13 May 2006
又係臨近天光的時分
呢排唔係好想訓覺，但明明係好累
好像在逃避一些東西，而這些東西，白天時會見到，深宵和清晨，才不會聽到和見到
連放五天的假期，今天，星期六，已經是第四日，訓醒可能係下晝四點，即係得番一日半
但放假都係過孤獨的生活，星期四返公司開會，見番d同事，其實都幾開心
放假就要做左獨孤精，真係辛苦，忽然間想返工，反而可以打發時間，又唔使聽xx的電話，因為有藉口話做緊野唔同佢講野
開完會即刻同佢地去食飯，咀巴終於講番野
不過食完飯行左一陣街，之後去做gym，都係一個人的活動
我係一個喜歡熱鬧的人，放假得自己一個人真係好慘，好想有人陪
哎，都慣的啦，鬼叫我命苦咩…
打下打下，窗外已見到日光…
頭先又周圍睇人d bloc
初初睇newsgroup，跟住搵d行家的bloc睇，睇睇下無聊，search自己個名
如果你有追看我個部落，我都講過會在網上d search engine搵自己或搵friend的野
無意中俾我發現一個我識得的人的bloc
其中一篇文章，提到我
哼，我都唔知講咩好
上一次講到，我search一個人的名，竟然發現該名字在我個od上出現
不過，我甚麼都沒有做
但不久之後，我發現有一個我識的人，係friend來的，佢竟然在我個od上留言﹗
結果…
我在icq info發出以下聲明：
我諗要成立一個獨立專責小組，調查今次事件，但我相信呢個係個別事件，所以對於資料的洩漏，同自己講句深表遺憾，但有幾多有關呢個網站的資料經己外洩和有幾多人曾接觸呢個網站，相信難以作出估計和點算，現在唯一可以做的，係將網站刪除，其實我真係唔想行呢一步，但唔行又真係唔得
我個od其實唔打算俾人睇，因為開晒名講人鬧人，俾d識得的人睇到，或者被鬧者睇到就唔好啦，另外更重要的是，有一d唔俾得人知架…
我唔知上次個friend睇左我個od幾耐，睇左幾多啦
但我相信，如果佢真係認真睇過一次，佢會係呢個世上，最了解我的人，幾乎是另一個我
當我知道這件事，感覺就好像在銅鑼灣街頭裸跑
這個od，將我的生活點滴，幾乎有如放左部cctv入我腦袋，記錄了我的一切切，你說，這od怎可以公諸於世呢？
其實殺死這個od，亦好似殺了另一個我
我冇同朋友講心事的習慣，一切切都是自己一個人拱，廿多年來，也沒有問題
要發泄，以前會鬧阿媽鬧細佬，後來寫日記，開心唔開心都同日記講，討厭的事討厭的人，在日記裡將他批鬥，鬧個體無完膚
又話自己係鐘意熱鬧的人，所作所為其實都幾乖僻…
不過，呢個部落所講的，都係真說話