28 April 2006
頭先有舊同事打俾我，同佢傾左幾句啦，原來，傾開先知，以前有個同事，一直都唔鐘意我，得罪左人都唔知
電話的另一面話：你做唔做到野，份人係點，個個都知，佢做得嗰個位，佢可能覺得你威脅到佢，咪唔鐘意你囉
你冇講過任何人一句壞話，平日也頗有禮貌，又帶點友善的笑容
只是可能能力稍為出眾，做事略為盡善盡美
滿以為對方都是一個可以傾談的人，對他無所不談
原來對方一直都咁討厭你，對著你笑，背後數你不是
正是俗語所謂笑騎騎，放毒蛇
很不幸，成為中傷的目標
可能我在社會的日子尚短，不知世故
但是，這樣的情況，在校園的日子也出現過…
我也可說是校裡的風頭躉，不論動靜的課外活動，盡量也參與，心態是好讓課餘時間充實一點，多識一點校內外的朋友
原來，這也是「生霸死霸」、討老師歡心、扮受歡迎的話柄
託賴，我一直成績都很好，名列前茅
然而這又是另一個被攻擊的指控
可能呢d經歷多，雖然無奈，但仍可以豁達地一笑置之
一個人如何自處，如何在社會立足，總有自己的方法
我是在指點、中傷中成長，可能因為這樣，性格較決絕、堅毅、忍耐和有點莫不關心
尋晚又發生了一個反底的故事
米堡在歐洲足協盃在第一回合作客落後1-0，尋晚第二回合，開波冇耐又落後兩球，夾埋落後3-0
跟住又連追三球，又係在比賽的最後一分鐘，在出局絕望之際，咬緊牙關，又係由馬卡朗尼射入致勝入球，晉級決賽
回想起，同上次晉級四強，又係同一情況
真係好一支反底球隊﹗
然而他的精神，永不放棄的堅持，是令人敬佩的﹗