21 February 2008
今日有好唔開心的感覺，心情指數大冧市，不自覺地突然會大叫好煩呀，又會忽然抱著頭嚷著大鑊，返到去恰一恰，乍醒即時高呼賴野…
為了紓憂解困，不斷轟炸msn名單上顯示為online的一干人等，不論友好指數係爆晒燈定係普通，也不管相識於微時還是識左冇耐的朋友仔，都收到我像機關槍的手指頭打出的短訊息，講左出來真係舒服d，雖然絕對冇可能解決到件事，亦唔會改變到件事出來的效果，anyway，thx﹗
不過頭先喺公司玩電話，好搞笑，我並以真身「坦妮」出現，係啟市後唯一一次發自內心的開懷大笑
既然發現左畸呢呢病毒帶菌者，真係好應該建議政府喺27號的財政預算案中撥款，成立一間「不正常人研究所」，並委任董伯伯做名譽顧問，咁搵邊個做所長同首席研究員好呢？
她：好心你唔好咁啦﹗
我：em…我有時真係咁反高潮，可能佢覺得冇癮囉…
她：好明顯就係啦﹗
哎，我知錯喇﹗
除了msn，仲有電話對談，講到台灣d女仔好溫柔、嬌聲嗲氣，嚴重濫用嗰d例如啦、唷的助語詞，電話中都玩左一輪
我：真係好煩唷
佢：有咩咁煩唷
我：你係咪撐我唷
佢：你返來同你clubbing唷
我：哎唷，你真係好唷
哈哈哈，唷
最近變左神婆唷，成日睇星座、生肖、塔羅，甚至想學睇通勝，總之咩都攞來睇，其實都幾得意，頭先玩左星座配，廣邀朋友仔一齊占一占，我的星座配如下：
人馬+白羊=100分=天生一對=人馬+獅子
人馬+天秤=90分=非常理想的一對=人馬+水瓶
人馬+人馬=80分=相當理想的一對
人馬+天蝎=70分=還蠻不錯的一對=人馬+山羊
人馬+雙子=60分=互相吸引又互相排斥的一對
人馬+處女=50分=需要努力維持的一對=人馬+雙魚
人馬+金牛=40分=前途不甚樂觀的一對=人馬+巨蟹
其實有d無稽，但竟然，竟然如此﹗
另外亦占過塔羅，最後一張牌是逆位力量(strength)
意謂：請相信自己﹗
其實所謂占卜，都係一個心理治療，搵一個唔知存唔存在的所謂「主宰」講d啱聽的野俾你聽
唔係話對號入座，但係點解會咁啱喺我對自己缺乏信心的時候，偏偏抽到一張叫我相信自己的牌呢？