星期三，離開西鐵站就聽到藍色多瑙河，越近屋企越大聲，原來，雪糕車泊左喺村口，大家不約而同，慢慢散步過來，齊集在雪榚車前，小孩子臉上掛著期待的笑臉，大人排起隊來，感覺很溫馨
星期四放工入左屯門燒野食，打邊爐同燒野食都係我飛佛，兩者都有一個共通點，都是大夥人圍在一起，把生的食物弄熟，然後送進口中，等待的過程，是吹水好時機
好在前同事車我返元朗，然後我自己轉車，否則只可以兜大圈
但係尋朝起身就覺得lai野，可能係食濟左啦，勁唔舒服，在會展發呆…
晏晝食粥，感覺好d
人潮流動，時而泊一輛黑亮開蓬車，時而黃色保時捷駛過，人來人往，一片琉璃瓦分隔熱鬧與寧靜，他與我伴以四件精緻甜點，喜歡周五的華燈
午夜場，買飛都玩一輪，不過睇完都唔知套戲叫咩名，超搞笑﹗
周六即係今日，返工，訓得唔好，全日頸痛，頭唔可以擰向左多過30度…
夜晚去左食泰國野，行街，送他溫暖外套，至少，這個冬天他會記著我
早上準備返工，真係忍受唔到冇電視睇、冇電視聽
頭先都係唔服氣，再將d線拆晒重新駁過，發現個放大器唔著燈，仲要熄埋燈confirm多次，真係冇著燈，仲諗緊點解會壞，要整好麻煩，但驟眼間睇到個電掣冇著…
原來，呢幾日冇電視睇，唔係天線吹歪左，而係唔覺意熄左個放大器，哎，真笨…
星期日, 12月 12, 2010
星期三, 12月 08, 2010
我的專屬星空
8 December 2010
最近，喜歡看星
2010年第341日，被帶到漆黑一片的地方，銀河忽然出現眼前
今年生日，收到一個星空
生日蛋糕換成魚生飯，甜筒充當蠟燭
不，他拿起桌子上的無火蠟燭，趕在秒針在12月7日走完最後一圈前，著我許願，然後手動開關，配合我把蠟燭吹熄
這天，見到想見的人，做了想做的事
我相信無聲勝有聲，繼續，浪漫到一起惹絕症
最近，喜歡看星
2010年第341日，被帶到漆黑一片的地方，銀河忽然出現眼前
今年生日，收到一個星空
生日蛋糕換成魚生飯，甜筒充當蠟燭
不，他拿起桌子上的無火蠟燭，趕在秒針在12月7日走完最後一圈前，著我許願，然後手動開關，配合我把蠟燭吹熄
這天，見到想見的人，做了想做的事
我相信無聲勝有聲，繼續，浪漫到一起惹絕症
星期一, 12月 06, 2010
浪漫到一起惹絕症
6 December 2010
上周忙於約會，晚上不想睡，早上不想起，周日，訓三數小時便在太陽底下踩單車，很瘋狂，很舒服﹗
返屋企沖涼洗頭，又訓幾個鐘出左去，先約左朋友一號食雪糕，再打邊爐
11月31號，先出去灣仔簽名，食個飯去紅磡打封信簽個名，六點前攞張cheque走，全日心情都勁靚，呢份生日禮物真有意思﹗
12月1日，換一個工作環境，灣仔商業區出沒
星期五，佢message我，大概約了放工後見面，沒有訂下節目或目的地
佢忙緊冇咁快走得，所以我決定用最慢的方法過海等佢，行去碼頭搭船，再去總壇朝聖，咁又進貢了…
著左高跟鞋，真係唔係好想行，但左眼隻con唔舒服，晏晝喺公司除左，喺尖沙咀好幾次差d跌親，都係決定行去搵眼鏡舖去配番，250一盒都冇法
去左亞士厘道食野，食完行左轉hmv就攞車，佢問我去邊，西九海濱長廊唔識去，青馬觀景台，大家諗的野都一樣，不過入錯線，一條路踩左入東涌，結果向迪士尼方去開
對著沒有人的公路，很想尖叫﹗
這個地方讓人思考，白天熱鬧繁華，晚上，帶點沉鬱…
泊在迪士尼消防局外，機械卡卡作響，頭頂多出一片天，彷彿就要拉著獵戶座的腰帶
隨意讓音樂飄揚，喜歡這個晚上
脫下高跟鞋，找一個角度，能夠以最舒服的角度欣賞星宿，坐在馬路邊上，躺在雙黃線旁
我說，做些平時不會做的事情
大家都認同，尚欠兩杯飲品、兩個咕臣
他問了三個問題，一個帶點措手不及，一個說了真話，另一個盡在不言中
上周忙於約會，晚上不想睡，早上不想起，周日，訓三數小時便在太陽底下踩單車，很瘋狂，很舒服﹗
返屋企沖涼洗頭，又訓幾個鐘出左去，先約左朋友一號食雪糕，再打邊爐
11月31號，先出去灣仔簽名，食個飯去紅磡打封信簽個名，六點前攞張cheque走，全日心情都勁靚，呢份生日禮物真有意思﹗
12月1日，換一個工作環境，灣仔商業區出沒
星期五，佢message我，大概約了放工後見面，沒有訂下節目或目的地
佢忙緊冇咁快走得，所以我決定用最慢的方法過海等佢，行去碼頭搭船，再去總壇朝聖，咁又進貢了…
著左高跟鞋，真係唔係好想行，但左眼隻con唔舒服，晏晝喺公司除左，喺尖沙咀好幾次差d跌親，都係決定行去搵眼鏡舖去配番，250一盒都冇法
去左亞士厘道食野，食完行左轉hmv就攞車，佢問我去邊，西九海濱長廊唔識去，青馬觀景台，大家諗的野都一樣，不過入錯線，一條路踩左入東涌，結果向迪士尼方去開
對著沒有人的公路，很想尖叫﹗
這個地方讓人思考，白天熱鬧繁華，晚上，帶點沉鬱…
泊在迪士尼消防局外，機械卡卡作響，頭頂多出一片天，彷彿就要拉著獵戶座的腰帶
隨意讓音樂飄揚，喜歡這個晚上
脫下高跟鞋，找一個角度，能夠以最舒服的角度欣賞星宿，坐在馬路邊上，躺在雙黃線旁
我說，做些平時不會做的事情
大家都認同，尚欠兩杯飲品、兩個咕臣
他問了三個問題，一個帶點措手不及，一個說了真話，另一個盡在不言中
星期三, 11月 24, 2010
有沒有星空已不再重要
24 November 2010
總喜歡胡思亂想，不隨便停下來
今日走過紅隧，西隧，長青隧道，香港仔隧道，遊遍港九新界，足跡跨越南北版圖，在落馬洲瞭望台與海洋公園之間徘徊
小時候看完《大白鯊》，走海底隧道就會怕鯊魚撞爛管道，今天經過深山中的隧道，竟然害怕像災難片，隧道塌下來，土地裂開，蔓延，再逼近...
離開辦公室，睡覺之前，有數小時可以精彩、享受、冥想
大家應該知道，吃飯和充飢，是兩回事
下午暈車，本來想吃得清新一點，想著找一個地方，有海風和雪糕
還沒有開口提意見，他說外邊有點涼，說話只有吞進肚子裡…
忙了一天的他決定關閉腦袋，只說出兩個條件，不過海，不去尖沙咀，一道難題放在我眼前，我想了想，黃金海岸，車就往三號幹線的方向開
小碼頭配上豪華遊艇，加上燈飾點綴，等於閒適景致，百看不厭，肩膊輕鬆了，點幾道小菜，呷一口薑奶茶，隨便聊，聊隨便，進入靜音模式也可，難得寫意，有沒有星空已不再重要
我問他上次為甚麼哭，他說忘了，令人半信半疑
入夜後，脫下眼鏡，沒有對準焦點的燈火特別漂亮
另外，這首歌叫從今開始
音符在車箱中，躍動，眼簾一開一合，映像投射到腦海，浮現一個mv
總喜歡胡思亂想，不隨便停下來
今日走過紅隧，西隧，長青隧道，香港仔隧道，遊遍港九新界，足跡跨越南北版圖，在落馬洲瞭望台與海洋公園之間徘徊
小時候看完《大白鯊》，走海底隧道就會怕鯊魚撞爛管道，今天經過深山中的隧道，竟然害怕像災難片，隧道塌下來，土地裂開，蔓延，再逼近...
離開辦公室，睡覺之前，有數小時可以精彩、享受、冥想
大家應該知道，吃飯和充飢，是兩回事
下午暈車，本來想吃得清新一點，想著找一個地方，有海風和雪糕
還沒有開口提意見，他說外邊有點涼，說話只有吞進肚子裡…
忙了一天的他決定關閉腦袋，只說出兩個條件，不過海，不去尖沙咀，一道難題放在我眼前，我想了想，黃金海岸，車就往三號幹線的方向開
小碼頭配上豪華遊艇，加上燈飾點綴，等於閒適景致，百看不厭，肩膊輕鬆了，點幾道小菜，呷一口薑奶茶，隨便聊，聊隨便，進入靜音模式也可，難得寫意，有沒有星空已不再重要
我問他上次為甚麼哭，他說忘了，令人半信半疑
入夜後，脫下眼鏡，沒有對準焦點的燈火特別漂亮
另外，這首歌叫從今開始
音符在車箱中，躍動，眼簾一開一合，映像投射到腦海，浮現一個mv
星期一, 11月 22, 2010
happy weekend
22 November 2010
周六悠悠閒，訓到自然醒，食下野執下屋出去跳蚤市場行個圈已經天黑
尋寶，用15蚊買左一隻靚碟，擺喺飯枱用來裝生果，另外買左一個迷你衣帽架掛起晒我d袋
個架好似砌積木，又消磨不少分秒
泡一壺茶，電腦旁邊，手上訊息，又一個晚上
星期日約左朋友一號食晚飯，起身整好雙層芝士特厚漢堡，超好味
跟住出左鴨記，本來諗住買防潮箱，但好大盒呀，唔係好想拎住咁大舊野迫港鐵，幾舊水一個防潮箱搭舊幾兩舊水返去又好唔抵，所以都係決定唔買住，第日搵朋友幫手…
咁就周圍行，買好多唔係shopping list上的野，去鴨記真係好尋寶feel，亦無意尋到一個我都幾like的電話殼
返去諗住試下set單車個車頭燈，但點知個電筒壞左，住在鄉郊唔可能屋企冇支電筒，咁就趕在跳蚤市場8點閂檔前出去買，順道join番朋友一號
坐左陣出去食pizza+燒雞+薯皮，勁豐富，仲又食又拎
返去坐左陣，吹無聊水泡一壺茶，十點幾出左去食糖水
早幾日買左兩隻杯，雖然唔係好貴，講真應該可以界定為cheap野，但我就好鍾意，成日都想拎住佢飲野
梗係覺得個枕頭唔係太舒服，西鐵轉車時有一間賣雪豆枕頭的舖頭，特價後都唔算超平，算啦，如果真係舒服都值的…
另外，笑話一則，留言話去左鴨記，朋友甲問鴨記喺邊，朋友乙回覆雞記隔離，真係好難唔笑﹗
仲有一件事，仲未決定點解決
就係我好想去旅行，一個目的地，兩個方案，不過opportunity cost都很高…
周六悠悠閒，訓到自然醒，食下野執下屋出去跳蚤市場行個圈已經天黑
尋寶，用15蚊買左一隻靚碟，擺喺飯枱用來裝生果，另外買左一個迷你衣帽架掛起晒我d袋
個架好似砌積木，又消磨不少分秒
泡一壺茶，電腦旁邊，手上訊息，又一個晚上
星期日約左朋友一號食晚飯，起身整好雙層芝士特厚漢堡，超好味
跟住出左鴨記，本來諗住買防潮箱，但好大盒呀，唔係好想拎住咁大舊野迫港鐵，幾舊水一個防潮箱搭舊幾兩舊水返去又好唔抵，所以都係決定唔買住，第日搵朋友幫手…
咁就周圍行，買好多唔係shopping list上的野，去鴨記真係好尋寶feel，亦無意尋到一個我都幾like的電話殼
返去諗住試下set單車個車頭燈，但點知個電筒壞左，住在鄉郊唔可能屋企冇支電筒，咁就趕在跳蚤市場8點閂檔前出去買，順道join番朋友一號
坐左陣出去食pizza+燒雞+薯皮，勁豐富，仲又食又拎
返去坐左陣，吹無聊水泡一壺茶，十點幾出左去食糖水
早幾日買左兩隻杯，雖然唔係好貴，講真應該可以界定為cheap野，但我就好鍾意，成日都想拎住佢飲野
梗係覺得個枕頭唔係太舒服，西鐵轉車時有一間賣雪豆枕頭的舖頭，特價後都唔算超平，算啦，如果真係舒服都值的…
另外，笑話一則，留言話去左鴨記，朋友甲問鴨記喺邊，朋友乙回覆雞記隔離，真係好難唔笑﹗
仲有一件事，仲未決定點解決
就係我好想去旅行，一個目的地，兩個方案，不過opportunity cost都很高…
星期日, 11月 21, 2010
舌頭周遊列國
21 November 2010
無時無即都想去旅行，肉體未能離開這片土地，讓舌頭周遊列國，星期一去了上海、潮州，星期二再出走上海，星期三去新疆，星期四去日本和越南，星期五再去日本
還有一個方法，就是拿著旅遊書，讓焦點對準異域風光，就是眼睛去旅行
情節的發展有點超現實，難以令人置信，沒有劇本，遭遇卻像編劇筆下般峰迴路轉…
我會繼續走下去，看個究竟
問題的答案，原來會因應由誰提出而有所不同，我明白了，要檢討的人的確是我
讓事情這樣發生，令我有點耿耿於懷，過份敏感，算在我頭上吧﹗
無時無即都想去旅行，肉體未能離開這片土地，讓舌頭周遊列國，星期一去了上海、潮州，星期二再出走上海，星期三去新疆，星期四去日本和越南，星期五再去日本
還有一個方法，就是拿著旅遊書，讓焦點對準異域風光，就是眼睛去旅行
情節的發展有點超現實，難以令人置信，沒有劇本，遭遇卻像編劇筆下般峰迴路轉…
我會繼續走下去，看個究竟
問題的答案，原來會因應由誰提出而有所不同，我明白了，要檢討的人的確是我
讓事情這樣發生，令我有點耿耿於懷，過份敏感，算在我頭上吧﹗
星期四, 11月 18, 2010
軌跡
18 November 2010
事態發展總有一條既定軌跡，走了一大段直路，車到了路口就拐一下，試試闖另一片天，怎料，卻走進窮巷苦無退路…
我們不是普通路過的旁觀者，很難客觀地領路
報章頭條，將黃蘊瑤炒車那電光火石一剎，大家在電視螢光幕都沒能力看得清的一刻，以圖片凝固了；文字繪形繪聲地形容，讀這則報道，淚水湧了出來
再從網站找出足本片段看一次，那一幕也如同輾過我的心
黃蘊瑤站上頒獎台，賽後那個訪問，我也難掩激動，又哭了
我正缺乏這份鬥志
事態發展總有一條既定軌跡，走了一大段直路，車到了路口就拐一下，試試闖另一片天，怎料，卻走進窮巷苦無退路…
我們不是普通路過的旁觀者，很難客觀地領路
報章頭條，將黃蘊瑤炒車那電光火石一剎，大家在電視螢光幕都沒能力看得清的一刻，以圖片凝固了；文字繪形繪聲地形容，讀這則報道，淚水湧了出來
再從網站找出足本片段看一次，那一幕也如同輾過我的心
黃蘊瑤站上頒獎台，賽後那個訪問，我也難掩激動，又哭了
我正缺乏這份鬥志
真心話
16 November 2010
執左幾日屋，其實，原本都冇諗過要咁樣執，本來只係想從儲物室深處的箱子的深處找出一本簿子，後來，覺得要format一下家裡的東西
讀起一字一句，想起很多往事，還帶一點點感慨…
人越大，越少人對我講真話，究竟係我要檢討，定係唔講真話的人需要反省？
周末去過李氏超市巡視業務，監察如何為股東爭取最大利益，我想買的野，價錢都比大家以為貴過人的日式超市吉之島同city super要貴，太過份﹗
執左幾日屋，其實，原本都冇諗過要咁樣執，本來只係想從儲物室深處的箱子的深處找出一本簿子，後來，覺得要format一下家裡的東西
讀起一字一句，想起很多往事，還帶一點點感慨…
人越大，越少人對我講真話，究竟係我要檢討，定係唔講真話的人需要反省？
周末去過李氏超市巡視業務，監察如何為股東爭取最大利益，我想買的野，價錢都比大家以為貴過人的日式超市吉之島同city super要貴，太過份﹗
星期一, 11月 15, 2010
忙於約會
14 November 2010
成個星期都好忙，忙於約會
今日放假，都唔得閒得去邊，訓醒忽然想食鮮製漢堡，咁就出左超市買野，整左個漢堡包食完先出街
超市選擇甚少，買左免治牛肉，最簡單方便，返去加少少黑椒同鹽吊味，煎熟，成為免治牛扒
麵包準備好，今次揀左意大利包，方形好似枕頭嗰隻，中間打橫切開，舖兩塊emmental cheese，將免治牛扒放在芝士上，芝士就會融化，再加兩片蕃茄，簡單惹味的漢堡就ready for serve
平時煮飯仔通常都會平過出街食，感覺健康d清淡d，但咁樣整個漢堡包，絕對貴過出去食，但可以揀自己鍾意的配枓，我超鍾意芝士，一個包落左三塊，而牛肉份量可以自己控制，我整左超厚身勁豐富的「牛扒」
當然，仲可以揀鍾意的牛肉，食得豪d下次去city super買件和牛攪成肉碎再煎成免治牛扒都仲可以
食完出左沙田宜家，尋晚開始執屋，又買左一堆書，同埋之前搬返來的書都要搵地方安置，咁就決定買多個書架
朋友甲曾經自動請纓話如果我要買傢私佢會幫我搬，我都曾經講過如果我需要強勁臂彎會搵佢，不過頭先覺得，只係一個書架咁小事，我真係自己搞得掂，咁就冇call佢
將d野上晒架，好眼訓…
成個星期都好忙，忙於約會
今日放假，都唔得閒得去邊，訓醒忽然想食鮮製漢堡，咁就出左超市買野，整左個漢堡包食完先出街
超市選擇甚少，買左免治牛肉，最簡單方便，返去加少少黑椒同鹽吊味，煎熟，成為免治牛扒
麵包準備好，今次揀左意大利包，方形好似枕頭嗰隻，中間打橫切開，舖兩塊emmental cheese，將免治牛扒放在芝士上，芝士就會融化，再加兩片蕃茄，簡單惹味的漢堡就ready for serve
平時煮飯仔通常都會平過出街食，感覺健康d清淡d，但咁樣整個漢堡包，絕對貴過出去食，但可以揀自己鍾意的配枓，我超鍾意芝士，一個包落左三塊，而牛肉份量可以自己控制，我整左超厚身勁豐富的「牛扒」
當然，仲可以揀鍾意的牛肉，食得豪d下次去city super買件和牛攪成肉碎再煎成免治牛扒都仲可以
食完出左沙田宜家，尋晚開始執屋，又買左一堆書，同埋之前搬返來的書都要搵地方安置，咁就決定買多個書架
朋友甲曾經自動請纓話如果我要買傢私佢會幫我搬，我都曾經講過如果我需要強勁臂彎會搵佢，不過頭先覺得，只係一個書架咁小事，我真係自己搞得掂，咁就冇call佢
將d野上晒架，好眼訓…
踩鋼線
12 November 2010
這些歌詞配上這些音符，衝擊思緒
怎麼會開始對你有了感覺，又深怕朋友默契轉身不見，矛盾著猶豫不決，沒準備，跨越愛的界線…
經歷這幾個年頭，沒有感到自己變得強大，老練，換來滿身傷痕，心頭隱隱作痛
懂得玩這個遊戲反而不是好事，步步為營，處處提防，少了率性而為的傻勁
這些歌詞配上這些音符，衝擊思緒
怎麼會開始對你有了感覺，又深怕朋友默契轉身不見，矛盾著猶豫不決，沒準備，跨越愛的界線…
經歷這幾個年頭，沒有感到自己變得強大，老練，換來滿身傷痕，心頭隱隱作痛
懂得玩這個遊戲反而不是好事，步步為營，處處提防，少了率性而為的傻勁
為甚麼一段肉帛相見的關係變成這樣
5 November 2010
某一年某一月某一日，認識了這個人，叫同氣連枝，叫肝膽相照，叫心照不宣
又有一年有一月有一天，結伴出走，算是私奔嗎？算是越獄嗎？算是靈魂出竅嗎？
跟這個人彼此信任，可以脫下衣服肉帛相見，是坦蕩蕩那種，光著身子
後來，慢慢發現這個人，距離越來越遠，沒有一個理由，找不到答案
我該一早醒悟，跟這個人的密切關係，只是我單方面，天真的想法
某一年某一月某一日，認識了這個人，叫同氣連枝，叫肝膽相照，叫心照不宣
又有一年有一月有一天，結伴出走，算是私奔嗎？算是越獄嗎？算是靈魂出竅嗎？
跟這個人彼此信任，可以脫下衣服肉帛相見，是坦蕩蕩那種，光著身子
後來，慢慢發現這個人，距離越來越遠，沒有一個理由，找不到答案
我該一早醒悟，跟這個人的密切關係，只是我單方面，天真的想法
星期日, 11月 14, 2010
星期一, 11月 01, 2010
我有說話未曾講
1 November 2010 
那條蠟繩銀鍊子沒有戴在腕上一段時間，早幾天收拾家中雜物時再發現它，將小扣對準小環，一次又一次，沒有戴好…
想起那一次，往尖沙咀的路上，我同樣很吃力地戴上這條鍊，結果，他很輕易地為我效勞
轉涼，周末家中披一件晨褸，架起烏蠅眼鏡，拖鞋任意地敲打地板，悠悠閒
夕陽時分，換一身打扮，與朋友甲一起吃一窩麻辣雞，滋美十分
一口氣買了大批秋裝，更成為了會員，全程只15分鐘左右，真有點crazy
秋天的夕陽特別美，不過也特別短，得好好把握
你這剎那在何方？
那條蠟繩銀鍊子沒有戴在腕上一段時間，早幾天收拾家中雜物時再發現它，將小扣對準小環，一次又一次，沒有戴好…
想起那一次，往尖沙咀的路上，我同樣很吃力地戴上這條鍊，結果，他很輕易地為我效勞
轉涼，周末家中披一件晨褸，架起烏蠅眼鏡，拖鞋任意地敲打地板，悠悠閒
夕陽時分，換一身打扮，與朋友甲一起吃一窩麻辣雞，滋美十分
一口氣買了大批秋裝，更成為了會員，全程只15分鐘左右，真有點crazy
秋天的夕陽特別美，不過也特別短，得好好把握
你這剎那在何方？
肥美大閘蟹能醫百病
27 October 2010
尋日唔舒服，頭痛頭暈作嘔…
夜晚都唔係好想食野，人肉速遞呵護，窩心十足，今早醒來，好左好多
轉涼，要搵番冬天衫出來著，不過始終仲有d間歇性頭暈，夜晚隊兩隻大閘蟹，又好d喎，病氣全消
收到他的電話，他說，天氣轉冷就想起我，忽然間warm了
我們之間沒有事情可以計較，沒有事情需要計較
尋日唔舒服，頭痛頭暈作嘔…
夜晚都唔係好想食野，人肉速遞呵護，窩心十足，今早醒來，好左好多
轉涼，要搵番冬天衫出來著，不過始終仲有d間歇性頭暈，夜晚隊兩隻大閘蟹，又好d喎，病氣全消
收到他的電話，他說，天氣轉冷就想起我，忽然間warm了
我們之間沒有事情可以計較，沒有事情需要計較
地下鐵再遇他
25 October 2010
呢排真係唔知搞乜鬼，十點零十一點自然醒，放假當然繼訓…
求其食左個撈面出去，因為要去工廠區個showroom睇野，只開2-6，睇完落左旺角，行街的話真係好耐冇踏足呢個地方，只係因為想搵一個銀吊咀，咁啱旺角有間consignment shop，咁先過去
順道去花墟行左個圈，一路都想種番兩盤，揀左兩盤茉莉同兩盤海星，勁重…
荃灣線轉西鐵，似乎除了這樣沒有其他選擇
地下鐵再遇他，不過，沒有特別的感覺
夜晚梗係覺得患得患失，佢打來，初初都冇乜野，講左兩句淡淡然收左線
之後佢再打來，好似知道我想出去，但又怕我聽日要早起，支支吾吾
我話，不如出去飲杯野，其實，大家都有這個想法
點解之前冇發現呢支鏡呢？比價性很高，聽日要去會一會佢…
呢排真係唔知搞乜鬼，十點零十一點自然醒，放假當然繼訓…
求其食左個撈面出去，因為要去工廠區個showroom睇野，只開2-6，睇完落左旺角，行街的話真係好耐冇踏足呢個地方，只係因為想搵一個銀吊咀，咁啱旺角有間consignment shop，咁先過去
順道去花墟行左個圈，一路都想種番兩盤，揀左兩盤茉莉同兩盤海星，勁重…
荃灣線轉西鐵，似乎除了這樣沒有其他選擇
地下鐵再遇他，不過，沒有特別的感覺
夜晚梗係覺得患得患失，佢打來，初初都冇乜野，講左兩句淡淡然收左線
之後佢再打來，好似知道我想出去，但又怕我聽日要早起，支支吾吾
我話，不如出去飲杯野，其實，大家都有這個想法
點解之前冇發現呢支鏡呢？比價性很高，聽日要去會一會佢…
執屋
24 October 2010
又一個星期，好像忙著甚麼，其實沒有忙著甚麼
尋晚放工去左飲野，一杯紅酒竟然上晒腦…
飲完去左打邊爐，超開心﹗
半個月冇執屋，飲完早茶洗衫吸塵拖地，搞左半個晏晝
跟住出左元朗搵層架，其實都睇唔啱心水，求其買左一個返來頂住檔先
頭先幫襯街邊無牌小販，小販係一個賣菜阿婆，我橫掂都要買菜，當係做善事幫阿婆自力更生
又一個星期，好像忙著甚麼，其實沒有忙著甚麼
尋晚放工去左飲野，一杯紅酒竟然上晒腦…
飲完去左打邊爐，超開心﹗
半個月冇執屋，飲完早茶洗衫吸塵拖地，搞左半個晏晝
跟住出左元朗搵層架，其實都睇唔啱心水，求其買左一個返來頂住檔先
頭先幫襯街邊無牌小販，小販係一個賣菜阿婆，我橫掂都要買菜，當係做善事幫阿婆自力更生
南生圍路上加速
18 October 2010
自然醒的時間竟然係十一點幾，點解？
繼續訓左陣，點幾起身食左d野，就出去買wd-40，但竟然冇得賣，只買到第二隻牌子，洗完衫換好衫，再帶單車出去打氣，睇一眼地圖，就沿著河邊，往南生圍的方向踩
沿著錦田河，朝元朗方向，會找到高埔路，踩到盡頭就接上南生圍路，看來很容易
怎枓，高埔路的盡頭是沒路，有一個小斜坡，有一段高架橋橫跨錦田河，總之，就是此路不通，怎辦…
我最後決定抬起單車走上斜坡，翻過兩個鐵欄，然後，找到一段隧道，是我平常踩往元朗經過那條隧道，原來反方向就能找到南生圍路的入口
這條路很長，河畔而建
一邊踩一邊拍，又來到盡頭時，已差不多入黑，抄一段小路，隨便拍幾張算了，甚麼小渡頭，蘆葦林，根本沒看見過，找天再來吧
回去，天色漸暗，入黑，還未回到家中，只好不斷加速
返去沖個涼，出去燒野食，過了簡單、開心、滿足的一天
自然醒的時間竟然係十一點幾，點解？
繼續訓左陣，點幾起身食左d野，就出去買wd-40，但竟然冇得賣，只買到第二隻牌子，洗完衫換好衫，再帶單車出去打氣，睇一眼地圖，就沿著河邊，往南生圍的方向踩
沿著錦田河，朝元朗方向，會找到高埔路，踩到盡頭就接上南生圍路，看來很容易
怎枓，高埔路的盡頭是沒路，有一個小斜坡，有一段高架橋橫跨錦田河，總之，就是此路不通，怎辦…
我最後決定抬起單車走上斜坡，翻過兩個鐵欄，然後，找到一段隧道，是我平常踩往元朗經過那條隧道，原來反方向就能找到南生圍路的入口
這條路很長，河畔而建
一邊踩一邊拍，又來到盡頭時，已差不多入黑，抄一段小路，隨便拍幾張算了，甚麼小渡頭，蘆葦林，根本沒看見過，找天再來吧
回去，天色漸暗，入黑，還未回到家中，只好不斷加速
返去沖個涼，出去燒野食，過了簡單、開心、滿足的一天
鐵軌往事
17 October 2010
重陽節，自我懂事以來，有選擇權後，我從來沒有再參與拜祭的活動
的確，回鄉祭祖，是一件很花時間和費神的事，家中各人多年也沒有回去，某些日子，多燒一柱香行了
早前居於深圳的兩位老人家住醫院，好不容易到了一星期大家都放假的這一天，就回去看看兩個老頭，結果混進回鄉掃墓人潮
記得小時候，火車還有一個名字，叫九廣鐵路，道明跨越兩地，家住沙田，數著唸著車站名字，原來，我們一早已走出課堂上通識，過了大埔墟之後，就會看到稻田，牛兒在窗前掠過，總惹起我們這群小孩哇啦哇啦叫起來
而最開心和最期待的，就是回程火車，通常在午後過關，羅湖月台上就熱鬧起來…
熙來攘往，耳朵調較了一個頻道，只收聽到雞脾汽水的叫賣聲，心裡熱烈盼望得到一份精美下午茶！
我這份心願往往只有一半得償，我和弟弟，每人一隻滷水大雞脾，時而用白色無耳膠袋包著，時而用奶茶色雞皮紙袋裹著，不過汽水就免問
但不知道從哪天起，這些伴著鐵軌的影像已經成為往事…
重陽節，自我懂事以來，有選擇權後，我從來沒有再參與拜祭的活動
的確，回鄉祭祖，是一件很花時間和費神的事，家中各人多年也沒有回去，某些日子，多燒一柱香行了
早前居於深圳的兩位老人家住醫院，好不容易到了一星期大家都放假的這一天，就回去看看兩個老頭，結果混進回鄉掃墓人潮
記得小時候，火車還有一個名字，叫九廣鐵路，道明跨越兩地，家住沙田，數著唸著車站名字，原來，我們一早已走出課堂上通識，過了大埔墟之後，就會看到稻田，牛兒在窗前掠過，總惹起我們這群小孩哇啦哇啦叫起來
而最開心和最期待的，就是回程火車，通常在午後過關，羅湖月台上就熱鬧起來…
熙來攘往，耳朵調較了一個頻道，只收聽到雞脾汽水的叫賣聲，心裡熱烈盼望得到一份精美下午茶！
我這份心願往往只有一半得償，我和弟弟，每人一隻滷水大雞脾，時而用白色無耳膠袋包著，時而用奶茶色雞皮紙袋裹著，不過汽水就免問
但不知道從哪天起，這些伴著鐵軌的影像已經成為往事…
沙甸魚自白
16 October 2010
搭西鐵，早上特別熱鬧，應該企喺邊等先保證上到車，好似買大細，一係中一係唔中…
很討厭這個感覺，更討厭發明返工的人
鐵馬在地上奔馳，人類捧著平板電腦，注視著螢光幕，不過心靈素質比一百年前改善了多少？靈魂又自由了多少？如何量化快樂了多少？
當日發明沙甸魚罐頭的人，把死魚和茄醬塞進小罐裡，沒想過有一日把活人也被塞進鐵車箱中，由機械路軌和齒輪運走
這幾天，對「仰人鼻息」特別有深的體會，偶爾碰到滴著汗水的手臂，哎，很難受…
搭西鐵，早上特別熱鬧，應該企喺邊等先保證上到車，好似買大細，一係中一係唔中…
很討厭這個感覺，更討厭發明返工的人
鐵馬在地上奔馳，人類捧著平板電腦，注視著螢光幕，不過心靈素質比一百年前改善了多少？靈魂又自由了多少？如何量化快樂了多少？
當日發明沙甸魚罐頭的人，把死魚和茄醬塞進小罐裡，沒想過有一日把活人也被塞進鐵車箱中，由機械路軌和齒輪運走
這幾天，對「仰人鼻息」特別有深的體會，偶爾碰到滴著汗水的手臂，哎，很難受…
銅鑼灣街頭被巧遇
15 October 2010
一個東一個西，沒有力氣去印證地球是圓，順路走，我們從來沒有遇上
今天繞了一大圈，繞到海港對岸，他打電話過來，說感應我已經放工，原來他也人在銅鑼灣，怪自己不夠專心還是太過專心，沒有留意熟悉的臉孔
他說，喜歡這種不經意的單方面巧遇
我說，我是被巧遇的一個，享受不到他那自我感覺良好的心情
忽然詩意起來，記住銅鑼灣這個地方…
差唔多，到了食大閘蟹的時候了﹗
一個東一個西，沒有力氣去印證地球是圓，順路走，我們從來沒有遇上
今天繞了一大圈，繞到海港對岸，他打電話過來，說感應我已經放工，原來他也人在銅鑼灣，怪自己不夠專心還是太過專心，沒有留意熟悉的臉孔
他說，喜歡這種不經意的單方面巧遇
我說，我是被巧遇的一個，享受不到他那自我感覺良好的心情
忽然詩意起來，記住銅鑼灣這個地方…
差唔多，到了食大閘蟹的時候了﹗
地下情
14 October 2010
一年前的今天，人在西藏，一年後的今天，懷念那時光…
人群中眉來眼去，傳送一個腦電波，接收一個眼神，潛台詞再加上特殊加密系統，旁人解讀不來
時刻自製快樂，地下情就是多了這分樂趣
還是喜歡走偏門，不做鳳尾
一年前的今天，人在西藏，一年後的今天，懷念那時光…
人群中眉來眼去，傳送一個腦電波，接收一個眼神，潛台詞再加上特殊加密系統，旁人解讀不來
時刻自製快樂，地下情就是多了這分樂趣
還是喜歡走偏門，不做鳳尾
星期一, 10月 11, 2010
簡單的笑
很想得到一樣野，當得到的時候，那種喜悅，真是難以形容﹗
快樂，本來就是一件很簡單的事情，只是壓迫的生活、無形的信條令她離都市人越來越遠，我們活在繁華，不懂知足，更不懂安貧樂道，越追逐更多，越失去率真與歡樂，似乎越樸實的人們掛著笑臉的時間才越多
下午，回復童真，幾個杯、數塊木頭，大家都笑了
記著這種簡單的笑
星期六, 10月 09, 2010
界乎朋友、親人與戀人之間
9 October 2010
有一種朋友不用經常見，但見面時很舒服，大家不發一聲絕對沒有尷尬不安，昨天晚上，約會這麼一個朋友
算一算，我們應該界定為識於微時，中一那年
他第一句問，我們有沒有十年沒見？
感性和理性都不想承認或證實「十年沒見」這四個字，他仍是我眼中當年的那個他，我仍是當年他眼中的這個我，感覺親近，感覺信任，沒有時差
小燭臺、布沙發，大提琴伴著甜美歌聲，時而抱著咕臣，時而讓酒精刺激舌頭
這一天晚上，開懷和輕鬆的感覺，難以形容
這種狀態，就是知己
有一種朋友不用經常見，但見面時很舒服，大家不發一聲絕對沒有尷尬不安，昨天晚上，約會這麼一個朋友
算一算，我們應該界定為識於微時，中一那年
他第一句問，我們有沒有十年沒見？
感性和理性都不想承認或證實「十年沒見」這四個字，他仍是我眼中當年的那個他，我仍是當年他眼中的這個我，感覺親近，感覺信任，沒有時差
小燭臺、布沙發，大提琴伴著甜美歌聲，時而抱著咕臣，時而讓酒精刺激舌頭
這一天晚上，開懷和輕鬆的感覺，難以形容
這種狀態，就是知己
得罪都係咁話
1 October 2010
雖然好眼訓，但感覺趁仍新鮮，趕快記下
last day係3號星期日，不過趁今日人齊，又可以同同事甲一齊賀賀佢，決定今日以散水餅招呼眾人
真係唔知邊個發明要食散水餅，應予以讉責，做壞晒規矩
茶水間看人生百態，識你唔識你的人，交情與咀臉，又上一課專題研習
按兵不動的，一係冷大牌，唔當面邀請唔食，一係真係有d廉恥，唔好意思去湊熱鬧；特別寒暄的，通常是萍水相逢但唔係好熟；有d分明攞著數，明明唔知你係邊個，尚未能將你的名子跟相貌配對，但都俾足面你幫你消化高卡西餅
不一會兒，鳥獸散…
當然，也有例外
影相，亦似做場戲，又似例行工事，忽然覺得自己好假
講真的，會再見的人，不用拍這幀相片，不打算相見，拍了照也只掉一旁，多此一舉
希望我沒有要求影相的人，理解
約了大家聚會，已有相眾之期，拍照，有點像儀式…
雖然好眼訓，但感覺趁仍新鮮，趕快記下
last day係3號星期日，不過趁今日人齊，又可以同同事甲一齊賀賀佢，決定今日以散水餅招呼眾人
真係唔知邊個發明要食散水餅，應予以讉責，做壞晒規矩
茶水間看人生百態，識你唔識你的人，交情與咀臉，又上一課專題研習
按兵不動的，一係冷大牌，唔當面邀請唔食，一係真係有d廉恥，唔好意思去湊熱鬧；特別寒暄的，通常是萍水相逢但唔係好熟；有d分明攞著數，明明唔知你係邊個，尚未能將你的名子跟相貌配對，但都俾足面你幫你消化高卡西餅
不一會兒，鳥獸散…
當然，也有例外
影相，亦似做場戲，又似例行工事，忽然覺得自己好假
講真的，會再見的人，不用拍這幀相片，不打算相見，拍了照也只掉一旁，多此一舉
希望我沒有要求影相的人，理解
約了大家聚會，已有相眾之期，拍照，有點像儀式…
星期四, 9月 30, 2010
如何留得住高潮
30 September 2010
執起手機，從通訊錄中找出那個令我醒來仍有一點心動的名字，突然緊張起來…
放下，再拿起，好幾次，最後一次，甚麼也管不了，按一下撥號鍵，竟然，接到留言信箱，真反高潮
一個越洋電話將我帶回現實…
唔知點解，囉囉攣，有d唔係好自然的感覺
執起手機，從通訊錄中找出那個令我醒來仍有一點心動的名字，突然緊張起來…
放下，再拿起，好幾次，最後一次，甚麼也管不了，按一下撥號鍵，竟然，接到留言信箱，真反高潮
一個越洋電話將我帶回現實…
唔知點解，囉囉攣，有d唔係好自然的感覺
星期三, 9月 29, 2010
夢裡延續的情緣
29 September 2010
算是我懦弱，算是我退縮，沒有勇氣面對和承認的一點點感覺，沉澱過後，原來，仍在心底打轉
午夜夢迴，潛意識裡，幻想變成現實世界，靠在他身邊，依在他肩膀，十二分貼心，二十分心動
陪步，算啦，一早都預左…
算是我懦弱，算是我退縮，沒有勇氣面對和承認的一點點感覺，沉澱過後，原來，仍在心底打轉
午夜夢迴，潛意識裡，幻想變成現實世界，靠在他身邊，依在他肩膀，十二分貼心，二十分心動
陪步，算啦，一早都預左…
慶幸曾經傷心過
28 September 2010
考體能，竟是一場心理戰
有人全副架生，sporty look似足運動健將，著埋馬拉松戰衣、東亞運製服，好似用一身裝扮話俾人知佢運動好掂
不過，跑過唔夠我跑，又有人第一round已經被篩，原來咁都要虛張聲勢，真無聊…
又有弱質纖纖，太陽底下怕曬黑，擦一臉防曬，臉白反光的人，與朋友高談闊論，誇口自己做了幾多下situp，最後跑嗰800米原來蟻欄咁慢
雖然攰攰地，但都未至於行街都冇力，所以去左喪行，兩條腿咁攰，都係行街累事
物極必反，竟然訓唔著，今朝晨吉咁早醒左
她說剛分了手，心情極差，不停問朋友是不是仍在發夢，分手的事是假的…
如果，有一日試過因為終於可以離開一個男人而有重生的感覺，差點要開香檳，應該慶幸，自己曾經都試過傷心
夜晚決定食自家改良炮製的越食三文治，勁好味
如果山邊沒有圍欄和燈柱，換一輛四驅跑這迂迴山路，深山中，也能矇騙自己一時三刻
獅子山的山落，我想像中的美
考體能，竟是一場心理戰
有人全副架生，sporty look似足運動健將，著埋馬拉松戰衣、東亞運製服，好似用一身裝扮話俾人知佢運動好掂
不過，跑過唔夠我跑，又有人第一round已經被篩，原來咁都要虛張聲勢，真無聊…
又有弱質纖纖，太陽底下怕曬黑，擦一臉防曬，臉白反光的人，與朋友高談闊論，誇口自己做了幾多下situp，最後跑嗰800米原來蟻欄咁慢
雖然攰攰地，但都未至於行街都冇力，所以去左喪行，兩條腿咁攰，都係行街累事
物極必反，竟然訓唔著，今朝晨吉咁早醒左
她說剛分了手，心情極差，不停問朋友是不是仍在發夢，分手的事是假的…
如果，有一日試過因為終於可以離開一個男人而有重生的感覺，差點要開香檳，應該慶幸，自己曾經都試過傷心
夜晚決定食自家改良炮製的越食三文治，勁好味
如果山邊沒有圍欄和燈柱，換一輛四驅跑這迂迴山路，深山中，也能矇騙自己一時三刻
獅子山的山落，我想像中的美
夢想，靠鈔票經營
27 September 2010
dream car dream house，所謂夢想，都靠鈔票經營，貼鈔票粉飾，日日為口奔馳，活在赤貧線上，沒有整理生活的空間，甚麼也免問
可能，要記者拿卑賤的薪金，活在貧窮線邊緣，刻苦地過活，才不泯滅人性，時刻關顧弱勢，對壓在自己之上的強權、資本家懷著一顆批判的心，掙扎著發亮
對，上左岸的編輯監製，炒股炒樓，每次提弱勢社群、貧富懸殊的故仔，都話做過冇新point
十年前的窮人和今天的窮人，有分別不就是新聞？沒分別才更是新聞﹗
今日去考懲教主任，考紀律部隊，一直都是我的目標，但又不甘於未試過其他新鮮事，又怕體能差，拖到今時今日…
大學畢業、中英文一級成績，入職$30,450，做10年記者，都冇可能追到呢個水平
地球有三極，去南極要10萬，北極平極都要6,7萬，我去左最平的世界屋脊，屋脊的邊上，1萬有找
這幾年來，做一個小記者，實現夢想的資金，儲一年去一次旅行就一舖清袋，的確，不能長此下去
小時候閃過一個念頭，希望有一日做到好似鏗鏘集嗰d報道，潛意識使然，如今算是完成了兒時夢想，這個夢想也得付出，就是付出了跑輸大市的薪金換取
上個月終於決定了，離開，這是我做得最長的一份工，做了3年半，要好好準備青年時代的夢想
拎起體能測試的評分表，5個項目，每個最少攞1分，total攞到15分先叫合格
初初以為situp做得唔錯，40下有4分，但可能真係緊張，成批人第一組考，真係覺得唔係好ready，結果做得33下，仲要係做到自己停左喺度，第34下起唔到…
出來睇番，好彩33-37下都係3分，做到最低要求，但真係好怯，驚之後嗰d都表現唔好
shuttle run冇報時，唔知自己跑咩成績，以最住守計2分，好彩執豆袋做到目標的19下，又有4分，跳高練就練過，但未度過，3次試跳，第一次被foul，第二次跳得38cm，我記得目標要跳到39cm攞4分，好彩最後一跳有41cm，都係穩拿4分
最後一個test係800米，一路都係我比較淆底同弱雞的項目，試過自己time跑4分02左右，跑番呢個成績就4分，不過我未試過烈日當空下跑，好怕失準
不過好彩我嗰組有個勁人，跑得勁快，帶住成組人跑，我一路keep住跑第二或第三，但個勁人放我地成半個圈，勁誇張…
考完簽番個成績，原來我total攞20分，距離pass多左一大截，而最意外係800米竟然攞5分，即係少過3分59跑完，呢個成績我從來都未跑過﹗
考完勁開心，出左cwb行街，先獎自己喺分舵揀禮物，喪行，跟住再食杯乳酪，又喪行…
唔知點解，抑鬱同亢奮，都好想食高卡野，頭先食左薯片同西多，勁滿足
dream car dream house，所謂夢想，都靠鈔票經營，貼鈔票粉飾，日日為口奔馳，活在赤貧線上，沒有整理生活的空間，甚麼也免問
可能，要記者拿卑賤的薪金，活在貧窮線邊緣，刻苦地過活，才不泯滅人性，時刻關顧弱勢，對壓在自己之上的強權、資本家懷著一顆批判的心，掙扎著發亮
對，上左岸的編輯監製，炒股炒樓，每次提弱勢社群、貧富懸殊的故仔，都話做過冇新point
十年前的窮人和今天的窮人，有分別不就是新聞？沒分別才更是新聞﹗
今日去考懲教主任，考紀律部隊，一直都是我的目標，但又不甘於未試過其他新鮮事，又怕體能差，拖到今時今日…
大學畢業、中英文一級成績，入職$30,450，做10年記者，都冇可能追到呢個水平
地球有三極，去南極要10萬，北極平極都要6,7萬，我去左最平的世界屋脊，屋脊的邊上，1萬有找
這幾年來，做一個小記者，實現夢想的資金，儲一年去一次旅行就一舖清袋，的確，不能長此下去
小時候閃過一個念頭，希望有一日做到好似鏗鏘集嗰d報道，潛意識使然，如今算是完成了兒時夢想，這個夢想也得付出，就是付出了跑輸大市的薪金換取
上個月終於決定了，離開，這是我做得最長的一份工，做了3年半，要好好準備青年時代的夢想
拎起體能測試的評分表，5個項目，每個最少攞1分，total攞到15分先叫合格
初初以為situp做得唔錯，40下有4分，但可能真係緊張，成批人第一組考，真係覺得唔係好ready，結果做得33下，仲要係做到自己停左喺度，第34下起唔到…
出來睇番，好彩33-37下都係3分，做到最低要求，但真係好怯，驚之後嗰d都表現唔好
shuttle run冇報時，唔知自己跑咩成績，以最住守計2分，好彩執豆袋做到目標的19下，又有4分，跳高練就練過，但未度過，3次試跳，第一次被foul，第二次跳得38cm，我記得目標要跳到39cm攞4分，好彩最後一跳有41cm，都係穩拿4分
最後一個test係800米，一路都係我比較淆底同弱雞的項目，試過自己time跑4分02左右，跑番呢個成績就4分，不過我未試過烈日當空下跑，好怕失準
不過好彩我嗰組有個勁人，跑得勁快，帶住成組人跑，我一路keep住跑第二或第三，但個勁人放我地成半個圈，勁誇張…
考完簽番個成績，原來我total攞20分，距離pass多左一大截，而最意外係800米竟然攞5分，即係少過3分59跑完，呢個成績我從來都未跑過﹗
考完勁開心，出左cwb行街，先獎自己喺分舵揀禮物，喪行，跟住再食杯乳酪，又喪行…
唔知點解，抑鬱同亢奮，都好想食高卡野，頭先食左薯片同西多，勁滿足
拍青瓜遇上羅漢果
26 September 0201
尋日帶埋跑鞋返工，本來諗住放工去跑步，但結果冇去，俾baby引左去食豐富晚餐，又食到勁飽，但d野都係食唔晒…
呢幾日都訓得馬馬地，成日自己無啦啦醒左，明明今日放假，竟然十一點幾自然醒，蝕晒呀﹗
碌下碌下再訓到點幾，肚仔餓起身，出左去行左一陣，返來前佢話去阿叉舖頭買辣椒粉，又去超市買低鹽豉油，佢整拍青瓜，真係同喺街食的味道勁似，仲買埋羅漢果，一個原來可以煲一大煲，搞到雪櫃好似賣羅漢果水…
尋日帶埋跑鞋返工，本來諗住放工去跑步，但結果冇去，俾baby引左去食豐富晚餐，又食到勁飽，但d野都係食唔晒…
呢幾日都訓得馬馬地，成日自己無啦啦醒左，明明今日放假，竟然十一點幾自然醒，蝕晒呀﹗
碌下碌下再訓到點幾，肚仔餓起身，出左去行左一陣，返來前佢話去阿叉舖頭買辣椒粉，又去超市買低鹽豉油，佢整拍青瓜，真係同喺街食的味道勁似，仲買埋羅漢果，一個原來可以煲一大煲，搞到雪櫃好似賣羅漢果水…
抉擇
25 September 2010
人是生來做抉擇，還是抉擇主宰生命？
做了決定，即將要執行，當然，我可以選擇執行或不執行，但順順利利的話，的確是影響一生的決定
愛惡好憎，追求喜歡的事物
人人手執的電話一模一樣，幹嘛？
我曾經也是追潮流的人，要有當季波衫，新款all star，挽一個porter或agnes b潮袋，握一部潮手機和遊戲機…
不過，當很盲目追求過後，有一天會醒覺，我需要這部電話，還是這部遊戲機更需要一個主人，其實是生產潮袋的廠家最需要我這個顧客
資本家成為資本家，因為他們很懂得周旋在將別人的資本轉化為自己資本的遊戲，時而癲倒是非，明明他需要你，說成你需要它，又再引用李氏超市兩父子的廣告，明明是他搶你錢，但他搶少幾蚊，就說成你賺了，一樣道理
人是生來做抉擇，還是抉擇主宰生命？
做了決定，即將要執行，當然，我可以選擇執行或不執行，但順順利利的話，的確是影響一生的決定
愛惡好憎，追求喜歡的事物
人人手執的電話一模一樣，幹嘛？
我曾經也是追潮流的人，要有當季波衫，新款all star，挽一個porter或agnes b潮袋，握一部潮手機和遊戲機…
不過，當很盲目追求過後，有一天會醒覺，我需要這部電話，還是這部遊戲機更需要一個主人，其實是生產潮袋的廠家最需要我這個顧客
資本家成為資本家，因為他們很懂得周旋在將別人的資本轉化為自己資本的遊戲，時而癲倒是非，明明他需要你，說成你需要它，又再引用李氏超市兩父子的廣告，明明是他搶你錢，但他搶少幾蚊，就說成你賺了，一樣道理
勾引嫦娥笑呵呵
24 September 2010
中秋夜，拍完野獎自己食一碗自助乳酪
排隊攞一碗乳酪，然後好似夾糖咁，自己加料，跟住拎去磅，15蚊100gram，相比起90幾蚊仲未加一的哈根達斯，好抵食架喇
夜晚返去做節，又食又拎，如果拎碗湯走，換來安心貼心，何不為之？
一出西鐵站就見到漫天孔明燈，越飄越遠，幻化點點繁星，周圍都點起燈籠和燭光，真係好靚﹗
我都急不及待返去，以燈火點綴欄柵，掛起小白兔燈籠，勾引嫦娥笑呵呵
今日又拍野，好叉眼訓…
放工去左買跑鞋，跟住搵標準運動場跑圈time時間，大坡地重建，一係去天水圍一係去葵芳，一樣要轉車，天水圍打埋算盤都叫"同區"，而好彩輕鐵都唔係咁難搭
兩個圈=800米=4分1秒84，算係幾唔錯喇…
趕快拉個筋就俾電視劇的力場吸左返去，明天再續
中秋夜，拍完野獎自己食一碗自助乳酪
排隊攞一碗乳酪，然後好似夾糖咁，自己加料，跟住拎去磅，15蚊100gram，相比起90幾蚊仲未加一的哈根達斯，好抵食架喇
夜晚返去做節，又食又拎，如果拎碗湯走，換來安心貼心，何不為之？
一出西鐵站就見到漫天孔明燈，越飄越遠，幻化點點繁星，周圍都點起燈籠和燭光，真係好靚﹗
我都急不及待返去，以燈火點綴欄柵，掛起小白兔燈籠，勾引嫦娥笑呵呵
今日又拍野，好叉眼訓…
放工去左買跑鞋，跟住搵標準運動場跑圈time時間，大坡地重建，一係去天水圍一係去葵芳，一樣要轉車，天水圍打埋算盤都叫"同區"，而好彩輕鐵都唔係咁難搭
兩個圈=800米=4分1秒84，算係幾唔錯喇…
趕快拉個筋就俾電視劇的力場吸左返去，明天再續
我揀D，all of the above
22 September 2010
打風落雨，大家都躲在家裡，夜行免問，跑步千萬別想，點燈籠就要望天打掛…
某日差d買左一個木製角架放在客廳冷氣機底下，好在嫌遠嫌冇得免費送貨冇買，後來反覆思量，應該買番宜家嗰個，同書架夾番
如果唔係落雨，頭先已經碌左去沙田買…
人為甚麼需要朋友？分享喜悅，遊樂玩伴，扶持解窘，倚偎分憂…
即是說，沒有危難、不需要人幫忙，一個人也可以自得其樂的時候，朋友，有沒有也沒所謂
他說
離開的時候，你會選擇A)切燒豬；B)開香檳；C)燒炮仗
打風落雨，大家都躲在家裡，夜行免問，跑步千萬別想，點燈籠就要望天打掛…
某日差d買左一個木製角架放在客廳冷氣機底下，好在嫌遠嫌冇得免費送貨冇買，後來反覆思量，應該買番宜家嗰個，同書架夾番
如果唔係落雨，頭先已經碌左去沙田買…
人為甚麼需要朋友？分享喜悅，遊樂玩伴，扶持解窘，倚偎分憂…
即是說，沒有危難、不需要人幫忙，一個人也可以自得其樂的時候，朋友，有沒有也沒所謂
他說
離開的時候，你會選擇A)切燒豬；B)開香檳；C)燒炮仗
奶黃月+小白兔
20 September 2010
前所未有的強烈感覺，就係要得到一隻白色小白兔燈籠
唔鍾意食各式中式應節食品的我，自從試過半島迷你奶黃月，每年中秋都心思思想食
今年好多舖頭都出奶皇月，但點都要將個quota留番俾半島…
尋日朋友送我一個迷你奶黃月，好晏食完晚飯就買埋隻白兔仔返歸，中秋節來喇﹗
朋友甲過左來揼骨宿營，晏晝訓到黃斯八晏，一齊出左元朗食壽司，行左陣，打風超熱…
返歸前，去監察一下李氏超市有冇借d意靜雞雞加價
紅色嗰間超市，8罐裝可樂又創新低價，16.4一pack，不過屋企仲有好多貨…
整左滷水雞翼，晚餐仲有義美蜂蜜蛋糕，好味道﹗
前所未有的強烈感覺，就係要得到一隻白色小白兔燈籠
唔鍾意食各式中式應節食品的我，自從試過半島迷你奶黃月，每年中秋都心思思想食
今年好多舖頭都出奶皇月，但點都要將個quota留番俾半島…
尋日朋友送我一個迷你奶黃月，好晏食完晚飯就買埋隻白兔仔返歸，中秋節來喇﹗
朋友甲過左來揼骨宿營，晏晝訓到黃斯八晏，一齊出左元朗食壽司，行左陣，打風超熱…
返歸前，去監察一下李氏超市有冇借d意靜雞雞加價
紅色嗰間超市，8罐裝可樂又創新低價，16.4一pack，不過屋企仲有好多貨…
整左滷水雞翼，晚餐仲有義美蜂蜜蛋糕，好味道﹗
潛夢
18 September 2010
前晚潛夢潛到level 2，發夢某事成真，然後在另一夢裡，問剛才的夢是真還是假
而嗰覺真係好似訓左好耐，原來，套電影真係有根據架﹗
放工去左行街，買左好多野，兩個bag一件衫一條褲，仲有一盒龜啫喱做宵夜
situp一分鐘做40下，真係退步好多…
點解，唔可以揀同上亞厘畢道做朋友，一定要喜歡佢？
前晚潛夢潛到level 2，發夢某事成真，然後在另一夢裡，問剛才的夢是真還是假
而嗰覺真係好似訓左好耐，原來，套電影真係有根據架﹗
放工去左行街，買左好多野，兩個bag一件衫一條褲，仲有一盒龜啫喱做宵夜
situp一分鐘做40下，真係退步好多…
點解，唔可以揀同上亞厘畢道做朋友，一定要喜歡佢？
jog in starry night
16 September 2010
做樓市故仔，其實我都係一個買唔到樓的小市民、八十後
我都好現實，市區住得起都無謂要自己捱，搬到去鄉郊
當日大家鬧董建華，鬧到體無完膚，甚至有時是人身攻擊
歷史證明了，相比曾蔭權，原來，董建華似乎是真心想為香港好，想為香港做一番建設；但曾蔭權也很坦白，因為佢想做好佢份工，不求做得特別好，受八方稱許，但不要做錯，公務員心態，不揹鑊，不做不錯，所以新建樹免問…
特首唔係一份工，循規蹈矩冇用，要有領袖的思維，懂得砸爛和創造規矩
最近電視劇又發揮力場，就算要去跑步，都要趕在9點半前返歸，上次搭訕想搵個跑伴，嗰個女人都話要返去睇電視
但我感到我這個陌生人帶點唐突，這個都市自命開放開明，卻容不下搭一句訕
其實，7點放工，7點半返到去，咪咪麼麼都可以8點前出到河邊，拉筋熱身，再跑半粒鐘至九個字，再cool down都夠時間，返去先頹食
只要唔係走左去欄街又或者去喪食，點會冇時間做運動呢？
做樓市故仔，其實我都係一個買唔到樓的小市民、八十後
我都好現實，市區住得起都無謂要自己捱，搬到去鄉郊
當日大家鬧董建華，鬧到體無完膚，甚至有時是人身攻擊
歷史證明了，相比曾蔭權，原來，董建華似乎是真心想為香港好，想為香港做一番建設；但曾蔭權也很坦白，因為佢想做好佢份工，不求做得特別好，受八方稱許，但不要做錯，公務員心態，不揹鑊，不做不錯，所以新建樹免問…
特首唔係一份工，循規蹈矩冇用，要有領袖的思維，懂得砸爛和創造規矩
最近電視劇又發揮力場，就算要去跑步，都要趕在9點半前返歸，上次搭訕想搵個跑伴，嗰個女人都話要返去睇電視
但我感到我這個陌生人帶點唐突，這個都市自命開放開明，卻容不下搭一句訕
其實，7點放工，7點半返到去，咪咪麼麼都可以8點前出到河邊，拉筋熱身，再跑半粒鐘至九個字，再cool down都夠時間，返去先頹食
只要唔係走左去欄街又或者去喪食，點會冇時間做運動呢？
秋天
15 September 2010
兩個下雨天之後，換來爽涼天氣，秋天來了
大家可能覺得烈日當空，攝氏度三十有多，似乎仍是夏天，但仔細一點留意客觀天氣和主觀感受的變化，秋天真的來了
從小讀書就知道秋高氣爽，言簡意賅，高是氣壓高，天氣報告常聽見的高壓脊，兩者是連體嬰；氣爽，就是濕度漸低，感覺乾爽
如果明確和科學一點，應該說是月曆上小字寫著秋分那天之後，就是秋天，那天白天和夜晚一樣長，那天以後，夜晚會一天比一天較白天長，直到冬至，全年夜晚最長的一天，然後白天慢慢變長，到了春分，白天又和夜晚一樣長
細意體會，你會發現這幾天白天烈日當空時或熱像盛夏，但一早一晚，吹起一陣風，有些涼意
大雨同時洗刷大氣，晚上皓月、雲霞、星宿分明
腳步繞著河邊，月色星空下喘喘氣，深呼吸，感覺幸福
兩個下雨天之後，換來爽涼天氣，秋天來了
大家可能覺得烈日當空，攝氏度三十有多，似乎仍是夏天，但仔細一點留意客觀天氣和主觀感受的變化，秋天真的來了
從小讀書就知道秋高氣爽，言簡意賅，高是氣壓高，天氣報告常聽見的高壓脊，兩者是連體嬰；氣爽，就是濕度漸低，感覺乾爽
如果明確和科學一點，應該說是月曆上小字寫著秋分那天之後，就是秋天，那天白天和夜晚一樣長，那天以後，夜晚會一天比一天較白天長，直到冬至，全年夜晚最長的一天，然後白天慢慢變長，到了春分，白天又和夜晚一樣長
細意體會，你會發現這幾天白天烈日當空時或熱像盛夏，但一早一晚，吹起一陣風，有些涼意
大雨同時洗刷大氣，晚上皓月、雲霞、星宿分明
腳步繞著河邊，月色星空下喘喘氣，深呼吸，感覺幸福
免仔燈籠
14 September 2010
下星期中秋節，周圍都賣燈籠熒光捧
忽然間，想得到一個免仔燈籠，約一班好友一齊玩
好很熱，晏晝自己放自己假，本來諗住出去行街，但結果都係呢喺屋企執屋
朋友過左來坐，食左個飯，本來諗住去出面嗰間私房菜，點知佢星期一唔開，大排檔又怕污糟，又唔係好想食酒樓，咁就去左投注站隔離間餐廳
食飯前，先去買六合彩，原來之前張飛中左，廿蚊…
下星期中秋節，周圍都賣燈籠熒光捧
忽然間，想得到一個免仔燈籠，約一班好友一齊玩
好很熱，晏晝自己放自己假，本來諗住出去行街，但結果都係呢喺屋企執屋
朋友過左來坐，食左個飯，本來諗住去出面嗰間私房菜，點知佢星期一唔開，大排檔又怕污糟，又唔係好想食酒樓，咁就去左投注站隔離間餐廳
食飯前，先去買六合彩，原來之前張飛中左，廿蚊…
介乎好彩與唔好彩之間
12 September 2010
閃電好勁嗰晚，電視收得唔好，屋企收唔到手提，冇試過fix line有冇問題，但好在仲上到網，如果唔係就與世隔絕…
諗過影閃電，但實在太大雨，開門已經撇雨，攞部機仔喺廠房個窗影，但影左幾張都影唔到就放棄
其實，係我唔識影，定係唔啱方向角度，不得而知
閃完第二朝起身，某台死左冇得睇，我初初以為吹冧左我條天線，但後來發現另一個台睇到，後來問番，原來部分新界西人都睇唔到多行不義嗰個台，咁即係多行不義嗰個台俾人擘啦
星期六日落勁大雨，咁啱我要拍野，真係唔知好彩定唔好彩…
好彩在唔係出去玩時落雨，唔好彩就係weekend要返工
抉擇，諗緊好唔好買過張梳化，買多個衣櫃，不過仲未諗得掂應該點樣處置舊嗰張好好訓但唔好坐的梳化，同埋新衣櫃應該放邊度好，究竟將間房變成一個真正衣帽間，定係放睡房出面，仲未度得掂，因為張書枱實在太牙乍，又多野，唔知收去邊
頭先發現一個好靚仔的燒烤爐，鐵水桶+網，我諗我都可以土製一個
外賣薄餅店竟然將大批mark到49蚊一個，我唔信佢會蝕住賣，咁即係話原價128-138一個的比薩，係牟取暴利啦
頭先order左一個49蚊都有得賺的大批，自取，沿路都勁香
閃電好勁嗰晚，電視收得唔好，屋企收唔到手提，冇試過fix line有冇問題，但好在仲上到網，如果唔係就與世隔絕…
諗過影閃電，但實在太大雨，開門已經撇雨，攞部機仔喺廠房個窗影，但影左幾張都影唔到就放棄
其實，係我唔識影，定係唔啱方向角度，不得而知
閃完第二朝起身，某台死左冇得睇，我初初以為吹冧左我條天線，但後來發現另一個台睇到，後來問番，原來部分新界西人都睇唔到多行不義嗰個台，咁即係多行不義嗰個台俾人擘啦
星期六日落勁大雨，咁啱我要拍野，真係唔知好彩定唔好彩…
好彩在唔係出去玩時落雨，唔好彩就係weekend要返工
抉擇，諗緊好唔好買過張梳化，買多個衣櫃，不過仲未諗得掂應該點樣處置舊嗰張好好訓但唔好坐的梳化，同埋新衣櫃應該放邊度好，究竟將間房變成一個真正衣帽間，定係放睡房出面，仲未度得掂，因為張書枱實在太牙乍，又多野，唔知收去邊
頭先發現一個好靚仔的燒烤爐，鐵水桶+網，我諗我都可以土製一個
外賣薄餅店竟然將大批mark到49蚊一個，我唔信佢會蝕住賣，咁即係話原價128-138一個的比薩，係牟取暴利啦
頭先order左一個49蚊都有得賺的大批，自取，沿路都勁香
讓座
9 September 2010
經常搭鐵路，車廂眾生相，醜陋的多，厭惡也多
鐵路要載客量大，坐位有限，企位多過坐，看見老人家蹣跚上車，詐傻、扮訓、視而不見多的是
我都係企的多，坐的少，有時見到d人坐喺度，面前一大個老婆婆楝喺面前，都唔讓座，究竟咩心態？我有時真係想叫佢起身俾阿婆坐，唔通佢唔會老，佢阿爸阿媽唔老，除非佢永世唔使迫地鐵、迫巴士，又永世都喺頭站上車，如果唔係，真係有報應，第日老左咪使旨意有人讓位俾佢坐
當係為自己積陰德，亦當係為別人的父母行個方便，希望有日我父母需要一個座位時有人讓座
經常搭鐵路，車廂眾生相，醜陋的多，厭惡也多
鐵路要載客量大，坐位有限，企位多過坐，看見老人家蹣跚上車，詐傻、扮訓、視而不見多的是
我都係企的多，坐的少，有時見到d人坐喺度，面前一大個老婆婆楝喺面前，都唔讓座，究竟咩心態？我有時真係想叫佢起身俾阿婆坐，唔通佢唔會老，佢阿爸阿媽唔老，除非佢永世唔使迫地鐵、迫巴士，又永世都喺頭站上車，如果唔係，真係有報應，第日老左咪使旨意有人讓位俾佢坐
當係為自己積陰德，亦當係為別人的父母行個方便，希望有日我父母需要一個座位時有人讓座
addicted to
8 September 2010
眼和手好像不能閒著，坐車，等車，就不其然拿出手機，查訊息，查短訊，但分別剛從辦公室離開，沒有新訊息；短訊會發出響聲，沒有響，究竟查甚麼？？
以前電話沒有上網功能，短訊逐個收費的年代，坐車，候車，等朋友，都是呆望車站，以車廂眾生相打發時間，最多不過就是拿起聽筒喋喋不休
又以前，沒有手機的年代，靠窗坐，看流動的風光已是樂趣
現在，沒帶手機在身就渾身不自在，手機不能上網就很煩躁…
但想深一層，我根本連日理萬機也沾不上邊，為甚麼將那小傢伙操控我的空間與情感？早幾天還以不能接收手機訊號而高興，真無聊
眼和手好像不能閒著，坐車，等車，就不其然拿出手機，查訊息，查短訊，但分別剛從辦公室離開，沒有新訊息；短訊會發出響聲，沒有響，究竟查甚麼？？
以前電話沒有上網功能，短訊逐個收費的年代，坐車，候車，等朋友，都是呆望車站，以車廂眾生相打發時間，最多不過就是拿起聽筒喋喋不休
又以前，沒有手機的年代，靠窗坐，看流動的風光已是樂趣
現在，沒帶手機在身就渾身不自在，手機不能上網就很煩躁…
但想深一層，我根本連日理萬機也沾不上邊，為甚麼將那小傢伙操控我的空間與情感？早幾天還以不能接收手機訊號而高興，真無聊
長髮
7 September 2010
出海那天將頭髮放下來，原來已長得那麼長
兩年前剪短了髮，一年前駁了髮，每次坐在髮型屋，再三叮囑髮型師，我要留長，不要剪太多，今天，算是有一些成果
一個決定，要兩年來彌補
曬黑了，手手腳腳好似幼一點，配上長髮，算是換左look
出海那天將頭髮放下來，原來已長得那麼長
兩年前剪短了髮，一年前駁了髮，每次坐在髮型屋，再三叮囑髮型師，我要留長，不要剪太多，今天，算是有一些成果
一個決定，要兩年來彌補
曬黑了，手手腳腳好似幼一點，配上長髮，算是換左look
訓到自然醒
6 September 2010
游水、沙灘排球、數字球，各樣野加加埋埋就等於超勁攰
訓到第一次自然醒係一點半左右，繼續攤下訓著左，到真正自然醒係三點幾差唔多四點
尋日食過的野好似未落隔，全日都唔係好想食野，起身只食左麥皮，跟住狂排版，天黑出左去行一陣
有一陣間有短暫肚餓的感覺，咁就食左個出爐蛋撻，買左盒叉燒包返去，咁就食叉燒包，飲自己榨青蘋果汁
哎，今年冇得去旅行了，追秋計劃要等下一個秋天…
游水、沙灘排球、數字球，各樣野加加埋埋就等於超勁攰
訓到第一次自然醒係一點半左右，繼續攤下訓著左，到真正自然醒係三點幾差唔多四點
尋日食過的野好似未落隔，全日都唔係好想食野，起身只食左麥皮，跟住狂排版，天黑出左去行一陣
有一陣間有短暫肚餓的感覺，咁就食左個出爐蛋撻，買左盒叉燒包返去，咁就食叉燒包，飲自己榨青蘋果汁
哎，今年冇得去旅行了，追秋計劃要等下一個秋天…
沒有手機訊號的幸福
5 September 2010
今日再遇到令人百思不得其解的事
就係點解腰纏愛瑪仕皮帶，手挽愛瑪仕皮包的有錢人要同我呢啲腳踩愛迪達斯的窮人，一齊迫港鐵？
如果是跟我一樣的平凡普通人，為甚麼要追逐這些與身份不相稱的名牌奢侈品
那個手袋，是車廂內某某數個月的收入，甚至是一些基層蟻民一年辛勞
今朝鬧鐘6點9喺度呱呱叫，外面落緊雨，又眼訓，又要熬車，真係諗過射波，好唔好繼續躲在舒服被舖和爽意空調之間，呼呼大睡…
最後，還是撐著眼睛起來，因為，可能是今年唯一一次夏水
剛好1個半小時，從鎖門到喺西貢碼頭落車
陰天，太陽在雲端以外，若隱若現一團光影，間中下起微雨，正因為咁樣，大家戒心少左，乾煎，回航時大家的臉珠都是紅噹噹，微微灼傷
有點暈船，泡在海裡比較舒服一點
手機放一旁，不用擔心它會鬥事，因為沒有訊號，不問時間，感覺自己很幸福
隨意坐，隨意睡，挑你喜歡的方法，將皮肉身驅放在甲板之上，靈魂，就任由她浪蕩，寫意忘憂；好友相伴，閒聊，讓笑聲填滿空氣，靜下來，聽海聽沙聽風聽雲，空氣也不寂寞
全日都維時住一個飽的狀態，上船前食左早餐，游左一陣水大笑一輪又食，海鮮自助餐
回程大家研究有乜好下場，有人建議出番「旺角市中心」，講講下又話去「旺角郊野公園」同「旺角動物園」
最後坐著朋友的玩具車，塞車塞到element，行左個圈又落番佐敦食飯，6個人食6人餐，結果又食到捧住個腩，超勁攰，我自行碌去西鐵站返歸，佢地再拼尖東，擺明要同d啤酒、芝華士同黑牌過唔去
返到去放低野，諗住喺梳化攤下，咁就訓著左，醒來，或許身上仲帶著些微海洋的氣息，都係沖涼洗頭洗衫
今日再遇到令人百思不得其解的事
就係點解腰纏愛瑪仕皮帶，手挽愛瑪仕皮包的有錢人要同我呢啲腳踩愛迪達斯的窮人，一齊迫港鐵？
如果是跟我一樣的平凡普通人，為甚麼要追逐這些與身份不相稱的名牌奢侈品
那個手袋，是車廂內某某數個月的收入，甚至是一些基層蟻民一年辛勞
今朝鬧鐘6點9喺度呱呱叫，外面落緊雨，又眼訓，又要熬車，真係諗過射波，好唔好繼續躲在舒服被舖和爽意空調之間，呼呼大睡…
最後，還是撐著眼睛起來，因為，可能是今年唯一一次夏水
剛好1個半小時，從鎖門到喺西貢碼頭落車
陰天，太陽在雲端以外，若隱若現一團光影，間中下起微雨，正因為咁樣，大家戒心少左，乾煎，回航時大家的臉珠都是紅噹噹，微微灼傷
有點暈船，泡在海裡比較舒服一點
手機放一旁，不用擔心它會鬥事，因為沒有訊號，不問時間，感覺自己很幸福
隨意坐，隨意睡，挑你喜歡的方法，將皮肉身驅放在甲板之上，靈魂，就任由她浪蕩，寫意忘憂；好友相伴，閒聊，讓笑聲填滿空氣，靜下來，聽海聽沙聽風聽雲，空氣也不寂寞
全日都維時住一個飽的狀態，上船前食左早餐，游左一陣水大笑一輪又食，海鮮自助餐
回程大家研究有乜好下場，有人建議出番「旺角市中心」，講講下又話去「旺角郊野公園」同「旺角動物園」
最後坐著朋友的玩具車，塞車塞到element，行左個圈又落番佐敦食飯，6個人食6人餐，結果又食到捧住個腩，超勁攰，我自行碌去西鐵站返歸，佢地再拼尖東，擺明要同d啤酒、芝華士同黑牌過唔去
返到去放低野，諗住喺梳化攤下，咁就訓著左，醒來，或許身上仲帶著些微海洋的氣息，都係沖涼洗頭洗衫
現代商業化社會自我保護失調症
4 September 2010
政府呢期勁吸引，請AO、EO，仲有影視娛樂事務主任，都係我杯茶，不過後者pay得奀d啫…
只係好cheap的宜家門口地氈，點解咁都有人偷？
其實我唔係好肯定係咪真係俾人偷，但係某日洗完2張地氈放喺圍欄度諗住晾乾佢，但某一日返屋企就發現少左一張
奇就奇在貴嗰張仲喺度，平嗰張唔見左
我諗過會唔會被風吹走，呢個可能性真係唔大，地氈都幾重架
雨很大，聽日有今年首個夏水禮，其實，今次唔係第一次，只係之前我去唔到，其實，我都落過水，只係冇落過船
希望聽日個天生生性性啦，最好出恆太陽啦
可恨扮無知，扮面矇的人，躲在虛假的臉譜後
算是我妒忌吧，我就是缺乏喜怒不形於色的技能，更不懂沉住氣，也許該說患上「現代商業化社會自我保護失調症」，超吃虧
又唔係有親，算唔上友好，咀型又唔夾，做咩要我充撐場面，陪慶生？
何苦委屈自己，說出討好的說話
我說，去西藏旅遊是「缺氧治療」，開墾心靈
政府呢期勁吸引，請AO、EO，仲有影視娛樂事務主任，都係我杯茶，不過後者pay得奀d啫…
只係好cheap的宜家門口地氈，點解咁都有人偷？
其實我唔係好肯定係咪真係俾人偷，但係某日洗完2張地氈放喺圍欄度諗住晾乾佢，但某一日返屋企就發現少左一張
奇就奇在貴嗰張仲喺度，平嗰張唔見左
我諗過會唔會被風吹走，呢個可能性真係唔大，地氈都幾重架
雨很大，聽日有今年首個夏水禮，其實，今次唔係第一次，只係之前我去唔到，其實，我都落過水，只係冇落過船
希望聽日個天生生性性啦，最好出恆太陽啦
可恨扮無知，扮面矇的人，躲在虛假的臉譜後
算是我妒忌吧，我就是缺乏喜怒不形於色的技能，更不懂沉住氣，也許該說患上「現代商業化社會自我保護失調症」，超吃虧
又唔係有親，算唔上友好，咀型又唔夾，做咩要我充撐場面，陪慶生？
何苦委屈自己，說出討好的說話
我說，去西藏旅遊是「缺氧治療」，開墾心靈
魔咒
3 September 2010
換了tibet bible，排版精美，突登買兩本雜誌儲印花都不為過
話會狂風暴雨，搞到我著左幾日雨鞋，但又冇落雨
可能我好彩啦，一返到去放低個袋就落狗屎，唔通雨鞋有魔咒？
之前失眠了兩晚，settled，所以尋晚放工去左食壽司慶祝，仲有好味cheese cake
換了tibet bible，排版精美，突登買兩本雜誌儲印花都不為過
話會狂風暴雨，搞到我著左幾日雨鞋，但又冇落雨
可能我好彩啦，一返到去放低個袋就落狗屎，唔通雨鞋有魔咒？
之前失眠了兩晚，settled，所以尋晚放工去左食壽司慶祝，仲有好味cheese cake
不戰而勝同不勞而獲一樣咁開心
1 September 2010
這樣算是贏嗎？也許算是成功從她手中搶過來
但想深一層，其實，我並沒有主動做過甚麼，應該說我甚麼也沒有做，根本犯不著搶這個小動作，不費吹灰之力，就乖乖從她的身邊飄到我的手上，對，就是這樣﹗
此事關乎社稷安危，我唔准
一眾大戶和機構投資者快d接order做野，沽貨，沽到見底為止﹗
anyway今日超開心，飲兩杯賀賀佢﹗
這樣算是贏嗎？也許算是成功從她手中搶過來
但想深一層，其實，我並沒有主動做過甚麼，應該說我甚麼也沒有做，根本犯不著搶這個小動作，不費吹灰之力，就乖乖從她的身邊飄到我的手上，對，就是這樣﹗
此事關乎社稷安危，我唔准
一眾大戶和機構投資者快d接order做野，沽貨，沽到見底為止﹗
anyway今日超開心，飲兩杯賀賀佢﹗
不能僭越的界線
31 August 2010
有些決定不能做，有些界線不能僭越
事情維持現狀，總有它的原因
轉變，可能變好，但亦可能變差，變好當然皆大歡喜，但變差的後果，將不可挽回，怎樣承受這種風險？
大家都有一點好感，有點享受，帶點幻想，沒有承諾，毋需負擔，要突破這種狀態嗎？
將情感濃度提高一點，多了一點管束，少了一點秘密，多了一點真相，少了一點空間，受得了嗎？
如果踏前一步，換來你生命中最多不過兩年、兩個月或兩星期，倒不如卻步
維持在這個水平，還是最好
有些決定不能做，有些界線不能僭越
事情維持現狀，總有它的原因
轉變，可能變好，但亦可能變差，變好當然皆大歡喜，但變差的後果，將不可挽回，怎樣承受這種風險？
大家都有一點好感，有點享受，帶點幻想，沒有承諾，毋需負擔，要突破這種狀態嗎？
將情感濃度提高一點，多了一點管束，少了一點秘密，多了一點真相，少了一點空間，受得了嗎？
如果踏前一步，換來你生命中最多不過兩年、兩個月或兩星期，倒不如卻步
維持在這個水平，還是最好
fall in love in belgium
30 August 2010
唔需要買雜誌，勁少買雜誌，揭多過睇，真無謂﹗
今次都係為左特定原因，就係想換tibet bible
揭到其中一頁，係賣飛佛haagen dazs的廣告，新甜品love in belgium，聽個名已經想食，專頁係咁樣介紹：「經典朱古力雪糕與比利時朱古力雪糕相擁，熱朱古力心太軟蛋糕內蘊濃醇朱古力醬，配以冧酒松露朱古力，帶來一場無法拒絕的朱古力盛宴。」
朋友甲歐洲行返來，又起行在即，大家都得閒，就約食晚，我話想食雪糕多d，所以食咩都係其次
take order時講左要等15min，眼看雪糕一啖一啖被送進口，我嗰份仲未到，又期待又心急
朋友甲話食完3球雪糕好有罪惡感…
食雪糕為了開懷，何需介懷？
晏晝因為要出去拎野，冇得訓到自然醒，行左一陣等埋朋友一號，食埋野就返歸，去左我屋企附近間野揼骨，超書夫﹗
研究內蒙行，追秋去…
唔需要買雜誌，勁少買雜誌，揭多過睇，真無謂﹗
今次都係為左特定原因，就係想換tibet bible
揭到其中一頁，係賣飛佛haagen dazs的廣告，新甜品love in belgium，聽個名已經想食，專頁係咁樣介紹：「經典朱古力雪糕與比利時朱古力雪糕相擁，熱朱古力心太軟蛋糕內蘊濃醇朱古力醬，配以冧酒松露朱古力，帶來一場無法拒絕的朱古力盛宴。」
朋友甲歐洲行返來，又起行在即，大家都得閒，就約食晚，我話想食雪糕多d，所以食咩都係其次
take order時講左要等15min，眼看雪糕一啖一啖被送進口，我嗰份仲未到，又期待又心急
朋友甲話食完3球雪糕好有罪惡感…
食雪糕為了開懷，何需介懷？
晏晝因為要出去拎野，冇得訓到自然醒，行左一陣等埋朋友一號，食埋野就返歸，去左我屋企附近間野揼骨，超書夫﹗
研究內蒙行，追秋去…
my tiramisu
29 August 2010
好耐冇食過amaroni's tiramisu，尋晚明明係book唔到枱，但食晒maincourse，侍應拎個甜品menu來，我隨口講左一句，話原本提議去amaroni都係想食tiramisu
忽然大家二話不說，有一個默契，閃過一個念頭，就係睇下樓下有冇位，tiramisu沽清未，先頭部隊去探路，all clear，咁就拉大隊落去食甜品
我要換u travel嗰本tibet bible
好耐冇食過amaroni's tiramisu，尋晚明明係book唔到枱，但食晒maincourse，侍應拎個甜品menu來，我隨口講左一句，話原本提議去amaroni都係想食tiramisu
忽然大家二話不說，有一個默契，閃過一個念頭，就係睇下樓下有冇位，tiramisu沽清未，先頭部隊去探路，all clear，咁就拉大隊落去食甜品
我要換u travel嗰本tibet bible
dress in black, we are sad
27 August 2010
那首哀樂，每一個音符都震入心扉
那刻寧靜，反而令人陷入深沉的不安
每次，奏起哀樂、默哀、下半旗都令人很痛心，每次，都希望不要再有下一次
今天換上全身黑衣，鞋和袋都換上黑色的
車廂和辦公室都少了色彩，但大家多了一份情感的連結
那首哀樂，每一個音符都震入心扉
那刻寧靜，反而令人陷入深沉的不安
每次，奏起哀樂、默哀、下半旗都令人很痛心，每次，都希望不要再有下一次
今天換上全身黑衣，鞋和袋都換上黑色的
車廂和辦公室都少了色彩，但大家多了一份情感的連結
放逐
25 August 2010
朋友甲問去西藏的野，搞到我心思思又想去多次
搭火車去，hea在青年旅舍或廉價酒店，將驅殼放逐到海拔三千以外的地方，正確的說法是吸收天地正氣，讓靈魂充電
目的地的選擇還有內蒙的星空下和新疆天山腳下
朋友乙問我，去西藏用左幾多錢，其實我冇認真咁計過，約一萬掛，其實我都幾肯定應該係一萬以內，佢問我點解揀返大陸，如果都係一萬左右的預算，可以去歐洲
我話，歐洲人比較文明，保育意識也比較強，古堡皇宮或自然景色，不會一下子沒了，但大陸就好唔同，一個晚上可以剷平一條街，斬去一個森林，腳步要同發展鬥快
的確因為咁樣，我想去內蒙+蒙古同新疆多過去俄羅斯
來回交通三千，包括去廣州機場、由深圳機場返港交通同埋坐拉薩機場的機場大巴；酒店x12晚，平均120一晚，其實可以住得再budget一d；長途租車交通係當地最貴消費，800去珠峰，納木錯500，其實正常去納木錯可以平d因為同車只有三人，又租左較貴的越野車；坐公車去桑耶寺來回90；唔多在市內搭車，但預算就係每程10for的士，5-8for三輪車；食野可平可貴，但食左幾餐免費晚餐，自費最貴嗰餐60；門票珠峰280布宮100大昭寺85，札什倫布寺55，納木錯120；買野簽香油豐儉由人
哎，針窿仲有d痛，喉嚨仔開始痛，我唔想病呀…
朋友甲問去西藏的野，搞到我心思思又想去多次
搭火車去，hea在青年旅舍或廉價酒店，將驅殼放逐到海拔三千以外的地方，正確的說法是吸收天地正氣，讓靈魂充電
目的地的選擇還有內蒙的星空下和新疆天山腳下
朋友乙問我，去西藏用左幾多錢，其實我冇認真咁計過，約一萬掛，其實我都幾肯定應該係一萬以內，佢問我點解揀返大陸，如果都係一萬左右的預算，可以去歐洲
我話，歐洲人比較文明，保育意識也比較強，古堡皇宮或自然景色，不會一下子沒了，但大陸就好唔同，一個晚上可以剷平一條街，斬去一個森林，腳步要同發展鬥快
的確因為咁樣，我想去內蒙+蒙古同新疆多過去俄羅斯
來回交通三千，包括去廣州機場、由深圳機場返港交通同埋坐拉薩機場的機場大巴；酒店x12晚，平均120一晚，其實可以住得再budget一d；長途租車交通係當地最貴消費，800去珠峰，納木錯500，其實正常去納木錯可以平d因為同車只有三人，又租左較貴的越野車；坐公車去桑耶寺來回90；唔多在市內搭車，但預算就係每程10for的士，5-8for三輪車；食野可平可貴，但食左幾餐免費晚餐，自費最貴嗰餐60；門票珠峰280布宮100大昭寺85，札什倫布寺55，納木錯120；買野簽香油豐儉由人
哎，針窿仲有d痛，喉嚨仔開始痛，我唔想病呀…
殤
24 August 2010
司機逃走，車上還有15人，最後7死8傷
為甚麼要悲劇收場？
中午從網上的即時新聞睇到標題，康泰旅行團在菲律賓被挾持，匪夷所思的感覺，同當日聽到客機撞世貿相差無幾
noon cast播出的應該係ap的source，我喺度諗緊，派邊個去當地…
miss左main cast頭條，但半個cast都係菲律賓，當地情況一定很差
後來我訓著左，9點幾起身出去搵食，朋友甲打電話過來，update住馬尼拉的情況，因為佢睇住畸寶直播，講到槍聲和車門掛屍，都直播出晒街，睇到佢驚心動魄，差點要哭出來
電影睇得多，大家都知道，電影裡被挾持的人質被殺死也好，也是假的，所以看了也沒有多大的感覺，但這一場「戲」是真的，說得難聽一點，變態的電視台，將一幕槍手挾持人質與警察對恃的流血衝突真人騷，直播俾一班變態的觀眾睇
雖然我冇睇，有需要直播嗎？
主播像足球評述，某甲球員如何施射，盡其所能形容所見畫面，再即時上網或在通訊社翻資料，讀數據
直播外電的source，是這樣嗎？
還有抽水，提早播的晚間新聞
M16的彈匣，20發或30發，究竟佢有幾多子彈？
車裡拿著槍的，不是打機啊﹗這是現實，如何對著有血有肉的活人亂槍掃射？
對，四字詞不能亂用，但這一回，真的是亂槍掃射，這個四字詞，最好以後別用﹗
醫生說子彈在腦裡，如果那一刻的車廂裡，應該鑽哪兒？
菲律賓的龜縮特種部隊，不，是特種龜縮部隊，拿鐵鎚打車窗，砸車門，這算是甚麼居心？
唔知間車廠使唔使問ap買番條raw片，用來做廣告，sell佢架車幾「堅固」
車廂掛上窗簾，外面卻在開槍，如何確保不射人質？
行動失敗死了人質，指揮那個打份報告，捱罵吃灰，如何嚴重最多也不過是革職，但靈魂與驅殼被強行用子彈分離之後，是沒法還原的
我要求菲律賓政府交待，警察有冇殺死人質
這個時候，大家都很排外，我很討厭菲律賓
至於我，晏晝諗來諗去，都係去睇醫生，打過破傷風針，食左抗生素、消腫止痛藥，隻手已經唔腫了，傷口亦埋口順利
司機逃走，車上還有15人，最後7死8傷
為甚麼要悲劇收場？
中午從網上的即時新聞睇到標題，康泰旅行團在菲律賓被挾持，匪夷所思的感覺，同當日聽到客機撞世貿相差無幾
noon cast播出的應該係ap的source，我喺度諗緊，派邊個去當地…
miss左main cast頭條，但半個cast都係菲律賓，當地情況一定很差
後來我訓著左，9點幾起身出去搵食，朋友甲打電話過來，update住馬尼拉的情況，因為佢睇住畸寶直播，講到槍聲和車門掛屍，都直播出晒街，睇到佢驚心動魄，差點要哭出來
電影睇得多，大家都知道，電影裡被挾持的人質被殺死也好，也是假的，所以看了也沒有多大的感覺，但這一場「戲」是真的，說得難聽一點，變態的電視台，將一幕槍手挾持人質與警察對恃的流血衝突真人騷，直播俾一班變態的觀眾睇
雖然我冇睇，有需要直播嗎？
主播像足球評述，某甲球員如何施射，盡其所能形容所見畫面，再即時上網或在通訊社翻資料，讀數據
直播外電的source，是這樣嗎？
還有抽水，提早播的晚間新聞
M16的彈匣，20發或30發，究竟佢有幾多子彈？
車裡拿著槍的，不是打機啊﹗這是現實，如何對著有血有肉的活人亂槍掃射？
對，四字詞不能亂用，但這一回，真的是亂槍掃射，這個四字詞，最好以後別用﹗
醫生說子彈在腦裡，如果那一刻的車廂裡，應該鑽哪兒？
菲律賓的龜縮特種部隊，不，是特種龜縮部隊，拿鐵鎚打車窗，砸車門，這算是甚麼居心？
唔知間車廠使唔使問ap買番條raw片，用來做廣告，sell佢架車幾「堅固」
車廂掛上窗簾，外面卻在開槍，如何確保不射人質？
行動失敗死了人質，指揮那個打份報告，捱罵吃灰，如何嚴重最多也不過是革職，但靈魂與驅殼被強行用子彈分離之後，是沒法還原的
我要求菲律賓政府交待，警察有冇殺死人質
這個時候，大家都很排外，我很討厭菲律賓
至於我，晏晝諗來諗去，都係去睇醫生，打過破傷風針，食左抗生素、消腫止痛藥，隻手已經唔腫了，傷口亦埋口順利
my inception
22 August 2010
睇左inception，究竟有幾難明？
我諗套戲最令人覺得神乎其技，在於個結局，大家都有自己的解讀方法，再拎出來討論時，就好驚訝點解會咁既呢，點解大家諗的野會唔同
對大家的衝擊咁大，都怪我地平時睇的野太linear、straight forward，訊息接收得清清楚楚，少了其他可能性
mocha糯米糍如果趁熱食，朱古力是軟蕊的，呢個亦都係佢咁難猜的原因之一
因為食唔晒，我放左入雪櫃，原來雪凍左之後，個蕊係脆皮，勁正
睇左inception，究竟有幾難明？
我諗套戲最令人覺得神乎其技，在於個結局，大家都有自己的解讀方法，再拎出來討論時，就好驚訝點解會咁既呢，點解大家諗的野會唔同
對大家的衝擊咁大，都怪我地平時睇的野太linear、straight forward，訊息接收得清清楚楚，少了其他可能性
mocha糯米糍如果趁熱食，朱古力是軟蕊的，呢個亦都係佢咁難猜的原因之一
因為食唔晒，我放左入雪櫃，原來雪凍左之後，個蕊係脆皮，勁正
星期六, 8月 21, 2010
如果將關注折現
20 August 2010
斌仔搬屋的故事早幾日已經吸引我，尋日見到assignment mark左做細圍故，但鏡頭所見，齊晒台，仲有好多pho-tog，似乎細圍就係唔預電台？
西鐵車廂裡，原本各自發夢，斌仔的新聞，令所有人的視線都集中在電視機上，如果這份關注折現五成，變成真正關心的行動，他今天不用被搬到鏡頭前，說出放下尊嚴的說話…
夜晚玩煮飯仔，先去買意大利米等材料，意大利大餐，有risotto同磨菇湯，超好味﹗
勉強都可以叫海鮮意大利飯，因為有鮮帶子、吞拿魚同蟹柳，其實一下冇醒起，地鐵站間吸血鬼超市有拆左的蟹肉賣，聲稱泊來品來佬貨，如果唔係的話就更加海鮮
不過唔好調轉，唔可以叫意大利海鮮飯，因為係海鮮+意大利飯，而不是意大利海鮮+飯
食飽無事做，又想食甜品，身痕，正嘗試mocha糯米糍
不過，失敗呀﹗猜唔到圓碌碌，立黐黐，猜到岩岩蠶蠶，好醜樣…
哎，又恐襲，點做最徍後備？
之前講過會補回的雪糕車相
唔係用現成的罐頭湯或雞湯，自己煮左個蕃茄湯，勁鮮甜；炒洋蔥勁香，聞都知道好味
製成品，絕對見得人，放心食用﹗
斌仔搬屋的故事早幾日已經吸引我，尋日見到assignment mark左做細圍故，但鏡頭所見，齊晒台，仲有好多pho-tog，似乎細圍就係唔預電台？
西鐵車廂裡，原本各自發夢，斌仔的新聞，令所有人的視線都集中在電視機上，如果這份關注折現五成，變成真正關心的行動，他今天不用被搬到鏡頭前，說出放下尊嚴的說話…
夜晚玩煮飯仔，先去買意大利米等材料，意大利大餐，有risotto同磨菇湯，超好味﹗
勉強都可以叫海鮮意大利飯，因為有鮮帶子、吞拿魚同蟹柳，其實一下冇醒起，地鐵站間吸血鬼超市有拆左的蟹肉賣，聲稱泊來品來佬貨，如果唔係的話就更加海鮮
不過唔好調轉，唔可以叫意大利海鮮飯，因為係海鮮+意大利飯，而不是意大利海鮮+飯
食飽無事做，又想食甜品，身痕，正嘗試mocha糯米糍
不過，失敗呀﹗猜唔到圓碌碌，立黐黐，猜到岩岩蠶蠶，好醜樣…
哎，又恐襲，點做最徍後備？
之前講過會補回的雪糕車相
唔係用現成的罐頭湯或雞湯，自己煮左個蕃茄湯，勁鮮甜；炒洋蔥勁香，聞都知道好味
製成品，絕對見得人，放心食用﹗
一碟軟飯拖鞋上
18 August 2010
舊年大陸有個小朋友的志願係做貪官，吹水講開，應該有d細路立志做風水師，理想係做挖窿師父，最受歡迎的菜式，唔係咩珍饈百味，而係軟飯，最好仲要係軟飯拖鞋上
電視劇中的對白，係「只有窮死人，冇餓死人」
又係從電視中得知，以前幾乎日日放學一齊打波的「波友」認為樣靚會多d機會去整容，仲睜著眼睛沾沾自喜，真係匪夷所思…
哼﹗呢個社會，越來越接近笑貧不笑娼
夜晚打邊爐吹水大會，真係超開心，飛滋漸褪，不過反而颷左兩粒瘡
最近，公司附近經常泊一輛雪糕車，播著勾人魂魄的藍色多瑙河，幸好，我仲把持得住
其實不知不覺間，雪糕車呢個老朋友，已經轉變…
以前，雪糕車唔係寫住雪糕車，而係寫住「富豪雪糕」，而以前「mister softee」已經換上「mobile softee」
我最初以為公司門外的係冒牌貨，但後來喺其他地方的雪糕車，都發現相同的轉變
斷估應該唔係一架車走天涯，原來，也許，是屬於我們的集體回憶已經在消逝…
某天晚上，經過旺角的雪糕車，我特意走上前看一眼，白色油漆下還有「富豪雪糕」的痕跡若隱若現，但色彩鮮明的是「雪糕車」三個大字
稍後，補回相片
舊年大陸有個小朋友的志願係做貪官，吹水講開，應該有d細路立志做風水師，理想係做挖窿師父，最受歡迎的菜式，唔係咩珍饈百味，而係軟飯，最好仲要係軟飯拖鞋上
電視劇中的對白，係「只有窮死人，冇餓死人」
又係從電視中得知，以前幾乎日日放學一齊打波的「波友」認為樣靚會多d機會去整容，仲睜著眼睛沾沾自喜，真係匪夷所思…
哼﹗呢個社會，越來越接近笑貧不笑娼
夜晚打邊爐吹水大會，真係超開心，飛滋漸褪，不過反而颷左兩粒瘡
最近，公司附近經常泊一輛雪糕車，播著勾人魂魄的藍色多瑙河，幸好，我仲把持得住
其實不知不覺間，雪糕車呢個老朋友，已經轉變…
以前，雪糕車唔係寫住雪糕車，而係寫住「富豪雪糕」，而以前「mister softee」已經換上「mobile softee」
我最初以為公司門外的係冒牌貨，但後來喺其他地方的雪糕車，都發現相同的轉變
斷估應該唔係一架車走天涯，原來，也許，是屬於我們的集體回憶已經在消逝…
某天晚上，經過旺角的雪糕車，我特意走上前看一眼，白色油漆下還有「富豪雪糕」的痕跡若隱若現，但色彩鮮明的是「雪糕車」三個大字
稍後，補回相片
飯後感
14 August 2010
人如果餓了，反應會遲頓，思緒不能集中，腦袋的思考工作停頓，肚子咕嚕咕嚕…
你可以用意志控制情感，但肚餓難熬，首先口腔會不由自主地變得特別滋潤，然後可能是胃痛，嚴重一點腸抽筋甚至暈倒
每天上班，期待放飯，有一小時到外邊呼吸自由的空氣，放工急不及待赴約，也是大吃一頓
辛苦賺來的鈔票，每天都為五臟廟奉獻
不論用腦思考，為了吃；不論體力消耗，也要吃
我這麼堅信這一套，沒有吃好，跟話不投機的人吃飯，我問自己為甚麼，偶爾吃飯變成了苦差
人際網絡錯綜複雜，心中所想，不能宣之於口或凝之於色
明明帶點討厭和芥蒂，卻要坐在一起，同枱食飯，還自己一個空間是更好的選擇嗎？
人如果餓了，反應會遲頓，思緒不能集中，腦袋的思考工作停頓，肚子咕嚕咕嚕…
你可以用意志控制情感，但肚餓難熬，首先口腔會不由自主地變得特別滋潤，然後可能是胃痛，嚴重一點腸抽筋甚至暈倒
每天上班，期待放飯，有一小時到外邊呼吸自由的空氣，放工急不及待赴約，也是大吃一頓
辛苦賺來的鈔票，每天都為五臟廟奉獻
不論用腦思考，為了吃；不論體力消耗，也要吃
我這麼堅信這一套，沒有吃好，跟話不投機的人吃飯，我問自己為甚麼，偶爾吃飯變成了苦差
人際網絡錯綜複雜，心中所想，不能宣之於口或凝之於色
明明帶點討厭和芥蒂，卻要坐在一起，同枱食飯，還自己一個空間是更好的選擇嗎？
once upon a summer time
13 August 2010
某年仲夏，幾個友人，一間渡假屋，歡度數十小時
今年要encore，日子訂好，房間亦訂好，同一個沙灘，藍天白雲、掘大蜆和bbq，原來，已經係三年前的事
不過訓馬路狂呼，踩單車喪滴汗，都好似唔係好耐之前發生的事
有一次做義工先知道，原來鬼節唔係七月十四，正日應該係十五，盂蘭也好，中元也好，燒街衣背後有一段淒楚感人的故事，一點也不恐怖
害怕，只因無知；禁忌，只因誤解
我返夜你就返normal，到我返normal你就返夜，係咪玩野先？
生左粒飛滋，唔知打邊爐醫唔醫到呢，定係馬吊治療比較有效？
咀巴，最大的功用是吃和講，我兩者兼擅，當然可以又吃又講；不想吃時，講；不想講時，吃
但是不能吃不能講時，又不能避，還有一個選擇，就是沉默
不過最可悲是沉默也不能自主，被迫吐出應酬的說話，只能怪錯選了位置…
某年仲夏，幾個友人，一間渡假屋，歡度數十小時
今年要encore，日子訂好，房間亦訂好，同一個沙灘，藍天白雲、掘大蜆和bbq，原來，已經係三年前的事
不過訓馬路狂呼，踩單車喪滴汗，都好似唔係好耐之前發生的事
有一次做義工先知道，原來鬼節唔係七月十四，正日應該係十五，盂蘭也好，中元也好，燒街衣背後有一段淒楚感人的故事，一點也不恐怖
害怕，只因無知；禁忌，只因誤解
我返夜你就返normal，到我返normal你就返夜，係咪玩野先？
生左粒飛滋，唔知打邊爐醫唔醫到呢，定係馬吊治療比較有效？
咀巴，最大的功用是吃和講，我兩者兼擅，當然可以又吃又講；不想吃時，講；不想講時，吃
但是不能吃不能講時，又不能避，還有一個選擇，就是沉默
不過最可悲是沉默也不能自主，被迫吐出應酬的說話，只能怪錯選了位置…
no. 2
12 August 2010
早幾日仲埋怨通往西鐵站條路，冇人清理雜草，言猶在耳，前兩晚返屋企時，見到超毒的金腳帶，本港二號毒蛇
今早返工時，草青味道撲鼻而來，原來，剪了草
夜晚食左好味牛肉烏冬，不過仲未安排到時間睇inception，係咪應該搵過第二個人陪睇呢…
希望今個weekend好天啦，單車攝影先可以出動
早幾日仲埋怨通往西鐵站條路，冇人清理雜草，言猶在耳，前兩晚返屋企時，見到超毒的金腳帶，本港二號毒蛇
今早返工時，草青味道撲鼻而來，原來，剪了草
夜晚食左好味牛肉烏冬，不過仲未安排到時間睇inception，係咪應該搵過第二個人陪睇呢…
希望今個weekend好天啦，單車攝影先可以出動
遇上榨汁機
11 August 2010
有人很怕遇上榨汁機，不過我頭先就搬左一部返屋企，再加一袋甘荀，真係好重…
自家製甘荀汁，飲左一大杯，泡製了一小樽，350ml，明天早餐
忽然間有d掛住amaroni's tiramisu
搵日啦，搵日去買番個返來一齊食
有人很怕遇上榨汁機，不過我頭先就搬左一部返屋企，再加一袋甘荀，真係好重…
自家製甘荀汁，飲左一大杯，泡製了一小樽，350ml，明天早餐
忽然間有d掛住amaroni's tiramisu
搵日啦，搵日去買番個返來一齊食
魚宴
10 August 2010
尋晚去左食麻辣烤魚，勁好味，食到滴汗，但唔理都係照食，仲越食越辣，越辣越想食﹗
前幾晚食左隔幾間舖的魚粥，本來都猶豫好唔好叫炸魚蛋，叫兩粒好似好糗，因為朋友甲唔食，後來唔使煩囉，老細送左一碟有四粒，咁我啪晒四粒，勁飽
尋晚去左食麻辣烤魚，勁好味，食到滴汗，但唔理都係照食，仲越食越辣，越辣越想食﹗
前幾晚食左隔幾間舖的魚粥，本來都猶豫好唔好叫炸魚蛋，叫兩粒好似好糗，因為朋友甲唔食，後來唔使煩囉，老細送左一碟有四粒，咁我啪晒四粒，勁飽
用個胃來諗野
09 August 2010
咁又一個星期…
尋晚一口氣睇左三套戲，toy story3，志明與春嬌、吸血新世紀3，後者，真係唔使錢咋，但都哂我時間囉，睇到想界凳
我不是要為我為食而辯護，的而且確，人生每一天，很多決定，都關乎食，曾經聽過一套理論，人唔係用個腦諗野，係用個胃
補回上周影的單車相
咁又一個星期…
尋晚一口氣睇左三套戲，toy story3，志明與春嬌、吸血新世紀3，後者，真係唔使錢咋，但都哂我時間囉，睇到想界凳
我不是要為我為食而辯護，的而且確，人生每一天，很多決定，都關乎食，曾經聽過一套理論，人唔係用個腦諗野，係用個胃
補回上周影的單車相
踩住架單車，揹住部相機
02 August 2010
寫稿同放假，梗係揀放假啦
離開公司係朝早8點，點左d儲糧返歸，返到去沖左個涼洗埋個頭就訓，閂電話，只有知道我屋企電話的人先搵到我，要打到來我屋企，非搵我不可，都係非常極之重要的人
5點，係晏晝5點電話響醒左，跟住食左d野，換衫出去踩單車
我一直有個念頭，就係踩住架單車，揹住部相機，放假時周圍影相，今日終於付諸實行
呢一站去左錦田樹屋，離家不遠，但踩單車踩到索晒氣，狂颷汗…
返到再沖個涼，求其食左d野，都懶得煮
話時話搬過來都半年有多，我仲用來用去都係嗰罐石油氣，可想而知我有幾少開爐煮飯食﹗
其實都幾攰，本來諗住早d訓，但又心野，出左去飲野，食左串燒宵夜，好味道
寫稿同放假，梗係揀放假啦
離開公司係朝早8點，點左d儲糧返歸，返到去沖左個涼洗埋個頭就訓，閂電話，只有知道我屋企電話的人先搵到我，要打到來我屋企，非搵我不可，都係非常極之重要的人
5點，係晏晝5點電話響醒左，跟住食左d野，換衫出去踩單車
我一直有個念頭，就係踩住架單車，揹住部相機，放假時周圍影相，今日終於付諸實行
呢一站去左錦田樹屋，離家不遠，但踩單車踩到索晒氣，狂颷汗…
返到再沖個涼，求其食左d野，都懶得煮
話時話搬過來都半年有多，我仲用來用去都係嗰罐石油氣，可想而知我有幾少開爐煮飯食﹗
其實都幾攰，本來諗住早d訓，但又心野，出左去飲野，食左串燒宵夜，好味道
歸家記事
01 August 2010
人越大，彷彿靈魂越空虛，越想找點依靠和寄託
能夠寫入腦海，關於生命的印記，好像越來越少，不，是沒有空寫下？忘記了？還是沒有值得畫個記號的事情？
結果，要找不平凡的經歷，將人生、思維都顛倒過來，去那些被標籤為異域的地方
對，你猜對了，這幾個年頭，我印象中的自己都在外邊，時刻沉醉在風情的綺夢中
人越大，彷彿靈魂越空虛，越想找點依靠和寄託
能夠寫入腦海，關於生命的印記，好像越來越少，不，是沒有空寫下？忘記了？還是沒有值得畫個記號的事情？
結果，要找不平凡的經歷，將人生、思維都顛倒過來，去那些被標籤為異域的地方
對，你猜對了，這幾個年頭，我印象中的自己都在外邊，時刻沉醉在風情的綺夢中
很笨的一星期
31 July 2010
噢，又差唔多一個星期冇喺度寫野
呢個禮拜我自行實行自動上班時間，幾晚拍野返夜，好幾晚守巷待鼠，真係有d笨…
生活沒有太多所思所感，遇到的奇怪事，就係紅色嗰間超市，西生菜原價$6.9，特價$7.5
因為星期3深夜去守巷待鼠，黃昏黑色暴雨警告除下都仲未出門口返工，所以之前一晚去左食野，知己相伴，酒杯乾盡，介乎清醒與迷糊之間，感覺良好
拎左以前做讀書報告的《唐山大地震》出來，不過一頁都未揭過，排版的進度亦非常緩慢
噢，又差唔多一個星期冇喺度寫野
呢個禮拜我自行實行自動上班時間，幾晚拍野返夜，好幾晚守巷待鼠，真係有d笨…
生活沒有太多所思所感，遇到的奇怪事，就係紅色嗰間超市，西生菜原價$6.9，特價$7.5
因為星期3深夜去守巷待鼠，黃昏黑色暴雨警告除下都仲未出門口返工，所以之前一晚去左食野，知己相伴，酒杯乾盡，介乎清醒與迷糊之間，感覺良好
拎左以前做讀書報告的《唐山大地震》出來，不過一頁都未揭過，排版的進度亦非常緩慢
帶定紙巾去睇戲
27 July 2010
星期5放工返來已經好攰，呢排都係咁，坐喺度都訓著，本來睇大結局，但都唔知點解訓著左
直至朋友甲打來傾左陣電話先叫醒，睇到電視廣告，我問佢睇唔睇戲，咁就決定星期日睇戲，《唐山大地震》
星期6拍野，返到來覺得成身都好臭，明明換左衫沖埋涼但間房仲有嗰陣臭味，原來係我個袋…
星期日hea左一個晏晝，排版，跟住先換衫出去，搞到勁趕，7點半開場，我6點11先出門口
車上朋友甲又未打俾我，咪即係未到囉，鬥遲？
戲院門口等，攞左飛入去，已經播緊trailer，沉默的戲院，大家都有心理準備…
預左睇到喊的戲，我話要同信得過的人睇，因為唔係好想俾人睇到個豬頭樣，又喊又笑，我覺得好似導演拑掣，幾時拑幾時喊
好想去唐山大地震的紀念碑睇下，官方公布24萬人死亡，24萬個名字，應該超震撼﹗
又對於我這種去過地震災區的人，地震那幕，眼前是特效，腦海卻是浮現當日的頹垣敗瓦，雙腳彷彿有點不踏實，再站在晃動的瓦礫上，那天害怕餘震的晚上徹夜無眠…
為甚麼堅強就要受磨鍊？為甚麼懂事就要被忽略？
我小時候常問的問題
睇完冇想像中咁沉重，同《南京南京》睇完唔開心左一輪的感覺好唔同
跟住去左食壽司，狂風掃落葉，都唔知食左幾多碟
冇地方想去，咁就搭車返歸
hea左陣，沖完涼洗埋頭，佢又走左去飲野，與其喺屋企都唔係好訓到，咁就出去啦，飲完食埋野，5點半先返到
又打來喇，今次我冇聽，點解仲唔放棄？
星期5放工返來已經好攰，呢排都係咁，坐喺度都訓著，本來睇大結局，但都唔知點解訓著左
直至朋友甲打來傾左陣電話先叫醒，睇到電視廣告，我問佢睇唔睇戲，咁就決定星期日睇戲，《唐山大地震》
星期6拍野，返到來覺得成身都好臭，明明換左衫沖埋涼但間房仲有嗰陣臭味，原來係我個袋…
星期日hea左一個晏晝，排版，跟住先換衫出去，搞到勁趕，7點半開場，我6點11先出門口
車上朋友甲又未打俾我，咪即係未到囉，鬥遲？
戲院門口等，攞左飛入去，已經播緊trailer，沉默的戲院，大家都有心理準備…
預左睇到喊的戲，我話要同信得過的人睇，因為唔係好想俾人睇到個豬頭樣，又喊又笑，我覺得好似導演拑掣，幾時拑幾時喊
好想去唐山大地震的紀念碑睇下，官方公布24萬人死亡，24萬個名字，應該超震撼﹗
又對於我這種去過地震災區的人，地震那幕，眼前是特效，腦海卻是浮現當日的頹垣敗瓦，雙腳彷彿有點不踏實，再站在晃動的瓦礫上，那天害怕餘震的晚上徹夜無眠…
為甚麼堅強就要受磨鍊？為甚麼懂事就要被忽略？
我小時候常問的問題
睇完冇想像中咁沉重，同《南京南京》睇完唔開心左一輪的感覺好唔同
跟住去左食壽司，狂風掃落葉，都唔知食左幾多碟
冇地方想去，咁就搭車返歸
hea左陣，沖完涼洗埋頭，佢又走左去飲野，與其喺屋企都唔係好訓到，咁就出去啦，飲完食埋野，5點半先返到
又打來喇，今次我冇聽，點解仲唔放棄？
我只是路過
23 July 2010
繼續排版，旅程凝固在第二天，剛吃了一碗越式河粉…
所思所感仍然很新鮮，但還是不喜歡畫下句點
3號風球的深夜，半睡半醒
早上，決定放假，就放假，不用客氣﹗
每次都忍唔住口，明知佢會取笑我一番，但還是將踩單車的由來講俾佢聽
我問，究竟男人食幾多次檸檬先會放棄？
我只是路過而已…
夜晚，佢提議叫pizza外賣，真係唔忍心因為我要醫肚，就要人冒著黑雨送來剛出爐的香脆薄餅，好在，到落單時、收貨時外面冇落雨，心裡舒服一d
繼續排版，旅程凝固在第二天，剛吃了一碗越式河粉…
所思所感仍然很新鮮，但還是不喜歡畫下句點
3號風球的深夜，半睡半醒
早上，決定放假，就放假，不用客氣﹗
每次都忍唔住口，明知佢會取笑我一番，但還是將踩單車的由來講俾佢聽
我問，究竟男人食幾多次檸檬先會放棄？
我只是路過而已…
夜晚，佢提議叫pizza外賣，真係唔忍心因為我要醫肚，就要人冒著黑雨送來剛出爐的香脆薄餅，好在，到落單時、收貨時外面冇落雨，心裡舒服一d
i am jogging
21 July 2010
掛起一號風球前一天晚上，回家路上，仰望星空，真的很吸引，眼前一點綠色閃光，仔細看清，原來是螢火蟲，瞳孔隨著這點閃光轉動，另一點閃光映入眼簾
我真係好鍾意呢個地方，究竟，這樣的景緻可以保存多久？
放工返去出左河邊跑步
掛起一號風球前一天晚上，回家路上，仰望星空，真的很吸引，眼前一點綠色閃光，仔細看清，原來是螢火蟲，瞳孔隨著這點閃光轉動，另一點閃光映入眼簾
我真係好鍾意呢個地方，究竟，這樣的景緻可以保存多久？
放工返去出左河邊跑步
回味東京街頭迴轉壽司的味道
20 July 2010
尋晚訓唔著，6點幾又要起身，晨吉咁早出crew拍野，真係超辛苦，超眼訓，超熱…
lunch覺得要對自己好d，咁就去左食壽司，食左5碟都要一舊水，哎，唔順路，如果唔係俾多40蚊食嗰個好開心的魚生飯就好
早返早收，所以返屋企時仲係烈日當空，因為腳仔攰，又熱，尋日又喪行，所以決定返屋企，搭車一陣都恰著
返到去電話，填form
夜晚一齊食飯，佢建議食壽司，係佢絕少提議的，唔知點解呢，梗係覺得佢唔係太好日本野，每次話去食佢都係就我，知我想食所以先去
好開心呀，一日食兩餐都係日本野
不過可能太攰，未必喺個樣睇得出我有幾開心，但大家都不約而同憶起東京街頭迴轉壽司的味道
食完行左陣街散水，喺月台等車，搭返去一個站，但都宗眼訓，係訓著嗰隻…
返去仲有好多野搞，繼續填表，又要準備聽日個訪問，哎…
尋晚訓唔著，6點幾又要起身，晨吉咁早出crew拍野，真係超辛苦，超眼訓，超熱…
lunch覺得要對自己好d，咁就去左食壽司，食左5碟都要一舊水，哎，唔順路，如果唔係俾多40蚊食嗰個好開心的魚生飯就好
早返早收，所以返屋企時仲係烈日當空，因為腳仔攰，又熱，尋日又喪行，所以決定返屋企，搭車一陣都恰著
返到去電話，填form
夜晚一齊食飯，佢建議食壽司，係佢絕少提議的，唔知點解呢，梗係覺得佢唔係太好日本野，每次話去食佢都係就我，知我想食所以先去
好開心呀，一日食兩餐都係日本野
不過可能太攰，未必喺個樣睇得出我有幾開心，但大家都不約而同憶起東京街頭迴轉壽司的味道
食完行左陣街散水，喺月台等車，搭返去一個站，但都宗眼訓，係訓著嗰隻…
返去仲有好多野搞，繼續填表，又要準備聽日個訪問，哎…
缺乏多巴胺
19 July 2010
返一日再放兩日假，三個鐘後，又係返工的時間…
星期5本來一個人，靜靜地食飯，佢打個短訊過來，咁就一齊去左飲茶
放工，先返左屋企，再出去左元朗食飯，略有名氣的越南河粉同法包，咪去試下囉，都係想像之中的味道，不過，同地道還有一段距離
食完行左陣各自各返歸，我去左搭西鐵，返去恰左陣，仲未處理的相簿，的起心肝排版，4點幾訓覺前，只係排左一張
熄晒燈仲未訓著，電話響，但接通兩秒就收左線，即刻去搵手機睇睇，兩個短訊未睇，佢話好唔開心，我估應該喺老地方…
間野閂6點，佢未走，落去睇下佢啦，起碼唔好飲醉冇人理
出面一直落好大好大雨，頂硬上，拖鞋短褲，加一把長遮，行出去截的士一段小路，但都濕晒，竟然又冇車，哎…
落到去只係見佢個bag，吧頭哥哥問我做咩咁晏，又話佢飲左好多
其實我真係唔知佢落左來…
坐到間野打烊，我可以做，同埋最安心的，就係搭的士帶佢返屋企
星期6訓到5點幾先起身，勁肚餓，求其食左d野，就返屋企食飯
星期日，又係訓到黃斯八晏，3點左右佢打來先起身，跟住兩條友生菜魚肉炸雞翼腸粉小食當午餐，開行冷氣hea左半個晏晝，傍晚再換衫出去行街
其實，我都唔係好開心…
好似冇咩人同事可以令我提起勁，多巴胺處於甚低水平，點算？
返一日再放兩日假，三個鐘後，又係返工的時間…
星期5本來一個人，靜靜地食飯，佢打個短訊過來，咁就一齊去左飲茶
放工，先返左屋企，再出去左元朗食飯，略有名氣的越南河粉同法包，咪去試下囉，都係想像之中的味道，不過，同地道還有一段距離
食完行左陣各自各返歸，我去左搭西鐵，返去恰左陣，仲未處理的相簿，的起心肝排版，4點幾訓覺前，只係排左一張
熄晒燈仲未訓著，電話響，但接通兩秒就收左線，即刻去搵手機睇睇，兩個短訊未睇，佢話好唔開心，我估應該喺老地方…
間野閂6點，佢未走，落去睇下佢啦，起碼唔好飲醉冇人理
出面一直落好大好大雨，頂硬上，拖鞋短褲，加一把長遮，行出去截的士一段小路，但都濕晒，竟然又冇車，哎…
落到去只係見佢個bag，吧頭哥哥問我做咩咁晏，又話佢飲左好多
其實我真係唔知佢落左來…
坐到間野打烊，我可以做，同埋最安心的，就係搭的士帶佢返屋企
星期6訓到5點幾先起身，勁肚餓，求其食左d野，就返屋企食飯
星期日，又係訓到黃斯八晏，3點左右佢打來先起身，跟住兩條友生菜魚肉炸雞翼腸粉小食當午餐，開行冷氣hea左半個晏晝，傍晚再換衫出去行街
其實，我都唔係好開心…
好似冇咩人同事可以令我提起勁，多巴胺處於甚低水平，點算？
俾錢嚇自己
16 July 2010
一行6人，撐著眼，捱眼訓，約在朝早9點幾的太子，一齊搭車去番禺，目的地係水上樂園
困在旅遊巴內，訓唔到，企唔到，唔知做乜好，勁辛苦，坐到腰痛…
落車已經係三個幾鐘頭之後，食川菜，但馬馬地，之後發現如果3點先入場，俾多70蚊都只係玩多兩粒鐘左右，唔係好抵，天氣熱，又怕排隊，最後決定去揼骨，之後先施施然搭車去買飛，玩夜場
仍是老問題，點解要俾錢嚇自己？
入口附近最近的係sir滑梯，睇見到覺得恐怖，幾層樓高，黃色7秒sir到落去，黃色都係8秒咋…
等緊玩時feel到心跳加速，同喺跳樓等跌落去都相差無幾
身都未濕唔好玩咁邀，諗住玩藍色，但差唔多排到時竟然閂左，局住玩另外兩條，但感覺好似橙色應該冇咁恐怖，咁就玩橙色，除衫就行，但係離心力勁到呢，我真係全程唔敢開眼，sir完左都唔知完左
但最令我唔開心的事係，sir完滑梯落來唔見左對original拖鞋，俾人偷左﹗
但朋友甲對拖鞋同我一齊放同一格都冇事，好明顯揀野來偷，我要強烈譴責，鬧爆大陸班cheap呢﹗
total 7個玩晒，爬喺度sir落去喺條滑梯企上去個窿時，真係有d跳樓的感覺，個窿黑馬馬，咩都睇唔到架；而嗰條好激嗰條滑道，我地揀左3個人一齊坐，一開始時有機關送你一程，好似垃圾房d垃圾，操作員press個掣就跌落去，有一陣慘叫…
其實，真係好好玩，而其實最簡單的sir滑梯係最得人驚﹗
夜晚人隊決定去食蛇，其實我有d唔想，一來呢種生物個樣非常唔討好，雖然係咁，但生牛牛要劏佢來食，硬係唔知點咁
又攰又肚餓，唔理喵埋眼食…
返到去即訓，訓到今日12點退房，所謂的房，其實祈福新村的度假屋，唔好期望有咩設施，純粹有3間房，有幾張訓得人的床，可以用的廁所兩個
食個飯又揼個骨，啱啱趕到4點半的車返來，喺深圳灣跳車
原來我個電話shot shot地，baby兩日都搵唔到我，佢話我連sms都唔覆好驚我有事，又諗我會唔會唔見左個電話
其實我都覺得奇怪，佢冇理由message都冇個，我個電話明明收爆晒，真係唔知點解收唔到喎…
返來聽番，好多個留言…
回程途中，見到兩架運豬車，係咪運落來就唔知，每隻豬的耳仔都釘住一個牌，佢地好明顯係送去俾人開餐，其實佢地知唔知呢？
在車上見識世界，這段路，是最後一段「豬生」，一條不歸路
同尋晚d蛇一樣，佢地一出世的命運就係俾人食，佢地又知唔知呢？
返到屋企擺低d野都差唔多8點，唔知點解好想食麥記，咁就走出去食麥甩咯餐，食完行街，行到十一點左右先返歸
一行6人，撐著眼，捱眼訓，約在朝早9點幾的太子，一齊搭車去番禺，目的地係水上樂園
困在旅遊巴內，訓唔到，企唔到，唔知做乜好，勁辛苦，坐到腰痛…
落車已經係三個幾鐘頭之後，食川菜，但馬馬地，之後發現如果3點先入場，俾多70蚊都只係玩多兩粒鐘左右，唔係好抵，天氣熱，又怕排隊，最後決定去揼骨，之後先施施然搭車去買飛，玩夜場
仍是老問題，點解要俾錢嚇自己？
入口附近最近的係sir滑梯，睇見到覺得恐怖，幾層樓高，黃色7秒sir到落去，黃色都係8秒咋…
等緊玩時feel到心跳加速，同喺跳樓等跌落去都相差無幾
身都未濕唔好玩咁邀，諗住玩藍色，但差唔多排到時竟然閂左，局住玩另外兩條，但感覺好似橙色應該冇咁恐怖，咁就玩橙色，除衫就行，但係離心力勁到呢，我真係全程唔敢開眼，sir完左都唔知完左
但最令我唔開心的事係，sir完滑梯落來唔見左對original拖鞋，俾人偷左﹗
但朋友甲對拖鞋同我一齊放同一格都冇事，好明顯揀野來偷，我要強烈譴責，鬧爆大陸班cheap呢﹗
total 7個玩晒，爬喺度sir落去喺條滑梯企上去個窿時，真係有d跳樓的感覺，個窿黑馬馬，咩都睇唔到架；而嗰條好激嗰條滑道，我地揀左3個人一齊坐，一開始時有機關送你一程，好似垃圾房d垃圾，操作員press個掣就跌落去，有一陣慘叫…
其實，真係好好玩，而其實最簡單的sir滑梯係最得人驚﹗
夜晚人隊決定去食蛇，其實我有d唔想，一來呢種生物個樣非常唔討好，雖然係咁，但生牛牛要劏佢來食，硬係唔知點咁
又攰又肚餓，唔理喵埋眼食…
返到去即訓，訓到今日12點退房，所謂的房，其實祈福新村的度假屋，唔好期望有咩設施，純粹有3間房，有幾張訓得人的床，可以用的廁所兩個
食個飯又揼個骨，啱啱趕到4點半的車返來，喺深圳灣跳車
原來我個電話shot shot地，baby兩日都搵唔到我，佢話我連sms都唔覆好驚我有事，又諗我會唔會唔見左個電話
其實我都覺得奇怪，佢冇理由message都冇個，我個電話明明收爆晒，真係唔知點解收唔到喎…
返來聽番，好多個留言…
回程途中，見到兩架運豬車，係咪運落來就唔知，每隻豬的耳仔都釘住一個牌，佢地好明顯係送去俾人開餐，其實佢地知唔知呢？
在車上見識世界，這段路，是最後一段「豬生」，一條不歸路
同尋晚d蛇一樣，佢地一出世的命運就係俾人食，佢地又知唔知呢？
返到屋企擺低d野都差唔多8點，唔知點解好想食麥記，咁就走出去食麥甩咯餐，食完行街，行到十一點左右先返歸
我的獵戶座腰帶
14 July 2010
連續兩日，又返令人瘦的工…
頭先返屋企已經十一點幾，仰望夜空，雖然不是我的季節，但仍能發現1500光年以外，屬於我的獵戶座腰帶
你有觸電的感覺，都唔代表我電你架
特別報告：朋友甲的甩底指數雖然曾經一度回落，但而家又由偏高升至甚高水平，敬請留意﹗
連續兩日，又返令人瘦的工…
頭先返屋企已經十一點幾，仰望夜空，雖然不是我的季節，但仍能發現1500光年以外，屬於我的獵戶座腰帶
你有觸電的感覺，都唔代表我電你架
特別報告：朋友甲的甩底指數雖然曾經一度回落，但而家又由偏高升至甚高水平，敬請留意﹗
雲在飄，地在轉
11 July 2010
深宵電視劇終於播完，diana唔去知左邊，勁多蛋撻頭行來行去，call機時代進步到手提電話，以後可以12點閂電視，其實係好事﹗
頭先快速上左深圳食左個飯同打左個白鴿轉，佢完成任務，我的任務係陪佢完成任務，都完成左，哈哈
好熱，超勁熱…
錦上路條過境線應該真係幾唔掂，搭咁多次都坐唔夠一半人，最近仲發現要喺大街開個站，提升服務水平，方便乘客，其實咪即係救亡囉
因為返來搭元朗車，所以喺元朗行左陣街先，原本想買鞋，但睇唔啱，轉戰藥房同生果舖，一抽二袋，有洗頭水護髮素、紙巾，仲有我近日最鍾意食的西瓜，細細個d西瓜baby，我可以一個人食一個，或者一個分兩次食，勁開心
佢教我的食法，係篤一個窿倒d vodka入去，雪凍佢
有機會試下…
而家6點幾個天都仲好光，好似三四點咁，向著太陽的方向走去，刺眼無比
停了下來等過馬路，藍色的畫紙上三道有氣勢的白色油彩，徐徐擺動，我問，是雲在飄還是地在轉？
聽晚的大戰，約在骨煲，一邊烚一邊大叫，可以重溫以前十幾個人一齊打邊爐的日子
我擺明支持荷蘭啦，朋友甲已講到明要同我玩作對，打對台
等睇波又未播大結局之前，睇左一齣電影，攞左個奀雞獎講到好巴閉嗰套
加埋套電視劇，又諗番自己，大家都想講，好似日子是以前的好，以前的特別令人懷念，日子好像越過越差，事情好像越做越糟，生活好似越過越多遺憾，未來好像越接近越沒有把握…
為甚麼人生要有這麼多無奈？
深宵電視劇終於播完，diana唔去知左邊，勁多蛋撻頭行來行去，call機時代進步到手提電話，以後可以12點閂電視，其實係好事﹗
頭先快速上左深圳食左個飯同打左個白鴿轉，佢完成任務，我的任務係陪佢完成任務，都完成左，哈哈
好熱，超勁熱…
錦上路條過境線應該真係幾唔掂，搭咁多次都坐唔夠一半人，最近仲發現要喺大街開個站，提升服務水平，方便乘客，其實咪即係救亡囉
因為返來搭元朗車，所以喺元朗行左陣街先，原本想買鞋，但睇唔啱，轉戰藥房同生果舖，一抽二袋，有洗頭水護髮素、紙巾，仲有我近日最鍾意食的西瓜，細細個d西瓜baby，我可以一個人食一個，或者一個分兩次食，勁開心
佢教我的食法，係篤一個窿倒d vodka入去，雪凍佢
有機會試下…
而家6點幾個天都仲好光，好似三四點咁，向著太陽的方向走去，刺眼無比
停了下來等過馬路，藍色的畫紙上三道有氣勢的白色油彩，徐徐擺動，我問，是雲在飄還是地在轉？
聽晚的大戰，約在骨煲，一邊烚一邊大叫，可以重溫以前十幾個人一齊打邊爐的日子
我擺明支持荷蘭啦，朋友甲已講到明要同我玩作對，打對台
等睇波又未播大結局之前，睇左一齣電影，攞左個奀雞獎講到好巴閉嗰套
加埋套電視劇，又諗番自己，大家都想講，好似日子是以前的好，以前的特別令人懷念，日子好像越過越差，事情好像越做越糟，生活好似越過越多遺憾，未來好像越接近越沒有把握…
為甚麼人生要有這麼多無奈？
你俾我等你好唔好？
08 July 2010
星期1又放自己假，星期二都仲係好holiday mood，未回魂，今日星期3，晏晝又繼續放假，嘻嘻﹗
尋晚荷蘭4強賽事，對烏拉圭，本來諗住喺屋企睇，放工返去飯未食即訓，但訓左一個鐘電話響嘈醒左，有d肚餓，咁就食d野先出去
11點幾到左，等到兩點半先開波，初初都怕捱唔住，不過尋晚真係飲得好開心，喪吹水，我同佢一人有一個鐘頭發言時間，到點幾佢無啦啦質疑我來左兩個鐘咁耐，好彩有吧頭哥哥做證
朝早印左澳洲工作假期計劃的申請表，我同佢講，我好想放低香港的一切，當係俾自己一個轉機
佢：去幾耐
我：最耐去一年
佢：你俾我等你好唔好？
其實，今次呢個念頭，完全出於感性，我真係冇諗過等唔等的問題，佢咁講，反而sweet左
兩點半開波，唔明點解唔閂左個卡拉ok，又唔明明明有旁述都仲要唱…
尖叫大叫，喺手指罅睇烏圭攻勢，算是如願還是如期出線，完場球員沒有多慶祝，好似一早預左咁
真係唔知有心定無意，兩次都補時失波，好危險架…
完場去飲茶宵夜，食完都差唔多天光，仲搭到頭班巴士，慳番卅蚊的士錢
其實訓左唔夠三個鐘，但真係唔係好眼訓，好奇怪
晏晝忽然間想放假，買兩碗外賣車車麵，熱到呢…
不過好似之前一晚d啤酒同宵夜未落格，唔係太想食
屋企附近開左間骨場，裝修ok架，但總係覺得有d奇怪，呢度有人會揼骨咩？佢話好攰，肩頸一粒鐘108，試下囉，初初入到去都覺得好畸，會唔會係邪骨，跟住來左兩個男技師按肩頸
點解唔問我要唔要男人呀？
不過可能因為係男按師，指力夠，按完真係鬆晒，唔似返大陸嗰d有時真係r痕…
佢的comment係一定有下次，咁都好，車費時間都慳番
夜晚煮飯仔，煲湯湯、煮左生菜魚肉同咖喱薯仔雞翼，好味道﹗
執下野，網購，搞呢搞路，又開波喇
星期1又放自己假，星期二都仲係好holiday mood，未回魂，今日星期3，晏晝又繼續放假，嘻嘻﹗
尋晚荷蘭4強賽事，對烏拉圭，本來諗住喺屋企睇，放工返去飯未食即訓，但訓左一個鐘電話響嘈醒左，有d肚餓，咁就食d野先出去
11點幾到左，等到兩點半先開波，初初都怕捱唔住，不過尋晚真係飲得好開心，喪吹水，我同佢一人有一個鐘頭發言時間，到點幾佢無啦啦質疑我來左兩個鐘咁耐，好彩有吧頭哥哥做證
朝早印左澳洲工作假期計劃的申請表，我同佢講，我好想放低香港的一切，當係俾自己一個轉機
佢：去幾耐
我：最耐去一年
佢：你俾我等你好唔好？
其實，今次呢個念頭，完全出於感性，我真係冇諗過等唔等的問題，佢咁講，反而sweet左
兩點半開波，唔明點解唔閂左個卡拉ok，又唔明明明有旁述都仲要唱…
尖叫大叫，喺手指罅睇烏圭攻勢，算是如願還是如期出線，完場球員沒有多慶祝，好似一早預左咁
真係唔知有心定無意，兩次都補時失波，好危險架…
完場去飲茶宵夜，食完都差唔多天光，仲搭到頭班巴士，慳番卅蚊的士錢
其實訓左唔夠三個鐘，但真係唔係好眼訓，好奇怪
晏晝忽然間想放假，買兩碗外賣車車麵，熱到呢…
不過好似之前一晚d啤酒同宵夜未落格，唔係太想食
屋企附近開左間骨場，裝修ok架，但總係覺得有d奇怪，呢度有人會揼骨咩？佢話好攰，肩頸一粒鐘108，試下囉，初初入到去都覺得好畸，會唔會係邪骨，跟住來左兩個男技師按肩頸
點解唔問我要唔要男人呀？
不過可能因為係男按師，指力夠，按完真係鬆晒，唔似返大陸嗰d有時真係r痕…
佢的comment係一定有下次，咁都好，車費時間都慳番
夜晚煮飯仔，煲湯湯、煮左生菜魚肉同咖喱薯仔雞翼，好味道﹗
執下野，網購，搞呢搞路，又開波喇
星期日消失了
05 July 2010
完成8強，臉上又青春了…
今朝7點前返到，沖涼洗頭訓覺，訓到夜晚9點半，7月4日星期日就此消失了
世界盃令我的生活、時間顛倒，com off亦變成赤貧，但4年先一次，冇計啦
6月計劃學游水，達標了；7月的計劃係骨煲世界盃決賽+水上樂園之旅；8月的計劃，係camp camp地
旅行計劃，忽然間停頓了
早幾日經過旅行社，點解而家d旅行團係去西藏、絲路、內蒙？香港人幾時去厭左日本韓國同泰國？
新疆、尼泊爾、俄羅斯、絲路
新疆可以隨時起行，尼泊爾夏天去不得，俄羅斯冬天去，絲路搵到多幾個志同道合者租車出發抵玩d
以咁的分析，下一站係新疆的機會最大
但成日都心思思，想重遊西藏…
完成8強，臉上又青春了…
今朝7點前返到，沖涼洗頭訓覺，訓到夜晚9點半，7月4日星期日就此消失了
世界盃令我的生活、時間顛倒，com off亦變成赤貧，但4年先一次，冇計啦
6月計劃學游水，達標了；7月的計劃係骨煲世界盃決賽+水上樂園之旅；8月的計劃，係camp camp地
旅行計劃，忽然間停頓了
早幾日經過旅行社，點解而家d旅行團係去西藏、絲路、內蒙？香港人幾時去厭左日本韓國同泰國？
新疆、尼泊爾、俄羅斯、絲路
新疆可以隨時起行，尼泊爾夏天去不得，俄羅斯冬天去，絲路搵到多幾個志同道合者租車出發抵玩d
以咁的分析，下一站係新疆的機會最大
但成日都心思思，想重遊西藏…
我的世盃註釋‧四‧沒有英格蘭的世盃晚上
05 July 2010
dress up去睇波，為橙衣兵團而狂呼
半夢半醒之間睇左日本對巴拉圭，悶到…
西班牙vs葡萄牙，沒有特別喜好，只有明確睇唔過眼的c朗，所以我支持西班牙
睇每場波，都難以避免跟英格蘭比高下，每次令人心痛的愛隊都要比下去，哎…
荷蘭的嚴密防線、進攻的組織效率，球員的個人技術與天份完美發揮，相比英格蘭的傷病疲，真係冇野好講
西班牙也好，葡萄牙也好，隊形默契，盡在不言中
荷蘭遇上巴西的戲碼，的確吸引，但對於我這種功利的球迷，只想愛隊奪標，最好不要遇上甚麼風浪
沒有英格蘭的世界盃，我已經變節支持荷蘭人，至於曾經以4個入球羞辱英軍的德國隊，唔好以為我好憎佢，係，我都有少少憎，其實我更憎佢8強的對手阿根廷，所以暫時放下敗兵之辱，以踢走阿根廷為目標
4強最理想係荷蘭vs烏拉圭；德國vs西班牙
決賽荷蘭vs德國
如果，德國真係入到決賽，咁英格蘭都係輸俾準亞軍，都唔係咁差啫~
dress up去睇波，為橙衣兵團而狂呼
半夢半醒之間睇左日本對巴拉圭，悶到…
西班牙vs葡萄牙，沒有特別喜好，只有明確睇唔過眼的c朗，所以我支持西班牙
睇每場波，都難以避免跟英格蘭比高下，每次令人心痛的愛隊都要比下去，哎…
荷蘭的嚴密防線、進攻的組織效率，球員的個人技術與天份完美發揮，相比英格蘭的傷病疲，真係冇野好講
西班牙也好，葡萄牙也好，隊形默契，盡在不言中
荷蘭遇上巴西的戲碼，的確吸引，但對於我這種功利的球迷，只想愛隊奪標，最好不要遇上甚麼風浪
沒有英格蘭的世界盃，我已經變節支持荷蘭人，至於曾經以4個入球羞辱英軍的德國隊，唔好以為我好憎佢，係，我都有少少憎，其實我更憎佢8強的對手阿根廷，所以暫時放下敗兵之辱，以踢走阿根廷為目標
4強最理想係荷蘭vs烏拉圭；德國vs西班牙
決賽荷蘭vs德國
如果，德國真係入到決賽，咁英格蘭都係輸俾準亞軍，都唔係咁差啫~
我的世盃註釋。三。令人蒙羞的紅色球衣
05 July 2010
小組賽的垃圾成績，兩場和波，一場打得小家的僅勝，2個進球，5分次名出線
這路線16強對德國，8強很大機會又遇上阿根廷
不過，想不了那麼多，大家都是歐洲一線，論身價水平，理應平起平座，為甚麼今天輪為16強的魚腩部隊？
口氣很大的朗尼，交不出一個入球
這場輸上4個入球，這班球員感到羞恥嗎？作為球迷，我也感到面目無光，為何有眼無珠，看上這隊不知所謂的三獅兵團
僥倖不足持，這句話的確不錯，人家打得好值這個比分，這個比數，也該讓這個現代足球發源地，好好反醒一下！
小組賽的垃圾成績，兩場和波，一場打得小家的僅勝，2個進球，5分次名出線
這路線16強對德國，8強很大機會又遇上阿根廷
不過，想不了那麼多，大家都是歐洲一線，論身價水平，理應平起平座，為甚麼今天輪為16強的魚腩部隊？
口氣很大的朗尼，交不出一個入球
這場輸上4個入球，這班球員感到羞恥嗎？作為球迷，我也感到面目無光，為何有眼無珠，看上這隊不知所謂的三獅兵團
僥倖不足持，這句話的確不錯，人家打得好值這個比分，這個比數，也該讓這個現代足球發源地，好好反醒一下！
遇見螢火蟲
01 July 2010
我上左郵輪，船上有好多野食，食左一陣唔知點解好想食乳酪，無意中走到落底層廚房見到一罌罌好大筒的乳酪，咁就攞左一桶，跟住奇怪到事就出現了…
好多小鬼追住我，d小鬼的首領亦周圍搵我
我拼命跑，跑到上甲板搵左個地方呢埋，無意中有人俾左枝腳架我，d小鬼一掂到就魂飛魄散，首領掂到亦即刻彈開，唔敢埋身
我伸個頭出去，發現能夠令隻腳架有超強法力的，係平日以攝影機同腳架為伴的佢
後來越多小鬼同首領來搵我，又圍攻佢，佢開始有少少頂唔住，好彩呢個時候有兩個正義朋友出現，一個係全身EOS裝備的陳兆焯，另一個個一個女超人
其實我都唔係好明canon EOS系列幾時同點樣成為大殺傷力武器，總之就擊退一眾小鬼同首領
因為郵輪唔係太安全，佢三個搵方法帶我上岸，究竟我身懷乜野人類存亡的秘密，令咁多小鬼同首領要搵到我帶我走，又令佢三個要訓身保護我？
落船嗰一刻，我發現有d唔妥，我同女超人講，余慕蓮係糖水婆婆，但佢話我多心，落船就收埋d架餐，陳兆焯可能唔放心啦，除左佢件EOS戰衣俾我著住，結果真係一如佢所料，糖水婆婆一直搵機會捉我，好彩我有件衫，佢埋唔到我身，但陳兆焯都唔夠佢打，最多打成平手
個夢冇結果，因為我醒左…
尋日晏晝決定放假，夜晚睇波，半夢半醒之間，日本嗰場都唔可以真係話睇左，再訓左陣就睇西班牙對葡萄牙
今日繼續放假，訓到傍晚6點，跟住出左去食飯，返來時竟然見到螢火蟲﹗
朋友甲來電原本計劃7月中去華僑城玩，但原來尋日嗰度有機動遊戲出左意外，好恐怖…
但計劃應該會繼續，不過唔去玩機動遊戲，齋玩水
我上左郵輪，船上有好多野食，食左一陣唔知點解好想食乳酪，無意中走到落底層廚房見到一罌罌好大筒的乳酪，咁就攞左一桶，跟住奇怪到事就出現了…
好多小鬼追住我，d小鬼的首領亦周圍搵我
我拼命跑，跑到上甲板搵左個地方呢埋，無意中有人俾左枝腳架我，d小鬼一掂到就魂飛魄散，首領掂到亦即刻彈開，唔敢埋身
我伸個頭出去，發現能夠令隻腳架有超強法力的，係平日以攝影機同腳架為伴的佢
後來越多小鬼同首領來搵我，又圍攻佢，佢開始有少少頂唔住，好彩呢個時候有兩個正義朋友出現，一個係全身EOS裝備的陳兆焯，另一個個一個女超人
其實我都唔係好明canon EOS系列幾時同點樣成為大殺傷力武器，總之就擊退一眾小鬼同首領
因為郵輪唔係太安全，佢三個搵方法帶我上岸，究竟我身懷乜野人類存亡的秘密，令咁多小鬼同首領要搵到我帶我走，又令佢三個要訓身保護我？
落船嗰一刻，我發現有d唔妥，我同女超人講，余慕蓮係糖水婆婆，但佢話我多心，落船就收埋d架餐，陳兆焯可能唔放心啦，除左佢件EOS戰衣俾我著住，結果真係一如佢所料，糖水婆婆一直搵機會捉我，好彩我有件衫，佢埋唔到我身，但陳兆焯都唔夠佢打，最多打成平手
個夢冇結果，因為我醒左…
尋日晏晝決定放假，夜晚睇波，半夢半醒之間，日本嗰場都唔可以真係話睇左，再訓左陣就睇西班牙對葡萄牙
今日繼續放假，訓到傍晚6點，跟住出左去食飯，返來時竟然見到螢火蟲﹗
朋友甲來電原本計劃7月中去華僑城玩，但原來尋日嗰度有機動遊戲出左意外，好恐怖…
但計劃應該會繼續，不過唔去玩機動遊戲，齋玩水
晨運記事
29 June 2010
又係出去晨運的時候，周六因為通宵喺公司冇走過，上唔到堂，今日係尾二一堂，要盡力改掉壞毛病！
出門時沒有再下雨，換上晴朗天，藍天白雲，藏不了的光芒從樹梢和葉子邊緣，溢出
喜歡這個早晨
其實尋晚都冇訓過，睇完荷蘭散左，宵夜有鳳爪排骨飯，蝦餃燒賣鮮竹卷同雞扎，好味道
可能太晏起身啦，完全唔眼訓，攤喺床都仲眼仔碌碌，後來起身睇埋巴西下半場
哎，要智利打低巴西，真係同英格蘭落後4：1叫佢反勝一樣。。。
完場又未夠鐘出門口，又走番入房碌，5點半鬧鐘響咪唔碌起身囉
又係出去晨運的時候，周六因為通宵喺公司冇走過，上唔到堂，今日係尾二一堂，要盡力改掉壞毛病！
出門時沒有再下雨，換上晴朗天，藍天白雲，藏不了的光芒從樹梢和葉子邊緣，溢出
喜歡這個早晨
其實尋晚都冇訓過，睇完荷蘭散左，宵夜有鳳爪排骨飯，蝦餃燒賣鮮竹卷同雞扎，好味道
可能太晏起身啦，完全唔眼訓，攤喺床都仲眼仔碌碌，後來起身睇埋巴西下半場
哎，要智利打低巴西，真係同英格蘭落後4：1叫佢反勝一樣。。。
完場又未夠鐘出門口，又走番入房碌，5點半鬧鐘響咪唔碌起身囉
exploring the territories with my bike
29 June 2010
星期日訓到成六點，求其食左d野，hea左陣又差唔多時間睇波，德國對英格蘭，一早都唔睇好的比賽，哎，輸開有條路，仲要輸到好核突的比數，4-1
今日放自己假，訓到差唔多5點鐘，煮餃子食完上左陣網，出去踩單車，好攰呀，件衫完全濕晒
其實我都踩到出元朗，但因為冇單車鎖，又冇頭尾燈，所以要入黑前返去
泊好架車就出左去元朗，買單車鎖、單車雨衣等
返去沖個涼，換衫又出去睇波，荷蘭vs斯洛伐克
其實都預左荷蘭贏硬，但只係估唔到佢可以完全控制晒比賽節奏，勁有冠軍相，希望夜場智利打低巴西，12碼踢佢出局僅勝就ok架喇，咁荷蘭就風平浪靜入4強再入決賽
星期日訓到成六點，求其食左d野，hea左陣又差唔多時間睇波，德國對英格蘭，一早都唔睇好的比賽，哎，輸開有條路，仲要輸到好核突的比數，4-1
今日放自己假，訓到差唔多5點鐘，煮餃子食完上左陣網，出去踩單車，好攰呀，件衫完全濕晒
其實我都踩到出元朗，但因為冇單車鎖，又冇頭尾燈，所以要入黑前返去
泊好架車就出左去元朗，買單車鎖、單車雨衣等
返去沖個涼，換衫又出去睇波，荷蘭vs斯洛伐克
其實都預左荷蘭贏硬，但只係估唔到佢可以完全控制晒比賽節奏，勁有冠軍相，希望夜場智利打低巴西，12碼踢佢出局僅勝就ok架喇，咁荷蘭就風平浪靜入4強再入決賽
不經意的殺傷力
27 June 2010
對上一次進入睡眠狀態，係4個鐘頭前，原本搭一個站返屋企，5分鐘的車程，訓著左冇落車，結果要到下一個站，搭倒頭車返歸
再之前，應該係朝早九點零十點，食完早餐，喺位恰左嗰一陣
其實，由星期5晏晝兩點起身，想訓，一直冇訓，就係多得政改
今日心情好複雜，哎，忍唔住喊左出來
原來我隨意的一句說話，他是這麼的介意，直到他開口說，我才知道
我們兩天沒有聯絡，我忙著，煩躁矇閉雙眼；原來他這兩天要冷靜，免得吵架找上門
我哭了，惱我自己以這麼不經意的一句，載著十級殺傷力，向他心頭刺了一刀，而我是不自知…
我會記著這一小段路，你承受著我的淚水，落在肩膀上，也許未及淌到臂彎已蒸發在大氣之中
重溫尋晚大結局的電視劇
犀利妹同prof. king一齊上小巴，車上只有兩個座位，兩人並肩而坐，prof. king話，我唔會騷擾你，我只係想靜靜地陪著你
嚐過這種強迫被陪著的感覺，才讓這一幕勾起很多傷感的回憶
姑勿論畫面中出現「澳洲」兩個字，係咪就可以呃觀眾，求其搭個廠景，貼張大劇院的相在窗外，就當喺澳洲，報紙架只係放soth china morning post架…
犀利妹為避開prof. king去左澳洲，見唔到相安無事，生活過得好好，有講有笑，見到反而唔開心，所有傷心的感覺就湧番晒出來
其實，我也有很深的感受，墮進這種情緒，不下一次了
真係唔知搞咩鬼，36個鐘冇訓，而家竟然係唔眼訓…
對上一次進入睡眠狀態，係4個鐘頭前，原本搭一個站返屋企，5分鐘的車程，訓著左冇落車，結果要到下一個站，搭倒頭車返歸
再之前，應該係朝早九點零十點，食完早餐，喺位恰左嗰一陣
其實，由星期5晏晝兩點起身，想訓，一直冇訓，就係多得政改
今日心情好複雜，哎，忍唔住喊左出來
原來我隨意的一句說話，他是這麼的介意，直到他開口說，我才知道
我們兩天沒有聯絡，我忙著，煩躁矇閉雙眼；原來他這兩天要冷靜，免得吵架找上門
我哭了，惱我自己以這麼不經意的一句，載著十級殺傷力，向他心頭刺了一刀，而我是不自知…
我會記著這一小段路，你承受著我的淚水，落在肩膀上，也許未及淌到臂彎已蒸發在大氣之中
重溫尋晚大結局的電視劇
犀利妹同prof. king一齊上小巴，車上只有兩個座位，兩人並肩而坐，prof. king話，我唔會騷擾你，我只係想靜靜地陪著你
嚐過這種強迫被陪著的感覺，才讓這一幕勾起很多傷感的回憶
姑勿論畫面中出現「澳洲」兩個字，係咪就可以呃觀眾，求其搭個廠景，貼張大劇院的相在窗外，就當喺澳洲，報紙架只係放soth china morning post架…
犀利妹為避開prof. king去左澳洲，見唔到相安無事，生活過得好好，有講有笑，見到反而唔開心，所有傷心的感覺就湧番晒出來
其實，我也有很深的感受，墮進這種情緒，不下一次了
真係唔知搞咩鬼，36個鐘冇訓，而家竟然係唔眼訓…
sms即時賽果真係偉大發明
24 June 2010
team work的問題係，走到需要抗爭的時刻，想罷工、想按章工作、想頹做，想怎樣也好，但因為工作一環扣一環，相互影響，很難執行一切抗爭行動
都怪我不夠任性，不想影響其他人，也太相信一人做事一人當，別拿其他無辜者受氣受罪
捲入政改風波，身處立法會，執行so navie的故事大綱，腦袋在空轉，真想將我將會在roller中出現的名字delete
會議一如所料，拉布成功，10點散會，但並不代表我可以即刻散水去睇英格蘭
搞呢搞路，一路睇住賽果update，最開心莫過於收到賽果即時update的sms，得悉迪科爾入波領先1-0，心頭定一定，不過個心已經飛左去南非，最怕一球守唔到尾，又怕烏龍脫腳事件再次發生，更怕角球位玩失波dum波鐘失敗俾人反擊成功…
手機update到下半場65分鐘交帶晒所有野，離開立法會，同camman跑上蘭桂坊，都冇時間搵邊間吧，見到轉彎位其中一間有兩個電視仔，就捧著冰凍生啤，企喺馬路邊睇波，的士差d碌過腳趾，睇完，竟然係美國都贏波出線
只係一杯啤酒，但飲得太急，又好好彩地搭到尾班西鐵，返歸時，竟然有啲酒意
5點左右開始落雨，係超落大雨，著雨衣極不方便，但也沒理由讓自己濕身，雨一直下，安排新同事去買雨衣、買飯，是她最大的頁獻，而咁惡劣的環境，我唯一想做好的就係不要餓親大家
加納對德國，如果我係德國，我都想次名出線啦，食硬的美國，再加上南韓/巴拉圭，太吸引了﹗
反之，首名要對英格蘭，雖然垃圾，但再下一圈好可能對阿根廷，硬到臭的一仗…
曾經親密如此，很討厭要從別人口中得知你的消息…
討厭你我之間陌生疏離的感覺
team work的問題係，走到需要抗爭的時刻，想罷工、想按章工作、想頹做，想怎樣也好，但因為工作一環扣一環，相互影響，很難執行一切抗爭行動
都怪我不夠任性，不想影響其他人，也太相信一人做事一人當，別拿其他無辜者受氣受罪
捲入政改風波，身處立法會，執行so navie的故事大綱，腦袋在空轉，真想將我將會在roller中出現的名字delete
會議一如所料，拉布成功，10點散會，但並不代表我可以即刻散水去睇英格蘭
搞呢搞路，一路睇住賽果update，最開心莫過於收到賽果即時update的sms，得悉迪科爾入波領先1-0，心頭定一定，不過個心已經飛左去南非，最怕一球守唔到尾，又怕烏龍脫腳事件再次發生，更怕角球位玩失波dum波鐘失敗俾人反擊成功…
手機update到下半場65分鐘交帶晒所有野，離開立法會，同camman跑上蘭桂坊，都冇時間搵邊間吧，見到轉彎位其中一間有兩個電視仔，就捧著冰凍生啤，企喺馬路邊睇波，的士差d碌過腳趾，睇完，竟然係美國都贏波出線
只係一杯啤酒，但飲得太急，又好好彩地搭到尾班西鐵，返歸時，竟然有啲酒意
5點左右開始落雨，係超落大雨，著雨衣極不方便，但也沒理由讓自己濕身，雨一直下，安排新同事去買雨衣、買飯，是她最大的頁獻，而咁惡劣的環境，我唯一想做好的就係不要餓親大家
加納對德國，如果我係德國，我都想次名出線啦，食硬的美國，再加上南韓/巴拉圭，太吸引了﹗
反之，首名要對英格蘭，雖然垃圾，但再下一圈好可能對阿根廷，硬到臭的一仗…
曾經親密如此，很討厭要從別人口中得知你的消息…
討厭你我之間陌生疏離的感覺
歷史見證
23 June 2010
今日有幾件事要留下一個「歷史見證」
游水堂理論上上到第6堂，其實我上左5堂，尋晚兩點幾先喺公司走，沖埋涼訓得兩個鐘就要出去，有諗過放棄，不過已經放棄左西班牙，點都要出去
我終於可以游一下呼吸一下喇，我諗都可以叫學識，雖然訓練池水深只係到腰，又細個好多，但我游到一個直池，唔再係一啖氣瞄埋眼狂游嗰隻
仲有4堂，今年應該可以達標了﹗
本來聽日預左返夜，開14-24，咁咪約中午攞單車，但令人超級氣憤為左拍埋d無謂promo要我突登早返3粒鐘，硬食ot，加埋之後呢幾日，呢條數我一定會計得清清楚楚
令人超嬲的野唔講，但因為中午唔可以交收，約左頭先攞單車，仲即刻踩左轉，勁爽呀﹗
不過另一件好嬲的事係聽晚好有可能睇唔到英格蘭…
哎…
今日有幾件事要留下一個「歷史見證」
游水堂理論上上到第6堂，其實我上左5堂，尋晚兩點幾先喺公司走，沖埋涼訓得兩個鐘就要出去，有諗過放棄，不過已經放棄左西班牙，點都要出去
我終於可以游一下呼吸一下喇，我諗都可以叫學識，雖然訓練池水深只係到腰，又細個好多，但我游到一個直池，唔再係一啖氣瞄埋眼狂游嗰隻
仲有4堂，今年應該可以達標了﹗
本來聽日預左返夜，開14-24，咁咪約中午攞單車，但令人超級氣憤為左拍埋d無謂promo要我突登早返3粒鐘，硬食ot，加埋之後呢幾日，呢條數我一定會計得清清楚楚
令人超嬲的野唔講，但因為中午唔可以交收，約左頭先攞單車，仲即刻踩左轉，勁爽呀﹗
不過另一件好嬲的事係聽晚好有可能睇唔到英格蘭…
哎…
等待記事
21 June 2010
等待，讓一分一秒溜走
不可以說是情願，但人生就無奈地徘徊在等待的路上，一天浪費了時間在乘車，排隊買票，雖然，等待總有它的結果，值得嗎？
昨天等待期間，大氣電波的廣播埋滿空氣，播出《愛得太遲》，真想哭出來…
即使不為每天的存在烙一個印記，也該找個不要敷衍了事的藉口，至少矇騙自己，不要質疑這一刻的等待
這是我
容讓事後回顧，帶點不忿…
這也是我
現在，我在等待，免去苦中作樂，卻不算隨遇而安
啞著呐喊，沒有吐出聲音的呼叫，如果，我只是說如果，沒有靈魂，就不會有無力感，不會無奈
待續…
等待，讓一分一秒溜走
不可以說是情願，但人生就無奈地徘徊在等待的路上，一天浪費了時間在乘車，排隊買票，雖然，等待總有它的結果，值得嗎？
昨天等待期間，大氣電波的廣播埋滿空氣，播出《愛得太遲》，真想哭出來…
即使不為每天的存在烙一個印記，也該找個不要敷衍了事的藉口，至少矇騙自己，不要質疑這一刻的等待
這是我
容讓事後回顧，帶點不忿…
這也是我
現在，我在等待，免去苦中作樂，卻不算隨遇而安
啞著呐喊，沒有吐出聲音的呼叫，如果，我只是說如果，沒有靈魂，就不會有無力感，不會無奈
待續…
星期五, 8月 20, 2010
乘車記事
21 June 2010
最近才發現部落格的手機版可以update blog，究竟是一直都有這個功能，還是最近新加，真不得而知
不過配合起手機的倉頡輸入法，雖然車程不長，但也值得好好善用
前日結果冇去到游水，轉左target網購，但又買唔成…
後來一齊煮飯仔，未睇完荷蘭就訓著左
尋日拍野，超勁熱，真係人都瘦
往九龍灣途中，沒有特別所思所想
世盃，沒有太狂熱；沒有嚷著去食日本菜
彷彿很多過去的喜好也好，習慣也好，都不能令我提起勁來
最近才發現部落格的手機版可以update blog，究竟是一直都有這個功能，還是最近新加，真不得而知
不過配合起手機的倉頡輸入法，雖然車程不長，但也值得好好善用
前日結果冇去到游水，轉左target網購，但又買唔成…
後來一齊煮飯仔，未睇完荷蘭就訓著左
尋日拍野，超勁熱，真係人都瘦
往九龍灣途中，沒有特別所思所想
世盃，沒有太狂熱；沒有嚷著去食日本菜
彷彿很多過去的喜好也好，習慣也好，都不能令我提起勁來
我的世盃註譯‧二‧在球場上消耗青春
19 June 2010
沒霸氣，沒驚喜，沒有領導球賽的能力，最基本的組織也沒有
看不出緊張刺激，沒有心跳感覺，不搔不癢
真可悲，踢到今時今日，仍要用四十歲的神經刀占士，沒有像樣稱職，一個真正的前鋒也找不到
回想98世界盃，黃毛丫頭與臭小子結黨成群，到酒吧目擊奧雲對阿根廷的經典入球；施蒙尼插水以致碧咸領紅牌出場；十二碼緣盡16強，成為我記憶中的英格蘭經典
今天卻被魚腩部隊迫平失分，彷彿這十年間沒有進步甚麼
小組排名跌至第三，我也不焦不急了
說不出如何將這隊英格蘭歸邊，絕對稱不上是進攻型，不是反擊型，不擅打小組，打側擊也不行
不斷浪傳、傳失、把球搶回來，又繼續浪傳、傳失，自己脫腳，偶爾傳到禁區邊上，起腳，評述員說得很有風度，射偏了，真相是浪射了
看不出他們對勝力的渴望，在球場上消耗青春，早點回家放暑假吧，犯不著我熬夜看你的比賽﹗
沒霸氣，沒驚喜，沒有領導球賽的能力，最基本的組織也沒有
看不出緊張刺激，沒有心跳感覺，不搔不癢
真可悲，踢到今時今日，仍要用四十歲的神經刀占士，沒有像樣稱職，一個真正的前鋒也找不到
回想98世界盃，黃毛丫頭與臭小子結黨成群，到酒吧目擊奧雲對阿根廷的經典入球；施蒙尼插水以致碧咸領紅牌出場；十二碼緣盡16強，成為我記憶中的英格蘭經典
今天卻被魚腩部隊迫平失分，彷彿這十年間沒有進步甚麼
小組排名跌至第三，我也不焦不急了
說不出如何將這隊英格蘭歸邊，絕對稱不上是進攻型，不是反擊型，不擅打小組，打側擊也不行
不斷浪傳、傳失、把球搶回來，又繼續浪傳、傳失，自己脫腳，偶爾傳到禁區邊上，起腳，評述員說得很有風度，射偏了，真相是浪射了
看不出他們對勝力的渴望，在球場上消耗青春，早點回家放暑假吧，犯不著我熬夜看你的比賽﹗
keep blogging
18 June 2010
一個星期又過去，原本以為可以將政改置身事外，當第三者以invisible姿態，偶爾無意glance下事態發展
oh！不行，因為我被委任拍成一輯政改版的''24''
我都想取消委任制
當靈魂被掏空，思想被搾乾，很想變成一個invisible的人，躲在保護罩裡
連現在都不知塞到哪裡，怎樣設想下一步？
繼續文字工程，讓快要消失的我留點存活憑證
一個星期又過去，原本以為可以將政改置身事外，當第三者以invisible姿態，偶爾無意glance下事態發展
oh！不行，因為我被委任拍成一輯政改版的''24''
我都想取消委任制
當靈魂被掏空，思想被搾乾，很想變成一個invisible的人，躲在保護罩裡
連現在都不知塞到哪裡，怎樣設想下一步？
繼續文字工程，讓快要消失的我留點存活憑證
晨運
16 June 2010
呢排逢二四六都去晨運，今朝唔知醒，遲左少少，不過仍是風雨不改，放假，唔關事的電話唔聽
返屋企放低d野沖左涼再出去食免費午餐，轉到我暈暈地…
再返去又沖個涼就訓，訓到午夜十二點起身，錯過左科特迪亞對葡萄牙的賽事，唔眼訓就決定睇巴西對朝鮮
很特別的感覺，唱國歌時有球員激動落淚，朝鮮，一個會餓死人的共產國家，她的足球員是怎樣？能吃飽上場嗎？背負了甚麼民族大義？失球輸波會有嚴重後果嗎？
半場，這隊紅軍給我的感覺是刻苦、紀律、不失風度，保住0-0真有驚喜；下半場初段，失掉一球，算是非戰之罪吧，這種角度，正常人都唔會當機會射門，幾乎零角度竟然射入，唔怪得朝鮮門將都拍拍手…
哈哈，我諗起好幾年前，林柏特開角球都射入左一球
又發嗰個夢，我喺lift裡面，顯示屏的數字忽然變小，墮lift，好恐怖
不過現實生活裡，我唔使搭lift返屋企，因為我住house，冇lift
早幾晚甚有睇頭的德國，傳統勁旅巴西的腳法和個人技術，哎，英格蘭真係收皮啦…
呢排逢二四六都去晨運，今朝唔知醒，遲左少少，不過仍是風雨不改，放假，唔關事的電話唔聽
返屋企放低d野沖左涼再出去食免費午餐，轉到我暈暈地…
再返去又沖個涼就訓，訓到午夜十二點起身，錯過左科特迪亞對葡萄牙的賽事，唔眼訓就決定睇巴西對朝鮮
很特別的感覺，唱國歌時有球員激動落淚，朝鮮，一個會餓死人的共產國家，她的足球員是怎樣？能吃飽上場嗎？背負了甚麼民族大義？失球輸波會有嚴重後果嗎？
半場，這隊紅軍給我的感覺是刻苦、紀律、不失風度，保住0-0真有驚喜；下半場初段，失掉一球，算是非戰之罪吧，這種角度，正常人都唔會當機會射門，幾乎零角度竟然射入，唔怪得朝鮮門將都拍拍手…
哈哈，我諗起好幾年前，林柏特開角球都射入左一球
又發嗰個夢，我喺lift裡面，顯示屏的數字忽然變小，墮lift，好恐怖
不過現實生活裡，我唔使搭lift返屋企，因為我住house，冇lift
早幾晚甚有睇頭的德國，傳統勁旅巴西的腳法和個人技術，哎，英格蘭真係收皮啦…
我的世盃註譯‧一‧遇上英格蘭騙徒
14 June 2010
卡比路帶領的英格蘭，我真係冇好認真睇過，國際賽、友誼賽，甚至是外圍賽，因為家中沒有合法設備，也沒有為不痛不癢的賽事而夜浦，做了潛水球迷一段時間
英美之戰的排陣、換人策略，真係有d古怪
左襟上三頭雄獅，在微弱的一點星光下，沉睡好多年了，時有驚喜，但驚嚇頻頻，看淡他的時候踢一場爭氣波，築起血肉長城，遇強遇強；形勢大好就犯低級錯誤，令人困惑不解，總係估佢唔到
很多次，甚麼最有機會奪盃陣容，甚麼熱門，眼看他朝著曙光衝衝衝，快要衝到終點，大家都充滿期待的時候，他就會掃興地把光苗撲熄
似乎無論邊個教練帶，球員陣容如何隨年月變動，骨子裡的基因仍會好好遺傳下來，但像狼來了的故事，大家總相信他不會每次也脫腳，總令球迷墮進情感矛盾與迷思當中，欲罷不能…
哎，結果，我仍然一而再，再而三，三再四五六七八地被騙，每逢大賽，又投進他的懷裡
可唔可以搵摩連奴，好好調教一下？
三頭雄獅何時才加冕？夏天過後加推的新波衫要有兩粒星的話，難道要等到不知何年何月成為主辦國，加埋第12人才能實現？
卡比路帶領的英格蘭，我真係冇好認真睇過，國際賽、友誼賽，甚至是外圍賽，因為家中沒有合法設備，也沒有為不痛不癢的賽事而夜浦，做了潛水球迷一段時間
英美之戰的排陣、換人策略，真係有d古怪
左襟上三頭雄獅，在微弱的一點星光下，沉睡好多年了，時有驚喜，但驚嚇頻頻，看淡他的時候踢一場爭氣波，築起血肉長城，遇強遇強；形勢大好就犯低級錯誤，令人困惑不解，總係估佢唔到
很多次，甚麼最有機會奪盃陣容，甚麼熱門，眼看他朝著曙光衝衝衝，快要衝到終點，大家都充滿期待的時候，他就會掃興地把光苗撲熄
似乎無論邊個教練帶，球員陣容如何隨年月變動，骨子裡的基因仍會好好遺傳下來，但像狼來了的故事，大家總相信他不會每次也脫腳，總令球迷墮進情感矛盾與迷思當中，欲罷不能…
哎，結果，我仍然一而再，再而三，三再四五六七八地被騙，每逢大賽，又投進他的懷裡
可唔可以搵摩連奴，好好調教一下？
三頭雄獅何時才加冕？夏天過後加推的新波衫要有兩粒星的話，難道要等到不知何年何月成為主辦國，加埋第12人才能實現？
god bless the queen
13 June 2010
訓左兩個鐘，活動左成日，一陣睇埋場波一定大昏迷﹗
7點上的成人游泳初班，已經冇上第一堂，原訂計劃係搭頭班西鐵出去，結果梗係因為懶床遲左啦，遲左少少到囉…
上完堂周圍兜左個圈，返屋企放低d野，變身出去攞獎
就係因為應承左去呢個頒獎禮，去唔到今年第一次船河
不過，我已經落左水喇﹗
明明早幾個禮拜先講過著3吋高爭鞋行街係自虐，出到中環，明知聖舵近在咫尺，冇理由唔去行個圈啫…
不過由屋企行去西鐵站，車程幾乎企足，由香港站行上外國記者會，再行番落搵車搭，其實呢段路已經KO我，只不過諗住橫掂都係攰，唔差在去埋聖舵嗰少少
但係，出乎意料係返去時俾佢捉左去企出面個跳蚤市場行，真係就來跛…
超勁熱，返屋企開大冷氣沖個涼hea，真爽﹗
後來出左元朗打邊爐，諗番都真係好耐冇打過邊爐，上一次咪做世博時喺上海打，超過一個月喇，當然，shabu shabu嗰次唔算，中日有別
英格蘭今晚vs美國，第一晚第一場世界盃賽事，唱完god save the queen真係要god bless the queen
呢幾日自製milk coffee，但味道梗係仲差d
頭先買左一本講波斯灣的書，唔係研究石油和國際關係，只係書中介紹科威特同巴林，我諗我咁的旅行計劃，呢兩個地方仲未榜上有名，15蚊本超特價書，買左睇下揭下當去左，嘻嘻
訓左兩個鐘，活動左成日，一陣睇埋場波一定大昏迷﹗
7點上的成人游泳初班，已經冇上第一堂，原訂計劃係搭頭班西鐵出去，結果梗係因為懶床遲左啦，遲左少少到囉…
上完堂周圍兜左個圈，返屋企放低d野，變身出去攞獎
就係因為應承左去呢個頒獎禮，去唔到今年第一次船河
不過，我已經落左水喇﹗
明明早幾個禮拜先講過著3吋高爭鞋行街係自虐，出到中環，明知聖舵近在咫尺，冇理由唔去行個圈啫…
不過由屋企行去西鐵站，車程幾乎企足，由香港站行上外國記者會，再行番落搵車搭，其實呢段路已經KO我，只不過諗住橫掂都係攰，唔差在去埋聖舵嗰少少
但係，出乎意料係返去時俾佢捉左去企出面個跳蚤市場行，真係就來跛…
超勁熱，返屋企開大冷氣沖個涼hea，真爽﹗
後來出左元朗打邊爐，諗番都真係好耐冇打過邊爐，上一次咪做世博時喺上海打，超過一個月喇，當然，shabu shabu嗰次唔算，中日有別
英格蘭今晚vs美國，第一晚第一場世界盃賽事，唱完god save the queen真係要god bless the queen
呢幾日自製milk coffee，但味道梗係仲差d
頭先買左一本講波斯灣的書，唔係研究石油和國際關係，只係書中介紹科威特同巴林，我諗我咁的旅行計劃，呢兩個地方仲未榜上有名，15蚊本超特價書，買左睇下揭下當去左，嘻嘻
百煉成蟲
12 June 2010
人是變形蟲，在甚麼位置，變成這個位置咀臉的人，自動修煉成這個位置的應有功力
這是昨天回家途中想過要記下來的感想
世界盃，冇睇，不過只訓左兩個幾鐘，晨吉咁早出左去
早幾日因為落雨，偷偷溜走，今日開始，的起心肝，好好學習
人是變形蟲，在甚麼位置，變成這個位置咀臉的人，自動修煉成這個位置的應有功力
這是昨天回家途中想過要記下來的感想
世界盃，冇睇，不過只訓左兩個幾鐘，晨吉咁早出左去
早幾日因為落雨，偷偷溜走，今日開始，的起心肝，好好學習
next destination
03 June 2010
剪完片，咁又一個月，2010年過左將近一半，公司附近的商場開左一間shabu shabu店，9點幾收工一個人，未食飯，狠狠地走入去擦餐勁
well，唔計嗰次身痕自己買齊野返屋企整嗰次，上次食shabu shabu係一年幾前，東京，出trip嗰次，真係好耐冇食過
叫左最頹的牛肉+豚肉放題，沒有大期望，所以沒有失望，第一份來左一碟牛肉拼豬肉，後來追加一份牛肉同半份豬肉，自取食左一份烏冬，超勁飽，所以明明西鐵站喺隔離，都兜左一大個圈，去路德圍行左個圈，跟住行番西鐵站先返歸，散步都散左一粒鐘架
夜晚繼續討論下一個目的地
旅遊書上寫，5-10月是旅遊季節，7,8,9月最佳，夏天最高溫度23度，得喇，唔使再考慮﹗
計劃飛去附近城市，然後搭十零個鐘火車，應該到站可以睇到日出，幾好feel﹗
另外，計劃今年的生日旅行，因為佢同我的生日都好近，異域零下三十度吹蠟燭，應該會畢生難忘
好，一於咁話，夢裡再續…
剪完片，咁又一個月，2010年過左將近一半，公司附近的商場開左一間shabu shabu店，9點幾收工一個人，未食飯，狠狠地走入去擦餐勁
well，唔計嗰次身痕自己買齊野返屋企整嗰次，上次食shabu shabu係一年幾前，東京，出trip嗰次，真係好耐冇食過
叫左最頹的牛肉+豚肉放題，沒有大期望，所以沒有失望，第一份來左一碟牛肉拼豬肉，後來追加一份牛肉同半份豬肉，自取食左一份烏冬，超勁飽，所以明明西鐵站喺隔離，都兜左一大個圈，去路德圍行左個圈，跟住行番西鐵站先返歸，散步都散左一粒鐘架
夜晚繼續討論下一個目的地
旅遊書上寫，5-10月是旅遊季節，7,8,9月最佳，夏天最高溫度23度，得喇，唔使再考慮﹗
計劃飛去附近城市，然後搭十零個鐘火車，應該到站可以睇到日出，幾好feel﹗
另外，計劃今年的生日旅行，因為佢同我的生日都好近，異域零下三十度吹蠟燭，應該會畢生難忘
好，一於咁話，夢裡再續…
我是知己
02 June 2010
星期六日都返左去寫稿，蝕晒，錯過左大豐收的釣墨魚團…
平時飲咖啡會肚痛的我，星期日嗰日唔知點解，忽然想飲咖啡，汽水機買左一罐頂住檔先
今日想飲冰凍咖啡的念頭又浮在眼前，係呀，我諗我係掛住個幾禮拜前彼邦的iced milk coffee
唔夠訓又加埋係咁食麥記，埋面勁青春，尋晚冇出去浦喇
煲定下火靚粥今日做brunch，食完先返工
夜晚出去食飯，好耐冇見的朋友打來，彷彿應該用知己才配我們在對方心目中的位置
盡在不言中，忽然間好開心
當你為自己大事回顧時想起我，真榮幸，生日快樂
尋晚電話講到下一次旅行，尼泊爾這個名字，提過很多次，剛才經過書局，買左本書返來，又閂埋房門去旅行
星期六日都返左去寫稿，蝕晒，錯過左大豐收的釣墨魚團…
平時飲咖啡會肚痛的我，星期日嗰日唔知點解，忽然想飲咖啡，汽水機買左一罐頂住檔先
今日想飲冰凍咖啡的念頭又浮在眼前，係呀，我諗我係掛住個幾禮拜前彼邦的iced milk coffee
唔夠訓又加埋係咁食麥記，埋面勁青春，尋晚冇出去浦喇
煲定下火靚粥今日做brunch，食完先返工
夜晚出去食飯，好耐冇見的朋友打來，彷彿應該用知己才配我們在對方心目中的位置
盡在不言中，忽然間好開心
當你為自己大事回顧時想起我，真榮幸，生日快樂
尋晚電話講到下一次旅行，尼泊爾這個名字，提過很多次，剛才經過書局，買左本書返來，又閂埋房門去旅行
target goal
31 May 2010
彼方的朋友計劃明年一、二月非洲歷險，找了一家旅行社報價，就把行程單發給我
哪裡來的默契，就是知道我一定會對這個地方著迷，嚷著要去…
在護照上蓋一個坦桑尼亞的印記，這個提議，不錯不錯﹗
但是，如何找來一個月的假期？
另一個計劃，就是儲一筆起動資金，30歲前，弄一個工作假期簽證，讀書時沒試過的普通工作，甚麼售貨員、侍應生，或許有機會試試
但當務之急，是報個成人初班，學游水
而頭先食左加大魚柳包餐，換一隻杯，又因為旁邊的人唔換，開一句口，俾多幾蚊咁就換多一隻，食少一餐
以前覺得咁大個人，牛高馬大仲去學游水，好糗
以前亦覺得，同三唔識七的人搭訕好糗
其實，呢種感覺，都係太介意別人的看法，而好時別人並不一定有糗的想法，反而是自己糗自己，多無謂，多無聊﹗
今次做會考，一個月時間，中間放左一個禮拜假，都咪話唔，當然亦令我諗番起會考
原來，我真係冇plan過我考得唔好，唔夠分入原校，係咪未免過份自信自大？
彼方的朋友計劃明年一、二月非洲歷險，找了一家旅行社報價，就把行程單發給我
哪裡來的默契，就是知道我一定會對這個地方著迷，嚷著要去…
在護照上蓋一個坦桑尼亞的印記，這個提議，不錯不錯﹗
但是，如何找來一個月的假期？
另一個計劃，就是儲一筆起動資金，30歲前，弄一個工作假期簽證，讀書時沒試過的普通工作，甚麼售貨員、侍應生，或許有機會試試
但當務之急，是報個成人初班，學游水
而頭先食左加大魚柳包餐，換一隻杯，又因為旁邊的人唔換，開一句口，俾多幾蚊咁就換多一隻，食少一餐
以前覺得咁大個人，牛高馬大仲去學游水，好糗
以前亦覺得，同三唔識七的人搭訕好糗
其實，呢種感覺，都係太介意別人的看法，而好時別人並不一定有糗的想法，反而是自己糗自己，多無謂，多無聊﹗
今次做會考，一個月時間，中間放左一個禮拜假，都咪話唔，當然亦令我諗番起會考
原來，我真係冇plan過我考得唔好，唔夠分入原校，係咪未免過份自信自大？
my adidas summer
29 May 2010
前晚，放工買左雞扒、芝士、菜、青瓜、蕃茄，去同最重要的法包，返屋企整野食
希望佢試下越式三文治的味道，另外仲整左個沙律，好滿足好好味的一餐
尋日拍野，唔知點解突然間諗番起嗰個adidas袋，明明之前留左電話，如果貨到打俾我，但又冇左件事，頭先記得，打番去京士頓街分舵，竟然話賣晒，真係吹漲…
再打去尖沙咀問，搞左一大輪，個sales話得番k11分店有一個display
我個腦、我對眼、我個心，都好想即刻放工去買嗰個袋…
後來點樣？當然買到啦，仲買埋好多其他野，衫褲鞋，袋都買兩個，又放低好多銀兩，不過好開心﹗
前晚，放工買左雞扒、芝士、菜、青瓜、蕃茄，去同最重要的法包，返屋企整野食
希望佢試下越式三文治的味道，另外仲整左個沙律，好滿足好好味的一餐
尋日拍野，唔知點解突然間諗番起嗰個adidas袋，明明之前留左電話，如果貨到打俾我，但又冇左件事，頭先記得，打番去京士頓街分舵，竟然話賣晒，真係吹漲…
再打去尖沙咀問，搞左一大輪，個sales話得番k11分店有一個display
我個腦、我對眼、我個心，都好想即刻放工去買嗰個袋…
後來點樣？當然買到啦，仲買埋好多其他野，衫褲鞋，袋都買兩個，又放低好多銀兩，不過好開心﹗
喪‧頹‧熱之旅
26 May 2010
超早機返，冇訓過，都唔知做咩唔訓覺
四點幾到機場，睡魔急call，安排自己每5分鐘影一張相，等日出…
原本預算每日食住搭車買野100蚊美金budget for我自己，但最後發現兩個人咁多日夾埋用左唔夠500蚊，仲要喺出發去機場之前，要諗盡方法洗晒d當地貨幣
住過14蚊一晚的家庭式酒店，但都仲要有露台，係咪吹漲﹗
最豪住55蚊一晚，3星resort住左兩晚，浸在泳池裡，dry martini伴著carrot juice，露台唔係用來觀星，反而用來晾衫，可惜係懶，冇影到異域的閃電…
超勁熱，汗水抹都抹唔切，後來索性唔抹，成日滴入眼，慣了…
一日閒閒地沖兩次涼，換幾套衫，underwear濕到好似啱啱洗完，但係用汗水洗囉
房裡面經常掛住啱啱洗好的小可愛同烏蠅眼罩，超搞笑…
一係喪行，一係喪坐車，行到勁攰，但坐都坐到勁攰
如果俾我揀，我寧願行多過坐
不過最開心係其中一日，揹住相機，租左架單車四圍踩，想影咩就停低，隨時又起程，好free
唔知係咪熱慣呢，上到機覺得超凍，冚兩條巾都唔夠，訓覺，飛機餐都冇食，但睇來只係頹野，食唔食都罷
一落機係咁打乞蚩，唔知係咪冷親…
超勁眼訓，成個人散晒…
頹搭機場巴士返歸，連埋等車轉車，原來一個鐘返到，真係估佢唔到
返到來飲左個茶，蝦餃炸雲吞…
訓左陣，唔知點解又唔係咁想訓，好多野未做
另外，好強烈的感覺，就係想學游水
頭先放工出左佐敦食飯，梗係覺得味道好唔同，亦有咩理由退步咁多，後來先發現，去錯左舖頭，但畸在裝修陳設幾乎一樣，粥檔都有老翻，咁樣算係被騙嗎？
喺廟街行左個圈，殺價買左戒指仔一隻，他煞有戒事咁話呢d野唔可以亂送，咩事呀，太多心了…
同埋見到成間舖頭都係民族特色野，好想去泰國一轉，喪掃跳蚤市場
超早機返，冇訓過，都唔知做咩唔訓覺
四點幾到機場，睡魔急call，安排自己每5分鐘影一張相，等日出…
原本預算每日食住搭車買野100蚊美金budget for我自己，但最後發現兩個人咁多日夾埋用左唔夠500蚊，仲要喺出發去機場之前，要諗盡方法洗晒d當地貨幣
住過14蚊一晚的家庭式酒店，但都仲要有露台，係咪吹漲﹗
最豪住55蚊一晚，3星resort住左兩晚，浸在泳池裡，dry martini伴著carrot juice，露台唔係用來觀星，反而用來晾衫，可惜係懶，冇影到異域的閃電…
超勁熱，汗水抹都抹唔切，後來索性唔抹，成日滴入眼，慣了…
一日閒閒地沖兩次涼，換幾套衫，underwear濕到好似啱啱洗完，但係用汗水洗囉
房裡面經常掛住啱啱洗好的小可愛同烏蠅眼罩，超搞笑…
一係喪行，一係喪坐車，行到勁攰，但坐都坐到勁攰
如果俾我揀，我寧願行多過坐
不過最開心係其中一日，揹住相機，租左架單車四圍踩，想影咩就停低，隨時又起程，好free
唔知係咪熱慣呢，上到機覺得超凍，冚兩條巾都唔夠，訓覺，飛機餐都冇食，但睇來只係頹野，食唔食都罷
一落機係咁打乞蚩，唔知係咪冷親…
超勁眼訓，成個人散晒…
頹搭機場巴士返歸，連埋等車轉車，原來一個鐘返到，真係估佢唔到
返到來飲左個茶，蝦餃炸雲吞…
訓左陣，唔知點解又唔係咁想訓，好多野未做
另外，好強烈的感覺，就係想學游水
頭先放工出左佐敦食飯，梗係覺得味道好唔同，亦有咩理由退步咁多，後來先發現，去錯左舖頭，但畸在裝修陳設幾乎一樣，粥檔都有老翻，咁樣算係被騙嗎？
喺廟街行左個圈，殺價買左戒指仔一隻，他煞有戒事咁話呢d野唔可以亂送，咩事呀，太多心了…
同埋見到成間舖頭都係民族特色野，好想去泰國一轉，喪掃跳蚤市場
status: departing
23 May 2010
cant stop melting, although it is the last day
will leave the hotel in dark night when the bars nearby are still rocking
get on the plane during sunrise, land when you guys having breakfast
no facebook here, see everybody on Tue and my holiday mode is turning off.......
cant stop melting, although it is the last day
will leave the hotel in dark night when the bars nearby are still rocking
get on the plane during sunrise, land when you guys having breakfast
no facebook here, see everybody on Tue and my holiday mode is turning off.......
surprising bicycle ride
21 May 2010
after 6-hour bus tour, we arrived mui ne
smell the sea, feel the sun, i am melting again
ride on a jeep and have a local tour until sunset
take a shower and then have a cheap but delicious dinner, rent a bicycle and rowing around
my sweating body is floating in the pool under the star light, with a glass of dry martini and carrot juice, feel really really good!
after 6-hour bus tour, we arrived mui ne
smell the sea, feel the sun, i am melting again
ride on a jeep and have a local tour until sunset
take a shower and then have a cheap but delicious dinner, rent a bicycle and rowing around
my sweating body is floating in the pool under the star light, with a glass of dry martini and carrot juice, feel really really good!
i am melting!
19 May 2010
very very hot, extremely hot
i am not just sweating, i think use "melting" is much more precise
depart to a 3 day mini trip to mui ne tmr
very very hot, extremely hot
i am not just sweating, i think use "melting" is much more precise
depart to a 3 day mini trip to mui ne tmr
星期四, 8月 19, 2010
選擇恐懼
17 May 2010
尋日晨吉咁早起身拍野，基本上好似冇訓過…
拍完落左尖沙咀朝聖，再去食左個百四蚊的set lunch as brunch
新過下的商場，其中一間日本野，裝修一流，一直都想試試，魚生飯有14種魚生，海膽、生蝦、熟蝦、鰻魚、赤身吞拿魚、拖羅、三文魚、劍魚、鱆紅魚、帶子、八爪魚、三文魚子、蟹子、赤貝
仲有茶碗蒸、沙律、喬麥麵、雪糕，真係超勁開心
總壇分舵全部都係check point
其實我發覺有member card都好似冇咩用，京士頓街分舵同special version都係冇折…
亦去宜家睇過梳化、儲物架等，有張梳化都幾ok，有齊一系列co-lor-ful顏色，紅黑白監，好難選擇，但對鞋已經貴過半張梳化
另外仲有一個袋，價值5舊水，但仲未返貨，又唔可以留貨，唯有留電話啦﹗
夜晚去左食水煮魚，一日做晒令人超勁開心的事﹗
聽日出發喇﹗越境之南，去到另一國度，言語完全不通，太喜歡了
最終又決定為旅程留白多一點，有出發回程日期，但只訂了兩晚酒店，不過我要食一餐正宗法國菜﹗
繼續蝸居
而最近，覺得有少少選擇恐懼傾向…
由擇去旅行地方開始
或者，我早一就有選擇恐懼症，只係以前買野做唔到抉擇是，兩樣三樣都買晒，去旅行，總不能分身，同時間去晒
投票呢個行為本身就好複雜，不可以單向思維，將投與不投賦予一個簡單的結論，投就是認同，不投就是不支持
不要騎劫我的意思
尋日晨吉咁早起身拍野，基本上好似冇訓過…
拍完落左尖沙咀朝聖，再去食左個百四蚊的set lunch as brunch
新過下的商場，其中一間日本野，裝修一流，一直都想試試，魚生飯有14種魚生，海膽、生蝦、熟蝦、鰻魚、赤身吞拿魚、拖羅、三文魚、劍魚、鱆紅魚、帶子、八爪魚、三文魚子、蟹子、赤貝
仲有茶碗蒸、沙律、喬麥麵、雪糕，真係超勁開心
總壇分舵全部都係check point
其實我發覺有member card都好似冇咩用，京士頓街分舵同special version都係冇折…
亦去宜家睇過梳化、儲物架等，有張梳化都幾ok，有齊一系列co-lor-ful顏色，紅黑白監，好難選擇，但對鞋已經貴過半張梳化
另外仲有一個袋，價值5舊水，但仲未返貨，又唔可以留貨，唯有留電話啦﹗
夜晚去左食水煮魚，一日做晒令人超勁開心的事﹗
聽日出發喇﹗越境之南，去到另一國度，言語完全不通，太喜歡了
最終又決定為旅程留白多一點，有出發回程日期，但只訂了兩晚酒店，不過我要食一餐正宗法國菜﹗
繼續蝸居
而最近，覺得有少少選擇恐懼傾向…
由擇去旅行地方開始
或者，我早一就有選擇恐懼症，只係以前買野做唔到抉擇是，兩樣三樣都買晒，去旅行，總不能分身，同時間去晒
投票呢個行為本身就好複雜，不可以單向思維，將投與不投賦予一個簡單的結論，投就是認同，不投就是不支持
不要騎劫我的意思
準備出發
16 May 2010
金錢，蠶食情感，改變人與人之間的化學作用，甚至征服意志
多少人能夠抗拒？
另外，自虐是腳踏3吋高爭鞋行街，星期4嗰日試過一次，咪搞…
機票搞掂，訂左頭兩晚房，安排左司機機場接機，其他就不管了，隨心所欲，才是幸福自在
金錢，蠶食情感，改變人與人之間的化學作用，甚至征服意志
多少人能夠抗拒？
另外，自虐是腳踏3吋高爭鞋行街，星期4嗰日試過一次，咪搞…
機票搞掂，訂左頭兩晚房，安排左司機機場接機，其他就不管了，隨心所欲，才是幸福自在
溜
13 May 2010
5‧12，又回到這個日子，兩年了…
高跟鞋敲打地板，是城市的聲音，聽出繁忙，但聽不出靈魂
我仍然要做任性的我
夜晚去酒樓食左簡單一餐飯，一齊睇下電視，時間又溜走了
危機感會令人未雨綢繆
將寒衣收起來，換成短衫背心
總覺得自己越來越渺小，想做的事很多，但沒有時間…
5‧12，又回到這個日子，兩年了…
高跟鞋敲打地板，是城市的聲音，聽出繁忙，但聽不出靈魂
我仍然要做任性的我
夜晚去酒樓食左簡單一餐飯，一齊睇下電視，時間又溜走了
危機感會令人未雨綢繆
將寒衣收起來，換成短衫背心
總覺得自己越來越渺小，想做的事很多，但沒有時間…
人馬座的男人
12 May 2010
下星期呢個時候，我又唔喺香港喇
仍然有d唔係太真實的感覺，咩都未準備，頭先上網按幾個掣，咁就叫訂左機票，不過行程如何、酒店住哪，仍未決定
呢排都係咁，未去到最後一刻都唔想做決定
兩個人馬座的男人，令人馬座的女人，心亂如麻…
下星期呢個時候，我又唔喺香港喇
仍然有d唔係太真實的感覺，咩都未準備，頭先上網按幾個掣，咁就叫訂左機票，不過行程如何、酒店住哪，仍未決定
呢排都係咁，未去到最後一刻都唔想做決定
兩個人馬座的男人，令人馬座的女人，心亂如麻…
訓到自然醒
10 May 2010
今日真係有好幸福的感覺，訓到自然醒
相聚一個下午，如果天氣唔係咁熱，應該在藍天白雲下的園子裡泡泡茶、上上網、抽抽煙，閒聊聊
但太熱了，還是開行冷氣hea下算數
夜晚步行出去食一個二人pizza套餐，食到一半落大雨，哎呀，我仲晾左d衫喺花園仔，坐到差唔多9點，佢話細雨左就閃，但出到去仍然都係好大雨，結果走左入惠康，行左好耐又等左好耐，到真係細雨先返去
又將d衫洗多次，好浪費…
訂出行程表，今次有d唔同，有齊出發回程日期，亦要訂定咁多日的酒店，行動起上來，好似有d唔夠潚灑同任性
我又了解自己多一點了，原來，我真係鐘意一個人去旅行多d，起碼plan野時唔使諗其他人的喜好，想頹住日日搬旅館亦可，搭硬坐迫公車也可
anyway，陌生的地方，一齊去闖闖也無妨，我諗我自己一個應該又唔會揀呢個地方碌囉
今日真係有好幸福的感覺，訓到自然醒
相聚一個下午，如果天氣唔係咁熱，應該在藍天白雲下的園子裡泡泡茶、上上網、抽抽煙，閒聊聊
但太熱了，還是開行冷氣hea下算數
夜晚步行出去食一個二人pizza套餐，食到一半落大雨，哎呀，我仲晾左d衫喺花園仔，坐到差唔多9點，佢話細雨左就閃，但出到去仍然都係好大雨，結果走左入惠康，行左好耐又等左好耐，到真係細雨先返去
又將d衫洗多次，好浪費…
訂出行程表，今次有d唔同，有齊出發回程日期，亦要訂定咁多日的酒店，行動起上來，好似有d唔夠潚灑同任性
我又了解自己多一點了，原來，我真係鐘意一個人去旅行多d，起碼plan野時唔使諗其他人的喜好，想頹住日日搬旅館亦可，搭硬坐迫公車也可
anyway，陌生的地方，一齊去闖闖也無妨，我諗我自己一個應該又唔會揀呢個地方碌囉
見光死
09 May 2010
尋晚訓得勁好，醫失眠良方其實係…
不過最可惜係今日要出crew拍野，要早起，天朗氣清，但係我最討厭的天氣，因為出行太陽，勁熱，再加上返嗰兩個鐘冇得補，個人忟忟地、燥燥地
唔知做乜鬼，今朝帶隻con勁唔舒服，後來都係決定除左佢，所以keep住一個眼睇野清楚，一隻唔清楚，感覺就好似in-out fo的效果，奇奇怪
呢個狀態keep到晏晝，因為新轉呢個牌子的con都係馬馬地，都係試另一隻，咁就出左去旺角配con
跟住返荃灣買野，返去開行個冷氣涼夠，就透爐燒野食
好眼訓，又係時候吹頭覺覺豬
尋晚訓得勁好，醫失眠良方其實係…
不過最可惜係今日要出crew拍野，要早起，天朗氣清，但係我最討厭的天氣，因為出行太陽，勁熱，再加上返嗰兩個鐘冇得補，個人忟忟地、燥燥地
唔知做乜鬼，今朝帶隻con勁唔舒服，後來都係決定除左佢，所以keep住一個眼睇野清楚，一隻唔清楚，感覺就好似in-out fo的效果，奇奇怪
呢個狀態keep到晏晝，因為新轉呢個牌子的con都係馬馬地，都係試另一隻，咁就出左去旺角配con
跟住返荃灣買野，返去開行個冷氣涼夠，就透爐燒野食
好眼訓，又係時候吹頭覺覺豬
希望工程
07 May 2010
不明原因的失眠，持續好多天…
好叉叉叉眼訓，訓一陣醒左就訓唔番
今日一個消息，忽然間覺得人生好似充滿番希望，雖然打亂我地plan去內蒙的計劃，有少少不知所措
旅行其實都可以照去，只係唔去咁多日啫，同埋換另一個location囉
不明原因的失眠，持續好多天…
好叉叉叉眼訓，訓一陣醒左就訓唔番
今日一個消息，忽然間覺得人生好似充滿番希望，雖然打亂我地plan去內蒙的計劃，有少少不知所措
旅行其實都可以照去，只係唔去咁多日啫，同埋換另一個location囉
專一
06 May 2010
前日終於可以發下夢，節目重溫，某受訪者話d麥皮好難食，唔係人食的野，雞食
真係好有同感，所以屋企嗰袋麥皮擺左好耐…
有一次買左斤菜，其實真係買多左，而我識的烹調方式係白烚，加兩粒鹽同雞粉，一大碟，為左唔好哂野盡量食，忽然間覺得自己好似一隻牛，點解要咁？
做咩人要減肥，食埋d自己唔鐘意食，又好難食的野，冇左食野的樂趣，食飯都變成苦差，何苦呢？
如果我減肥，點對得住d海膽、拖羅同燒雞翼？
有時選擇是惱人的，如果一早係冇得揀，反而早下決定，選擇卻令人猶豫…
很多時候都是這樣，橫揀掂揀，最初的選擇是最好的，最初的決定是最好的，其他野都只是亂我心智…
我講緊部相機
始終都係S90，帶左返屋企喇﹗
回顧我的相機歷史，哈哈，我都幾專一
前日終於可以發下夢，節目重溫，某受訪者話d麥皮好難食，唔係人食的野，雞食
真係好有同感，所以屋企嗰袋麥皮擺左好耐…
有一次買左斤菜，其實真係買多左，而我識的烹調方式係白烚，加兩粒鹽同雞粉，一大碟，為左唔好哂野盡量食，忽然間覺得自己好似一隻牛，點解要咁？
做咩人要減肥，食埋d自己唔鐘意食，又好難食的野，冇左食野的樂趣，食飯都變成苦差，何苦呢？
如果我減肥，點對得住d海膽、拖羅同燒雞翼？
有時選擇是惱人的，如果一早係冇得揀，反而早下決定，選擇卻令人猶豫…
很多時候都是這樣，橫揀掂揀，最初的選擇是最好的，最初的決定是最好的，其他野都只是亂我心智…
我講緊部相機
始終都係S90，帶左返屋企喇﹗
回顧我的相機歷史，哈哈，我都幾專一
通往沙漠和草原的路
02 May 2010
自信是不化妝，架一副眼鏡，梳起馬尾，就往街上鑽
倒數…
已想出幾個名字作為備用方案
本來想去莫斯科，書局僅有兩本雞精書，買了其中一本，訂了另外一本，明明知道本來二千蚊飛到，而家叫我俾六千蚊等候補機位，條氣唔順，部佢下次減價先去都唔遲
通往沙漠和草原的路，有幾條走線方案備用，大把航班選擇，目的地填上內蒙古，比西藏和俄羅斯都更冷門，3間連鎖書局，架上一本書，一份地圖都冇
哼，連網上資料都甚少，乜真係咁荒蕪？
公司有中國地圖集，雖然幫助不大，但揭揭無妨
版圖上的西藏，其實我只去過其中幾點，連成一條線
哎呀，兩個禮拜喇已經，但去的只是皮與毛…
人實在太渺小﹗
今回，內蒙的版圖更大，畫另一條線，剛好畫成一個圈，會否自我感覺良好一點？
跟他數著數著，太多地方想去，越不平凡越想走，如果可以我第一時間想走去南極北極，去不了這麼遠，所以嚴冬漠河的北極村也可以接受，成為後備方案
還有埃及、希臘的文明；冰島的火山和奇特地貌；非洲又可以花多少時間去遊歷？
朋友問我做咩唔去日本，自舊年拍野返來後，忽然間對日本的興趣銳減；再加上勇闖西藏後，對尋覓異域風情，著迷
喪拼與吃喝，我都鍾意，但我更想要體驗、思考，一趟能夠讓靈魂也休息的旅行
屋企部腦我的最愛裡開左個folder叫「搵工」
咁又世博完，一年又過左三分之一…
其實，兩集野pack左出來，都ok好睇，歡迎收看
http://cablenews.i-cable.com/webapps/program_video/index.php?video_id=76296
http://cablenews.i-cable.com/webapps/program_video/index.php?video_id=75718
自信是不化妝，架一副眼鏡，梳起馬尾，就往街上鑽
倒數…
已想出幾個名字作為備用方案
本來想去莫斯科，書局僅有兩本雞精書，買了其中一本，訂了另外一本，明明知道本來二千蚊飛到，而家叫我俾六千蚊等候補機位，條氣唔順，部佢下次減價先去都唔遲
通往沙漠和草原的路，有幾條走線方案備用，大把航班選擇，目的地填上內蒙古，比西藏和俄羅斯都更冷門，3間連鎖書局，架上一本書，一份地圖都冇
哼，連網上資料都甚少，乜真係咁荒蕪？
公司有中國地圖集，雖然幫助不大，但揭揭無妨
版圖上的西藏，其實我只去過其中幾點，連成一條線
哎呀，兩個禮拜喇已經，但去的只是皮與毛…
人實在太渺小﹗
今回，內蒙的版圖更大，畫另一條線，剛好畫成一個圈，會否自我感覺良好一點？
跟他數著數著，太多地方想去，越不平凡越想走，如果可以我第一時間想走去南極北極，去不了這麼遠，所以嚴冬漠河的北極村也可以接受，成為後備方案
還有埃及、希臘的文明；冰島的火山和奇特地貌；非洲又可以花多少時間去遊歷？
朋友問我做咩唔去日本，自舊年拍野返來後，忽然間對日本的興趣銳減；再加上勇闖西藏後，對尋覓異域風情，著迷
喪拼與吃喝，我都鍾意，但我更想要體驗、思考，一趟能夠讓靈魂也休息的旅行
屋企部腦我的最愛裡開左個folder叫「搵工」
咁又世博完，一年又過左三分之一…
其實，兩集野pack左出來，都ok好睇，歡迎收看
http://cablenews.i-cable.com/webapps/program_video/index.php?video_id=76296
http://cablenews.i-cable.com/webapps/program_video/index.php?video_id=75718
闖進死穴
30 April 2010
沖完涼洗完頭，還瀏了一會才去睡
其實我是很感性的…
回顧人生十年，自己闖進死穴，哭笑不得
你著我不要去旅行，早點睡
打開網站，查查機票價錢，想想哪幾天假期，再揀兩三間精選酒店
景點的相片看一次，路線回帖看一遍
就是網上自己去旅行，哈哈
昨晚沒有，今晚沒有
沖完涼洗完頭，還瀏了一會才去睡
其實我是很感性的…
回顧人生十年，自己闖進死穴，哭笑不得
你著我不要去旅行，早點睡
打開網站，查查機票價錢，想想哪幾天假期，再揀兩三間精選酒店
景點的相片看一次，路線回帖看一遍
就是網上自己去旅行，哈哈
昨晚沒有，今晚沒有
這就是朋友
29 April 2010
滿園月色，炭火爐邊，啤酒伴汽水…
沒有預計一段時間沒有見面，約會是這個場景，還是這樣雞啄唔斷，話題沒有限制，沒有忌諱，沒有議程，用最直接，沒有修飾的語氣，7點半到3點半，feel so good
有d朋友可以好耐唔見，即使不交流一段時間，但再次一起上路時，大家的步伐仍然一致，跳起舞來十分合拍
又想起兩年前某天晚上，四川災區收到的來電
他想找人傾訴，想起這個多年沒見的我，那種supportive的感覺，原來長在心中
有d朋友一段時間唔搵唔見，就會疏遠，越行越遠，將你的消息當作是非販賣，更遑論交換心事
但即使有些人，每天相對十小時，閒時聊聊，也不一定成為知心好友
你和我友好與否，沒有一條公式，不過，我對朋友十分揀擇
正如我不會輕易說一聲好
讓我熱衷赴會，使我熱烈期待，沒有半點猶豫，對，這個約會我的人是朋友
有點抑鬱，有點惆悵，快要望見家鄉，我又可以出動喇﹗
朋友已經精心幫我安排了紓困解憂活動數場，thx everyone
5月，留給玩樂吧﹗
4點9有多仲未訓，哈哈，我今日返晏
滿園月色，炭火爐邊，啤酒伴汽水…
沒有預計一段時間沒有見面，約會是這個場景，還是這樣雞啄唔斷，話題沒有限制，沒有忌諱，沒有議程，用最直接，沒有修飾的語氣，7點半到3點半，feel so good
有d朋友可以好耐唔見，即使不交流一段時間，但再次一起上路時，大家的步伐仍然一致，跳起舞來十分合拍
又想起兩年前某天晚上，四川災區收到的來電
他想找人傾訴，想起這個多年沒見的我，那種supportive的感覺，原來長在心中
有d朋友一段時間唔搵唔見，就會疏遠，越行越遠，將你的消息當作是非販賣，更遑論交換心事
但即使有些人，每天相對十小時，閒時聊聊，也不一定成為知心好友
你和我友好與否，沒有一條公式，不過，我對朋友十分揀擇
正如我不會輕易說一聲好
讓我熱衷赴會，使我熱烈期待，沒有半點猶豫，對，這個約會我的人是朋友
有點抑鬱，有點惆悵，快要望見家鄉，我又可以出動喇﹗
朋友已經精心幫我安排了紓困解憂活動數場，thx everyone
5月，留給玩樂吧﹗
4點9有多仲未訓，哈哈，我今日返晏
不留一個句點
28 April 2010
不同人做同一件事有不同的態度，我是一個對結果很沒所謂的人，有時甚至會將事情快到終結時，把事件推倒，不留一個句點
砌拼圖，差不多砌完的時候，把砌好的部分拆散
坐車，快要去到終站的時候，轉另一路線，令旅程延續下去
當大家很親近，就要疏遠一下，留一點新鮮感，留一片餘地
因為我知道，當結局降臨的一刻，就是我對這事情失去興趣的一剎
或許這樣說，我是一個不想停下來的人
見唔到相安無事，見到就好忟，又有呢樣嗰樣顧慮，反而唔開心左
有時候死口不認也沒有用
不同人做同一件事有不同的態度，我是一個對結果很沒所謂的人，有時甚至會將事情快到終結時，把事件推倒，不留一個句點
砌拼圖，差不多砌完的時候，把砌好的部分拆散
坐車，快要去到終站的時候，轉另一路線，令旅程延續下去
當大家很親近，就要疏遠一下，留一點新鮮感，留一片餘地
因為我知道，當結局降臨的一刻，就是我對這事情失去興趣的一剎
或許這樣說，我是一個不想停下來的人
見唔到相安無事，見到就好忟，又有呢樣嗰樣顧慮，反而唔開心左
有時候死口不認也沒有用
大家都很任性
27 April 2010
星期6嗰日唔開心，上回講到，搭巴士返屋企時諗起幾位朋友，但最終都冇打俾佢地
凌晨，有甚麼感應呢？其中一位朋友自動獻身打來傾計，一傾傾到朝早7點，so crazy
訓左大半日，跟住出左去行街
尋晚開始做research，又因為晏晝訓到黃斯八晏，唔眼訓，搞搞下訓得兩粒鐘就要返工，成日都超勁眼訓
物以類聚，大家都很任性
遇強愈強，沒有競爭對手，也無謂哂心機起晒鋼
星期6嗰日唔開心，上回講到，搭巴士返屋企時諗起幾位朋友，但最終都冇打俾佢地
凌晨，有甚麼感應呢？其中一位朋友自動獻身打來傾計，一傾傾到朝早7點，so crazy
訓左大半日，跟住出左去行街
尋晚開始做research，又因為晏晝訓到黃斯八晏，唔眼訓，搞搞下訓得兩粒鐘就要返工，成日都超勁眼訓
物以類聚，大家都很任性
遇強愈強，沒有競爭對手，也無謂哂心機起晒鋼
這個城市很熱鬧，但是我很孤單
25 April 2010
忽然，那個墨魚汁炒飯濃郁的香氣瀰漫口腔，好想食墨魚汁飯，為乜野都好，為今日考的試又好，為寫完稿又好…
一路行一路上網research，成個荃灣最大機會食的墨魚汁飯的係意粉屋，咁就去千色店嗰間意粉屋，喺樓下飛快揭過餐牌，有，就上去，一位坐低
味道係幾好，但唔係我想要的墨魚汁味道
不算有甚麼壓力，但是有很迷失的感覺，返工放工食飯訓覺，沒有吃好睡好，每日都好攰，reduced to維持生命而生活的壯態，有甚麼意義？
有時電話中同佢呻好攰，得不到體諒，反而被批評躲懶…
不知所謂何事，夜晚感覺要散散心，喉嚨硬著一口氣，沒有吐出來
來來回回的人群，發光燈箱，流動的光軌，這個城市很熱鬧，但是我很孤單
係，我唔開心
誰在你唔開心的時候獲得感應，同你一樣唔開心？
最親近的人，偏偏問你最天真的問題，反而最不了解你
想找人訴訴苦，腦海閃過幾張臉孔，真正想找誰？答題紙留空了，打一個電話找誰聊聊嗎？沒有拿起聽筒的意識…
回家的巴士很快到站，那一列一望無際的街燈，像一雙雙沒靈魂的眼睛，呆呆地看著遠方，沒有對準焦點
跟我的軀殼也差不多，拖著腳步往很遠的地方走，但目的地在哪裡？我不知道
一個人唔開心的時候，連love story、when u sa nothing at all也變成慘情歌…
好想燒野食
如果訓醒仲係唔開心，帶450D出去影相冷靜散心
過多幾日都仲係唔掂的話，買火車飛去西藏吸收天地靈氣，淨化靈魂
忽然，那個墨魚汁炒飯濃郁的香氣瀰漫口腔，好想食墨魚汁飯，為乜野都好，為今日考的試又好，為寫完稿又好…
一路行一路上網research，成個荃灣最大機會食的墨魚汁飯的係意粉屋，咁就去千色店嗰間意粉屋，喺樓下飛快揭過餐牌，有，就上去，一位坐低
味道係幾好，但唔係我想要的墨魚汁味道
不算有甚麼壓力，但是有很迷失的感覺，返工放工食飯訓覺，沒有吃好睡好，每日都好攰，reduced to維持生命而生活的壯態，有甚麼意義？
有時電話中同佢呻好攰，得不到體諒，反而被批評躲懶…
不知所謂何事，夜晚感覺要散散心，喉嚨硬著一口氣，沒有吐出來
來來回回的人群，發光燈箱，流動的光軌，這個城市很熱鬧，但是我很孤單
係，我唔開心
誰在你唔開心的時候獲得感應，同你一樣唔開心？
最親近的人，偏偏問你最天真的問題，反而最不了解你
想找人訴訴苦，腦海閃過幾張臉孔，真正想找誰？答題紙留空了，打一個電話找誰聊聊嗎？沒有拿起聽筒的意識…
回家的巴士很快到站，那一列一望無際的街燈，像一雙雙沒靈魂的眼睛，呆呆地看著遠方，沒有對準焦點
跟我的軀殼也差不多，拖著腳步往很遠的地方走，但目的地在哪裡？我不知道
一個人唔開心的時候，連love story、when u sa nothing at all也變成慘情歌…
好想燒野食
如果訓醒仲係唔開心，帶450D出去影相冷靜散心
過多幾日都仲係唔掂的話，買火車飛去西藏吸收天地靈氣，淨化靈魂
眼火爆，寫稿…
24 April 2010
今日寫咩稿都係假，呢篇最易寫，唔係因為短，而係因為太深刻，如果可以live take出街唔使add lip仲好
本地一間電視台的programme組新官上任後大地震
其中feature組走左兩個同事
得番5個同事輪故仔
一名領導層近日不斷會見應徵者
但都無助該組補充新血
更講出一番令人嘩然的言論
[take sot
outcue: signoff]
{開會upsd/tape 早上開會}
(同事甲)請到人未？
(老細)未，見唔啱，啱的又傾唔啱價錢，傾過兩個，都開得比market price高好多
(同事乙)咁公司俾唔俾得起
(老細)俾得起
(同事乙)又唔係你俾//
{老細}問題係我覺得唔值
{vo}{各同事呆樣，你眼望我眼shot/tape早上開會}
聽完呢句說話
會議上冇人發言
{vo}{眾人ot、睇片、寫稿、剪片tc2/資料片}
feature組而家的陣容
係近三年以來最少
去年暑假前後得番6個人
6個星期輪一隻故仔
以一眾b故應市
一度惹來各方批評
組內怨聲載道
有評論員認為
今次事件
只會令組內不滿情緒升溫
管理層已經難以尋找有效措施
令組內氣氛和諧
{評論員bite/遮樣、變聲}
[CG：聲音經過處理]
我相信短期內
會有人離開feature組
因為咁惡劣的工作環境
咁不濟的管理層
真係有史以來最罕見
{vo}{對住電腦恰眼訓同睇股票的人tc2}
亦有評論認為
解鈴還需繫鈴人
如果始件俑者喺嗰間電視台消失
feature組將可以短時間內恢復正常
化解矛盾分歧
##signoff##
今日寫咩稿都係假，呢篇最易寫，唔係因為短，而係因為太深刻，如果可以live take出街唔使add lip仲好
本地一間電視台的programme組新官上任後大地震
其中feature組走左兩個同事
得番5個同事輪故仔
一名領導層近日不斷會見應徵者
但都無助該組補充新血
更講出一番令人嘩然的言論
[take sot
outcue: signoff]
{開會upsd/tape 早上開會}
(同事甲)請到人未？
(老細)未，見唔啱，啱的又傾唔啱價錢，傾過兩個，都開得比market price高好多
(同事乙)咁公司俾唔俾得起
(老細)俾得起
(同事乙)又唔係你俾//
{老細}問題係我覺得唔值
{vo}{各同事呆樣，你眼望我眼shot/tape早上開會}
聽完呢句說話
會議上冇人發言
{vo}{眾人ot、睇片、寫稿、剪片tc2/資料片}
feature組而家的陣容
係近三年以來最少
去年暑假前後得番6個人
6個星期輪一隻故仔
以一眾b故應市
一度惹來各方批評
組內怨聲載道
有評論員認為
今次事件
只會令組內不滿情緒升溫
管理層已經難以尋找有效措施
令組內氣氛和諧
{評論員bite/遮樣、變聲}
[CG：聲音經過處理]
我相信短期內
會有人離開feature組
因為咁惡劣的工作環境
咁不濟的管理層
真係有史以來最罕見
{vo}{對住電腦恰眼訓同睇股票的人tc2}
亦有評論認為
解鈴還需繫鈴人
如果始件俑者喺嗰間電視台消失
feature組將可以短時間內恢復正常
化解矛盾分歧
##signoff##
踢拖
23 April 2010
尋晚訓唔著，今日又超勁眼訓
返12點，真係唔知係好事定壞事，喺公司同西鐵站之間，忽然刮起怪風，然後見到一陣白煙由海邊吹來，有人從後跑過來，不過冇用，已經趕唔切，因為已經落到來，超勁大雨，好似拍戲開大消防喉造假雨咁大，又大風，有遮都冇用，行左兩步已濕晒，最後，決定蹲喺地下，盡量用把遮包圍自己，諗起就真係好糗…
返到去除左條褲去吹風機度吹，但對adidas仲好似魚缸索極都係濕，後來神秘人話拎衫同鞋俾我，so sweet
不過我去左化妝間熨乾條褲，叫佢唔使突登拎野俾我，但佢都係話拎對拖鞋俾我，唔係會生香港腳，所以成個晏晝就踢住對拖鞋喺公司走來走去
眼訓，早抖
尋晚訓唔著，今日又超勁眼訓
返12點，真係唔知係好事定壞事，喺公司同西鐵站之間，忽然刮起怪風，然後見到一陣白煙由海邊吹來，有人從後跑過來，不過冇用，已經趕唔切，因為已經落到來，超勁大雨，好似拍戲開大消防喉造假雨咁大，又大風，有遮都冇用，行左兩步已濕晒，最後，決定蹲喺地下，盡量用把遮包圍自己，諗起就真係好糗…
返到去除左條褲去吹風機度吹，但對adidas仲好似魚缸索極都係濕，後來神秘人話拎衫同鞋俾我，so sweet
不過我去左化妝間熨乾條褲，叫佢唔使突登拎野俾我，但佢都係話拎對拖鞋俾我，唔係會生香港腳，所以成個晏晝就踢住對拖鞋喺公司走來走去
眼訓，早抖
哀悼日‧心痛
22 April 2010
尋日隊左一個芝士蛋糕，勁開心
營多白色包裝個撈麵勁好食呀﹗
叮左一個食，唔知係咪太好食，好似得兩注，越食越肚餓…
繼續research相機仔，頭先經過橙色嗰間，見到ricoh CX3外型都好靚仔，試過SX210，14x都zoom得好快，zoom出室外的士司機樣都好清，不過冇入咭，睇唔清影出來的效果，我又唔係諗住即買，所以求其試過就算
哎，同S90各有長處，真係好難揀…
理論上我鍾意影details、前後景，討厭閃光燈，2.0光圈應該好啱我
但用單反都做到呢d效果，未有長炮，即使有我都可能懶、嫌重唔會揹去影相，係咪應該買去到392的機仔以補不足呢…
上d討論區，大家都遇到同我一樣的問題
好難揀呀，搵日兩部機仔都攞來試下先
今日全國哀悼日，有心很痛的感覺
繼續…
http://cablenews.i-cable.com/webapps/news_video/index.php?news_id=330889&category=0
尋日隊左一個芝士蛋糕，勁開心
營多白色包裝個撈麵勁好食呀﹗
叮左一個食，唔知係咪太好食，好似得兩注，越食越肚餓…
繼續research相機仔，頭先經過橙色嗰間，見到ricoh CX3外型都好靚仔，試過SX210，14x都zoom得好快，zoom出室外的士司機樣都好清，不過冇入咭，睇唔清影出來的效果，我又唔係諗住即買，所以求其試過就算
哎，同S90各有長處，真係好難揀…
理論上我鍾意影details、前後景，討厭閃光燈，2.0光圈應該好啱我
但用單反都做到呢d效果，未有長炮，即使有我都可能懶、嫌重唔會揹去影相，係咪應該買去到392的機仔以補不足呢…
上d討論區，大家都遇到同我一樣的問題
好難揀呀，搵日兩部機仔都攞來試下先
今日全國哀悼日，有心很痛的感覺
繼續…
http://cablenews.i-cable.com/webapps/news_video/index.php?news_id=330889&category=0
等價交換
21 April 2010
當人與人之間的關係淪為等價交換，即使關懷不一定能夠換取愛，但也不拿是非換一聲朋友
尋日放左病假，訓到三點幾先起身，舒服左少少
好想揼骨…
今朝一上火車，聽到自己的故仔播緊，出到第二日，仲陸續有來
http://cablenews.i-cable.com/webapps/news_video/index.php?news_id=330789&category=0
http://cablenews.i-cable.com/webapps/news_video/index.php?news_id=330700&category=
唔知點解諗起佢，點解，在人海中擇中佢？
嘴角又向上翹
當人與人之間的關係淪為等價交換，即使關懷不一定能夠換取愛，但也不拿是非換一聲朋友
尋日放左病假，訓到三點幾先起身，舒服左少少
好想揼骨…
今朝一上火車，聽到自己的故仔播緊，出到第二日，仲陸續有來
http://cablenews.i-cable.com/webapps/news_video/index.php?news_id=330789&category=0
http://cablenews.i-cable.com/webapps/news_video/index.php?news_id=330700&category=
唔知點解諗起佢，點解，在人海中擇中佢？
嘴角又向上翹
歪理
19 April 2010
我發覺，每逢很攰，思緒很複雜的時候，就會變得好憤世嫉俗，很多事都看不過眼，更想寫作
超市的廣告實在令人忍無可忍，facebook貼了一篇也不夠
《搶少你10蚊，你賺左喇‧歪理論》
某超市近日大賣廣告，肆意歪曲慳左等於賺左的意思
賺，係真金白銀，或用勞力，或用智力換取的酬勞
將價錢牌價錢抬高，擺明車馬從你的荷包搶去你用勞力智力，咬起來有血有汗，也有一點忍氣吞聲的鈔票，然後美其名標低一點，少搶一點，就說成你賺了
廣告中的兩父子，還咧嘴而笑，推了一大車貨品，被人搶錢也搶得很開心、很甘心，也欣喜這社會企業責任尾二的公司忽爾做好心，忽爾憐惜口袋裡十元八塊，暫時不搶
如此皇恩浩蕩，像罹患絕症的病人，多活一天就是賺左
當心，下回，在別的地方，用別的方法，搶得更狠、更無形，本利歸還
如果做生意的不在謀取暴利，升斗小民何有慳吝之理？
將慳家倒過來包裝成精明、持家有道，大家都被洗腦，以掩飾無良經營之道
李氏歪理「長治」香江，早已言明，免責條款日後無從追究
不要被工作吞噬生活，否則有生命也沒有意義
我明白不應為無聊事、無聊人，令細胞喪命，不值，當然不值，還是再磨鍊EQ，但我不要深造班了，不要考驗我了
我發覺，每逢很攰，思緒很複雜的時候，就會變得好憤世嫉俗，很多事都看不過眼，更想寫作
超市的廣告實在令人忍無可忍，facebook貼了一篇也不夠
《搶少你10蚊，你賺左喇‧歪理論》
某超市近日大賣廣告，肆意歪曲慳左等於賺左的意思
賺，係真金白銀，或用勞力，或用智力換取的酬勞
將價錢牌價錢抬高，擺明車馬從你的荷包搶去你用勞力智力，咬起來有血有汗，也有一點忍氣吞聲的鈔票，然後美其名標低一點，少搶一點，就說成你賺了
廣告中的兩父子，還咧嘴而笑，推了一大車貨品，被人搶錢也搶得很開心、很甘心，也欣喜這社會企業責任尾二的公司忽爾做好心，忽爾憐惜口袋裡十元八塊，暫時不搶
如此皇恩浩蕩，像罹患絕症的病人，多活一天就是賺左
當心，下回，在別的地方，用別的方法，搶得更狠、更無形，本利歸還
如果做生意的不在謀取暴利，升斗小民何有慳吝之理？
將慳家倒過來包裝成精明、持家有道，大家都被洗腦，以掩飾無良經營之道
李氏歪理「長治」香江，早已言明，免責條款日後無從追究
不要被工作吞噬生活，否則有生命也沒有意義
我明白不應為無聊事、無聊人，令細胞喪命，不值，當然不值，還是再磨鍊EQ，但我不要深造班了，不要考驗我了
攞你命3000
16 April 2010
夢裡她和他結婚，真令人匪夷所思，點解？
少左d眼冤野，落得清靜，心情暢快
單反做咩要拍片，錯晒…
我部機仔都好多年了，雖然都仲好襟用，影出來的相都仲可以，只係唔捨得3吋大mon，但一去到d暗d的環境，舊機就真係舊機
GF1白色真係好係好誘人，但呢個價錢買支鏡好過
夜攝王周街都係，最後決定放棄，密切留意緊俗稱攞你命三千的SX210，G11為備用方案，希望weekend可以去research下啦
夢裡她和他結婚，真令人匪夷所思，點解？
少左d眼冤野，落得清靜，心情暢快
單反做咩要拍片，錯晒…
我部機仔都好多年了，雖然都仲好襟用，影出來的相都仲可以，只係唔捨得3吋大mon，但一去到d暗d的環境，舊機就真係舊機
GF1白色真係好係好誘人，但呢個價錢買支鏡好過
夜攝王周街都係，最後決定放棄，密切留意緊俗稱攞你命三千的SX210，G11為備用方案，希望weekend可以去research下啦
happy forever
15 April 2010
尋朝去左睇醫生，醫生話感冒菌入眼生眼瘡，但我都冇病…
諸事不順，想買的野買唔到，又要ot，好忟，好浮躁，飲杯珍珠奶降降火先
今日超勁眼訓，西鐵站等5分鐘，坐喺月台都訓著，上到車企喺度又宗左一下，真糗
食完飯有半個鐘又訓
放工突發約左飯局，尖沙咀，本來話食韓國野，盲宗宗摸左上一間日本野，咁就日本野啦
講到興起，走去總壇對面間哈根達斯食雪糕，瘋狂地，點左happy forever=9 scoops icecream=杏桃+belgium chocolate+桑果雪芭+bailey+chop chop chips+tiramisu+cappuccino+芒果+dark chocolate orange，so crazy!!!!
當fantasy變成事實，已經失去意義了
沒有提起我們之間的片段，不是我們之間沒有深刻記憶，而是珍而重之，不欲分享，讓回憶藏在心裡，成為小秘密
尋朝去左睇醫生，醫生話感冒菌入眼生眼瘡，但我都冇病…
諸事不順，想買的野買唔到，又要ot，好忟，好浮躁，飲杯珍珠奶降降火先
今日超勁眼訓，西鐵站等5分鐘，坐喺月台都訓著，上到車企喺度又宗左一下，真糗
食完飯有半個鐘又訓
放工突發約左飯局，尖沙咀，本來話食韓國野，盲宗宗摸左上一間日本野，咁就日本野啦
講到興起，走去總壇對面間哈根達斯食雪糕，瘋狂地，點左happy forever=9 scoops icecream=杏桃+belgium chocolate+桑果雪芭+bailey+chop chop chips+tiramisu+cappuccino+芒果+dark chocolate orange，so crazy!!!!
當fantasy變成事實，已經失去意義了
沒有提起我們之間的片段，不是我們之間沒有深刻記憶，而是珍而重之，不欲分享，讓回憶藏在心裡，成為小秘密
美人與朕
13 April 2010
尋晚個花灑頭跌爛左，喉還喉，花灑還花灑，無奈地，要用條冇花灑的水喉沖涼洗頭
頭先放工本來去買花灑頭，但美人走左出去同朕食飯，咁就冇去買啦
落機嗰晚好想杯麵，但好可惜係公司附近冇7仔，屋企附近亦冇，超市都閂左門，冇奶油突登兜去買杯麵，由得維尼豬望到勁都長咁等我返屋企啫，咁就算數
weekend起身第一件事就係去買杯麵返來隊，但仍然有d若有所失，係呀，就係差一杯珍珠奶茶，所以頭先食完飯都係買杯珍珠奶茶止止癮
買唔到花灑頭，我決定試下自行解決呢個問題，拎支aa膠出來，咁又俾我黐番個頭，但仲有d漏水，咁就包水喉膠紙，咁就搞掂左，呵呵呵
尋晚個花灑頭跌爛左，喉還喉，花灑還花灑，無奈地，要用條冇花灑的水喉沖涼洗頭
頭先放工本來去買花灑頭，但美人走左出去同朕食飯，咁就冇去買啦
落機嗰晚好想杯麵，但好可惜係公司附近冇7仔，屋企附近亦冇，超市都閂左門，冇奶油突登兜去買杯麵，由得維尼豬望到勁都長咁等我返屋企啫，咁就算數
weekend起身第一件事就係去買杯麵返來隊，但仍然有d若有所失，係呀，就係差一杯珍珠奶茶，所以頭先食完飯都係買杯珍珠奶茶止止癮
買唔到花灑頭，我決定試下自行解決呢個問題，拎支aa膠出來，咁又俾我黐番個頭，但仲有d漏水，咁就包水喉膠紙，咁就搞掂左，呵呵呵
還是屬於這個地方
11 April 2010
返到來，喼都未拆就沖涼訓覺，真係好眼訓
尋日起身就settle番d野，洗衫，點算下d手信，睇下d相，咁就搞左一日
出一次trip討厭一個地方，呢次輪到上海，印象馬馬地，諗起d紅燒肉都怕怕，餐餐飯食來食去都好似差唔多的野，餐牌係有好多野揀，但總係揀唔落手…
出trip冇理由食生煎包、小籠包呢d cheap野
以前我以為我自己鍾意食上海菜，每個月總有一兩餐去食小籠包、雞絲粉皮、肴肉呢d，但原來係錯的﹗
同事甲做扒、度扒，就即係話又到我的影相時間，鏡頭向著自己，自拍，倒數十秒，自拍，怎樣拍都可以，大把時間，喺中國館嗰日影到我唔想影，諗落都幾誇張
自拍照中，最鍾意韓國館呢張
返到來，喼都未拆就沖涼訓覺，真係好眼訓
尋日起身就settle番d野，洗衫，點算下d手信，睇下d相，咁就搞左一日
出一次trip討厭一個地方，呢次輪到上海，印象馬馬地，諗起d紅燒肉都怕怕，餐餐飯食來食去都好似差唔多的野，餐牌係有好多野揀，但總係揀唔落手…
出trip冇理由食生煎包、小籠包呢d cheap野
以前我以為我自己鍾意食上海菜，每個月總有一兩餐去食小籠包、雞絲粉皮、肴肉呢d，但原來係錯的﹗
同事甲做扒、度扒，就即係話又到我的影相時間，鏡頭向著自己，自拍，倒數十秒，自拍，怎樣拍都可以，大把時間，喺中國館嗰日影到我唔想影，諗落都幾誇張
自拍照中，最鍾意韓國館呢張
去向
09 April 2010
入番園區呢幾日，日日都訓唔多過5粒鐘，超勁眼訓，化個妝，個樣好似好精神咁就出去
尋晚feed片，搞到點幾兩點，真吹漲…
尋日早上「慢」遊瑞士，因為全日只有一個館，仲有特登為我而設的瑞士早餐，有芝士、火褪、小餐包
睇落好似飲飲食食，哎，拍野咋
不過最可惜係纜車未有得坐
晏晝賴死唔走，PR走左，講到明出左咩事唔負責，園區裡面真係少左好多media，好彩大家差唔多樣，只要唔開聲就唔會有破綻，哈哈哈
賴死唔走仲有下文，我地仲呢到夜晚，拍下少量夜景，真係盡晒人事
中午有司機送到的老麥，成個車廂都係薯條味，不過風好大，又凍，吹一陣冇左兩隻雞翼，吹多陣連個雞腿包都冇左一半
夜晚餓，但見到d野又唔係好想食，又係上海菜，好悶，好怕，見到嗰d涼菜同超甜的紅燒肉真係驚左
想食新疆羊肉串多d，嘻嘻~
走喇，而家出發，今日由韓國館偷運我地入園區，夜晚7點半機，返到來都十一點過外，返到屋企的話咪聽日囉…
等我…
入番園區呢幾日，日日都訓唔多過5粒鐘，超勁眼訓，化個妝，個樣好似好精神咁就出去
尋晚feed片，搞到點幾兩點，真吹漲…
尋日早上「慢」遊瑞士，因為全日只有一個館，仲有特登為我而設的瑞士早餐，有芝士、火褪、小餐包
睇落好似飲飲食食，哎，拍野咋
不過最可惜係纜車未有得坐
晏晝賴死唔走，PR走左，講到明出左咩事唔負責，園區裡面真係少左好多media，好彩大家差唔多樣，只要唔開聲就唔會有破綻，哈哈哈
賴死唔走仲有下文，我地仲呢到夜晚，拍下少量夜景，真係盡晒人事
中午有司機送到的老麥，成個車廂都係薯條味，不過風好大，又凍，吹一陣冇左兩隻雞翼，吹多陣連個雞腿包都冇左一半
夜晚餓，但見到d野又唔係好想食，又係上海菜，好悶，好怕，見到嗰d涼菜同超甜的紅燒肉真係驚左
想食新疆羊肉串多d，嘻嘻~
走喇，而家出發，今日由韓國館偷運我地入園區，夜晚7點半機，返到來都十一點過外，返到屋企的話咪聽日囉…
等我…
trade off專屬
08 April 2010
簡單寫幾隻字，交待下就訓，聽日晨吉咁早入園，又要晨吉吉咁早起身吹頭化妝…
尋日，假期過後，又入園區拼，壞消息是8號9號世博局唔會帶我地入園，佢叫你自己諗方法死掂佢
從墨西哥走到德國，專屬的草地，專屬的互動球，隨便踐踏，隨便尖叫
德國個波波(佢地叫sphere)有隻眼，四圍望好似魔戒，good show，音樂+畫面令人好多fantasy，私人推薦
今日喪拍，歐洲遊，由意大利去到挪威，再去埋西班牙，中間加插英國館行程
專屬的升降台，搖搖晃晃，喺10米半空做個扒，意大利人真係好靚仔，連操控嗰個升降台的都好靚仔，但係矮囉…
挪威比我想像中靚，影相一流，對稱不規則，松木配白帳，玩構圖都有排玩
西班牙館外貌建議遠觀，近睇淨係見到好大塊籘，好易穿崩見到裡面d一枝枝柱，video+音樂，可以容納200人的場，又是專屬，仲有一個6米高的baby，按照一個真實的bb做，當時個b八個月大，喺展館裡面發白日夢，真係西班牙人先諗得出
做一個展館如果要做得成功的話，係應該可以令當地人也覺得吸引，拍案稱奇
相對起上來，hk館聽完介紹都唔想去，好冇料到囉﹗
專屬的英國館，影出來的相，可以當官方相發出去，因為冇d畸呢啡，開左幕後，休想拍到呢d相
中午冇出去食飯，一直監控我地拍攝的pr竟然交低兩張證，掉低我地自己喺園區裡面，呼吸到自由的空氣，即時大叫自由
朝早食幾個小籠包，中午咬左兩塊餅同朱古力，基本上咁凍，一陣就要燃燒後備能量，夜晚出去食貴野，但要等位，真係呆左…
等位期間托住個頭就訓著左
唔知係水土不服，定係食濟左，抑或係d野唔乾淨，還是腸胃抗議，個肚成日都唔舒服，有d胃痛
稍後，補回相片
簡單寫幾隻字，交待下就訓，聽日晨吉咁早入園，又要晨吉吉咁早起身吹頭化妝…
尋日，假期過後，又入園區拼，壞消息是8號9號世博局唔會帶我地入園，佢叫你自己諗方法死掂佢
從墨西哥走到德國，專屬的草地，專屬的互動球，隨便踐踏，隨便尖叫
德國個波波(佢地叫sphere)有隻眼，四圍望好似魔戒，good show，音樂+畫面令人好多fantasy，私人推薦
今日喪拍，歐洲遊，由意大利去到挪威，再去埋西班牙，中間加插英國館行程
專屬的升降台，搖搖晃晃，喺10米半空做個扒，意大利人真係好靚仔，連操控嗰個升降台的都好靚仔，但係矮囉…
挪威比我想像中靚，影相一流，對稱不規則，松木配白帳，玩構圖都有排玩
西班牙館外貌建議遠觀，近睇淨係見到好大塊籘，好易穿崩見到裡面d一枝枝柱，video+音樂，可以容納200人的場，又是專屬，仲有一個6米高的baby，按照一個真實的bb做，當時個b八個月大，喺展館裡面發白日夢，真係西班牙人先諗得出
做一個展館如果要做得成功的話，係應該可以令當地人也覺得吸引，拍案稱奇
相對起上來，hk館聽完介紹都唔想去，好冇料到囉﹗
專屬的英國館，影出來的相，可以當官方相發出去，因為冇d畸呢啡，開左幕後，休想拍到呢d相
中午冇出去食飯，一直監控我地拍攝的pr竟然交低兩張證，掉低我地自己喺園區裡面，呼吸到自由的空氣，即時大叫自由
朝早食幾個小籠包，中午咬左兩塊餅同朱古力，基本上咁凍，一陣就要燃燒後備能量，夜晚出去食貴野，但要等位，真係呆左…
等位期間托住個頭就訓著左
唔知係水土不服，定係食濟左，抑或係d野唔乾淨，還是腸胃抗議，個肚成日都唔舒服，有d胃痛
稍後，補回相片
掛起思念
06 April 2010
清明節正日，係呢度3日假期最後一日，可能尋日食得太狠，over晒，今朝有d肚痛，8點幾痛醒左
因為唔係太舒服，冇出去，繼續訓，成team人一齊食左個簡brunch，本來我要出去research，但仲係有d唔舒服，食左粒藥攤抖左一陣，好左少少就出去
假期，有幾間target旅行社都閂左，行到好攰
睇拯救礦工的新聞，真係有d激動，以茲記錄
聽日又繼續自駕遊，世博園區
做扒的代價，係訓少個半鐘，沖涼洗頭化妝吹頭…
沒有刻意要想著甚麼，也沒有刻意要忘記甚麼，忽然之間，我們之間的片段投射眼前
我想你…
我無力抗拒，特別是夜裡，想你到無法呼吸
恨不能立即朝你狂奔去
清明節正日，係呢度3日假期最後一日，可能尋日食得太狠，over晒，今朝有d肚痛，8點幾痛醒左
因為唔係太舒服，冇出去，繼續訓，成team人一齊食左個簡brunch，本來我要出去research，但仲係有d唔舒服，食左粒藥攤抖左一陣，好左少少就出去
假期，有幾間target旅行社都閂左，行到好攰
睇拯救礦工的新聞，真係有d激動，以茲記錄
聽日又繼續自駕遊，世博園區
做扒的代價，係訓少個半鐘，沖涼洗頭化妝吹頭…
沒有刻意要想著甚麼，也沒有刻意要忘記甚麼，忽然之間，我們之間的片段投射眼前
我想你…
我無力抗拒，特別是夜裡，想你到無法呼吸
恨不能立即朝你狂奔去
膽固醇一齊分享﹗
05 April 2010
牌子上有純鮮肉湯包6蚊8隻、蟹粉鮮肉湯包15蚊8隻，紫菜蛋花湯3蚊碗，書仔介紹，人均消費15蚊
不過純蟹粉湯包48蚊6隻，我看了一看，點了純蟹粉湯包和純鮮肉湯包，店內最平和最貴兩款包子，服務員再三確認我要點純蟹粉湯包，的確，除番開一隻的價錢已經食到一籠鮮肉仲要有找
又唔係自己錢，豪氣一點有咩所謂
同事甲食完茶餐廳來搵番我，幫我分擔6分之1的膽固醇，真係好味
過口癮，一齊再食羊肉串，超勁惹味
點解，一個城市，要令到自己發光先叫貼上現代化、先進、國際的標籤？將天橋變成藍色，有需要嗎？
我淨係覺得好哂電…
今日全日喺office作文同講電話，有d悶，有d忟…
尋晚基本上叫冇食飯，因為食左個late tea就去拍夜景，十一點先返到來，喺樓下食串燒，不過味道一般，今晚狠狠地食
除番開每人百二蚊，其實可能食左好多人一日人工，甚至有d人一日人工都唔夠找數，諗落都有d奢侈
牌子上有純鮮肉湯包6蚊8隻、蟹粉鮮肉湯包15蚊8隻，紫菜蛋花湯3蚊碗，書仔介紹，人均消費15蚊
不過純蟹粉湯包48蚊6隻，我看了一看，點了純蟹粉湯包和純鮮肉湯包，店內最平和最貴兩款包子，服務員再三確認我要點純蟹粉湯包，的確，除番開一隻的價錢已經食到一籠鮮肉仲要有找
又唔係自己錢，豪氣一點有咩所謂
同事甲食完茶餐廳來搵番我，幫我分擔6分之1的膽固醇，真係好味
過口癮，一齊再食羊肉串，超勁惹味
點解，一個城市，要令到自己發光先叫貼上現代化、先進、國際的標籤？將天橋變成藍色，有需要嗎？
我淨係覺得好哂電…
今日全日喺office作文同講電話，有d悶，有d忟…
尋晚基本上叫冇食飯，因為食左個late tea就去拍夜景，十一點先返到來，喺樓下食串燒，不過味道一般，今晚狠狠地食
除番開每人百二蚊，其實可能食左好多人一日人工，甚至有d人一日人工都唔夠找數，諗落都有d奢侈
味道依舊，風味全非
04 April 2010
這一次沒有第三隻腳，自拍不行，同胞越幫越忙，將鏡頭用最差的角度拍下，將照片用最醜的方式照下，還得犧牲睡眠時間，迫逼自己超越工作進度，才擠出早上一點時間，吃一個生煎brunch
埋在小區老街的店，拆遷了
同一條路，都叫吳江路，但面目全非，上次過來時新的那一段還未建好，只有幾家茶座開了，沒幾個人，現在就是一個摩登休閑區
過去路邊的店搬到商場2樓，人龍仍在店外，小票模樣依舊，還有少許褪色的碟子，不過店面被河蟹了
外帶盒子拿到外面，冷風吹著灌湯包子，吃了一口又一口，同一味道，不同風味，事距數年，價錢也漲了不少
風味與舊地方扯上不能斬斷的關係，感覺是欠了甚麼…
我們偶而來之，想看這種舊東西，就要讓裡面的人像動物園，住在以前的破房子給我們欣賞，拍案稱奇？
乜我個樣真係咁似發model夢，定係易呃呢，喺上海都俾人問…
坐上100蚊人仔的觀光船同企喺陸地睇外灘夜景，分別係更加大風，如果要自己俾錢，真係bu ke neng啦，吹完風落船嗰下，對手凍到可以當雪條啜
預告：請留意《滬照》的出版
這一次沒有第三隻腳，自拍不行，同胞越幫越忙，將鏡頭用最差的角度拍下，將照片用最醜的方式照下，還得犧牲睡眠時間，迫逼自己超越工作進度，才擠出早上一點時間，吃一個生煎brunch
埋在小區老街的店，拆遷了
同一條路，都叫吳江路，但面目全非，上次過來時新的那一段還未建好，只有幾家茶座開了，沒幾個人，現在就是一個摩登休閑區
過去路邊的店搬到商場2樓，人龍仍在店外，小票模樣依舊，還有少許褪色的碟子，不過店面被河蟹了
外帶盒子拿到外面，冷風吹著灌湯包子，吃了一口又一口，同一味道，不同風味，事距數年，價錢也漲了不少
風味與舊地方扯上不能斬斷的關係，感覺是欠了甚麼…
我們偶而來之，想看這種舊東西，就要讓裡面的人像動物園，住在以前的破房子給我們欣賞，拍案稱奇？
乜我個樣真係咁似發model夢，定係易呃呢，喺上海都俾人問…
坐上100蚊人仔的觀光船同企喺陸地睇外灘夜景，分別係更加大風，如果要自己俾錢，真係bu ke neng啦，吹完風落船嗰下，對手凍到可以當雪條啜
預告：請留意《滬照》的出版
愛情拾荒者
30 March 2010
戒不了的浮燥，討厭等車，望向遠方，有很多車，就是沒有啱上的
回到從前，lunch頹食會揀麥記，廿蚊一餐，甚至廿蚊有找，今日無意中發現巨無霸餐廿蚊，當年巨無霸係麥記裡的豪餐，如今卻變成頹餐；以前覺得巨無霸好大個食唔晒，而家覺得縮晒水
呢d就係時光流逝…
頭先無意中發現維尼虎仔x出奇蛋，買左一盒，又扭左一個麥嘜蛋，真開心
之前好強烈的心跳、牽腸掛肚感覺，已經消失得無影無蹤
緣份，如果慢慢滲出來，或是細水長流，但難免斷流的一天；高劑量，震撼心弦，有效期特短，原來，怎樣也留不住持續心跳的感覺…
去哪兒檢回激情？
戒不了的浮燥，討厭等車，望向遠方，有很多車，就是沒有啱上的
回到從前，lunch頹食會揀麥記，廿蚊一餐，甚至廿蚊有找，今日無意中發現巨無霸餐廿蚊，當年巨無霸係麥記裡的豪餐，如今卻變成頹餐；以前覺得巨無霸好大個食唔晒，而家覺得縮晒水
呢d就係時光流逝…
頭先無意中發現維尼虎仔x出奇蛋，買左一盒，又扭左一個麥嘜蛋，真開心
之前好強烈的心跳、牽腸掛肚感覺，已經消失得無影無蹤
緣份，如果慢慢滲出來，或是細水長流，但難免斷流的一天；高劑量，震撼心弦，有效期特短，原來，怎樣也留不住持續心跳的感覺…
去哪兒檢回激情？
買物誌
29 March 2010
前日出門口返工，忽然對3月26日號個日子，咁的天氣，滋出一絲喜愛的感覺，鍾意呢種溫度，鍾意呢個相對濕度
下晝放假，用完腦力用腳骨力，香港一日遊，港九新界都去勻，買番要用來作紀念用途的耳環仔，不過另外仲買左唔關事的耳環、手鍊、頸鍊、高跟鞋同涼鞋…
行程有變，要提早出發，幾乎話飛就飛，外訪行程將始於愚人節，係咪玩野﹗
東經121北緯31，請問，那邊天氣如何？
卡住成個復活節+清明節假期，咁就有6日com off，夾埋星期六日又有10日假，橫掂唔使research，仲有盒半高原寧，不如坐青藏鐵路，extended travel買番冇買嗰紮壇香同嗰個雕花香爐
尋日晏晝喺屋企hea左陣，黃昏出動，又係行街食飯囉
終於食到酸辣粉，不過唔係記憶中的味道…
買左個捲髮夾，凌晨過後仲喺度玩set頭，哈哈哈
我諗係我唔識操作，夾到一邊d頭髮好爆，一邊就無乜料到，要yan jiu yan jiu
細個嗰時，復活節會食復活蛋，有復活兔
最近聽到一個笑話，有個細路話兔係卵生，因為d兔仔喺復活蛋度走出來
麥堤莎出左有麥芯的復活兔，唔知點解方圓十里的便利店都冇，呢排行開有便利店，就好似條件反射咁，入去搵麥堤兔，尋日終無意中喺美孚西鐵站裡面間7記搵到，其實味道同麥堤莎一樣，只係變左兔仔樣啫
今日晏晝訓到四點，鬼咩，佢尋晚收夜仲走左去飲酒，飲到唔知幾點，我已經撻左上床，我估計三點過外，佢打來話而家返屋企，過一陣又打過來，well，係咪飲醉？
最後一個call係朝早6點，好似冇訓過咁…
hea左陣又出左去，想買一樣野，明明揀嗰時都揀左，但唔知點解，返到屋企搵嗰時先發現冇左…
前日出門口返工，忽然對3月26日號個日子，咁的天氣，滋出一絲喜愛的感覺，鍾意呢種溫度，鍾意呢個相對濕度
下晝放假，用完腦力用腳骨力，香港一日遊，港九新界都去勻，買番要用來作紀念用途的耳環仔，不過另外仲買左唔關事的耳環、手鍊、頸鍊、高跟鞋同涼鞋…
行程有變，要提早出發，幾乎話飛就飛，外訪行程將始於愚人節，係咪玩野﹗
東經121北緯31，請問，那邊天氣如何？
卡住成個復活節+清明節假期，咁就有6日com off，夾埋星期六日又有10日假，橫掂唔使research，仲有盒半高原寧，不如坐青藏鐵路，extended travel買番冇買嗰紮壇香同嗰個雕花香爐
尋日晏晝喺屋企hea左陣，黃昏出動，又係行街食飯囉
終於食到酸辣粉，不過唔係記憶中的味道…
買左個捲髮夾，凌晨過後仲喺度玩set頭，哈哈哈
我諗係我唔識操作，夾到一邊d頭髮好爆，一邊就無乜料到，要yan jiu yan jiu
細個嗰時，復活節會食復活蛋，有復活兔
最近聽到一個笑話，有個細路話兔係卵生，因為d兔仔喺復活蛋度走出來
麥堤莎出左有麥芯的復活兔，唔知點解方圓十里的便利店都冇，呢排行開有便利店，就好似條件反射咁，入去搵麥堤兔，尋日終無意中喺美孚西鐵站裡面間7記搵到，其實味道同麥堤莎一樣，只係變左兔仔樣啫
今日晏晝訓到四點，鬼咩，佢尋晚收夜仲走左去飲酒，飲到唔知幾點，我已經撻左上床，我估計三點過外，佢打來話而家返屋企，過一陣又打過來，well，係咪飲醉？
最後一個call係朝早6點，好似冇訓過咁…
hea左陣又出左去，想買一樣野，明明揀嗰時都揀左，但唔知點解，返到屋企搵嗰時先發現冇左…
我想跟你亂纏
25 March 2010
尋朝臨出門口先發現抽鎖匙唔見左，真係有d急，得來先發現，原來係插左喺鐵閘，都咪話唔lai野，好彩又晾左衫喺出面，遮遮掩掩唔係好覺眼
放工本來去酒樓食飯，但冇位，個阿叔叫我地搭枱，有冇事呀？
返去攞番d野搭小巴出去元朗食，哎呀，竟然唔記得帶八達窿，真笨，將銀包裡面平時唔用的負資產八達窿增值，搭巴士返歸
google map個街景功能真係好好玩，我搵番舊年東京出trip住嗰間酒店，又搵到我屋企出面條路仔，好過癮，發現漏洞，公司門口一架車冇遮車牌
尋朝臨出門口先發現抽鎖匙唔見左，真係有d急，得來先發現，原來係插左喺鐵閘，都咪話唔lai野，好彩又晾左衫喺出面，遮遮掩掩唔係好覺眼
放工本來去酒樓食飯，但冇位，個阿叔叫我地搭枱，有冇事呀？
返去攞番d野搭小巴出去元朗食，哎呀，竟然唔記得帶八達窿，真笨，將銀包裡面平時唔用的負資產八達窿增值，搭巴士返歸
google map個街景功能真係好好玩，我搵番舊年東京出trip住嗰間酒店，又搵到我屋企出面條路仔，好過癮，發現漏洞，公司門口一架車冇遮車牌
蝦餃遇上孖煙囪
23 March 2010
尋晚喺元朗一齊食完宵夜先散水，搞到成三點先訓，攰…
lunch走左，晏晝放自己假，又一齊去左飲茶，蝦餃食過番尋味，encore，但食完竟然，要阿婆拎晒d孖煙囪出來俾我地揀，哈哈哈
普羅大眾過了十八，膊頭開始重
追求大勇，勇到廿八，膊頭開始痛
得到一些鈔票，賺不到幾多歡笑
哎，我距離28仲有一段距離，但我膊頭已經好痛，痛左好多年了…
ok，明白晒，選擇，大家都在挑，大家都在選，才得到呢個結果
對，skip去過程，得到結果，仍然耿耿於懷，還未學懂放開一點
尋晚喺元朗一齊食完宵夜先散水，搞到成三點先訓，攰…
lunch走左，晏晝放自己假，又一齊去左飲茶，蝦餃食過番尋味，encore，但食完竟然，要阿婆拎晒d孖煙囪出來俾我地揀，哈哈哈
普羅大眾過了十八，膊頭開始重
追求大勇，勇到廿八，膊頭開始痛
得到一些鈔票，賺不到幾多歡笑
哎，我距離28仲有一段距離，但我膊頭已經好痛，痛左好多年了…
ok，明白晒，選擇，大家都在挑，大家都在選，才得到呢個結果
對，skip去過程，得到結果，仍然耿耿於懷，還未學懂放開一點
我喜歡這罪名
22 March 2010
時空返到尋日，星期六，好早醒左，叫自己再訓一陣，咁就訓到兩點零，食野，本來約左三點半老餅店門口，但行程臨時改變，我喺屋企等眾人，直至六點幾，等到呆…
六合彩4500萬，只係十分鐘來回買張飛，消磨唔到幾多時間…
語音導航系統開始運作，兩條腿和四個碌都啱用
入黑先見人，又再拉隊出去投注站，再行超市，返來透爐，無錯，就係錦上路燒烤場發展計劃第二期
燒完十二點幾，拉大隊出荃灣飲野，本來唔係好想去，見到一地黑色一撻撻，要拖地就煩…
後來佢地夾左兩舊水聽日請鐘點執，咁冇理由唔出去啦
唔係飲左好多，但間野4點閂，四點幾散水，返到屋企竟然…
今年盛事，明天開演唱會
今日唔知點解訓得唔好，可能飲左酒啦，有d頭痛添
10個人的凍肉，其實應該13-14個人食囉，一條麵包未開過，仲有一袋丸、豬扒、牛扒、豬頸肉、金沙骨、腎、魷魚、唔同款式的雞翼各一袋，放到我成個雪櫃都係，另外仲有青島啤酒8罐，兩支大純生…
食一個禮拜到食唔晒啦，頭先lunch整左豬扒包同牛扒包，好味，但都唔可以日日食掛…
搞呢搞路，7點半先出門口，紅磡等
買飛時應該知，唔好坐角位，另外一係坐panel嗰個zone，即係green zone，因為嘉賓席喺panel下面，主人家唔會冷落嘉賓，會較多正面，但panel對面red zone都係唔錯的第二選擇，因為觀眾的視線面向廣告牌，亦係俾media影相位，所以都會有較多正面
火車站出來兜左一大個圈先去到red gate…
睇戲最怕人講晒d劇情，睇演唱會新鮮感都好緊要，所以積番d口德，詳情唔講，但係唔知點解好留意到一首歌的歌詞，煲碟時都冇呢個感覺
這個世界最壞罪名叫：太易動情，但我喜歡這罪名
不敢有風，不敢有聲，這愛情無人證
若世界陷進大騙局裏面，朋友亦難以發現，共你隔著空在秘密通電，挑戰道德底線
我信與你繼續亂纏難再有發展，但我想跟你亂纏
時空返到尋日，星期六，好早醒左，叫自己再訓一陣，咁就訓到兩點零，食野，本來約左三點半老餅店門口，但行程臨時改變，我喺屋企等眾人，直至六點幾，等到呆…
六合彩4500萬，只係十分鐘來回買張飛，消磨唔到幾多時間…
語音導航系統開始運作，兩條腿和四個碌都啱用
入黑先見人，又再拉隊出去投注站，再行超市，返來透爐，無錯，就係錦上路燒烤場發展計劃第二期
燒完十二點幾，拉大隊出荃灣飲野，本來唔係好想去，見到一地黑色一撻撻，要拖地就煩…
後來佢地夾左兩舊水聽日請鐘點執，咁冇理由唔出去啦
唔係飲左好多，但間野4點閂，四點幾散水，返到屋企竟然…
今年盛事，明天開演唱會
今日唔知點解訓得唔好，可能飲左酒啦，有d頭痛添
10個人的凍肉，其實應該13-14個人食囉，一條麵包未開過，仲有一袋丸、豬扒、牛扒、豬頸肉、金沙骨、腎、魷魚、唔同款式的雞翼各一袋，放到我成個雪櫃都係，另外仲有青島啤酒8罐，兩支大純生…
食一個禮拜到食唔晒啦，頭先lunch整左豬扒包同牛扒包，好味，但都唔可以日日食掛…
搞呢搞路，7點半先出門口，紅磡等
買飛時應該知，唔好坐角位，另外一係坐panel嗰個zone，即係green zone，因為嘉賓席喺panel下面，主人家唔會冷落嘉賓，會較多正面，但panel對面red zone都係唔錯的第二選擇，因為觀眾的視線面向廣告牌，亦係俾media影相位，所以都會有較多正面
火車站出來兜左一大個圈先去到red gate…
睇戲最怕人講晒d劇情，睇演唱會新鮮感都好緊要，所以積番d口德，詳情唔講，但係唔知點解好留意到一首歌的歌詞，煲碟時都冇呢個感覺
這個世界最壞罪名叫：太易動情，但我喜歡這罪名
不敢有風，不敢有聲，這愛情無人證
若世界陷進大騙局裏面，朋友亦難以發現，共你隔著空在秘密通電，挑戰道德底線
我信與你繼續亂纏難再有發展，但我想跟你亂纏
論友
20 March 2010
又有好消息，距離目標又近一點
有d人，你記得佢係邊個，佢叫得出你個名，你就人前人口，成為佢口中的friend，係咪有d濫？
我諗我真係要求太高，我會公開地講我同一個人friend，一定係我都幾認識呢個人，呢個人都幾認識我，大家有信任的基礎
憑良心講，我唔係有好多friend
不過為左令我的firend的數目多d好交差，我經常都會放寬friend的條件
而我又真係會好清楚明確地，如果一d人有雙重標準，冇原則，唔知自己做乜，我會black list，都好難成為我的朋友
今晚，寫左長篇大論，清楚交待成件事
我們的小秘密，下次買番對耳環，以茲紀念
又有好消息，距離目標又近一點
有d人，你記得佢係邊個，佢叫得出你個名，你就人前人口，成為佢口中的friend，係咪有d濫？
我諗我真係要求太高，我會公開地講我同一個人friend，一定係我都幾認識呢個人，呢個人都幾認識我，大家有信任的基礎
憑良心講，我唔係有好多friend
不過為左令我的firend的數目多d好交差，我經常都會放寬friend的條件
而我又真係會好清楚明確地，如果一d人有雙重標準，冇原則，唔知自己做乜，我會black list，都好難成為我的朋友
今晚，寫左長篇大論，清楚交待成件事
我們的小秘密，下次買番對耳環，以茲紀念
好消息
19 March 2010
接二連三收到好消息，令人嘴角悄悄地往上翹
為左慶呢件盛事，連食兩餐飯，lunch輕食車仔麵，晚餐出去食辣魚，勁好味，勁開心﹗
兩隻杯，一支大啤；兩雙筷，一條魚，麻辣香，吃得咀唇跳舞，汗珠冒起頭來，四顆變成兩顆，兩顆又變成一顆，回想起來好耐都冇食過呢種味道
食完散左一陣步，我話雪糕車叫我食佢，佢係咁笑我為食…
接二連三收到好消息，令人嘴角悄悄地往上翹
為左慶呢件盛事，連食兩餐飯，lunch輕食車仔麵，晚餐出去食辣魚，勁好味，勁開心﹗
兩隻杯，一支大啤；兩雙筷，一條魚，麻辣香，吃得咀唇跳舞，汗珠冒起頭來，四顆變成兩顆，兩顆又變成一顆，回想起來好耐都冇食過呢種味道
食完散左一陣步，我話雪糕車叫我食佢，佢係咁笑我為食…
記住今天
18 March 2010
要記住今日，3月17日，星期三
尋晚突然想放假，咁今日就放假，訓到中午過後，睇醫生，想食拉麵，搭十幾個站出去，喺香港都食到東京街頭的味道
行左一陣街，竟然撞到一個人
點講好呢，有d人日日見的時候，佢就當你朋友，見唔到就好像陌路人，好似人間蒸發一樣，見到時又好似同你好熟咁，真係有d思覺失調的感覺…
頭先經過寵物店見到D倉鼠，勁多唔同品種，如果有一日溝到一隻個樣好似小熊維尼bb的倉鼠就好lu
要記住今日，3月17日，星期三
尋晚突然想放假，咁今日就放假，訓到中午過後，睇醫生，想食拉麵，搭十幾個站出去，喺香港都食到東京街頭的味道
行左一陣街，竟然撞到一個人
點講好呢，有d人日日見的時候，佢就當你朋友，見唔到就好像陌路人，好似人間蒸發一樣，見到時又好似同你好熟咁，真係有d思覺失調的感覺…
頭先經過寵物店見到D倉鼠，勁多唔同品種，如果有一日溝到一隻個樣好似小熊維尼bb的倉鼠就好lu
生葬一打生蠔
15 March 2010
尋日為左爭取時間食飯前去買衫，滿園陽光，沒有享受，呢幾日天氣回暖，放假冇冬眠，兩點幾起左身，距離晚飯約會仲有d時間，將電腦同沙灘椅搬到花園，泡一杯薔薇普洱，清風送爽，再加上time files伴奏，很是寫意﹗
佢提議去食buffet，我真係好日都唔食一次，叫我搵間平靚正，真係企喺度
按佢的要求，要食生蠔，搵到沙田某酒店話「蠔俾你」，$368per head，對一個唔好buffet的人來講，好似貴左d喎…
再者，兩條友加埋一成八舊水，去食日式燒肉食到反肚啦，如果係嗰d buffet級數的刺身壽司，食幾餐都仲得，所以一直以來buffet都唔係我的選擇
不過佢話想食，咁就去啦，其實都research下其他的可行性，無意中又搵到open rice有coupon，75折，嘩，真係差好遠，打電話去confirm今晚有位，用到，咁就book左兩位
我話俾佢聽沙田，佢嫌遠，又話唔識路…結果約埋一齊搭車過去，第一樣攞的野食就係生蠔，即場開蠔的師傅話係愛爾蘭蠔，well，真係冇咩認識
我地坐喺蠔吧附近，一見佢冇乜人排隊就出去拎蠔，我諗我自己食左最少一打啦，佢應該冇食得咁多，我仲食左4個哈根達斯雪糕球，勁開心呀﹗
最後埋單六舊，其實諗深一層，如果係為食蠔，俾多少少，去蠔吧開盡興d，不過，今晚都食得好開心﹗
話說呢個75折優惠有段小插曲，就係我搵到張優惠券，要印佢出來用，我屋企係有printer，但佢長期處於冇墨狀態，頭先試印，的確如我所料…
嗰時已經係5點，book左7點，點樣印張野呢？結果出絕招，拆個墨盒出來，滴d水入個咀度，，再試印，呵呵，又真係俾我印到，嗰一刻真係幾自大﹗
尋日為左爭取時間食飯前去買衫，滿園陽光，沒有享受，呢幾日天氣回暖，放假冇冬眠，兩點幾起左身，距離晚飯約會仲有d時間，將電腦同沙灘椅搬到花園，泡一杯薔薇普洱，清風送爽，再加上time files伴奏，很是寫意﹗
佢提議去食buffet，我真係好日都唔食一次，叫我搵間平靚正，真係企喺度
按佢的要求，要食生蠔，搵到沙田某酒店話「蠔俾你」，$368per head，對一個唔好buffet的人來講，好似貴左d喎…
再者，兩條友加埋一成八舊水，去食日式燒肉食到反肚啦，如果係嗰d buffet級數的刺身壽司，食幾餐都仲得，所以一直以來buffet都唔係我的選擇
不過佢話想食，咁就去啦，其實都research下其他的可行性，無意中又搵到open rice有coupon，75折，嘩，真係差好遠，打電話去confirm今晚有位，用到，咁就book左兩位
我話俾佢聽沙田，佢嫌遠，又話唔識路…結果約埋一齊搭車過去，第一樣攞的野食就係生蠔，即場開蠔的師傅話係愛爾蘭蠔，well，真係冇咩認識
我地坐喺蠔吧附近，一見佢冇乜人排隊就出去拎蠔，我諗我自己食左最少一打啦，佢應該冇食得咁多，我仲食左4個哈根達斯雪糕球，勁開心呀﹗
最後埋單六舊，其實諗深一層，如果係為食蠔，俾多少少，去蠔吧開盡興d，不過，今晚都食得好開心﹗
話說呢個75折優惠有段小插曲，就係我搵到張優惠券，要印佢出來用，我屋企係有printer，但佢長期處於冇墨狀態，頭先試印，的確如我所料…
嗰時已經係5點，book左7點，點樣印張野呢？結果出絕招，拆個墨盒出來，滴d水入個咀度，，再試印，呵呵，又真係俾我印到，嗰一刻真係幾自大﹗
沒有那種心跳感覺了
14 March 2010
煲碟，陳醫生隻EP，真叫人望穿秋水…
今朝發左個夢，又未至於係救左佢，應該話係伸手幫佢一把，佢要人撐扶著，其中一個係我啦，後來，佢仲拖住我添
雖然仍夢見佢，不過，已經沒有那種心跳感覺了
頭先又去左行街買衫，春夏未到但已經實在買得太多新衫，要節制一下…
那種暗淡曖昧、灰灰沉沉沒有光彩的顏色一d都唔襯我，大紅、鮮黃、桃紅，搶眼精神耀目，自信的人，穿自信的色彩
一班好友，叫做手足嗎？心腹嗎？
一餐歡宴，熟人要有吧﹗
送暖遞茶，一口小吃會直通心嗎？
一番體貼、一點親切，未來也有吧﹗至老掉牙
煲碟，陳醫生隻EP，真叫人望穿秋水…
今朝發左個夢，又未至於係救左佢，應該話係伸手幫佢一把，佢要人撐扶著，其中一個係我啦，後來，佢仲拖住我添
雖然仍夢見佢，不過，已經沒有那種心跳感覺了
頭先又去左行街買衫，春夏未到但已經實在買得太多新衫，要節制一下…
那種暗淡曖昧、灰灰沉沉沒有光彩的顏色一d都唔襯我，大紅、鮮黃、桃紅，搶眼精神耀目，自信的人，穿自信的色彩
一班好友，叫做手足嗎？心腹嗎？
一餐歡宴，熟人要有吧﹗
送暖遞茶，一口小吃會直通心嗎？
一番體貼、一點親切，未來也有吧﹗至老掉牙
和羊
11 March 2010
小肥羊好似冇以前咁好味，湯底冇咁濃香，辣湯不辣，肥牛太肥，又冇左脆骨腩…
不過，都仍然係荃灣區理想打邊爐選擇
埋單送左張coupon，和牛就聽得多丫，竟然有一樣野叫和羊，哈，我真係孤陋寡聞，係咪仲有和豬而我唔知架
打完陪佢睇醫生，等左成粒鐘結果都冇睇到，因為個醫生睇得實在太慢，等左勁耐第5個都未睇完，唔係睇得耐就睇得好，如果繼續仲要等多13個，以咁的趨勢，即係要等多兩個零鐘啦，咁咪仲衰過去睇急症室，black listed
講開去旅行影相，對住靚景，佢話都冇乜影，因為旅伴係完全冇美感sense的人，我叫佢影一張叫旅伴跟住影，佢反而恥笑我，話咩方法都試過，咁樣影會令人好忟
well，very感同身受，完全明白晒
小肥羊好似冇以前咁好味，湯底冇咁濃香，辣湯不辣，肥牛太肥，又冇左脆骨腩…
不過，都仍然係荃灣區理想打邊爐選擇
埋單送左張coupon，和牛就聽得多丫，竟然有一樣野叫和羊，哈，我真係孤陋寡聞，係咪仲有和豬而我唔知架
打完陪佢睇醫生，等左成粒鐘結果都冇睇到，因為個醫生睇得實在太慢，等左勁耐第5個都未睇完，唔係睇得耐就睇得好，如果繼續仲要等多13個，以咁的趨勢，即係要等多兩個零鐘啦，咁咪仲衰過去睇急症室，black listed
講開去旅行影相，對住靚景，佢話都冇乜影，因為旅伴係完全冇美感sense的人，我叫佢影一張叫旅伴跟住影，佢反而恥笑我，話咩方法都試過，咁樣影會令人好忟
well，very感同身受，完全明白晒
小秘密
10 March 2010
9度買29度的衫，兩個晏晝其實夾埋行左四五個鐘左右，但買左7件春夏新裝，加埋早幾日嗰round，呢個weekend熱番就可以連續兩個禮拜著新衫
轉涼最開心莫過於呢喺被竇裡面覺覺豬，今朝明明有較鬧鐘，但進入冬眠狀態後係會自動關掉聽覺功能，到9點半突然乍醒，遲到不如唔到，即興決定放自己假，繼續冬眠，訓到點幾先起身，食d野跟住去買衫
早幾日才子醫貓我，原來佢一直都開唔到我個blog，所以而家先reply我，佢仲建議我去投稿添﹗
佢想開但開來去都睇唔到的blog係我個《藏遊誌》
http://tibetravelog.blogspot.com/
耳環、香水，是女生的小秘密，我們的共同語言，知之為知之，不用明言
9度買29度的衫，兩個晏晝其實夾埋行左四五個鐘左右，但買左7件春夏新裝，加埋早幾日嗰round，呢個weekend熱番就可以連續兩個禮拜著新衫
轉涼最開心莫過於呢喺被竇裡面覺覺豬，今朝明明有較鬧鐘，但進入冬眠狀態後係會自動關掉聽覺功能，到9點半突然乍醒，遲到不如唔到，即興決定放自己假，繼續冬眠，訓到點幾先起身，食d野跟住去買衫
早幾日才子醫貓我，原來佢一直都開唔到我個blog，所以而家先reply我，佢仲建議我去投稿添﹗
佢想開但開來去都睇唔到的blog係我個《藏遊誌》
http://tibetravelog.blogspot.com/
耳環、香水，是女生的小秘密，我們的共同語言，知之為知之，不用明言
喪食周末
08 March 2010
尋日食左芝士火鍋，勁好味，不過好快飽左，因為芝士有d漏
頭先訓到4點，跟住出左去，其實都唔係好凍啫
買左兩條裙，之後再行左一陣搵野食，一係食拉麵，一係食shabu shabu，咁梗係涮涮鍋吸引好多啦，豬同牛都有，仲有野菜同稻庭烏冬
喪食兩日，真crazy
尋日食左芝士火鍋，勁好味，不過好快飽左，因為芝士有d漏
頭先訓到4點，跟住出左去，其實都唔係好凍啫
買左兩條裙，之後再行左一陣搵野食，一係食拉麵，一係食shabu shabu，咁梗係涮涮鍋吸引好多啦，豬同牛都有，仲有野菜同稻庭烏冬
喪食兩日，真crazy
以死相搏
06 March 2010
一句老話，人為財死，鳥為食亡
唔小心俾幾隻蚊飛左入屋，打死左三隻，我隻腳都被咬左幾粒，為吸一啖血，吸了沒有？卻賠上了性命，每次肚餓就要以死相搏，很可悲…
下次，係咪唔應該打死佢呢？
視線範圍仲有一隻飛飛下，聽到we wan wan，點好呢…
其實真係俾左好多次機會，當隻蚊衝到你眼前，似乎要撲進鼻孔裡，揮手拍打是自然反應，有東西在左右擾攘，揮手拍打都是自然反應，最後，我還是打死了它，可憐它沒有好好吸一口血，吃個飽
明明屍骸仲喺度，點解仲有一隻飛飛下？
一句老話，人為財死，鳥為食亡
唔小心俾幾隻蚊飛左入屋，打死左三隻，我隻腳都被咬左幾粒，為吸一啖血，吸了沒有？卻賠上了性命，每次肚餓就要以死相搏，很可悲…
下次，係咪唔應該打死佢呢？
視線範圍仲有一隻飛飛下，聽到we wan wan，點好呢…
其實真係俾左好多次機會，當隻蚊衝到你眼前，似乎要撲進鼻孔裡，揮手拍打是自然反應，有東西在左右擾攘，揮手拍打都是自然反應，最後，我還是打死了它，可憐它沒有好好吸一口血，吃個飽
明明屍骸仲喺度，點解仲有一隻飛飛下？
蔓性自殺
05 March 2010
有口話人，冇口話自己，其實我都喺度蔓性自殺緊…
薯片、朱古力、麻辣火鍋，仲要勁唔夠訓
唔知點解，尋晚失眠，但其實好攰，梗係唔知點解訓唔到
近年大地震日期的magic number成為六合彩號碼組合，其實我第一次聽時覺得好牽強
呢組magic number要寫出來睇，首先打橫第一行寫出四川地震日期，跟住第二行列出海地地震日期，第三行再寫埋智利地震日期
5 1 2
1 1 2
2 2 7
解碼開始，離奇地，這個9個數目字總成的九宮格，打橫第一行由左至右是512，而左邊上至下亦是512；打橫第二行係112，而第中間打直嗰行都係112；到打橫第三行227，最右邊嗰行，由上至下竟然都係227
點解會係咁？
經過come buy，總之見到珍珠奶茶，總係，心思思，好想飲番杯，心癮難止
你呀，少d飲咖啡，要就食粒黑朱古力或者飲支葡萄適啦﹗
有口話人，冇口話自己，其實我都喺度蔓性自殺緊…
薯片、朱古力、麻辣火鍋，仲要勁唔夠訓
唔知點解，尋晚失眠，但其實好攰，梗係唔知點解訓唔到
近年大地震日期的magic number成為六合彩號碼組合，其實我第一次聽時覺得好牽強
呢組magic number要寫出來睇，首先打橫第一行寫出四川地震日期，跟住第二行列出海地地震日期，第三行再寫埋智利地震日期
5 1 2
1 1 2
2 2 7
解碼開始，離奇地，這個9個數目字總成的九宮格，打橫第一行由左至右是512，而左邊上至下亦是512；打橫第二行係112，而第中間打直嗰行都係112；到打橫第三行227，最右邊嗰行，由上至下竟然都係227
點解會係咁？
經過come buy，總之見到珍珠奶茶，總係，心思思，好想飲番杯，心癮難止
你呀，少d飲咖啡，要就食粒黑朱古力或者飲支葡萄適啦﹗
談情談得很馬虎
04 March 2010
當你不知道將自己放在哪個位置，其實，因為沒有你的位置，代表此地不宜久留
好耐冇試過好出自真心，有一股傻勁，很專注忘我地做一件事
按公式，依步驟去做，彎路不走，冤枉路免問，像試答題目，答夠攞分，最多答多一個point play save
原來，連談情也談得很馬虎…
當你不知道將自己放在哪個位置，其實，因為沒有你的位置，代表此地不宜久留
好耐冇試過好出自真心，有一股傻勁，很專注忘我地做一件事
按公式，依步驟去做，彎路不走，冤枉路免問，像試答題目，答夠攞分，最多答多一個point play save
原來，連談情也談得很馬虎…
盲點
03 March 2010
手機都有盲點，所以我明，呢個世界上，有d人同某d人係溝通唔到，有d人總係接收不清，某d人就詞不達意
如果，呢兩種人各自活喺自己的世界，相安無事，天下太平，只係，偏偏佢地要聚首一堂，只能輕歎世事弄人…
手機都有盲點，所以我明，呢個世界上，有d人同某d人係溝通唔到，有d人總係接收不清，某d人就詞不達意
如果，呢兩種人各自活喺自己的世界，相安無事，天下太平，只係，偏偏佢地要聚首一堂，只能輕歎世事弄人…
一票難求
01 March 2010
今年醫生開咁多場，仍然有人話一票難求
朋友甲乙丙問過我有冇飛多，或者知唔知仲有冇門路搵到飛，well，仍是這個問題，唔知日期，唔知位置，但按慣例同經驗睇來，攞嗰d位都係幾靚，不過為左確保出trip之前睇到，上次先去訓街，再發散晒唔同途徑，希望分發到頭場靚位啦…
同搭單的你地交待一下先，飛，有就肯定有，只要你接受到唔知日期，唔知位置囉
祝大家好運，希望大家都坐到英文字母位啦﹗
尋晚去左唱k，返到去都5點有多，清晨嗰隻
其實真係幾遠下，不過最多都係一星期一次，最普遍咪一個月一次囉，冇理由自閉唔理d朋友，所以，寫完稿都係出左去，今日剪片仍然赴約
仲喺公司，剪片，發呆…
寫稿，腦閉塞
續
我也知，越是幻想，不准想你，更記得起…
今年醫生開咁多場，仍然有人話一票難求
朋友甲乙丙問過我有冇飛多，或者知唔知仲有冇門路搵到飛，well，仍是這個問題，唔知日期，唔知位置，但按慣例同經驗睇來，攞嗰d位都係幾靚，不過為左確保出trip之前睇到，上次先去訓街，再發散晒唔同途徑，希望分發到頭場靚位啦…
同搭單的你地交待一下先，飛，有就肯定有，只要你接受到唔知日期，唔知位置囉
祝大家好運，希望大家都坐到英文字母位啦﹗
尋晚去左唱k，返到去都5點有多，清晨嗰隻
其實真係幾遠下，不過最多都係一星期一次，最普遍咪一個月一次囉，冇理由自閉唔理d朋友，所以，寫完稿都係出左去，今日剪片仍然赴約
仲喺公司，剪片，發呆…
寫稿，腦閉塞
續
我也知，越是幻想，不准想你，更記得起…
春眠不覺曉
28 February 2010
朋友一號問邊個係御用攝影師，呵呵呵，你估呢~
天氣又熱又濕，開冷氣訓覺
春眠不覺曉，訓到5點，三個電話打斷美夢…
短袖衫出動，加件未開光的adi外套，出去食飯，諗諗下突發去左燒野食，沙嗲肉粒好好味，食到好飽﹗
本來今日要聽帶寫稿，不過我決定訓覺，所以聽日先算lu
咪幸福埋今日囉﹗
朋友一號問邊個係御用攝影師，呵呵呵，你估呢~
天氣又熱又濕，開冷氣訓覺
春眠不覺曉，訓到5點，三個電話打斷美夢…
短袖衫出動，加件未開光的adi外套，出去食飯，諗諗下突發去左燒野食，沙嗲肉粒好好味，食到好飽﹗
本來今日要聽帶寫稿，不過我決定訓覺，所以聽日先算lu
咪幸福埋今日囉﹗
御用攝影師
27 February 2010
同在這個車廂，想撞到的撞唔到，唔想見到偏偏眼冤，點解？
有d人唔配得到我的祝福，派封利是唔係大晒，大模斯樣要人講四字祝福語，我不肖，過去人多口雜，勉為其難，口裡講一句，心裡鬧一句，不過，今年連咒罵的力氣都想慳番
朋友甲訂婚了，明年拉埋天窗，恭喜恭喜﹗
朋友乙話極前排的飛搞得掂，好期待三月睇醫生，睇得幾多次得幾多次
新春期間，御用攝影師幫我影左輯相，終於記得，貼幾張出來
同在這個車廂，想撞到的撞唔到，唔想見到偏偏眼冤，點解？
有d人唔配得到我的祝福，派封利是唔係大晒，大模斯樣要人講四字祝福語，我不肖，過去人多口雜，勉為其難，口裡講一句，心裡鬧一句，不過，今年連咒罵的力氣都想慳番
朋友甲訂婚了，明年拉埋天窗，恭喜恭喜﹗
朋友乙話極前排的飛搞得掂，好期待三月睇醫生，睇得幾多次得幾多次
新春期間，御用攝影師幫我影左輯相，終於記得，貼幾張出來
幾分鐘的約會
25 February 2010
步出月台，穿過小巷，誰撒下滿街落葉，界乎錯落有致與隨意漂泊之間，很高興，很欣慰，住進這片繁囂旁邊的淨土，晨光在園子裡蕩漾，偶爾雨兒在窗邊跳舞，沒有馬達驅趕生命
信直覺，有這個念頭，就這樣做
閃過一下的想法，以為理智在講道理，卻會讓自己朝思暮想
只要有一點猶豫，心裡可能有一丁點兒耿耿於懷，就不要讓針刺得更深，嚷著痛，苦著臉
還是這句，不做後悔的事
地下鐵碰著他，好比心中愛神進入夢
旅程何美麗，如在愛情小說中
默默地等待他，等他天天降臨，帶著夢
又沒有雨或風，何事杳然失芳蹤
日日地等待，好比心中愛神要玩弄
待續…
步出月台，穿過小巷，誰撒下滿街落葉，界乎錯落有致與隨意漂泊之間，很高興，很欣慰，住進這片繁囂旁邊的淨土，晨光在園子裡蕩漾，偶爾雨兒在窗邊跳舞，沒有馬達驅趕生命
信直覺，有這個念頭，就這樣做
閃過一下的想法，以為理智在講道理，卻會讓自己朝思暮想
只要有一點猶豫，心裡可能有一丁點兒耿耿於懷，就不要讓針刺得更深，嚷著痛，苦著臉
還是這句，不做後悔的事
地下鐵碰著他，好比心中愛神進入夢
旅程何美麗，如在愛情小說中
默默地等待他，等他天天降臨，帶著夢
又沒有雨或風，何事杳然失芳蹤
日日地等待，好比心中愛神要玩弄
待續…
why not me？when me？
24 February 2010
很多時都會問why me，今晚我真係好想問，why not me？when me？
星期日冬眠到5點，搭5個站出去食飯，再搭5個站返來，咁就結束一個周末假期
真係未食過d餸咁細碟又咁貴的大排檔，black listed
都係唔好亂試新野，總係lai野多過執到寶，所以今晚去番嗰度食，不過搬左屋之後第一次去嗰度，放工過去都可以接受，但返歸就差d囉
兩條路揀，一係同佢一齊搭小巴入元朗，再轉西鐵返歸，一係自己碌巴士或小巴出荃灣，再轉西鐵
頭先聽到新聞有一句vo：調查發現越有錢越開心
真係廢話，第日使唔使做過調查先知阿媽係女人？
仍然，縈繞心中
很多時都會問why me，今晚我真係好想問，why not me？when me？
星期日冬眠到5點，搭5個站出去食飯，再搭5個站返來，咁就結束一個周末假期
真係未食過d餸咁細碟又咁貴的大排檔，black listed
都係唔好亂試新野，總係lai野多過執到寶，所以今晚去番嗰度食，不過搬左屋之後第一次去嗰度，放工過去都可以接受，但返歸就差d囉
兩條路揀，一係同佢一齊搭小巴入元朗，再轉西鐵返歸，一係自己碌巴士或小巴出荃灣，再轉西鐵
頭先聽到新聞有一句vo：調查發現越有錢越開心
真係廢話，第日使唔使做過調查先知阿媽係女人？
仍然，縈繞心中
搭訕記
21 February 2010
差唔多三點去食茶，唔係下午茶，係夜茶，宵夜嗰隻，兩個人食左鳳爪排骨飯、蝦餃、燒賣、山竹牛肉、雞扎、魷魚、叉燒腸，諗起都覺得瘋狂﹗
晏晝出左元朗買野，尋日買唔到的野今日買番晒咁濟，係冇馬仔囉…
終於決定買嗰張沙灘凳，仲買埋過年前已經想買的晾衫架
未夠5點返左歸，同虎仔洗白白
頭先一齊去左一間舊式麵店食t-brunch，我叫左炸醬撈，佢叫左牛腩麵同淨雲吞
見到隔離枱d蝦子撈好似好正，我話不如改
跟住搭枱個女仔搭訕，話蝦子撈好食，佢問條女仲有咩好食，牛腩得唔得，條女即刻面有難色，話牛腩係新野，唔ok
佢見人地係女，聊人傾計，條女自動投案，話成日來食蝦子麵同雲吞麵
我地見勢色唔對，諗住即刻叫阿姐改單，但方圓十里都冇阿姐，又見廚房d麵係咁出，叫阿姐阿姐應左就算，執緊枱，另一個阿姐幫另一枱客落單，爭分奪秒，心急如焚，嗰種感覺好刺激
好彩，最後都截住左，將佢碗牛腩麵改成蝦子撈
真係估唔到，喺香港都有人搭訕
冬天食撈麵的問題係，好快吹凍晒
食食下覺得冷氣好大，心諗咁古怪，咁凍都開冷氣，望下原來係開左門，出面的冷風原來好似冷氣
哎，勁唔想食野同講野，連吞口水都唔想吞，生左粒飛滋，仲要衰到生喺脷底嗰d鬼鼠位，條脷好似腫左咁…
今日元朗好恐怖，因為西鐵上蓋個樓盤開賣，有示範單位睇，超勁多人，而令人大惑不解的係，元朗都要賣八千蚊呎，係咪路呀？而咁貴仲咁多人仆到去買，有冇病呀…
差唔多三點去食茶，唔係下午茶，係夜茶，宵夜嗰隻，兩個人食左鳳爪排骨飯、蝦餃、燒賣、山竹牛肉、雞扎、魷魚、叉燒腸，諗起都覺得瘋狂﹗
晏晝出左元朗買野，尋日買唔到的野今日買番晒咁濟，係冇馬仔囉…
終於決定買嗰張沙灘凳，仲買埋過年前已經想買的晾衫架
未夠5點返左歸，同虎仔洗白白
頭先一齊去左一間舊式麵店食t-brunch，我叫左炸醬撈，佢叫左牛腩麵同淨雲吞
見到隔離枱d蝦子撈好似好正，我話不如改
跟住搭枱個女仔搭訕，話蝦子撈好食，佢問條女仲有咩好食，牛腩得唔得，條女即刻面有難色，話牛腩係新野，唔ok
佢見人地係女，聊人傾計，條女自動投案，話成日來食蝦子麵同雲吞麵
我地見勢色唔對，諗住即刻叫阿姐改單，但方圓十里都冇阿姐，又見廚房d麵係咁出，叫阿姐阿姐應左就算，執緊枱，另一個阿姐幫另一枱客落單，爭分奪秒，心急如焚，嗰種感覺好刺激
好彩，最後都截住左，將佢碗牛腩麵改成蝦子撈
真係估唔到，喺香港都有人搭訕
冬天食撈麵的問題係，好快吹凍晒
食食下覺得冷氣好大，心諗咁古怪，咁凍都開冷氣，望下原來係開左門，出面的冷風原來好似冷氣
哎，勁唔想食野同講野，連吞口水都唔想吞，生左粒飛滋，仲要衰到生喺脷底嗰d鬼鼠位，條脷好似腫左咁…
今日元朗好恐怖，因為西鐵上蓋個樓盤開賣，有示範單位睇，超勁多人，而令人大惑不解的係，元朗都要賣八千蚊呎，係咪路呀？而咁貴仲咁多人仆到去買，有冇病呀…
stop flirting me
20 February 2010
真係，返唔到轉頭…
入鋪頭揀野，睇中左啱心水，正想帶走時，老細又唔嗲唔吊，唔講清楚賣定唔賣，好喇，到我死左條心，決定唔買走左，兜幾個圈，原來老細喺隔離街開左鋪，喺失毫無心理準備下，又在引誘我
不要讓我再看一眼，真的把持不住…
今日好奇怪，想做的野全部都做唔成
真係，返唔到轉頭…
入鋪頭揀野，睇中左啱心水，正想帶走時，老細又唔嗲唔吊，唔講清楚賣定唔賣，好喇，到我死左條心，決定唔買走左，兜幾個圈，原來老細喺隔離街開左鋪，喺失毫無心理準備下，又在引誘我
不要讓我再看一眼，真的把持不住…
今日好奇怪，想做的野全部都做唔成
浪漫dress code
19 February 2010
屋企冇溫度計，只有香港早晨左上方一個小數字，9度
9度有甚麼dress code，其實我沒有甚麼概念，家中的電話響起，他窩心的叮嚀讓我暖入心扉
香港上一次9度係幾時？印象中好像沒有幾多次
以前返學，10度以下可以著褲，小學的時候仲會同同學鬥著得多衫，真係好無聊﹗
上次著得最多衫係喺珠峰的早上和納木錯的黃昏，嗰種凍加埋嗰陣風，真係呢…
其實都幾鍾意呢幾日呢個溫度的天氣，如果，唔係陰天就好喇﹗
著一件厚衫，同兩個人抱在一起的不靈活，其實有一點相似
浪漫不浪漫，甜蜜不甜蜜，全因身在其中，享受不享受
屋企冇溫度計，只有香港早晨左上方一個小數字，9度
9度有甚麼dress code，其實我沒有甚麼概念，家中的電話響起，他窩心的叮嚀讓我暖入心扉
香港上一次9度係幾時？印象中好像沒有幾多次
以前返學，10度以下可以著褲，小學的時候仲會同同學鬥著得多衫，真係好無聊﹗
上次著得最多衫係喺珠峰的早上和納木錯的黃昏，嗰種凍加埋嗰陣風，真係呢…
其實都幾鍾意呢幾日呢個溫度的天氣，如果，唔係陰天就好喇﹗
著一件厚衫，同兩個人抱在一起的不靈活，其實有一點相似
浪漫不浪漫，甜蜜不甜蜜，全因身在其中，享受不享受
冬眠
17 February 2010
冬眠日，訓到晏晝五點
食少少野，上個網，換衫就出去食團年飯，一日一個活動
還是想著，想著，曾經做過很傻的事，對，只因為這個人，做這樣傻的事，想起來也很傻…
好想去俄羅斯，超budget travel，坐上西伯利亞鐵路，呆在火車裡…
又一冬眠日，今日訓到四點，食少少野，上個網，想去街，不過未諗到目的地
頭先發現去莫斯科的來回機票係2000，stop over上海，好吸引﹗
簡單research，5月同9月係俄羅斯的最佳旅遊季節
頭先扭蛋，係車仔電話繩，都幾精美
冬眠日，訓到晏晝五點
食少少野，上個網，換衫就出去食團年飯，一日一個活動
還是想著，想著，曾經做過很傻的事，對，只因為這個人，做這樣傻的事，想起來也很傻…
好想去俄羅斯，超budget travel，坐上西伯利亞鐵路，呆在火車裡…
又一冬眠日，今日訓到四點，食少少野，上個網，想去街，不過未諗到目的地
頭先發現去莫斯科的來回機票係2000，stop over上海，好吸引﹗
簡單research，5月同9月係俄羅斯的最佳旅遊季節
頭先扭蛋，係車仔電話繩，都幾精美
星期二, 2月 16, 2010
情不冧人人自冧
15 February 2010
還是有一個矛盾，藏在心裡的浪漫，和拖在手中的感覺，不可兼得
訓左十個鐘的情人節，回想起來，也很豐富，腦海裡冧一次，現實裡冧一次，夠啦
本來以為只有蘿蔔糕，而家仲有燒雞同烤魚，乎復何求
情人節的西鐵列車上
14 February 2010
真係唔可以唔寫低，竟然，喺大年初一、情人節的西鐵列車上，偶遇他
清晨六時正，列車正靠在尖東站，電話忽然響起，按鈴聲分類，是那個群組，顯示出這個名字，令我來不及反應
按圖索驥，正右方有一張熟悉的臉孔
再次坐在他的身旁，還研究他的五代同堂…
列車彷彿比平日開得快，旅途好像比平日短，我到站了，比他先下車，結束這次相聚
清晨六時正，列車正靠在尖東站，電話忽然響起，按鈴聲分類，是那個群組，顯示出這個名字，令我來不及反應
按圖索驥，正右方有一張熟悉的臉孔
再次坐在他的身旁，還研究他的五代同堂…
列車彷彿比平日開得快，旅途好像比平日短，我到站了，比他先下車，結束這次相聚
懶人糖水
13 February 2010
今日收爐，真係好眼訓，因為尋晚訓唔著…
頭先放工時超勁凍，又著左3吋高跟鞋，如果唔係應該會去行下街，結果，返左屋企食我最鍾意食的雞翼
食完凍凍地，攤喺梳化就訓著左，訓到十一點，好想食酒釀丸子，其實尋晚都已經好想食，咁就走左出去超級市場買糯米粉、米酒同冰糖，而重點係屋企已經有桂花
其實一D都唔難整，如果買到現成細柆丸子，真係一個懶人糖水，好可惜係買唔到啦，咁就買糯米粉自己猜小丸子，呢個步驟先係最麻煩
第一次猜粉，猜到周圍都係，D粉黐住隻手的感覺真係好差…
食左一碗，剩番一大兜…
舊年做年宵，年三十晚喺維園過，由凍到迫到好熱，好多野講到冇野講…
聽到年宵兩個字都怕怕，經過沙咀道個年宵兩三次，我當自己行完大運架喇
休想見到我﹗
12 February 2010
非常極之唔鍾意被邀請join群組，或者被event邀約
分明都是大家相識的，要退化到邀約一個網絡名字，打一個電話，或send一個訊息也覺得麻煩，相見還有甚麼意思？
我的原則是，最基本是有一個人，讓我明明白白，認認真真地約我，如果唔係我真係唔知人地係咪真係想約我，當變成可有可無，出不出現也沒所謂，應約有意思嗎？
我都開過event，真係想約的人，我都會問左先，電話也好sms也好msn都好，餘下的，約又唔係唔約又唔係，咁就用一個event send一個invitation，算是知會這些人也好，怎樣也好
呢個方式好又好，唔好又好，總之，我以後唔會再開event，唔會再理event的邀約
你話我高鬥都好，收唔到一個電話，一個sms，一個message，或一個msn，休想見到我﹗
當然，我都會好忙，忙上網，忙喺屋企hea，忙訓覺，忙在自己的空間裡，而真正了解我的人，應該知道我不會忙工作
獻醜不如藏拙的道理，點解咁都唔明？
同埋我唔相信勤力嗰一套，新界隻牛夠勤力啦，搵到截徑，多快好省，就好似考試答題目，分明知道5分答5個points就夠，答10個points替死﹗
今日輪到佢唔乖喇，佢都話自己係曳豬
我今日唔乖啊
11 February 2010
哎唷，佢話我今日唔乖啊…
唔夠訓，唔係好表達到自己，諗的野用語言講唔到，唔想做，更加肆無忌憚
沒有約定，不過佢走得時打俾我，我話肚仔餓未食飯，咁就一齊去左食壽司，海膽好鮮甜，燒魚鮫勁甘香
按計劃，打一陣怪獸先覺覺豬
咩世界
9 February 2010
單反當傻瓜機用，仲要配晒紅圈lens，真令人側目﹗
簡直侮辱發明單反的人…
但世事就係，真正識影相的人，真係愛好影相的人，成日想買鏡upgrade就冇銀兩，反而嗰D龍友就勁有米齊晒架餐，真係唔知咩世界…
頭先喺尾班西鐵，又見到攞支紅圈出來曬命的龍友
好天真
8 February 2010
冇限自己幾點訓醒，自然醒，跟住煮左水餃食完換衫返公司，搞埋D蘇州屎…
走嗰時都過左七點半，去深水埗拎番D野，又去食好好食嗰檔魚蛋同雞蛋仔，之後落左葵芳，好想行街好想買野…
要買的係維尼洗衣機套，無心插柳咁搵到，仲帶埋好得意的pooh仔返屋企
本來想買馬仔，但原來過年要賣過年食品冇得賣，真係唔係好覺得過年，但其實今個weekend就係年三十…
經過見到蘿白糕，咁咪買番底返去應下節
頭先經過見到狼人poster，記得細個明珠台經典會播的電影有人狼同大白鯊，屋企附近有人養狼狗，睇完聽到狗吠就以為人狼會出現，呢埋喺被竇裡；搭巴士過海，怕出面有鯊魚撞爛墜道，諗到自己唔識游水，如果俾鯊魚追唔知點算…
當時真係天真﹗
開壇作文
7 February 2010
泡一杯花茶，是我最喜歡的黃金桂花，散發初春的悠聞香氣
將電腦搬到小花園，插上寬頻線，連接到虛擬無邊際的空間，讓i-tunes播放著抒情歌曲…
不過最錯的是，這個時候，這個氣氛寫稿﹗
個壇到而家開左差唔多十鐘，入黑後搬番入屋，不過頭先發生左一段小插曲，就係搵LAN線
本來想喺部舊機個袋攞條LAN線上網，咁就唔使郁到而家條線，但詭異在唔知個舊NOTEBOOK袋放左喺邊…
閂電話，只有知道我屋企電話的人先搵到我，非常清靜﹗
尋日放工入左朗屏打羽毛波，真係唔記得左約左，所以著住返工嗰套衫打波，真係有D畸畸地…
至於請辭的問題，真係講到明，而家好積極地嚮應緊
msn討論到六合彩，哎，發中六彩夢的人一日有幾多？六合彩真係害人不淺，令人心裡有個夢，但呢個夢幾乎冇可能實現，幾乎係絕望的希望，最後還是在資本主義社會下，財團的魔掌裡，金錢的旋渦中，苦苦掙扎…
做故仔有一次講到某球圈中人冇頭髮，織髮
某甲話有錢又點丫，冇頭髮
如果頭髮同錢二擇其一，我話我要做有錢人，我俾D頭髮你，換錢，換唔使愁的生活
打完羽毛波後出番元朗左食野，研習相學的同事甲贈我兩句
雖然，我唔係好信，但一聽無妨…
佢話我眼裡有D鬱悶，出閘行返屋企途中，我又思考自己，係，近兩個月都唔係好開心，其實唔使識睇相都睇得出
我喺度諗，其實如果我唔係返呢份工，應該會開心好多
星期一至五每日有十個鐘喺一個奄悶的空間裡坐監，計埋返工放工前後的交通時間，一日有一半時間就俾左呢間公司，呢度俾到D乜野我？
對，真的很不忿﹗
怨氣很大，負能量超晒標
不過，我是我
後數
5 February 2010
頭先一齊去食左個牛腩麵，有食環署的人來做問卷收集意見，傾左一陣好似唔係好對路，打個眼色就走，到搭車時先諗起，佢好似冇拎過銀包出來俾錢，我問佢係咪真係冇俾錢，佢先一言驚醒，真係好糗…
唔知點解，去嗰度食野，好容易食完就會行左去，已經唔係第一次，之前都係我發現佢想就咁走左去
頭先返來第一件事就係去俾錢，點知間野拉左閘，好彩八掛去睇下，原來仲有人喺度執緊手尾，如何唔係為左嗰十幾蚊碗麵俾人咒罵同點相就好唔抵囉…
1000蚊可以KO幾多target？
唔知做乜鬼，唱左半晚K啫，但個樣勁殘，面色勁差，仲生左幾粒瘡，咁都抗議？
如果，放初四初五初六，篤3日假夾埋就可以放9日，何樂而不為？
今日立春，虎年始於此，對風水命理有點研究的他說我今年有桃花，說是正桃花，這個人極有可能是真命天子
那就拭目以待…
論中女
4 February 2010
電腦拎左返屋企就玩電腦，今日裝好洗衣機，咁就玩洗衣機，咁啱要洗床單，咁就玩洗床單
討論中女的問題，佢話某甲由內而外都散發出中女的味道，一矢中的
一件衫本身唔令著的人變成中女，只有本身是中女，才著出中女的感覺，亦令件衫無辜地都變埋中女衫…
陳奕迅又加場，加頭場，真賤格﹗
就是這種感覺
2 February 2010
新機落地身痕，所以之前一晚掛住玩電腦，訓得四五個鐘又返工，唱k約會，超勁眼訓，真係有d想放棄，但又好想見下好耐冇見的朋友，感受一下一大班人無壓力無所不談的開懷玩樂氣氛
矛盾之下，自己同自己約定，如果搞手朋友甲打俾我，咁就出去啦
不過朋友乙先一步打俾我，放工去食左個飯，有飛佛小籠包
食食下朋友甲打來，旺角集合，就按原先的約定，食完行左陣先赴約
當然，打埋俾朋友一號，費事佢話冇人約佢啦
原本諗住做灰姑娘，不過，來下一個又一個，集齊一套昔日最佳陣容，都係繼續留喺度聚舊
雖然我冇好似以前咁喪飲，應該話一杯都冇飲，但係爭下咪大叫下，已經好開心
聚在一起，在工作以外，有很多話題
但靜下來的一刻，不聊甚麼，也覺得大家走得很近，近，不是物理時空上的距離，而是價值觀和對事情看法的態度，一個眼神已交待一切
一皮野
1 February 2010
本來星期六出故仔，所以星期五嗰晚要寫稿，寫到凌晨三點，跟住同公司的朋友甲去左路德圍食宵夜，再搭的士返歸
星期六拍野，銀牌決賽，真係一場好好睇好意想不到的波
拍完野出左去食麻辣雞煲，好好味，食到好飽
之後行左一陣街，得到pooh仔護身符一個
佢話原來一早諗住送一份禮物俾我，視乎我鍾意乜野，唔怪得佢即刻爭住去俾錢啦，個護身符只係16個8，蝕晒…
再行左陣返歸，既然故仔延期，完全將腦袋關閉﹗
一早targat係買電腦同洗衣機，既然放假，咁就出左去research
基本上係睇電腦，因為洗衣機來來去去都係嗰幾部，其實都唔係好使揀，見到呢個價錢同個餡，都唔係好使揀，雙核心、4mb ram、320gb hard disk、win7，有齊晒我要的野，7千有找
不過到check機時，個sales攞錯機，攞左部500gb，粒u行T6670，打左張單貴400蚊
點解之前冇發現呢部？
都ok啦，貴幾舊水當買部external hard disk都差唔多
連埋部洗衣機一齊碌卡，碌之前仲突登打番上card centre，唔知做special discount嗰張咭碌爆未…
另外再買左條手鍊，同嗰時喺西藏唔見左嗰條同一style的銀蠟繩，仲買左一件冷衫
唔夠一個晏晝洗左一皮野…
點解冧樓受影響的人叫做災民？
香港呢d咁繁榮先進的地方，災民似乎唔屬於呢個城市
今日簡食日，只係食左麥皮、啤梨同麵包
當粉絲也食出魚翅的味道時
28 January 2010
今日公司出現一個奇景，d人一係拎住一封信，一係拎住計數機
因為，派信，揭曉bonus有幾多的信
頭先食飯再去睇notebook，又再減價，當門檻低到二千幾蚊買到部行win 7 的netbook，要買部六七千的notebook真係有d心理障礙
但netbook的問題係個mon細，喺屋企用都係怪怪，出完故仔再去research下先
一部洗衣機，分期百零蚊，一個月洗衫錢都差唔多，再加上個花園又整好左，又有個屏風，出完故仔係時候去買洗衣機喇…
今朝開會，四月世博月，個schedule真係，人都癲…
呢期興請辭，積極地響應，做緊野喇﹗
我講過唔止一次，當你鍾意一樣野，一個人，你會將缺點看成優點，討厭一樣野，一個人，將優點也看成缺點，主觀情緒主宰一切，沒有客觀可言
這一刻，這個人的缺點仍佔據了我的眼睛，資料夾盛著負面情緒的往事，沒人提就不會想起，何苦自尋煩惱
我現在的生活很簡單，冇去食三千幾蚊一餐的見城，但粉絲食出魚翅的味道；鮮有交換禮物，但沒有驚喜的平淡日子也過得很快
呵呵，都話會再加場啦，加到4月6，真係crazy，17場，唱到尾場冇氣，哈哈哈﹗
哎，賴野，頭先食嗰碗麵有幾條青椒，食左幾條囉，成晚胃氣漲，好辛苦
同埋暈車浪後，仲有d頭痛…
這個我，那個我
26 January 2010
沒有得到過，總是心掛掛，又湧現這些片段…
好像靈魂出竅，那一個我看著這一個我，問這一個我做甚麼？他們沒有談判，但有一份默契，就是現在做的事情沒甚麼意義
那個我說，沒有意義就不要做
這個我說，真的可以說不做就不做嗎？
回到老問題，有些事情不可以不做，因為，這一刻沒有選擇的餘地，有時候，任性也要看機會成本…
當付出和收穫不成正比，你還願意很傻地繼續付出嗎？
用做生意的理論，餐牌不可以加價，用料不變，份量便要調節一下；份量要不變，用料就要將就一下，將貨就價，顯而易明的道理
燃燒青春，浪費時間，夠了﹗
不如的起心肝，係時候做個了結，係時候做番d野
本來諗住走架喇，都已經入左閘，佢話想食雙層芥末魚柳包，咁就出番去食麥記
似曾相識
24 January 2010
機會俾左一次又一次，攬上身又唔做，做又懶懶閒，想點？
似曾相識的感覺，彷彿重演一次的對白，已經是第二次了
如果，假如，或者，可能，再任性一次，會不會令事情變得複雜和混亂？
好眼訓，再續…
開心事一籮籮
22 January 2010
尋日真係超勁開心，ko睇醫生的目標，偶遇好耐冇見的朋友，勁食好泰國菜，訓勁好的一覺
前日，起身太眼訓，又見星期六日都要返工，所以放自己假，訓左半日，用左大半日整理好《藏遊誌》最後部分，整好埋個網頁，原來，前後已經三個月了
本來都猶豫好唔好睇4月1的尾場，點知睇睇下電視，先發現竟然再加場，而家的尾場係4月4，冇行啦，好大機會飛左做世博，所以轉移目標，睇頭場
諗住跟歌迷會訂飛，但冇得揀日子，真係吹漲，仲要硬食一個燈牌，雖然只係60蚊，都冇理咁樣丫…
會拎燈牌的fans一定有，係唔拎的你屈佢都唔會拎，好質疑呢種吸水手法…
所以，結果要去排隊囉，尾班西鐵，點知出到去已經有條龍，攞24號籌
頭場480，再r緊英文字的飛，睇多場
又唔係想像中咁眼訓，全日出crew拍野，三個好重要的訪問，拍左好多野，所以夜晚狠狠地，要食餐好
朋友一號帶過我去食荃灣嗰檔好好食的泰國野，所以帶番佢去食
兩個人食左好多野，蒜蓉包、冬陰公、青咖喱+白飯、柚子蝦沙律、生菜包，飽到上心口都食唔晒，之後散步，得到一隻虎仔
而另一件事好開心的，就係拍拍下野，好似失蹤左咁潛左水一排的朋友甲打俾我，原來佢見到我拍緊野，相約大門口，咁樣傾左一陣，真開心
前晚冇訓，尋晚返到去沖個涼，幾乎一撻落床就訓著，訓好冧的一覺
筆伐
20 January 2010
上星期某一日，好想食馬仔，放工去就要搵馬仔，荃灣友提供消息，喺南豐有得賣，咁就買左made in hk的馬仔，一包有三件，盛惠十蚊
周日拍完本地聯賽，返屋企執少少行裝，即興四個人返左深圳揼骨，揼骨前仲食左好味的任食鐵板燒
揼完勁好訓，訓左四個零鐘就落返來返工…
同埋渡船街喺香港架﹗
我認識的她寫了一篇文章，怎料在網上轉了幾圈，被人筆伐，更被人起底
哎，呢個咩世界…
哼，我都識筆伐﹗
每次從你擔心的口吻，叫我小心d，都令我感到好sweet好warm
冇咩好講
15 January 2010
腦海非常空白，忽然之間，對生活的感思消失得無影無蹤
上次虎仔維尼強行被帶走，頭先再去屈人寺帶番虎仔維尼返屋企，而家我地屋企一人有一隻虎仔維尼
頭先又見到烏咀狗，肥嘟嘟四隻腳仔扭下扭下，佢個樣真係好得意架
我自己冇咩好講，不如講下呢排見到的畸呢野
搭車化妝，其實真係神乎奇技，原來，畫下眼線呢d已經係碎料，有日見到有條女喺地鐵上黐假眼睫毛…
狗帶拖狗好正常，已經見過兩次，啱啱識行的細路仔俾阿爸阿媽好似拖狗咁拖住，真o咀
屋企變左茶館，有普洱、玄米茶、烏龍茶、黃金桂花、台灣花茶
電視劇裡面玩killer，呢個遊戲好耐都冇玩過，有少少唔係好記得唔玩
舌頭和咀唇在跳舞
11 January 2010
找到志趣相投的朋友確是人生快事，而找到啱晒咀型，唔止啱key啱傾，口味一致，一路食一路傾，又一宗賞心樂事
而志趣相投+啱咀型，真係不得了﹗
他帶我去食麻辣雞煲，四川小店，仲有酸辣粉，吃一口舌頭和咀唇都麻得跳舞，真過癮
下次，一定要再來，我地話不如打包個湯底，返去煮麵…
從第四代香港人到八十後，我感覺被模來模去
自以為是的人將我們這一群歸邊，年齡處於八十後，生於戰後第四代，無錯，我們有一些你們「所指」的特質，不過，這並非事實之全部
我們是新舊交替下的產物，改變下變種而成的一代，洗腦不完全，接觸吸收了一些新事物、新觀點，在之前幾代人眼中，有點不受控，所以八十後是激進
無所不hea其極
10 January 2010
呢個禮拜真係最得閒，由30號放工開始，行街，食飯，放假，總之無所不hea其極
想見的人就見，勁想見的擠都要擠出時間，唔想見的人明明大把時間冇野做都唔俾佢約，唔需要藉口
今日hea喺屋企，一齊食左個車仔麵，各自各辦各自各的事，開番藏遊誌的file，經過大半日，行程離開左珠峰，進入尾聲…
記錄在案
9 January 2010
就是過眼雲煙，沒有必要上心，沒有需要動氣，不過呢件事，已記錄在案
尋晚拎住超勁多野返到村口，朋友甲問去唔去食飯，咁就去啦，出番荃灣食泰國野
凍冰冰飲碗冬陰公，勁暖胃，真係超正﹗
我的大事回顧
7 January 2010
09年，比之前一年開心，圓了夢，也算圓滿
三月去左一轉東京做野，不費分毫睇到上野公園滿街櫻花，仲喺櫻花樹下做左個扒，有幾多人有呢個experience呢
十月，獨行西藏，一個人拎住單反的旅程，去過世界之巔個山腳，海拔5200米，經歷很多第一次，新的體會，新的思維
而另一件令我09年勁開心的事，就係搬屋
脫離令人生厭的空間，踏進嚮往已久的新天地，小鎮風情，忘憂寫意
時間，亦令狐狸終於露出尾巴，09年，辨清了邊個係人，邊個係鬼，不過，未為晚也﹗
多謝你陪我過了這一年﹗
至於今日，返左半日工，放左半日假，返屋企換對鞋上左深圳，為食一餐飯，入黑後回來
返到屋企超勁眼訓，訓一覺，三更半夜先起身，整理一下思想
發夢，排大隊買醫生演唱會飛，不過三月尾，唔知人在香港還是人在上海
今朝報左名攞世博記者證
煎雞翼
6 January 2010
我部電話冇記錯係7月買，到我delete晒3796個sms history，有人覺得好誇張，一來係點解部機可以儲咁多sms，二來係點解有咁多sms
雖然，係有d即睇即delete，但係計番五個月，除番開平均每日廿五個，普普通通啦
再突發放多一日假，呢個假期，咁就放左6日，真爽﹗
之前話過，本來諗住呢個假期去哈爾濱，真係好彩最後搵唔到平機票冇去到，亦好彩約左燒野食，如果唔係去到，咁凍，肯定呆左，一日食八餐都唔掂
將西域的石頭安置好，擺喺土製飾物架上，由左至右，上至下，順序係納木錯的石頭、雅魯藏布江的石頭、珠峰的石頭x2同埋羊湖的石頭，閃閃地好靚﹗
夜晚同佢一齊煮飯仔，終於食晒燒野食剩低的雞翼
佢倚在門框，見到我雞手鴨腳，論論盡盡怕d油彈親個樣，我眼角見到佢在偷笑，跟住若無其事咁摺摺衫袖，拎起鑊剷，冷pro咁講d雞翼應該點煎點煎
幾溫馨丫~
不過，仲有半袋丸同一袋咖喱魷魚…
夜晚再煲薑茶聽日轉冷備用，cross over維他奶，薑汁維他奶勁得呀﹗
早陣子有一個飯局，四個人，兩男兩女，講起呢一刻呢個社會的價值觀，學生嗰輩，唔索k叫out，喺內地，冇第三者叫out，講到一個關於台商包二奶的調查，發現全部都有包二奶，冇包即係out
她跟我說，無論如何都不要讓男朋友到內地公幹，讓男友接觸到這種「價值觀」就不得了，更說無論如何也忍受不了一段有第三者的關係
再談到內地女子的進取程度，身為大家眼中的「第三者」，肆無忌憚、理直氣壯地打俾「正室」，話你老公同我一齊
眼不見為乾淨，本來隻眼開隻眼閉，死忍爛忍的「正室」呢個時候，仍能呃自己別胡思亂想嗎？能夠挑戰這能耐的又有幾人？結果誰勝誰負？
其中一個他說，很多女人都以為自己不能忍，結果，都是忍
如果，這個時空，人與人之間的關係咁混亂，做忍受嗰個好，還是做俾說話人受嗰個好？
做搶野嗰個好，還是做俾人搶野嗰個好？
啱心水
5 January 2010
前日參加錦上路燒烤場發展計劃的朋友甲問有咩入伙禮物需要，諗來諗去都諗唔到，嗰晚沖涼，先醒起應該答佢需要大量現金，哈哈哈
頭先先無意中諗起，其實呢排搵緊一個啱心水夠大的微波爐的連蓋大兜，咩麵咩菜咩丸cup個蓋叮一叮一兜熟，應該話俾佢聽要呢樣…
下次，去宜家搵搵
咁啱去開superstore，睇下有冇機會搵到target，見到一套煲連鑊，係呀，原來我都需要一套煲連鑊，而一套裡面要有一個公仔麵煲嗰d
想搵一套全不锈鋼冇易潔塗層嗰d，要木柄唔要膠柄，但只搵到散件，冇一套，仍然搜羅中…
訓到三點起身，食左少少野，駁左條大水喉洗地，跟住換衫出去剪頭髮
好耐冇試過剪一個好啱心水好滿意的頭，俾錢時寒暄，先發現幫我操刀的唔係一般stylist，而係director，唔怪得啦…
買左一條好啱心水的牛仔褲，仲有啱心水的超，換番上次好啱心水但俾錯左的香薰refill，仲食左好好味好啱心水的馬仔
原來是這些
4 January 2010
一張相一段回憶，除了個別的相係搵路過的路人甲影之外，每張相的由來，凝固在那一刻的感覺，瀝瀝在目，82張相，82個小故事
7個火星人+火星狗x1 到訪，除左冇獎、冇答案的「數數跳跳虎」遊戲，仲有尋人遊戲，有人搵到自己，有人認得自己幫我影的相，有人亦記得「大作」有何人操刀，更有人記得跟我拍下這幀合照的情景
近年比較深刻的回憶，原來有這些
近年走得比較接近的人，原來是這些
近年佔據我生活較多的事物，原來是這些
的確不多笑得燦爛，要讓自己開心多d
要繼續去旅行，去多d旅行，令其他牆的photo wall有著落
而土製燒烤爐係成功架﹗
佢自把自為地攞左隱形人件衫來著，竟然啱身
某人認為事有蹊蹺…
都話明係隱形人，佢的身分要幾神秘有幾神秘，假如有一日，即使佢企正喺你面前，你都唔會發現原來佢就係隱形人
馬吊治療期間，cue左bite of today：一條濕滑的司機???
科技的進步，令我輕而易舉地儲番《還看2009-香港》
無意中喺網上見到有得bt，應該，是開心
因為，只有有人睇，有價值的節目，先會有人cap同單撈；但其實，這個結論，很可悲
遊地鐵河
3 January 2010
尋日的photo wall實在令人太興奮，忘記交待荃灣遠足的事
頭先本來諗住出去拎野，真係眼大睇過龍，睇錯營業時間，結果摸門釘，遊地鐵河，最後去深水埗行左陣，買燈膽、水喉、水槍，喺花園仔洗地一流﹗
頭先本來諗住出去拎野，真係眼大睇過龍，睇錯營業時間，結果摸門釘，遊地鐵河，最後去深水埗行左陣，買燈膽、水喉、水槍，喺花園仔洗地一流﹗
hea住地籌備，但期待已久的bbq，聽日有得燒喇﹗
2010年的dream house
2 January 2010
正正式式完成大樹回顧，繼續執靚間屋，土製飾物架，上層同一個tone，有來自西域的酥油茶碗、銅製香爐、原本諗住用來裝耳環仔的酥油燈杯；聲稱來自喜瑪拉雅山的鹽晶燈；來自海南島的大貝殼；來自雲南的普洱茶餅
下層當cd架，將僅有正版的碟擺出來，扮下野咁啦…
遲d去入番d貨，個架就會滿d囉
頭先出去曬埋d相，兩晚通宵，終於完成我的photo wall，total曬左百幾張相，最終用左82張
自戀得來真係幾靚﹗
原來，西域的藍天同海南的藍天相差無幾
另一土製品有燒烤爐一個，無意中買到硬銷$9.9的圓凳，令呢個燒烤爐的budget更低，架埋隻鑊，只需$55.9，二手爐都買唔到呀﹗
當然，唔少得之前已經添置左的頸巾showcase，雖然，show唔晒…
大除夕出左去行街，夜晚去打左個超級海鮮邊爐，跟住睇左一場戲
絕對唔係大路，一定係另類電影，攞過獎，佢睇得好開心，但我睇到有d r 頭，真係好想知，點解會攞獎？
錦上路燒烤場發展計劃第一期
30 December 2009
做完大樹回顧，聽日驗埋屍夜晚就出街，急需一次馬吊治療
約實今個星期日，我屋企第一個大型party，錦上路燒烤場發展計劃第一期可以kick off喇﹗
不過，首先要準備一個燒烤壚，其次要準備各類集體遊戲用品，例如係大富翁、層層疊呢d老套野，聽日放工要去反反城搜羅一下
夜晚繼續幫d指甲油顏色，其實如果d指甲油同洗甲水唔係咁臭，同埋可以再快d乾，油指甲其實都幾好玩
anyway，希望各位讀者支持一下今年有線電視的大事回顧系列，還看2009香港將會喺12月30日晚上九時，財經資訊台播出
i wont forget
28 December 2009
你又病了…
發一個短訊息給你，飲杯熱檸樂煲薑會舒服d，想起一些往事，也想起一首歌
the feelings so strong, were lasting for so long…
晚上煲薑茶，飲了一杯，盛了一壺，只是不會有機會拿給你
溫馨
27 December 2009
哼﹗你竟然若無其事咁同我講佢送件底衫俾你「好溫馨」
我記住呢句說話﹗
你成日都話我為食，我諗都係既，尋晚發左個夢去食自助餐，好似美食一條街咁，一檔檔車仔檔任食，好鍾意d鳥燒~
你再三叮囑唔可以一次過食晒包大薯片
其實，諗番嗰日你靜靜雞擺低包大包珍珍薯片喺枱面，其實都幾溫馨咁丫，呵呵呵
好日唔搽指甲油，更遑論買指甲油，頭先一口氣買左三枝，夜晚身痕攞來搽，搽衰左，但發現屋企係冇洗甲水，結果要等佢乾搽番好
當十隻手指唔好亂郁，真係好多野都做唔到…
自從開發左錦上路之後，好多同事都話正，頭先先幫同事甲搵屋，竟然喺惠康附近有間七百呎同我而家呢間一樣價錢，真係好抵，好想去睇下
你的小禮物
25 December 2009
在虛擬世界按幾個鍵，雖然是來自地球另一角落，但你的小禮物相信好快到手
平安夜，真的沒有甚麼特別，反而覺得周街嘈生晒，唱歌唱得唔好聽的人好煩
而且，我已脫離了聖誕節就是情人節的行列，節日，更想避開人群
27號有兩場活動，沒有想去的意欲，我陪他也好，他陪我也好，我決定兩場都不去
平安夜，真的沒有甚麼特別，反而覺得周街嘈生晒，唱歌唱得唔好聽的人好煩
而且，我已脫離了聖誕節就是情人節的行列，節日，更想避開人群
27號有兩場活動，沒有想去的意欲，我陪他也好，他陪我也好，我決定兩場都不去
2010年再見
24 December 2009
沒有聖誕節的感覺，沒有年尾的感覺…
月曆上的紅色數目字，暫時，對我沒有意義
屋企有一圈冷未織過，尋日拎番出來，開始織一條頸巾
很多想做的事，佷多約會，但都要等到2010年
講電話陰聲細氣，呵呵呵
要對自己好d，買左幾盒燕窩，呢排朝朝燕窩當早餐，塊面真係好似滑左﹗
唔見左隻豬
21 December 2009
哎，唔見左隻豬…
本來得到一個麥嘜豬八達通套，上面有個麥嘜豬吊飾，早知搭地鐵唔攞出來睇啦，咁就跌左，我相信隻豬逃跑左落路軌…
他的生日禮物送出了，他好似一早知道我會送呢樣野俾佢咁，好神奇
本來唔諗住食野，但結果都係趕快食個杯麵先出去
K.O.ed
20 December 2009
你請我食飯，我送你一張枱回禮，哈哈哈
周六，香港一日遊，錦上路--旺角--灣仔--銅鑼灣--荃灣
去老地方回味一下，景物依舊，只是到訪的人，心情不同了
上一回講到，呢排有好多target，經過一日，唔少已經KO左
KO嗰張唯一一日大特價39蚊的電腦枱
KO一份生日禮物
KO某ADIDAS紀念品
KO京士頓街分舵朝聖之旅
10蚊兩個玻璃樽，好似變魔術一樣，經過兩晚，變成兩個artistic香薰樽，好靚，好鍾意
下一個目標係三個金色咕臣套，同埋將張電視几油成黑色
有待KO
18 December 2009
呢排好多target，最迫切的目標，係聽日去硬銷中心買嗰張唯一一日大特價39蚊的電腦枱
短期目標，可能聽日睇3D電影
都幾短下的目標，WEEKEND要買到一份生日禮物，哈哈，佢叫我送疊樓俾佢，不過我話我諗住送架法拉利過佢
中短期目標，BID到某ADIDAS紀念品
短中期的目標，要去京士頓街分舵朝聖呀
中期目標，完成2009大事回顧
而比較長遠，但十分極之重要的，就係三月睇醫生
短期目標，可能聽日睇3D電影
都幾短下的目標，WEEKEND要買到一份生日禮物，哈哈，佢叫我送疊樓俾佢，不過我話我諗住送架法拉利過佢
中短期目標，BID到某ADIDAS紀念品
短中期的目標，要去京士頓街分舵朝聖呀
中期目標，完成2009大事回顧
而比較長遠，但十分極之重要的，就係三月睇醫生
小肥羊
17 December 2009
睇唔到睇唔順眼的野，係一種福氣，今日有兩份福氣
但遇到前言不對後語的人，福氣扣一份…
不過兩正一負，當賺左
好耐冇見，所以夜晚小肥羊，一個名詞當動詞用，省下幾個字，又精又準
今朝做左笨野，就係唔記得解線，搞到要搵我的人搵我唔到，到十一點幾先無意中發現解番
有d人無中生有，有d人惡意攻擊，有d人諗野諗埋一邊，有人雞蛋裡挑骨頭…
有需要怪他嗎？
他自己知自己事，明知唔夠你鬥，唔夠你叻，唔夠你轉數快，亦唔夠你得人歡心，以為打擊你可以自保
呢d人有需要怪他嗎？
還是這句，不招人妒是庸才
心涼
15 December 2009
忽然有好心涼的感覺
原本有一樣野，俾人偷左，人地花一輪心機改頭換面，不過最後俾另一個人狠狠地一腳踩爛，得物無所用，呵呵呵
最近冇咩寫作情緒，感覺是怪怪的，走在路上，停在街角，有些意念湧上心頭，但晚上雙手放在鍵盤上，卻動也沒動，腦海一片空白
周日同朋友一號去左旺角，食左個好晏好晏的tea-brunch，食完嗰碗麻辣米線都五點幾，提著一杯珍珠奶茶，忽發奇想，搵十六座司機送我地去九龍灣，按原計劃，碌宜家傢私，買左好多垃雜野，返歸
除左睡房同兩個廳，廚厠呢d基本野，其實我有一間衣帽間，一間書房，一間雜物房
丫…唔係，應該係兩間雜物房
尋日終於買到一pack筷子，由上個星期開始搵，原來好少選擇，當然，唔理外表的係周圍都有得賣，但我唔想喺屋企都要拎住一雙大排檔筷子，一雙茶餐廳筷子，或一雙麵檔筷子
結果，其實之前見過呢個款式，不過顏色唔ok，亦都嫌佢貴，頭先再見到，都係決定貴一次啦，仲要有白色，太好了
生日蛋糕換成鵝肝
9 December 2009
沒有特別的目的地，所有外遊計劃取消，將電話冧把飛走，難得寧靜
生日蛋糕換成鵝肝，入口甘香融化，超美味；牛柳的肉汁滲進齒縫中，就是滿足的感覺
如今想來，舌頭好像感受到鵝肝軟軟的質感，鼻子嗅到牛脂的香氣…
忽然想起某天在東措的告示版，一名深圳男子與家人失去聯絡二百多天，早陣子有一名香港女子也是在西藏旅遊期間喪命，車子衝進河中，過了一段日子才撈回屍體，如今想來，為甚麼自己一個人，去這麼危險的地方？
不過，幸好安然回來
停工已久的藏遊誌一定要盡快完成﹗
我是羅剎妖女，又如何？
let 我們之間 be…
7 December 2009
收到他的禮物，收到他最早送來的祝福
擺低一句「多謝」，啱用就攞去啦﹗
除左五天生日周，仲有生日逛購，連續4日，唔同location不停買
尋日一次過買左四對鞋，今日再買多左一對
家中的電話已經set up好，本來想買一set子母機，一部放廳一部放房，但無意中見到m&m's的座枱電話，感覺就好似尋到寶，買番去當係擺設都唔錯，結果變陣，無線電話買單機就ok
屋企個冧把而家只有兩個人知道，你會唔會成為第三、四、五個，咁就要睇下你企喺咩位置
另外，仲買左mp3喇叭，鐵製郵筒錢箱
想起他…
喜歡一個人，他不知道你喜歡他，卻可以在他身旁繞來繞去，若即若離
後來才知道，原來他早就在我的身旁繞來繞去，只是我沒有察覺
如今，不知道過去了沒有，偶爾還有一點想他，不過已沒有機會經常待在他身邊，算不上是遺憾，該算甚麼？
他最近回復單身，是否意味我們之間的可能性或許會出現些變化？
在公司我們是同事，大伙兒出去玩，我們是朋友，只有我們倆時，我們是情人
從沒有得到一個身份，始終，有一點耿耿於懷
五天生日周
5 December 2009
算是捱過了嗎？剪完片，算是一個結束，但是另一個開始，沒完沒了…
工作做完，本來應該好渴睡，但反而唔想訓，有好多野想做
呢兩日放工去左行街，頭先出左旺角，尾班西鐵12點紅磡開，所以十一點幾d舖頭仲未閂就要走，有d唔慣，不過都行到腳仔攰，算啦﹗
今日再收到一份生日禮物，係一隻維尼
生日周開始，周六日regular off，mon攞左AL，二三放com off
下一站哈爾濱冰雪節
1 December 2009
有甚麼值得你用生換去交換？一份事業、一段愛情，還是一個興趣？
成為工作狂，惹得一身銅臭，繼而慢性自殺，我的確不肖，我會狠狠地批，賺錢沒命享；將自己的生命交在另一個人手上不能自決，冠以偉大的形容詞，愚不可及
又係剪片周，返夜，享受黑夜的寧靜，沉思的空間和氣氛讓人陶醉，想想自己身處這個時空，何去何從
頭先數數日曆，研究緊買月票有冇so，400蚊一個月，每程9個8，搭到41程先叫打個和，第42程開始先叫抵左
不過今個月好多機會返夜，又會放下假，睇來真係冇so
weekend的生日周假期kick off，不過節目仲未決定
大事回顧，好似冇咩好回，不過，咁係一件好事
來緊將會又儲好多com off，一月真係可以再去個旅行，啱啱research過青島同哈爾濱的機票的折頭都幾吸引，青島平d，三折550/flight，但哈爾濱可以睇到冰雪節同滑雪，睇下俄式建築，3.2折，780/flight，深圳飛，西鐵站仲要有一程直通巴一舊水去到深圳機場，超勁方便，超勁吸引
二者首選哈爾濱，一來凍d，二來風情應該都會好極端，好唔同，又可以喪影相，西藏之旅後，真係好enjoy一個人去旅行的無拘束，話飛就飛的任性感覺﹗
不過，要先搞掂《藏遊誌》
但話時話，舊年見到12月有特平三舊水一程的機票，先忽發去西藏的念頭，如果今年或者一月再有三舊水飛得，攞五日假，搭三日火車，住兩晚買下野食兩杯酸奶飛番落來都幾ok
在你的瞳孔找到我的笑容
30 November 2009
今日帶左兩個小朋友返歸
有一次同朋友一號去行街，佢想買一張BB氈，但係買俾自己用，去D賣BB用品的舖頭睇，D阿姐係咁問買俾B仔定B女，我地兩個雞啄唔斷，真係懶得理佢，見到一件幾OK的BB衫，我話買俾跳跳虎著
阿姐問跳跳虎係係男仔定女仔，朋友一號順口答一句公仔，兩個人大笑起來，阿姐好糗
頭先帶小朋友返屋企時諗番起呢件事，會心微笑，我去睇玩具，睇lego唔係買俾個仔，真係唔需要解釋，蠢人點會明白人心
當你好鍾意一樣野，你會盡量將它留在身邊
頭先訓到兩點幾起身，食d野再睇番尋晚冇睇的劇集，本來要改稿，但個心飄左出去，出左去村口的跳蚤市場睇下買唔買到飛鏢靶，因為想改裝一個飛鏢靶鐘
行得一陣心思思唔夠喉，行埋出西鐵站，無意中見到小朋友，又見到幾個鐘都幾靚，屋企只需要一個掛牆鐘，但拿唔定主意，叫佢過來過目
其實我第一眼係鍾意而家呢個紅色鐘，因為我想買一屋紅白家具擺設紅色嗰個鐘好啱心水，但好衰唔衰又到另一個透明黑針的鐘，好有style，如果有紅針version一定揀左
結果佢扑鎚揀左而家紅色呢個，掏出鈔票，送我一個鐘
真係越睇越靚
有時候揀來揀去都係徒然，最初反映潛意識的決定就是最好，想做就應該做
喜歡一個人，反而不一定留他在身邊
呢排寫少左野，訓覺時間又少左，又唔見得去好多街，時間偷偷溜走，總覺得不夠用
進入倒數一星期，從他手中收了禮物一份又一份，唔知仲有幾多驚喜？
去年十一月這段時間，很多事情發生了
算是彼此陪對方走過了一段低潮日子，回想剛才在嘈雜的酒樓，四目對望，這個時空只有我倆的感覺真棒﹗
每次，在你的瞳孔都找到我的笑容
屋企有d接收盲點，其實未嚐唔係一件好事，落得清靜
本來諗過頭先去元朗買電話，但冇出去，佢建議我去鴨記搵
大閘蟹能醫百病
24 November 2009
周六起身喉嚨痛，喇野…
拍完野，趕及尾班船入塔門‧西貢，四仔旅行團
入黑到碼頭，有著草的感覺，碼頭泊幾隻大飛，忽然視線範圍以外有把聲音問係咪去塔門，不過都係等街渡穩陣d…
入到去超勁肚餓，無丸bbq喪食，儲足能量抗冷，跟住拎住兩枝雪條登頂，hea在草地上，不要亂動，否則會和牛糞親吻，原來香港都睇到初楷版銀河，好凍…
訓一陣再去睇日出，又吹風，真係好凍
食個餐蛋麵，再去放風筝，從來都未放過，放手就走，唔需要任何技巧，隻風箏飛到國金咁高，原來係真架
紙鳶線界手，我諗係每個新手都會遇到…
大閘蟹宴終於搞得成，三人行，小學+中學d friend，只有這個combination
食隻蟹，飲杯薑茶，再飲埋杯花雕，病徵立即減半有突，大閘蟹能醫百病﹗
朋友一號來左參觀，得出的結論係「好開心」，不過未執好的野好似反而越執越亂…
佢話個業主仲未執好d手尾，手腳慢…
有時事主都未出聲，當事人都唔介意，塘邊鶴反而最多野講
bite of today=cul唔cul -tivate到？
原來有好多戲迷，成日自己去買飛睇戲，跟住用自己的方法再將套戲解讀一次，心裡寫篇影評
人生在世，隨年月，閱歷增，不同的場合帶上不同武器，穿上不同程度的保護衣，只有在安全的地方才會卸下沉重的裝備，不用再包裝心裡的說話和修飾粗枝大葉的動作
由一隻戒指說起
21 November 2009
有一日帶左閃令令戒指出來，有人眼望望，打量一下
她善意提醒，「咁的年紀帶隻戒指，會惹人誤會」
耳朵將接收到的聽音幻化成腦電波，訊息傳到腦海中分析，呢句說話在大腦被斬件處理，scanner掃到「咁的年紀」即響起警號，咩意思？「誤會」又會誤會D乜？
總之，在一眾可能性之間，她的意思應該是最簡單的：到了適婚年齡，不要讓一隻戒指令人誤會你已嫁，可能會使人卻步
重要嗎？
最近結緍相簿四處流傳，帶著笑容與祝福，不過身邊也有很多朋友、同事，曾幾何時也是帶著笑容與祝福結了婚，如今卻成了怨懟，後悔不已，何苦呢？
有人曾經用經濟理論去解釋結婚這個行為，用以增加收入、生產力和減低生活成本的一種行為
人一生會遇上很多伙伴，可以分享人生一些點滴，或相知相交，或成為婚姻中的另一半，也許是剛巧在「適婚年齡」這個階段碰到這一刻最理想的一個；後來人生步入另一階段，也很大機會遇到那階段十分理想的伴侶，比較克己壓抑的，叫紅顏知己，稍為放縱一點，大概被稱作婚外情，我想，也許是時間的錯
很難想像愛一個人愛到想跟他一起生活的感覺…
一個小朋友多愛吃糖果雪糕和薯片，如果眼前有源源不絕的供應，他總會飽，即使飽了再吃，也總會吃膩
結果變成冬天有人暖被，病了有人照顧，家務開銷一起分擔的關係，其實只是一個生活拍檔
人之所以是人，喜惡愛憎不盡相同，不要太疏遠，不要太接近，善變的人，要愛情不要家庭
7仔開張
19 November 2009
其實個電話未落bid架…
頭先放工終於買左個微波爐返歸，亦買左個掛牆鐘，而尋日亦無意中發現深水步好好食嗰檔魚蛋喺荃灣開左分店，尋晚打邊爐太飽冇食到，頭先食左一串
真討厭，原本我冇預星期六拍野架嘛，去camp好地地，真麻煩
淘寶
18 November 2009
就係唔鍾意聽，唔鍾意見，就聽唔到、見唔到，不會亂我心智，但就唔係個個都擔當得起，真想學做一個目中無人的人
只怪我真係唔夠細故，唔識視而不見，唔識置身事外，亦都唔識擘大眼講大話
人前人後孖公仔，而家竟然話唔係好熟，總有一面是假的，不肖同呢d人類說多一句話
今朝都真係幾凍，著單薄d重溫喺西藏的感覺，哈哈
尋日早走，可能都係心急去對號入座啦，非常極之急步碌去西鐵站，今朝返工，由鎖門一刻已經慢慢行，hea住行，唔使急，唔好快，夏天無謂行到身水身汗，冬天享受一下寒風，越近公司越行得慢
放工去睇電飯煲同微波爐，再去打左個邊爐，好飽好暖，塊面紅卜卜，再散步幫助消化
fancy電話，紅色，喺淘寶搵到
訂閱：
文章 (Atom)