不可收拾，有很多想法，其中一個係寫一個關於婚姻的故事，也許是我對婚姻的看法
另外，諗住買本簿仔，十五日的茶馬古道之旅，總會有一些點滴，遇到靚人靚景也多愁善感一番，所以打算寫一本隨筆散文集，未知能否編印成書，但肯定會在blog上發表雖然仲未諗到書名，但先行pre-an一下
而好好好重要的係，我即將要同各讀者小別一會，因為我將會為茶馬古道單一發展計劃，到雲南同西藏招標，不過我又相信十五日行程入面，唔會一日都搵唔到電腦用，哈哈，我會隨時突發唔知幾時無啦啦onblog，想第一時間知道旅程的趣事，呢半個月都要密切留意住呢個blog

去著番對鞋，佢問：做咩唔買車仔嗰對
我：我早兩日去過總壇睇，冇喎
佢：使唔使去總壇買呀，周圍都有啦
我：總壇有折嘛…

之前d friendstar、tagged，而家的facebook我都有account，但真係吸引唔到我玩，最唔鍾意佢一個所謂賣點function，就係可以睇到朋友的朋友
我覺得呢d屬於唔同世界的人，唔應該交叉感染

對好多人來講病係好奢侈的事，乜你冇聽過得閒死唔得閒病咩？
妙手仁心II真係字字珠璣，雖然招標計劃中，尚可以blog下，但香港的重播電視節目真係不得不告別…

你的名字配上我的號碼

4 September 2007

holiday mood仲未消散，哈哈哈﹗

他回歸了，重投「我們在等死」的行列，未知是禍是福…

試映會期間，theme from mission impossible的環迴立體聲音樂響起…

所有未知來電者何人的電話，全部都係呢個響聲，以前返assignment覺得呢個ringtone好有意思，因為老細總會派d impossible mission過來

話又說回個不知名來電…

我：喂

一把帶點疑惑的女聲：唔該xxx(某人中文全朵，我諗佢冇諗過接聽的係一把女聲)

我即時皺一皺眉頭，頭殼頂生出20個問號：你邊位搵佢？(心諗會唔會係唔係有人玩野)

女：我係XXX(公司名簡稱)，xxx係咪XXXX(舊公司英文名)嗰邊

我：係，不過…你打幾多號電話？

女聲再次疑惑：!&%$^#^(我個電話號碼，bingle﹗全中﹗)

我：你打呢個電話搵唔到xxx架喎

女：佢留左呢個電話俾我地喎

我：吓？

(略)

係咪搞事？係咪畸呢？你的名字配上我的號碼，哎，呢d叫藕斷絲連定糾纏不清呢？平日才思敏捷的我，今次詞窮了，如果有更適合的形容詞，可唔可以話過我知？

放工碌左出去旺角，攞番新配的con，碌左一陣，咪食野囉，喺旺角最好莫過於掃街，燒賣魚蛋車仔麵，當然仲有車仔麵的好朋友細枝可樂啦﹗

當大家知道我大後日出發，20號先返來，都爭相約我出去玩去食，聽晚有飯局，後晚都有飯局另有宵夜局，所以最後一個qouta係聽晚宵夜嗰場，但話是話，係咁怒玩邊有時間執野？

從醫的他遙距斷症，懷疑我有購物狂傾向

我當然唔信啦，即時睇yahoo知識，購物狂11項行為表現，我都只係中左其中兩項啫：懼怕錯失最後購買機會；埋怨命運或窮困

前者我認為係性格使然，後者係都市人常見病徵

我諗他都係恃住醫生的頭銜，嚇我啫，況且，醫生又唔係心理醫生，咩都識咩…

well，同一個又理性又任性的人傾計，係咁辛苦架喇﹗

你初初以為你個仔肥肥白白，仲擔心佢過肥，well，你真係太腦定，佢俾人搞到營養不良，好似非洲d饑民

但事先聲明，係你個仔個後父搞成佢咁咋…

另外，再一次嚴厲警告：我msn冇add佢的人，又或者我冇俾條link你，唔好再睇呢個blog，呢度唔歡迎你﹗

我寧願少個讀者，都唔要嗰d鬼鬼鼠鼠盜看完仲要大肆宣揚的劣質人種

幫你湊好你個仔

3 September 2007

well，你話交低個仔俾我照顧，但其實我可以做到的都好有限，況且佢一直都跟你生活的，我未必真係照顧得佢好好或者好多之喎，再加上我湊仔都唔係好叻咋，資歷尚淺，我諗你都係寄望佢生生性性，自己照顧自己可能或者比較實際咁你快d返來啦，你一定掛住佢的，而既然佢跟你姓，佢應該聽你話多d﹗anyway，我都盡力喺我能力範圍之內睇住佢

今日繼續搜購茶馬古道單一招標計劃的物品，今日的目標係衫褲鞋襪，走鞋丫唔該﹗雖然有sponsor，但坐底15日的行程，單係嗰t-shirt x3、恤衫x2、長褲x2、二合一多用途褸x1絕對係唔夠的well，我連打羽毛波都係搞事地著足球波衫，可想而知我屋企適合運動的衫褲有幾缺，加上我生平甚少去行山，又唔鍾意行山look，所以屋企係冇嗰d衫褲喺哥xx亞，既係sponsor的敵對牌子之一，左揀右揀，揀左褲x1、polo裇x1、襪x2，唔關事的背囊x1

既然出左老尖，總壇係我必定要ko的景點，繼續狂風掃落葉式咁幫屋企的a記collections加入新成員，不過啱今次行程用的衫只有兩件，其他都係某條line非買不可的新款、之前已經好想買，而家減都唔番就太過分的折扣品、仲有逐少逐少徵集並已慢慢累積起來的無聊accessaries

另外仲有l記襪x3、手套x1、某牌子的掛頸銀包x1

早前無意中得到worn with passion的catalog，原來一直都係我誤會左，嗰對利記鞋official標價係530個大洋，但頭先總壇都冇喎，連冇咁靚嗰對車仔鞋都冇，所以唔使再猶豫買定唔買

近期有個電視廣告，有一句對白係咁的：有時出街食飯買野，好容易一個唔覺意就搞到成身咭數…well，係咪講緊我？

離開總壇就嗱嗱聲碌左去同某某食飯，食完又趕返屋企睇波，aston villa VS chelsea，竟然輸2-0，咩料？因為冇左林柏特定係件螢光黃波衫唔老黎？雖然同得10分，因為得失球差較差而跌落第四位，但不是值得擔心的，而家只係季初；但令人surprised的係利物豬，尋晚大炒打比郡6蛋，仲要4戰同得10分，以較少場次及較佳得失球進進佔榜首，唔通今季喺聯賽發威？

茶馬古道單一招標計劃

2 September 2007

尋日原本冇預計會出去同出去玩，著左高跟鞋，諗住之後有一排都冇得著裙同高跟鞋，咪玩下野囉，結果晏晝碌左去中聯辦、cwb、馬會，行到腳仔軟

去程mtr怒訓，途中巴士上勁上網，但同時喪接電話

你呀，你阿媽打來搵我搵你，咩料？玩失蹤呀？

「茶馬古道單一招標計劃」鐵定來緊的周四(6/9)開始，中聯辦連批文都出埋，唔會突發去唔成，行程由屋企出發，返公司，去皇崗，再去深圳機場，飛昆明，去思茅(現稱普洱)，去西雙版納，再飛麗江，一路車路經香格里拉、德欽，穿越橫斷山胍，途經西藏鹽井、左貢等縣，再到昌都，回程在全球海拔最高的邦達機場飛成都再飛深圳再返公司之後先有得返屋企，如無意外出發兩個禮拜後，即20/9返歸，但萬一一個唔好彩touchwood突發始料不及地發生一d大家都唔想的意外事件，如果唔係非必要都唔會延至22/9返

所以喺起行出發去自閉行程前，都想玩一轉，既然有人call，咪去囉，活動係唱k+打邊爐自己約的，就可以揀腳揀玩意；別人約的，只可以選擇去或不去，既然揀左去，盡量放鬆心情，持開放的態度，接納囉…

不過骨煲真係退步得很，d人唔得野食都唔得，第一樣要讉責的係冇致癌物，第二樣係d店員有嚴重溝通障礙，第三樣係野食唔新鮮，尤其桶蠔

附圖係傳說中的西藏聖藥——紅景天初初以為佢係一支支細細支啜的，但原來係藥丸，用來啪的direction：去海拔高的地方前兩星期至三天開始服用，早晚各一次，每次一粒；之前半個鐘再食一粒，之後就按盒上的分量，每日三次，每次一至兩粒按盒面所述，功能與主治：益氣活血。用於胸痺、心悸氣短、神疲乏力，少氣懶言，頭暈目眩等症各大國貨公司有售，今次喺華潤堂買，每盒盛惠88蚊

今日訓到三點半起身，去搜購一d旅行電子產品，包括nano叉座同超大容量sd咭，原來市面最大又支援我部大芒65的，只有2gb的咭，就2gb囉
有d野原來發生過第一次，就會有第二次，克服了心理關口，可能或者陸續有來

教我如何約會他

31 August 2007

放左四日假後，打亂晒訓覺的時間，早起，每晚十點零十一點左右就會眼訓，但通常都未沖涼啦，一係仲有花花電腦世界等著我，再加上十二點三過d開場的妙手仁心重播，我又點捨得咁早訓呢，所以折衷的方法係眼訓時恰一陣，今晚也如是

基於尋晚不快的感覺，今日要食日本野撫平負面的情緒第一個想起他，但我問自己，除了他沒有其他人嗎？第二個想起他，打俾他，他同佢細佬一齊，雖然見過，但一齊食都幾古怪，所以以嫌遠為由推說下次再約第三個想起他，他突發早左返屋企喎，同佢係咁講電話，既然係咁，又得一丁友，勉為其難去左公司附近個商場間元氣：一位，我要坐order枱
冇toro冇秋刀魚，叫咩食日本野？不過因為個海赤蝦壽司，口感同牡丹蝦相似，menu上係咁寫，well，不用深究…
勉強加番少少分啦，畢竟都係menu上較為貴價的款式，「大嗱嗱」要18蚊一件喎，其他嗰d最貴都係26蚊一碟兩件之嘛，18蚊，好似喺10樓嗰類壽司店食件百潔布壽司都唔得啦，根本冇得比anyway，全程都係邊講電話邊食，分散左注意力，冇咁講究了

人有保護自己的本能，對危險、煩惱避之則吉，所以希望見令自己快樂的人，做令自己快樂的事

由於未能釋懷，入左一間舖頭，買野5件衫，3個款式，你明我講咩架啦，我問些士姐姐：呢個款仲有冇其他色，佢話冇咋，如果有我諗我會…

他：今晚去邊浦？我：今晚喺屋企浦，上網浦，一齊丫﹗

我諗，如果你係toro，我係秋刀魚，都幾搞笑，哈哈哈

toro能醫百病

30 August 2007

本來冇野好blog，但dat左落床，良久未能入睡，結果再開電腦…
係，有一件事好煩，煩著我
不是我錯，是有一些無理橫蠻的人，搞了一個難攤子出來，硬將罪名推到我身上，要我去收拾殘局

我的確變了很多，以前我也可以比無理橫蠻的人更無理和橫蠻，現在，我選擇不會這樣做，是我變得柔弱怕惡嗎？
不是，只是不知從哪一刻起，我不再喜歡呈強
然而日子久了，連自信的氣焰也一同熄滅了，是我始料不及的﹗
能夠牢牢握著的東西還有多少？

本想找他傾訴，因為…
有時候遇到難題，腦袋會自行調配一些解決方案，心裡有一套想法，總想得到別人認同，確認這是最行得通的想法
也不知從哪天起，心裡生出這撮猶豫
也許就是他的口沒遮攔，還是跟他心意相通，他總能洞悉我的想法，不經意地撐我，讓我放心地去馬
不過今次沒有找他，也許，我想戒掉對他的依賴

但是，不管明日能否將事情擺平，我要食toro，或者toro可以令我少d煩惱，令我忘憂﹗
如果有一日d toro俾我食到絕晒種，近期當灶的秋刀魚sashimi都係唔錯的選擇