18 February 2008
fri第一場活動係麻辣火鍋，但事前明明唔順路都碌左去總壇朝聖
朋友甲：唔好俾佢飲呀，打邊爐好危險
飲野活動流灘，諗住行一陣先去深宵盡訴心中情活動，就係咁喺加連威老道間分舵搵到對super star CHN，真係開心到震，仲要有8折，折左4xx
話說呢對鞋喺上個月的東京見過，定價9xxx yen，但因為冇分港版定日版，再加上我d adi鞋全部都要keep鞋盒，個喼真係冇位擺，所以冇必要特別山長水遠喺東京拎番來，但係返到來等了又等都搵唔到，一度有d後悔…
anyway而家都到手啦，仲要平咁多，真係意外收穫﹗
後來原本流灘左的飲野活動翻生，地點係上次俾人給豬印嗰間吧
朋友乙：做咩今日咁靚？
我：我預左今晚出來玩，呢壇玩唔成我晏d都有班friend喺cwb飲野
朋友甲：慳d啦你，頭先又唔肯帶我去
我：我帶你去我d friend以為你係我條仔咪大鑊﹗
她指住我和他：你兩個咁襯既？
我：唔抵得呀﹗
講到明不醉無歸，喪飲最易醉的橙汁，飲醉咪又失億囉…
我記得朋友甲早走，但之後我做過d咩呢？有冇發癲呢？有冇早走呢？點解又會識除左con先訓？
點解次次都係咁…
sat晨吉咁早，即係平時返工時間自己乍醒，明明飲醉酒應該勁好訓架…
再訓左陣跟住碌返公司亮一亮相，雖然唔趕，但個頭又暈又痛，所以都係搭的士，呢排成日都搭的士返工，好奢侈
之後去左呀邊個個私竇食飯吹水，又見到好似吳震宇的他﹗
他和她眉來眼去，古古怪怪，梗係覺得佢地有d野，後來俾我的金睛火眼發現佢兩個都戴住隻鈪，情侶鈪，仲唔係有路…
趁她行開左，我加入了眼神對話
我：係咪得米？
他擺出一款招積樣子
我：幾時既事？
他：呢度人多，遲d話你知
我：估唔到你帶埋d咁既野喎
他：仲有好多野你估唔到﹗
原來sat都仲係寒冷天氣警告，但我只著左兩件衫，一件仲係穿窿極透風，所以經過碼頭時凍到呆左
今日sun，訓醒三點，如果唔係為左去整頭髮，一定繼續冬眠
以為仲係新正頭唔會好多人剪頭髮，但間野keep住都有人來，個個師傅都冇停手
color+焗油+剪=坐到條腰都直埋
之後去左佢屋企煮飯仔，講核突野
我：巴士或者地鐵d玻璃，有一行彎彎地，由上而下的面油
佢展示佢咬柴敷過山草藥後敏感起左一dat超巨型水泡的腳眼，我見到即刻打冷震起雞皮，再望多眼實發惡夢
我：個水泡爆左會爆埋隻異形出來…
佢郁郁隻腳，個水泡的形狀隨住郁動而變化，非常極之超級好狠勁喪激怒爆噁心…
我：咦，裡面有d蟲蟲喺度游緊水…
總之就核突到爆﹗
返歸前去左紅色間超級市場買野飲，我個雪櫃又變番7仔，有可樂、利賓納兩大至愛，另外仲有鮮綠茶、檸檬茶、菊花茶、蔘蜜、玫瑰紅棗茶、山渣蘋果茶、啤酒、蘋果味果醋、提子味果醋、竹庶茅根，另外上述飲品仲有大量唔凍的存貨，唯一冇的係益力多，因為fri出發，買左飲唔晒盞哂野
唔好意思，欠落你的手信，下次一定一定記得帶出來，或者連埋d鳳梨酥一次過啦﹗
仲有她動議三月中我返左來之後去揼骨，我和議
我動議我返來之後去bbq或者摘士多卑鄙，佢話無任歡迎，隨時奉倍
頭先睇到一篇文章，講到感情經歷如果像黃頁一樣厚，是一件美滿的事，但黃頁有一本就夠了，如果唔係，揭都揭死你
哈哈，十分有趣，我都為我本黃頁努力緊
fri第一場活動係麻辣火鍋，但事前明明唔順路都碌左去總壇朝聖
朋友甲：唔好俾佢飲呀，打邊爐好危險
飲野活動流灘，諗住行一陣先去深宵盡訴心中情活動，就係咁喺加連威老道間分舵搵到對super star CHN，真係開心到震，仲要有8折，折左4xx
話說呢對鞋喺上個月的東京見過，定價9xxx yen，但因為冇分港版定日版，再加上我d adi鞋全部都要keep鞋盒，個喼真係冇位擺，所以冇必要特別山長水遠喺東京拎番來，但係返到來等了又等都搵唔到，一度有d後悔…
anyway而家都到手啦，仲要平咁多，真係意外收穫﹗
後來原本流灘左的飲野活動翻生，地點係上次俾人給豬印嗰間吧
朋友乙：做咩今日咁靚？
我：我預左今晚出來玩，呢壇玩唔成我晏d都有班friend喺cwb飲野
朋友甲：慳d啦你，頭先又唔肯帶我去
我：我帶你去我d friend以為你係我條仔咪大鑊﹗
她指住我和他：你兩個咁襯既？
我：唔抵得呀﹗
講到明不醉無歸，喪飲最易醉的橙汁，飲醉咪又失億囉…
我記得朋友甲早走，但之後我做過d咩呢？有冇發癲呢？有冇早走呢？點解又會識除左con先訓？
點解次次都係咁…
sat晨吉咁早，即係平時返工時間自己乍醒，明明飲醉酒應該勁好訓架…
再訓左陣跟住碌返公司亮一亮相，雖然唔趕，但個頭又暈又痛，所以都係搭的士，呢排成日都搭的士返工，好奢侈
之後去左呀邊個個私竇食飯吹水，又見到好似吳震宇的他﹗
他和她眉來眼去，古古怪怪，梗係覺得佢地有d野，後來俾我的金睛火眼發現佢兩個都戴住隻鈪，情侶鈪，仲唔係有路…
趁她行開左，我加入了眼神對話
我：係咪得米？
他擺出一款招積樣子
我：幾時既事？
他：呢度人多，遲d話你知
我：估唔到你帶埋d咁既野喎
他：仲有好多野你估唔到﹗
原來sat都仲係寒冷天氣警告，但我只著左兩件衫，一件仲係穿窿極透風，所以經過碼頭時凍到呆左
今日sun，訓醒三點，如果唔係為左去整頭髮，一定繼續冬眠
以為仲係新正頭唔會好多人剪頭髮，但間野keep住都有人來，個個師傅都冇停手
color+焗油+剪=坐到條腰都直埋
之後去左佢屋企煮飯仔，講核突野
我：巴士或者地鐵d玻璃，有一行彎彎地，由上而下的面油
佢展示佢咬柴敷過山草藥後敏感起左一dat超巨型水泡的腳眼，我見到即刻打冷震起雞皮，再望多眼實發惡夢
我：個水泡爆左會爆埋隻異形出來…
佢郁郁隻腳，個水泡的形狀隨住郁動而變化，非常極之超級好狠勁喪激怒爆噁心…
我：咦，裡面有d蟲蟲喺度游緊水…
總之就核突到爆﹗
返歸前去左紅色間超級市場買野飲，我個雪櫃又變番7仔，有可樂、利賓納兩大至愛，另外仲有鮮綠茶、檸檬茶、菊花茶、蔘蜜、玫瑰紅棗茶、山渣蘋果茶、啤酒、蘋果味果醋、提子味果醋、竹庶茅根，另外上述飲品仲有大量唔凍的存貨，唯一冇的係益力多，因為fri出發，買左飲唔晒盞哂野
唔好意思，欠落你的手信，下次一定一定記得帶出來，或者連埋d鳳梨酥一次過啦﹗
仲有她動議三月中我返左來之後去揼骨，我和議
我動議我返來之後去bbq或者摘士多卑鄙，佢話無任歡迎，隨時奉倍
頭先睇到一篇文章，講到感情經歷如果像黃頁一樣厚，是一件美滿的事，但黃頁有一本就夠了，如果唔係，揭都揭死你
哈哈，十分有趣，我都為我本黃頁努力緊