30 January 2008
平時已經有賴床的習慣，冬眠期間更甚﹗
本來諗住9點3起身，因為10點9要去到大圍，但結果，9點10先起身，都幾大鑊﹗
以極速變身，踢住對三寸高跟鞋到巴士站，等車期間化個簡妝，突然間…
我的名字在寒風中和車流中翻筋斗，三粒零落的聲頻徐徐翻進我的耳窩…
一把男聲，一把熟悉的聲音在呼喚我，我沒有明辨聲音傳來的方向，下意識向左方望過去
他較低了車窗，笑著向我揮手
好耐都冇見到他呢個笑容，係我太耐冇見他，定係他一直都沒有從情緒低潮中走出來？
不過，我卻似乎驚魂未定，又似夢遊未醒，只回投淺笑一眸
其實，他受左d咩刺激？他以前唔會咁樣響我全朵，同埋喺街度大叫咁邪惡架…
哈哈，可能見到我太開心，開心到傻左﹗
說時遲，那時快，片段只有三數秒的瞬間，如今卻要數以百計的文字，記錄這件事
有時候有d野好似整定咁，即所謂的冥冥中自有安排，如果唔係賴床，我可能早左出門口，就唔會發生呢件事
晚上約左他和她聚舊食飯，他建議食shabu shabu，我贊成呀，但她唔係好想，咪諗住就她，咪算囉
但她ot未到，天寒地凍，shabu shabu食唔成咪去打邊爐囉，一路食一路等，點知…
她結果甩底了，早知一早去食shabu shabu啦﹗
上次同他討論過的問題，而家漸漸明朗化，或者咁講啦，我開始搵到方向啦
睇下今個星期，事情會點樣發展落去囉…