13 June 2006
可能真係罪左人，今日俾人玩
其實正確d來講，係呢幾個星期都俾人老點
詳情都係唔講喇，知道事情的來龍去脈，自然聽過我呻，冇聽過的，我點解釋，都唔會有共鳴，所以唔再講
好想放假去旅行，最好放一個悠長假期
未能去走一趟，回味一下也不錯
對上一次去日本，真係好開心，買野狂買野，食野狂食野
好掛住d神戶牛柳，日本食嗰d，好食過香港好多
壽司、刺身當然不在話下，貴有貴食，勁有格調，平有平食，款多魚類多，勁有風味，而且好多香港都唔會食到
而佢由自助販賣機買飛仔的快餐店，豕肉飯、咖喱飯、鳥冬、喬麥麵都好好味，亦冇得頂呀﹗
我個人唔會因為咩歷史因素而唔like日本，亦從來唔睇日劇唔聽日文歌，唔係特別like日本，但去到日本，的確帶俾人好多開心的回憶，佢d野好精緻好靚，野又好食，能夠令你好自願地好甘心地俾錢買野食野
但事後發覺買左好多無聊野，返來身形暴漲，荷包縮水，但仍然好開心
希望生日可以去日本旅行啦﹗
去到言語不通的境地，總有冒險的感覺，好刺激﹗
去過離東京市中心一個鐘頭車程的千葉縣，又去過市郊的平房區，連自己去左邊都唔知，拖住行李周圍問人點樣去搭火車出返市中心，結果去左幕張，要轉幾輪車先出到去，原本約左個friend在池袋的酒店會合，但沿途太多好得意的屋，好似卡通片多啦A夢裡面嗰d，忍唔住影相同周圍八，結果比原訂時間遲左幾個鐘先join番個friend，又冇j-phone，又唔識去佢間酒店，拎住本書仔周圍搵，最終都搵到間酒店，但就唔見個friend，結果透過酒店reception留言，先同佢在異地相遇，真係好搞笑
佢仲驚過我，驚我蕩失路……