04 March 2008
流落台北第九天=透支，聲沙嚴重了﹗
因為之前一晚的特別約會，好晏先返歸，冇訓，六點幾碌到高鐵站，目的地係高雄
試搭高捷，做記者的特權就係可以行特別通道，行捷徑，試到見到最新鮮事物，在最近距離接觸到一般人覺得遙遠的人和事
keep住一顆好奇心，世界會美好一點
高雄激熱，勁累+呆滯，午餐食鍋物，晚餐頹食，晚上如常開厭惡和冇效率的會，結果放棄寫稿和log帶
流落台北的第十天係回歸日，但我又失控了﹗
本來朝早約左9點半訪問，唔知係受訪者的問題定係之前個記者的問題，總之我9點25分到場，crew未到，等了又等，後來crew到左，受訪者不在office，話10點9會返來，我嬲爆爆咁話返酒店，短短的車程全車肅穆，感覺怪怪…
做完訪問去返酒店搵番同事甲去食飯，原本想食鼎泰豐，但冇為意是日係星期日，勁多人，後來去左食火鍋，呢十日裡面都唔知食左幾多餐火鍋，但我鍾意呀﹗
之後去左國民黨總部買紀念品，兩點幾先返酒店寫稿，寫到五點，都話人在壓力下係可以激發小宇宙啦，尤其我呢d人馬座
往機場的車程中收到一個sms，竟然是他，我絕對絕對相信呢個trip最大得著唔係收集到幾多選舉紀念品，而係識到他，至少呢幾日我的名字，曾在他的腦海中出現，曾在他的唇上出現
機場cx check in counter論hand carry液體的漏洞，唔明點解唔可以帶腐乳，唔明點解唔可以帶味噌，亦都唔明點解唔可以帶麻油，咁係咪豉油帶得，生抽老抽都帶得，花生油粟米油同辣椒油都帶得？
同同事甲講笑道：唔通麻油加醋會爆炸？
又云：味噌加洗潔精會出煙
我：好地地做咩無端端要帶腐乳上飛機
同事甲：搽麵包
跟住上到機，飛機餐真係有麵包，我地都笑住話搵腐乳搽麵包，哈哈哈
睇雜誌，台一咁寫的：拖累進度或干擾情緒的障礙物大減
好準呀﹗
至於回歸香港的第一天，晏晝返公司，展開為期一星期的返夜剪片更，晏晝5點開剪，朝早4點先走，日食一餐，就只有晚餐一餐
想記低她覆述他的bite：惠霞一定覺得我很笨了﹗
流落台北第九天=透支，聲沙嚴重了﹗
因為之前一晚的特別約會，好晏先返歸，冇訓，六點幾碌到高鐵站，目的地係高雄
試搭高捷，做記者的特權就係可以行特別通道，行捷徑，試到見到最新鮮事物，在最近距離接觸到一般人覺得遙遠的人和事
keep住一顆好奇心，世界會美好一點
高雄激熱，勁累+呆滯，午餐食鍋物，晚餐頹食，晚上如常開厭惡和冇效率的會，結果放棄寫稿和log帶
流落台北的第十天係回歸日，但我又失控了﹗
本來朝早約左9點半訪問，唔知係受訪者的問題定係之前個記者的問題，總之我9點25分到場，crew未到，等了又等，後來crew到左，受訪者不在office，話10點9會返來，我嬲爆爆咁話返酒店，短短的車程全車肅穆，感覺怪怪…
做完訪問去返酒店搵番同事甲去食飯，原本想食鼎泰豐，但冇為意是日係星期日，勁多人，後來去左食火鍋，呢十日裡面都唔知食左幾多餐火鍋，但我鍾意呀﹗
之後去左國民黨總部買紀念品，兩點幾先返酒店寫稿，寫到五點，都話人在壓力下係可以激發小宇宙啦，尤其我呢d人馬座
往機場的車程中收到一個sms，竟然是他，我絕對絕對相信呢個trip最大得著唔係收集到幾多選舉紀念品，而係識到他，至少呢幾日我的名字，曾在他的腦海中出現，曾在他的唇上出現
機場cx check in counter論hand carry液體的漏洞，唔明點解唔可以帶腐乳，唔明點解唔可以帶味噌，亦都唔明點解唔可以帶麻油，咁係咪豉油帶得，生抽老抽都帶得，花生油粟米油同辣椒油都帶得？
同同事甲講笑道：唔通麻油加醋會爆炸？
又云：味噌加洗潔精會出煙
我：好地地做咩無端端要帶腐乳上飛機
同事甲：搽麵包
跟住上到機，飛機餐真係有麵包，我地都笑住話搵腐乳搽麵包，哈哈哈
睇雜誌，台一咁寫的：拖累進度或干擾情緒的障礙物大減
好準呀﹗
至於回歸香港的第一天，晏晝返公司，展開為期一星期的返夜剪片更，晏晝5點開剪，朝早4點先走，日食一餐，就只有晚餐一餐
想記低她覆述他的bite：惠霞一定覺得我很笨了﹗