11 February 2008
一連4日的假期又去到尾聲…
每年過年呢幾日，我先叫真正有得休息，因為平時放假，放大假，節目都會安排得密麻麻，食玩飲喪行喪買，反而過年，落得清靜，活動時間表留空了，有人陪就出去碌一陣，食少少野，餘下落來係簡單的家居生活，唔梳頭，衣著呢呢啡啡，踢住對超人毛毛拖鞋通屋走，一時聽下歌，一時聊下人msn，一時睇下碟，一時食下野，一時睇下電視，一時執下野，一時上下網，再過多陣走上床碌一陣，暖暖地訓著左，醒來，又重覆簡單的家居生活，唔梳頭，衣著呢呢啡啡，踢住對超人毛毛拖鞋…
尋日又訓到日上三竿，出左旺角碌左一陣，瘋狂掃街，最後以一個摩斯漢堡作結
返到樓下十一點零，忽發奇想想煲湯，就喺超市的雪櫃深處揀左盒西施骨，今次煲的湯的名堂係玉竹嚮螺煲豬骨
期間執房，因為頭先喪扭pooh仔，要好好安置新加盟的公仔
話說喺邪惡的扭蛋舖發現一部好似扭野食機的扭蛋機裡面見到一款盒裝pooh仔，一家人一套6隻，15蚊一盒，用八達通付款，將兩行共11盒的公仔都扭晒出來，得到pooh仔x3虎仔x2豬仔x2咿唷x2小豆x2，但就係得唔到一隻lumpy象仔，噢…
稍為執拾一下混亂左好一排，其實係混亂左好耐的枱面，同時將喺東京夾返來的公仔收埋，咁都搞左幾個鐘，啱啱好d湯飲得
今朝十點幾醒左，但唔想起身，但咁樣碌下訓下訓到五點幾
夢中被追捕逃亡，喪跑…
今日的節目係焗蛋糕+炒幸福公仔麵，冇咩特別
睇左套戲，特別記得旁述形容兩位主角對那一吻的回味
對她而言，是突如其來；對他而言，是心血來潮，但享受的感覺，對她和他而言，都是彌久而不散
有一點心亂如麻的感覺，接著幾天，每逢合上雙眼，那一幕又再重演一次，唇上瀰漫屬於這一吻的香氣
如果一吻破壞了一段關係，再吻一遍可以修補這段關係嗎？
頭先無意中睇到一篇5年前的秘密日記，我冇喊，只係眼淚不由自主地掉下來…
一連4日的假期又去到尾聲…
每年過年呢幾日，我先叫真正有得休息，因為平時放假，放大假，節目都會安排得密麻麻，食玩飲喪行喪買，反而過年，落得清靜，活動時間表留空了，有人陪就出去碌一陣，食少少野，餘下落來係簡單的家居生活，唔梳頭，衣著呢呢啡啡，踢住對超人毛毛拖鞋通屋走，一時聽下歌，一時聊下人msn，一時睇下碟，一時食下野，一時睇下電視，一時執下野，一時上下網，再過多陣走上床碌一陣，暖暖地訓著左，醒來，又重覆簡單的家居生活，唔梳頭，衣著呢呢啡啡，踢住對超人毛毛拖鞋…
尋日又訓到日上三竿，出左旺角碌左一陣，瘋狂掃街，最後以一個摩斯漢堡作結
返到樓下十一點零，忽發奇想想煲湯，就喺超市的雪櫃深處揀左盒西施骨，今次煲的湯的名堂係玉竹嚮螺煲豬骨
期間執房，因為頭先喪扭pooh仔，要好好安置新加盟的公仔
話說喺邪惡的扭蛋舖發現一部好似扭野食機的扭蛋機裡面見到一款盒裝pooh仔，一家人一套6隻，15蚊一盒，用八達通付款，將兩行共11盒的公仔都扭晒出來，得到pooh仔x3虎仔x2豬仔x2咿唷x2小豆x2，但就係得唔到一隻lumpy象仔，噢…
稍為執拾一下混亂左好一排，其實係混亂左好耐的枱面，同時將喺東京夾返來的公仔收埋，咁都搞左幾個鐘，啱啱好d湯飲得
今朝十點幾醒左，但唔想起身，但咁樣碌下訓下訓到五點幾
夢中被追捕逃亡，喪跑…
今日的節目係焗蛋糕+炒幸福公仔麵，冇咩特別
睇左套戲，特別記得旁述形容兩位主角對那一吻的回味
對她而言，是突如其來；對他而言，是心血來潮，但享受的感覺，對她和他而言，都是彌久而不散
有一點心亂如麻的感覺，接著幾天，每逢合上雙眼，那一幕又再重演一次，唇上瀰漫屬於這一吻的香氣
如果一吻破壞了一段關係，再吻一遍可以修補這段關係嗎？
頭先無意中睇到一篇5年前的秘密日記，我冇喊，只係眼淚不由自主地掉下來…