07 February 2008
今日可以早左少少走，真係好似特赦咁難得，返到去上網，搞呢搞路，msn chat左幾句，電話又傾左幾句，咁就好hea地約左d朋友仔出去飲野
今年改變策略，先去飲野，跟住先行花市，避開花市最多人的時候和cafe最多人的時候
好耐冇上來呢度飲野，不過老闆娘仲認得我，梗係啦，嗰時差唔多一星期有三兩晚都上來吹水
其實幾個朋友仔，唔一定要uno同大富翁，一人一杯花茶和凍飲，已經可以消磨半晚，都唔一定係骰盅同chivas
他非常極之大方地分享第一次叫雞，即係召妓的經歷，但講左三個字先入到戲肉，二十級爆笑﹗
其中一個笑位，係一個bite featuring by的士司機回應他：叫雞嗰條街咪謝斐道
另一個笑位，係關於dine in 同take away
不過，嚴格來講，這件事應該叫「協助他人召妓的經歷」好似比較恰當d
之後去左花墟行，落雨，凍，但為左她的幸福，就在路邊採桃花
其實以凍攻凍都係一個好策略，所以頭先又被雪糕車召喚，食左一杯軟雪糕，但當大家發現佢無啦啦由6蚊加到7蚊，都大聲叫貴
之後又去左食宵夜+早餐，地點係花園街嗰檔生菜魚肉，門口張枱，7個人一字排開排排坐，都幾搞笑
朋友甲取笑我寫blog會quote人的說話，朋友甲話：你返去又寫「朋友甲：.....」
我：無聊
朋友甲：今次我authorize你寫
真係好無聊﹗
我和你的關係，明朗化又點丫…
事情，總是峰迴路轉
晨早流流，入左元朗摘有機菜，又去左香港仔買海鮮，仲突登去上水屠房買即劏豬腩肉，返屋企又切又洗搞一大輪，諗埋煮邊三餸一湯，只係差去煮，煮完咪食得囉，好好招呼客人
但而家係有人搶晒我d餸，話佢會有第二d野做，佢煮嗰三餸一湯會好d，叫我自己再買過餸煮第二樣野煮來serve客
總之就好狠憤怒啦，用文字並唔足以形容我的心情，你明唔明呀？
總之都係嗰句：知之為知之
尋晚先同你講27號向台灣出發，今日事情又有變了，出發日期係22號，2號返
謝長廷的故仔=謝拉特=我個仔
不過謝拉特胎死腹中了，噢…